part3
طارق طاح دخانه من يده عفس عليه وضحك:بالله
سيلين ابتسمت:اكيد وبدون اي شك
طارق:انتي من كل عقلك جايتني تقولي نحبك ونبي نرتبط بيك
سيلين:ايه
طارق:وعلى اي اساس حطيتي الجمله في وجهي
سيلين كتفت يديها بثقه:بناءا على نظرتي العميقه للناس وثقتي انك انسان كويس والشخص اللي نقدر نكمل معاه حياتي
طارق ضحك:من وين جايبتها الثقه هدي
سيلين هزت كتفها بحركة عشوائيه: مولودة بيها وعالاكيد وارثتها من بابي
طارق هز راسه وحاول يرجع لوعيه: عموما انا رح نعتبر نفسي ما سمعت شي وانتي يابنت الناس ابعدي على طريقي وربي يبعتلك نصيب كويس
سيلين بنفس الثقه:وانا مش مستعدة نتخلى على اي حاجه ولا شخص خش لهنا"واشرت على قلبها" واقتنع بيه هدا "واشرت على عقلها"
طارق:المعنى
سيلين:انت ليا.
طارق:ربي يهديك نستاذنك
سيلين:اذنك معاك
طارق مشي خطوات بعدين رجعلها:بس نصيحه
سيلين:اها
طارق:لمي شعرك وحاولي تبدي تتعودي عالحجاب
سيلين لبست نظاراتها الشمسيه:لين نقدر نقتنع بيه لهاداكا الوقت نوعدك نلم شعري
طارق:ربي يحفظك ركب سيارته ومشي
بعد مسافه اذكر كلامها ضحك بنات اخر زمن اووف ناقص غير تجي تخطبني مختله
سيلين وصلت للحوش تسمع في دوشه
سهير:الحمد لله عالسلامه يابنتي
سيلين:يسلمك يادادا هوا مين عندنا
سهير:دي عمتك الست امنه وبناتها وابنها
سيلين:اووف
سهير:عيب يلا ادخلي
سيلين:السلام عليكم
امنه:يامرحب ببنت خوي السمحه حضنتها وتبوس فيها
"نحكيلكم على عيلة فوزي
أمه وبوه متوفيين
عنده زوز خوت
مراد متزوج ومهاجر لبريطانيا
خيري متزوج وعنده بنت وولد يسكن في مدينه ثانيه نادرا مايجي
واخت وحدا امنه متزوجه مصري اللي هوا خال سيلين اسمه عادل
عندها زوز بنات
مريم عمرها 19
منار عمرها26
وولد محسن عمره28وهدفه في الحياة يتزوج سيلين باش تكون كل الفلوس والورث ليه طبعا مع تخطيط من امه وبوه 👎
سيلين:عن اذنكم انا هاغير وانزل على طول
امنه:خودي راحتك حبيبتي
سيلين:فاده منهم ماعنديش خلوق
ميار عالهاتف:ماتعدليش عليهم وولد عمتك مايتجرأش يدير شي لانه يخاف من عمو فوزي
سيلين:ان شالله خير خيرك انتي
ميار:بعدين نحكيلك توا انزلي لضيوفك
سيلين قامت شعرها كعكه ونزلت
فوزي:هي تعالي تغدي
مريم: اي سنه
سيلين:الاخيره
مريم:حلو استعجلي نبي نخدم تقويم عندك
سيلين ابتسمت:ان شالله
امنه:ماشالله عليك كبرتي ورحتي عروسه
فوزي:ربي يبعتلها نصيب كويس
امنه:يارب يسلم عليك خالك. مشي للعيله الفتره اللي فاتت و
سيلين قصت عليها:لو سمحتي عمتي انتي عارفه اني مابحبش احكي في الموضوع دا وبيزعجني جدا
امنه:بس ياحبيبتي هدا واقع وهيا
فوزي:سكريه الموضوع وخلينا نتغدو
هاتفه يرن وهوا راقد في نوم عميق
عصماء خشت للدار:حبي تي نوض هاتفك يرن
طارق:اووف
عصماء:هيا رد ونبيك
طارق خدي هاتفه:نعم
شادي:لولا اني نحترم في عمي شعبان رهو درتلك العار قدام الحوش تي نوض يا كلب
طارق:عليك ازعاج اسبقني تو نجي
شادي:تم يا معلم
طارق حدف الهاتف ووقف عالشباك يدخن:ها شن تبي
عصماء:عيد ميلاد صاحبتي بعد يومين وماما قالتلي مافيش مشي
طارق:ليش
عصماء:عاخاطر عيلتها حالتهم متوسطه تعرف امك وحركاتها
طارق خدي منشف ومتجه للدوش:جهزي هديتها صاحبتك باش نرفعك
عصماء نقزت:احلا خو والله 😍
اما عند بطلتنا
سيلين:اووه واخيرا راحو دماغي وجعتني
سهير تضحك: اطلعي على قوضتك وارتاحي
سيلين:ممكن اشرب كوبايه شوكلت من ايديك ياست ياحلوة انتي
سهير:حاضر هاعملها وابعتهالك
سيلين باستها:انا بحبك اوي ياسوسو وركبت تجري
فتحت الفيس ودور عاحساب طارق لين لقاته قعدت تتفرج على صوره وسرحانه تتخيل في حياتها معاه 😍
ثاني يوم
سيلين بدرس لقت مكانها فيه سيارة تعصبت نزلت:دا بجد 😧 انت ياعم
جاها الغفير يجري:صباح الخير يا اميرة 🤤
سيلين:من اللي راكن في مكاني هوا مابيعرفش ان هنا مخصوص ليا
الغفير:الجامعه كلها تعرف مكانك
سيلين:عربيه مين دي
الغفير:هدي تقريبا لشادي
سيلين:روح اندهلو يجي يشيلها يلا
غفير:انتي تأمري وخش يجري
طارق:تعبانين انتم
ايمن:فوت علينا ام المبارة ويقول تعبانين منور ياصاحبي
غفير:ياشادي الحق
طارق:هدا خيره
شادي:زابط انا بتصير مشكله غير انت ربي يهديك
غفير:العسله متعصبه وقالتلك تعالا حول سيارتك
طارق:ملكها بوها مالا قلها دوري وين تلعبي
غفير:غير حولها ماديرلناش مشكله عاد
شادي:هات المفتاح
طارق:خلي انا طالعلها
سيلين واقفه عاسيارتها وتلعب بهاتفها
طارق:شن يا بنت الوزير بديتي تملكي حتا في ابطريق
نزلت نظارتها وضحكت:وعليكم السلام 🙂
طارق:المكان هدا عجبني واللي يوصل الاول ياخده
سيلين:المكان دا بتاعي والكل عارف حتا اللي وراك.
طارق:وانا عاجبني
سيلين:انا لاخر مره بتكلم بطريقه شيك وبقولك تشيل سيارتك عشان انا هاتأخر على محاضرتي
طارق ركز لشعرها انها قايماته ضحك:لا
سيلين:طيب
سكرت سيارتها وفاتت سيبتهم واقفين
شادي يتبع فيها:بتعلقني معاها
طارق:شن خايف انت
شادي:عندك حق انتم مريشين في بعضكم لاكن انا ياعيني عليا ماوراي حد
طارق:بلا تخريف
سيلين دارت مكالمه:صباح الفل
جاها صوت رجولي ويخوف
مسعود:صباح الورد على ست الكل
سيلين:انا محتجاك
مسعود:عيوني ليك امري
سيلين:........ هاتقدر
مسعود:عيب عاد ساعه وحدا واللي تبيه يكون صار
سيلين ابتسمت وخشت لمحاضرتها
"مسعود يكون الايد اليمين لفوزي وفي نفس الوقت مسؤول عالامن يحب سيلين هلبا زي بنته وديما مهتم بيها برا الحوش لانها رافضه الحراسه"
نهاية الدوام
ميار:ماعنديش نيه في الحوش
سيلين:يلا معايا عالبيت
ميار:وانتي قلتيها ياحبي
سيلين:وانتي رودي
رودينه:لالا انا مروحه
سيلين:مالك ياحبيبتي هيا الحربايه عملتلك حاجه
رودينه دمعو عيونها:امس ضربت حمودي لين ايده قعدت توجع فيه
سيلين حضنتها:ربنا على المفتري دي عايزة علقه مووت
رودينه ابتسمت:حسبي الله فيها
سيلين مسحتلها دموعها:ماتزعليش عشان خاطري وانا هابقى اجي اخد حمودي عالمستشفى ماشي
رودينه:ماتعبيش روحك
سيلين:ياسلام امال اسمي صاحبتك ليه يعني جهزي نفسك عالساعه 6 وسيبي الباقي عليا
رودينه:شكرا حبيبتي
سيلين باستها:يلا زمانو الباص جي ماتتأخريش
رودينه:باي
ميار:باي حب
سيلين:بتصعب عليا اوي
ميار:ربي ياخد الحق فيها مرت بوها الكلبه
"نحكيلكم على رودينه كانت عايشه حياتها مرتاحه لين امها مرضت وتوفت من 3سنين
بوها مصباح يخدم في الصحراء
مرت بوها سليمه مرا ماتخافش ربي وتستغل في فتره غياب راجلها باش تعذب رودينه وخوها الصغير
حموده عمره 5سنين
حالتهم الماديه مرتاحه بس بوها واكله عقله مرته خلاته هامل صغاره بس سيلين وميار مش مخليينهم يحتاجو وفوزي ديما معاهم ويساعد فيهم "
ميار:هيا نروحو
سيلين:هي
شادي جاي لسيارته لقا مكانها سيارة سيلين وهيا مش موجوده:شوف هي
طارق:وين سيارتك
شادي:شن عرفني
على وصلت سيلين:يااهلا
شادي:مالا سيارتي وين يا عسله
سيلين:امممم خليني افتكر انا رميتها فين اهي هناك
تلفتو لقوها عالحديد والمرش كله مكسر وحاطينها جنب القمامه حشاكم
طارق تعصب:تي خيرك انتي من حاسبه روحك
سيلين:انا سيلين فوزي للي مايعرفنيش
طارق شدها من يدها بقوة:السيارة تتصلح وترجع زي ماكانت
سيلين:حاسب احسن ماتقعد جنبها
طارق:يافرخه النم
شادي:هييي انت شن قاعد دير وربي بوها ينسفنا مع الهوا
طارق:تي تخبط راسها في اول حيط ولا تهمني وتبيها بالبلطجه انا معاك.
سيلين ابتسمت ركبت سيارتها ومشت
وزادت استفزاته اكثر
شادي:هدا اخرت اللي يمشي ورا كلامك
طارق:اووف بنت الكلب هدي
شادي:هيا يامعلم شوفلنا ايمن خلي نمشي نجيب رافعه تقيمها
طارق:انا نوريك
ميار تضحك:حي عليك علاش. درتيله هكا
سيلين:بكل ثقه راكن عربيته في مكاني لا وبيقولي الاول ياخد المكان
ميار:بس طارق شكله عصبي
سيلين ابتسمت:.....
ميار 😨😨😨يتبع
