part16 الاخيرة
مجتمعين في مربوعه السيد
عمر:نتشرفو بنسبتكم
نعمان:بارك الله فيكم
وسام:رد بالك منها اختي الاول حلفولي عليه بس انت لو تزعلها نشرب من دمك
ايمن ضحك:ولا يهمك في عيوني
تمت الفضانيه عاخير وخش ايمن باش يلبسها
ميار متوتره وماقالتش حرف
ايمن قاملها راسها:خيرك فيه شي
ميار:اني امم خايفه
ايمن:ليش
ميار:محمود بعتلي رساله قال رح يقتلك لو لبست الخاتم
ايمن:والنبي فوتينا من سيرته مش خاطري نخرب الليله الحلوة
ميار:بس انا مانبيش يصيرلك شي
ايمن:اللي كاتبه ربي بيصير وتوا تبي نلبسك ولا شنو
ميار:نبي
ايمن لبسها الخاتم وباس يدها:الف مبروك ياغزالتي
ميار:الله يبارك فيك ولبستله خاتمه
ايمن قعمز:اها توا بديتي ليا وحاتمشي باوامري في حياتي قوانين بتمشي عليهم واي غلط حاتتعاقبي فاهمة 😡
ميار انخلعت وخرت:شنو
ايمن ضحك بصوت عالي:والله نبصر حبيبي خيرك هههه تعالي
ميار قعمزت جنبه:خزي بارد والله خوفتني نحسابك بديرلي زي الصعايده
ايمن حضنها:صعايدة مره وحده مأثرين عليك المسلسلات نقصي منهم
ميار:اممم وشن تبيني نحضر
ايمن:كورة
ميار:تحلم
ايمن:تو نشوفو
خشت اختها:قالك وسام ياسرك خير مانجيك
ميار وقفت:حي عليا
ايمن:ماشي نشوفك غدوة
ميار:اوك
باسها عاخدها وطلع
كريم:خيرك اميرتي شن يوجع فيك
رودينه:مغص عادي
كريم:بهي هيا نرفعك لدكتورتك
رودينه:نلا
كريم:تقعدي تتوجعي
رودينه:نقعد 😭
كريم:علاش تبكي ياعمري
رودينه:ني خايفه
كريم:من شنو
رودينه:انك تتزوج وتحبها وتخليني
كريم:انا نحب غيرك ياروحي مستحيل عارفتيني قداش نكرها
رودينه:بهي سيبها
كريم سكت
رودينه قربت منه:كان تحبني سيبها يهون عليك نقعد هكا تعبانه ومضايقه انا والبيبي نبيش حد يشاركني فيك انت راجلي انا بروحي
كريم:حاضر
رودينه:نحبك
كريم:نعشقك ياروحي
رودينه:خاطري في مانجا
كريم:ادللي دقايق وتكون عندك
رودينه باساته:مش رح تكذب عليا ولا
كريم:ابدا مستحيل نكذب عليك
رودينه 🙂
علا:حبيبي
معتز يدخن ومركز في اللابتوب:عيونه
علا:عادي نقعد عند ماما لما بتسافر
معتز:غريبه مادرتيش نقه بنمشي معاك
علا:عارفاتك بديرلي قصه ماشي خدمة فاجبتها من قاصرها وبنقعد عند اهلي
معتز:بهي بري ومانبيش مشاكل مع خوك فاهمة
علا:حاضر بيبي وانت ماطولش علينا
معتز:انا زابط انه دماغك فيه شي بس اهو نبهتك لو نروح ونلقا صايره مشكله وليك ايد فيها ياويلك
علا خشت حضنه:حبيبي قتلك مش حاندير شي بس بنستاحشك
معتز حضنها:حتا اني بعد نروح بنسافرو لبريطانيا نقعدو شهر
علا:حاق
معتز:ايه
علا:نحبك موووت
معتز:به نوضي وريني حبك وديريلي ماناكل
علا:تو نكلم الشغاله
معتز:نبي ناكل منك انا نعرف نكلمهم الشغالات نوضي وديري انتي
علا:حاضر 🙄
سيلين:حبيبي شوف محلاها
طارق:ايه انا ولا مره شفتك تسوقي
سيلين:بابا مش بيسمحلي اسوق لوحدي واوقات بيحطلي حراسه كمان
طارق:مهو خايف عليك اميرتي وحتا هنا لو تبي سيارة رح تكون بسواق رهو
سيلين:يوووه
طارق:مافيش نقاش فيه الموضوع هدا
سيلين:طب مش عايزة
طارق:تمام
سيلين:قول مين خطب ميار
طارق:منو
سيلين:ايمن
طارق:اياااه ليا فتره معاش شفته انا
سيلين:وهايتجوزو قريب عشان جدها تعبان
كارق:كويس ربي يهنيهم
سيلين:انا عايزة اجيب بيبي
طارق تغيرو ملامحه:شن خطرلك
سيلين:رودي كمان حامل وانا بحب العيال اوي
طارق:بس حسب مانعرف انه حايكون خطر عليك
سيلين:مش خطر اوي يعني
طارق:لا خطير وفوتيه موضوع الصغار هالفتره لين نمشو للدكتور ونسألوه
سيلين:حتا لو رحنا عالدكتور انا عايزه عيال
طارق:وانا قلت لا مش مضطر نعيشك في خطر عاخاطر عيل
سيلين:قصدك ايه
طارق:قصدي فوتيه الموال نهائي حتا لو نقعدو عمرنا كله من غير صغار راضي المهم انتي معاي وصحتك كويسه
سيلين بدت تبكي
طارق طلع وقربع الباب بقوة
حنان:وين ماشي في هالليل
طارق:فوتيني امي
حنان:مطيراتك ياكبدي بنت امها
طارق ولع سيارته وطلع مش عارف وين لو قعد معاها رح تكبر بينهم لانه مجرد فكرة انها ممكن تتعب وتبعد عليه خانقاته
شادي طلع:هيا انزل
طارق:جيه بايخه في الليل بس مالقيتش وين نمشي
شادي:خرف تي انزل بلا جو زايد
خشو للمربوعه
طارق طاح عالصالون:اوووف
شادي:خيرك
طارق:صار كل اللي كنت خايف منه وصار بعد حبيتها وتعلقت بيها
شادي:شن فيه
طارق:حكتلي على مرضها
شادي:بهي
طارق:وقتلي نبي نحمل
شادي:وشن صار
طارق:مستحيل نسمحلها لو يصيرلها شي نموت انا نحبها
شادي:بجديات
طارق:وربي بدت عندي زي الهوا اللي نتنفس فيه
شادي:مش مفكر تحكيلها على قصه زواجكم
طارق:لا مش قادر
شادي:لو تعرف من حد ثاني تنتهي
طارق:مانبيش تبعد افهمني نحبها نحبها
شادي:تحبها لازم تحتويها مش تخبي عليها موضوع زي هدا لو تعرفه ينهي زواجكم
طارق اذكر انه خلاها بروحها وتبكي:انا بنروح
شادي:تي خيرك مقعمزين
طارق:مخليها تبكي وطلع بسرعه
شادي ضحك:الله يعينك ياصاحبي
وصل ركب يجري لقاها راقده عالصالون دموعها عاخدها
قعمز قدامها:اسف ياعمري انا حمار كيف نزعلك ونخليك تبكي
سيلين فاقت واول ماشافاته رجعت تبكي
طارق حضنها:اسف مش قصدي والله
سيلين:ماتسبنيش وحدي ثاني ارجوك انا مابطيقش فكره انك تبعد عني
طارق:ولا انا ياقلبي نموت ومانخليك
سيلين:بعيد الشر نحبك اسفه 🥺
طارق قامها بين يديه:لا انا مزعلك ولازم نراضيك
سيلين ضحكت:بس انا رضيت
طارق:لا انا عندي طريقه نرضيك بيها بعدها مستحيل يقعد بينا زعل 😍🤤
معتز راقد
علا تلعب بشعره:حبيبي
معتز:نعم اميرتي
علا:انا نحبك هلبا اكثر من اي شخص في حياتي وصلت معاك لمرحله الهوس لو تبعد عليا نموت
معتز ناض قعمز:شن خطرلك توا
علا:حبيت نقولك بس
معتز باسها:وانتي تعرفي شن تكوني في قلبي انتي بنتي انا مربيك على ايدي نعشقك
علا:هي نرقدو وراك سفر
معتز:بنرقد في حضنك خليني نشبع من ريحتك بنقعد اسبوع بدونها
علا حضناته:ترجعلي بالسلامه ياعمري 😘😘
صباح يوم جديد جايب معاه هلبا مفاجئات
ميار فتحت الباب:معقولة راقد لتوا مش عوايدك ولا تعودت عالدلع والراحه
فتحت الشباك وقربت منه
جدو هيا فيق باش تفطر
قعدت تحرك فيه وبعدها فاقت انه جسمه بارد ومافيش نبض بكل
ميار عيطت:جدوووو 💔
"الفراق. كلمه من 4حروف وااااخ قداش فيها وجع
في اللحظه اللي تسمع فيها انه هداكا الشخص اللي تحبه وليه مكانه في قلبك فارقك وطلع من الدنيا وقتها قلبك حايحس بأسوء احساس ممكن يمر عليه وعقلك رح يوقف استيعاب وكل جسمك يتجاوب مع الوجع تحس رجليك انشلو ايديك يرجفو دموعك ينزلو وخيالك يوهمك باشياء مش موجودة في اول ساعات قداش صعب انك تقدر تتقبل عدم وجوده وتحس بألم وكأنه سحبو قلبك من بين ضلوعك وانت تتفرج ومش قادر دير شي مش قادر ترجعه تتمنا تعيط بأعلى صوتك لين حبالك الصوتيه تتقطع تتمنا تحبسه بين ضلوعك وتقلهم خلوه معاي ماتبعدوشي خلوني نشم ريحته نحفظ تفاصيله نعيشه في قلبي بس كله بدون فايده امر مفروغ منه هوا مات وطلع من دنيتنا روحه مشت لرب احسن من الكل مع مرور الوقت رح نتعودو ونتأقلمو بس بيقعد غيابه ندبه وسط القلب مستحيل في يوم تختفي 💔
رحم الله ميتا ذكراه تبكيني "
سعاد:نوضي يابنتي شوفي جدك وبوسي راسه قداش كان يحبك
ميار طلعت ودموعها ماوقفوش
شدها وسام:شدي حيلك امر الله
دخلها للمربوعه وين ماكانو عمامها وصغارهم
قربت من جدها باست راسه وشمت ريحته لاخر مره في حياتها ودعاته ورفعوه
ميار:ربي يرحمك ياجدو ربي يرحمك يااغلى ناسي ربي يرحمك يا كل اهلي 💔
محمود:عظم الله اجرك
ميار شافتله
محمود قرب بيحضنها
ميار وقفت وفاتاته:جدو مشي وسيبني
محمود تلفت وشافها في حضن حد ثاني بين ايدين راجل ثاني فهم انها خلاص ضاعت منه ومستحيل ترجع هيا اختارت غيره وبارادتها
ايمن:ادعيله ربي يرحمه ويثبته عند السؤال الدموع مش رح تفيده
ميار:توجع والله قلبي نار انا نبي نموت معاه كيف بنعيش من غيره
ايمن:اشش وعيلتك لمن بتخليهم صاحباتك وشغلك بهي وانا
ميار زادت خشت حضنه:ماتسيبنيش ارجوك انا خسرت اكثر شخص نحبه ماتبعدش عليا حتا انت نحبك اني
ايمن سكر عيونه براحه وزاد حضنها:معاك ياروح ايمن ومستحيل نخليك
كريم طفا دخانه وتلفت بيطلع
رودينه:مش اتفقنا تبطله
كريم:نقصه حبيبتي.
رودينه:ريحتك تهبل
كريم:انتي اللي مهبلتني
رودينه:حبيبي نبي نبدا ناخد لبس بيبي
كريم:حاضر توا عندي مشوار نكمله ونجيك وناخدو لحمودي لبس المدرسه
رودينه:اوك رد بالك على روحك
كريم طلع وكان ناوي ينهي خطوبته مشي لحوشهم يبي امه تمشي معاه لقا الباب مفتوح خش يسمع في صوت هدرزة
وهيبه تضحك:حتا لو حملت اللي نبيه صار ورح يتزوج بنت اختي
سليمه:اكيد
وهيبه:الفضل يرجعلك لولاك ماكنتش قدرت نحطلها الحبوب في شنطتها
سليمه:حتا المبلغ اللي خديته مش شويه
وهيبه:تستاهلي توا يتزوج سالي وتعرف هيا كيف تكرهه فيها الكلبه هاديكا وتقعد باقي عمرها خدامه ليا وليها
سليمه:احسن
خش كريم مصدوم:قصدك انتي متفقه مع هدي باش دمري ولدك
وهيبه:امتا جيت وليدي
كريم يعيط:انتي كيف ديري فيا هكا انا صدقتك وثقت فيك حتا بعد تأكدت انه كذب ماقدرتش نكذبك نقول امي مستحيل دير فيا هكا ومع مني هدي كلبه الفلوس
وهيبه:انا مادرت شي انت فاهمني غلط
كريم:شن بنفهم ها شن بنفهم انتي ماتعرفيش انها هيا اللي قالتلي على رودينه
وهيبه:شنو
كريم:هه وهيا نفسها اللي واخده مني 30الف قبل فتره
وهيبه:شن تقول انت
طلعو خوته واخته
سعد:خيره صوتكم عالي
كريم:تعالو شوفو امكم شن دارت فيا خلتني زي الكلب نهز في راسي وهيا ضاحكه عليا
سند:تي احترم امك الزفت
كريم:احكيلهم
وهيبه:ولدي
كريم عيط:قلت احكيلهم
وهيبه قالت لصغارها هيا شن دارت وكيف اتفقت مع سليمه باش كريم يطلق مرته ويتزوج بنت اختها
سعد:لا تبصري اكيد
وئام تبكي:ماما علاش درتي هكا ماتخيلتيش اني نكون في مكانها ويصيرلي نفس الشي
وهيبه تبكي:سامحني وليدي
كريم خبط يده في المرايا كسرها:ولدك اعتبريه ميت وطلع
سند:ربي يسامحك بس
كريم رجع لحوشه قعمز عااول كرسي قابله ايده تنزف ودموعه ينزلو ماتوقعش امه دير فيه هكا
رودينه طالعه من الدار شهقت:حبيبي خيرها يدك
كريم:.......
رودينه كريم نكلم فيك خيرك حبيبي بالله ماتشغلني ليش تبكي شن صار اهلك فيهم شي
كريم طاح في حضنها ويبكي:علاش دارت فيا هكا مش انا ولدها طول عمري تحت امرها اللي تبيه نديره استكثرت عليا نعيش سعيد مع اللي نحبها ليش ياامي
رودينه عرفت انه كشفها حضناته وقعدت تهدي فيه
سيلين فاقت من النوم لقت الدار معبيه باقات ورد
طارق:صباح الورد والفل والياسمين يانور عيوني
سيلين:لا انا اتعود عالدلع دا
طارق:الدلع والغرور انخلق باش تكوني انتي ملكته حقك تدلعي ولو تطلبي نجمه من السما نجيبهالك
قرب منها سيلي انا مدمنك حبيتك بطريقه مستحيل عقلك يتصورها انتي خديتيني بكل مافيا انا ليك ملكتي قلبي وعقلي #بالسيف_مش_بالكيف 💖 نحمد في ربي كل يوم على هاديكا اللحظه اللي رجعت فيها للبلاد يوم شفتك وكل ايامي اللي بعدها واعوذ بالله من يوم يمر وانتي بعيده عليا
سيلين حضناته:الحمد لله اني عشت وبعتلي ربي انسان نحبه ويحبني
طارق:هي تعالي باش نفطرو
سيلين:هاتروح الشغل
طارق:عندي عمليه وبنروح طول اليوم ليك وبس
فطرو مع بعض وطارق مدلعها ووكلها بايده ماخلهاش تبعد لحظه
بعد ساعه
طارق:نحبك
سيلين ترتبله في قميصه:ماتتأخرش عليا
طارق حضنها بقوه وخدي نفس قوي من رقبتها وكأنه يحاول يحفظ ريحتها
سيلين حست نخصه في قلبها بس مابتش تخوفه عليها
طارق نازل يغني ويضحك
علا:دومها وخي
طارق باسها:عليا وعليك حبيبتي وطلع للخدمة ومش عارف انه اللي جاي هلبا على قلبه 💔
سيلين ضم في الحوش حست بحد فتح الباب
طلعت من المطبخ شافتهم مقعمزين عالصالون
سيلين:انتو بتعملو ايه هنا
علا:حوش خوي نخش امتا مانبي
دنيا:حوشي المستقبلي بما انك بتطلقي قريبا
سيلين:نعم وجايبه الثقه دي منين
دنيا:تعرفي قداش واجعني قلبي عليك وعلى وضعك المزري انا لو مكانك مستحيل نرضاها على روحي
سيلين:قومي يلا انتي وهيا اطلعو برا
علا:كيف قادرة تعيشي هكا
سيلين:اوووه ماتوجعيليش دماغي يلا برا
علا:تعرفي يا دنو اول ماطارق قال بنتزوج قعدت نفكر غريب خوي ماكانش يحب ولا مرتبط ببنت شن صارله فجأه
دنيا:مع انه لما كلمتوني قلتولي قال فتره وبنخطبها
علا:وفجأه قال بنتزوج شي غريب صار جبره ياخد القرار هدا
سيلين:انتي تحاولي تقولي ايه
دنيا:تحاول تقول انك مسكينه وطارق تزوجك يربح فيك اجر
سيلين:اجر ايه يا بت انتي
علا قربت منها:بوك طلب من خوي يتزوجك
سيلين ضحكت:بالله
علا:زواجك كان بس اتفاق بينهم لانه بوك خايف على قلبك
دنيا:ياروحي على طارق عايش في رعب انه ممكن في يوم يفيق يلقاك ميته لا ومعيشك في سعاده وحب عنده الحق بيسعدك في اخر ايامك
سيلين:مستحيل
علا:شنو المستحيل مافكرتيش طارق كيف فجأه وافق عليك ولا بوه اللي فجأه طلع في حياتكم
دنيا:عرسكم اللي صار في اقل من شهرين
سيلين بحده:انتو بتكدبو طارق مستحيل يعمل فيا كده
دنيا:وعلاش مايعملش انا لو كنت مكانه يعرضو عليا واحد حلو وفلوس ونرقد نعاه اكيد مش رح نرفض ونكسب فيه اجر
علا:خوي مايحبكش هوا بس معيشك في سعادة عاخاطر اتفاقه مع بوك
دنيا:هه عمري ماسمعت بو يشري لبنته عريس انتي كيف راضيه لروحك تستمري معاه
سيلين حست الدنيا دور بيها والكلام يتردد في عقلها دموعها ينزلو سخان عاخدها ووجها بدي احمر نبضاتها تسمع فيهم
وقلبها يوجع
طاحت على ركابها:لااااا طارق مايعملش فيا كده هوا بيحبني اوي انا مااستهلش منه دا ماستاهلش
علا وجعها قلبها وحست قداش سيلين خاب ظنها في الحب
دنيا ضحكت:ربي يعينك مطلقه في سن صغير هه هيا علوش خدتها من ايدها ونزلو
علا:لو يصيرلها شي
دنيا:مادخلناش فيها هدا ثمن غبائها هيا نطلعو
سيلين قعدت وقت تستوعب في كلامهم عقلها كان رافض انه يتقبل الموضوع اما قلبها انهار وماتحسش منه الا الوجع
ميار:وين رافعني
ايمن:نغيرو جو شويه ونردك
ميار:اوك
ايمن:استاحشتك انا
ميار قربت منه وحضناته:حتا اني هلبا
ايمن كيف بيمشي رن هاتفها
ميار:ايوا سيلي
جاها صوت سيلين تبكي:الحقيني ارجوكي تعالي خوديني من هنا انا هاموت
ميار:غير اهدي خيرك شن فيه
سيلين:تعالي خوديني مش قادرة
ميار:وين انتي بهي
سيلين:في بيت طارق
ميار:تمام دقايق ونكون عندك
ايمن:ان شالله خير
ميار:مش عارفه تبكي وقتلي تعالي خوديني
ايمن رجع بيها:تمام امشيلها وطمنيني وسوقي بالشويه
ميار:اسفه حبيبي نعوضوها وقت ثاني
ايمن:ولا يهمك ردي بالك بس
ميار ركبت سيارتها وطلعت لحوش طارق
فتحولها الباب
ميار:وين شقه سيلين
علا:فوق ليش منو انتي
ميار:وريني من وين نركب لو سمحتي
علا خافت يكون صارلها شي
ميار ركبت تجري لقتها مقعمزة في تركينه وتبكي شعرها مغطي وجها
سيلين تشهق:خوديني من هنا
ميار:شن صاير بس احكيلي
سيلين:ادخلي جمعي كل شي بيخصني لو سمحتي بسرعه
ميار خشت معاها وخدت لبسها وكل حاجاتها
ميار:مش حانمشو الا لما تهدي
سيلين مسحت دموعها:انا وهوا انتهينا لا يمكن استمر معاه يوم ثاني
ميار:علاش شن صار
سيلين:نروح البيت وابقى احكيلك
طلعو من الشقه قابلتهم علا
سيلين:انتي مرتاحه كدا مبسوطة فاكرة نفسك عملتي انجاز ربنا يدوقك وجعة القلب دي وقتها بس حاتحسي باحساسي
ميار:هيا
اما عند طارق اللي كان يخدم في عمليته بكل سعاده ويعد في الدقايق باش يروح لحبيبته
حنان:هدي خيرها ماشيه
دنيا:اخيرا ياخالتو قدرنا نطلعوها من حياة طارق
حنان:الحمد لله غمه وانزاحت
كريم فتح عيونه قابلاته
رودينه:صحه النوم حبيبي كيف حالك توا
كريم:كويس
رودينه:انا معاك ومستحيل نخليك
كريم بضعف:اسف سامحيني
رودينه:لو كنت مكانك رح نصدق اكيد
كريم:انا بندور حوش ثاني وبننتقلو
رودينه:بجد
كريم:نبي نعيش بهدوء مرتاح انا وانتي وحموده والبيبي بس بعيد عالكل
رودينه:وخوتك
كريم:مش صغار وسعد يعرف يهتم بيهم كويس
رودينه:براحتك حبيبي
كريم:انا ماشي لحوش خالتي
رودينه:تمام
طارق طلع من العيادة فات حجز تذاكر للندن ويفكر يديرها مفاجئه
خش للحوش شافهم مقعمزين بهدوء
حنان:اهلين
طارق:خيركم صمت تام
علا متوترة:شي عادي
طارق:غريب
دنيا ضحكت بهزوة:الغريبه تصرفاتك
طارق:خير ان شالله
دنيا:قصه حبك انتهت ياسفير النوايا الحسنه 😏
طارق:ماعنديش نيه نخرب مزاجي بدوتك وركب للحوش سيلي حبيبي وينك خش للدار شاف دولاب فاضي واغلب حاجاتها مش موجودة نزل يجري
حنان:خيرك
طارق بصوت مهزوز:سيلين وين
حنان:مشت
طارق:وين كيف تمشي الصبح مخليها مافيها شي
دنيا:بالصدفه علوشه اكتشفت اتفاقك مع بوها وللأسف حبيبة قلبك سمعت مني انه زواجكم مبني عاكذبه وكلمة مني كلمه من علا جينا على كرامتها خدت لبسها ومشت لحوش بوها اكيد 🤷♀️😌
طارق طلع بسرعه ركب سيارته واتجه لحوش فوزي
سيلين:دا اللي حصل
ميار:ياعمري عندك حق اكيد بس انظري للموضوع من جيهة ثانيه انه يحبك لو كان يكدب مستحيل يتعامل معاك بالطريقه هدي شوفي تصرفاته خوفه عليك رح تعرفي انه حبك بجديات
سيلين:دا مايغفرلوش اللي عمله
خش فوزي:شن فيه
ميار:انا بنمشي بعدين نجيك وانسحبت لانه موقف اخي لو تقعد بيناتهم
سيلين تبكي:ليه عملت كدا يابابي ليه ترخصني للدرجه دي
فوزي:ماكنتش قادر نتفرج عليك وانتي مضايقه وتبكي مانقدرش نشوفك تتعبي بدون مانتصرف لما عرفت انه ولد محترم قلت ليش مانحكيلاش مش عيب ولا حرام اللي درته بنتي وحيدتي لو تصيرلك حاجه نموت وراك عودتك من صغرك اللي تبيه يكون عندك فاليش مانزوجك للراجل اللي تبيه ايه نديرها ولو يرجع بيا الوقت نعاودها بس عاخاطر نشوفك مرتاحه سعيده وانا عارف ومتأكد انه طارق رح يصونك ويحميك زيني واكتر
سيلين:بس شكلي بقا بايخ اوي قدام اهله سمعوني كلام وحش يابابي انا كنت واثقه فيه ليه خيب ثقتي دي انا انا قولتلو ماتغلطش عشان مش هاقدر انسالك يابابي انا تعبت عايزه اعيش مبسوطة مرتاحه مستكثرين عليا الفرحه 💔
فوزي حضنها ونزلو دموعه:اهدي عاخاطري يابابا صحتك اهم من الكل
سيلين:انا بحبو يابابا
وصل طارق قعد يرن في الجرس لين فتحوله خش يعيط:سيلين انزلي خلينا نحكو ارجوك اسمعي مني ماتتصرفيش طول سيلين
فوزي:اهدا
طارق:وينها ياعمي خليني نحكي معاها
فوزي:وانا حاولت نقنعها بس رفضت
طارق:سيلين وربي نحبك قتلك قبل لو تبعدي انا ميت تسمعي فيا مستحيل نعيش بعدك
فوزي:خليها ترتاح ايام ونوعدك نرجع نحاول معاها
طارق:باه وطلع للحوش
شعبان:شن صار
طارق:مابتش تطلعلي بكل
شعبان:لا حول ولا قوة الا بالله
حنان:طز فيها الف بنت تتمناك
طارق لاول مره يفقد اعصابه ويعيط على امه:انتي اسكتي كيف جاك قلب تتصرفي هكا وترضيهالي مش واجعك مش متأثره لاني مضايق تي انا ولدك ولا شنو بس نقولك شي انا غير سيلين مش رح ناخد ولو تقعد دنيا اخر بنت في الارض والله ماني واخدها تمام واطلعو منها حياتي انتي وبنتك معادش نبيكم اصلا عايش بدونكم 💔
شعبان:انتي شن دايره لولدك
حنان:شي
فاتو ايام
سيلين ماتطلعش برا الدار بوها وسهير وميار طول الوقت معاها
رودينه انتقلو لحوش ثاني واجرو حوشهم
اما طارق حتا خدمته فاتها قاعد كل يوم يمشي لسيلين ويتكلم معاها من ورا الباب متأمل انها تفتح ويشوفها
الساعه 10الصبح
بيركب السيارة سمع حد ينادي
معتز:صباح الخير
طارق:اهلين امتا روحت
معتز:هدي وصلتي بناخد اختك ونروح
طارق:مرتك في حوشها
معتز:اياه ماقالتش
طارق:شن بتقولك بعد اللي داراته
معتز:شن دارت وانت خيرك هكا وجهك اصفر وحالتك حاله
طارق حكاله كل شي وشن دارت علا
معتز ركب سيارته واتجه للحوش
اما طارق مشي لمشواره المعتاد حوش فوزي ويحاول يقنع سيلين تشوفه ويحكو
علا نزلت تجري فرحانه:حبيبي استاحشتك هلبا
معتز دفها:انا شن وصيتك قبل نسافر
علا حاولت تبان عاديه:شنو
معتز شدها من شعرها:شن خرفت مش قلت مانبيش مشاكل مع خوك
علا:انا ما
وقبل ماتكمل كلامها ضربها كف
معتز:مليون مره قتلك ابعدي انتي ماعندكش احساس ماعندكش دم كيف قدرتي توقفي في وجها وتقوليلها كل شي كان اتفاق ماخفتيش تموت قدامك وبسببك تي البنت مريضه قلب ياحيوانه
علا تبكي:اسفه والله معاد نعاودها ماتزعلش مني انت والله ندمت ومستعدة نتأسف منها
معتز:بعد شنو بعد خربتي حوش خوك تعرفي انتي شن صاير فيها توا تعرفي شن ممكن تحس وقت تعرف شي زي هدا عالانسان اللي تحبه واللي روحك معلقه فيه
علا:اسفه
معتز:ماينفعش حذرتك مرة واثنين قتلك رح يجي يوم نتخلا عليك من حياتي وحاتكوني السبب
علا:لا ارجوك
معتز:انتي طالق خودي صغارك وتوكلي لحوش بوك
علا تعيط وتشد في رجليه:لا لا بالله عليك لا معتز نحبك انا لاااا.....
طارق ركب لدارها خبط عالباب:سيلين اميرتي افتحيلي
سمع صوت القفل انفتح قام راسه
ميار تبكي وعيونها حمر
طارق:وينها
ميار قامت يدها وضرباته بكل قوتها:ارتحت توا كله بسببك كله من تحت راسك سيلين....... النهاية 🙂
.
.
.
.
.
.
.
.
.
.
.
نبصر عليكم 😂😂
استنوني في الحلقه الاخيرة "الجزء الثاني"
