part12
ميار قعدت واقفه لحظات تستوعب انه اللي كسرها وسيبها واقف قدامها توا
محمود قدم خطوات:حبيبي اسمعيني ارجوك
ميار قامت حاجبها:نسمعك! ليش منو انت باش نضيع دقايق من وقتي معاك
محمود:خليني نشرحلك ونحكيلك اسبابي
ميار:نصيحه ارجع من وين ماجيت لاني مانبيش خوي يوسخ ايديه بيك ويضيع حياته عاخاطر واحد زيك
ركبت سيارتها ومشت
محمود:نحبك ومش رح نتخلا عليك لين تسمعي مني
طارق:هيا فيقي يا خميرة
سيلين:اووه يابابي سيبني انام مش رايحه الجامعه
طارق ضحك وقرب منها:انتي راقده في حوش راجلك رهو
سيلين فتحت عيونها بصدمه تشوفله:دا بجد
طارق:100%
سيلين غطت وجها:ياااه انا كنت فاكرة نفسي بحلم
طارق:تبيش تنوضي
سيلين:لا قمت اهو صباح الخير ياحبيبي
طارق:صباحي انتي وجمالك وضحكتك الحلوة 😘😘
سيلين بدي وجها احمر:احم انا هاخد دوش واحضر الفطار
طارق:تعرفي!
سيلين:ايوه بعرف شويه
طارق:تمام نستنا فيك
رن الجرس فتح
عصماء:صباحو ياعريس
طارق:صباحك
عصماء:تفضل الفطور وادعيلي
كارق:ليش انتي مطيبه
عصماء:لا بس انا تاعبه 3ادوار باش يوصلك
طارق:بلا افلام زايده والاصنصير وين مشي
عصماء:حتا لو نعتبر راكبه 3ادوار
طارق:بهي هاتي ياغلبانه توكلي هي
عصماء:وين سيلي
طارق:مادخلكش سلامتك وسكر الباب
سيلين:انت بتحكي مع مين
طارق:عصماء تخفف في دمها
سيلين:اختك دي حلوة جدا بس علا ماعرفش
طارق:هما هكا من زمان انا وعصماء وعلا وامي انا مش عارف معتز كيف يتعامل معاها
سيلين:معتز مين
طارق:راجلها
سيلين:اها
طارق:هي تعالي جنبي اهو جي الفطور بروحه
سيلين:اوك
طارق:هي كولي نحبش بنت ضعيفه انا
سيلين:يعني ايه ماتقولش عايزني اتخن
طارق:مش هلبا
سيلين:لالا انا بحب جسمي كدا
طارق:بعدين نتفاهمو
علا:حبيبي
معتز شاد الهاتف:ها
علا:مع منو لاهي
معتز شافلها:بتقعدي ديما موسوسه اني نشوف لغيرك ثقه شي شي
علا:مش هكا ياقلبي بس
معتز:مابسش انا لو نبي نخونك رهو درتها من زمان ولو نبي غيرك اوثقي اني رح نتزوجها بس خليها في دماغك انه هدا واشر على قلبه يموت في التراب اللي تمشي عليه
علا:حليلي 😍😍
معتز قرب منها:وتأكدي انه لكل شي حد ونهاية وانا ياعلوشتي صبري بدي في اخره لو في يوم وصلنا لنهايتنا فاانتي السبب وطلع
علا قعدت تشوفله ومصدومة اول مره يحكي معاها بالطريقه هدي
خشو للصاله وين مالقوهم مقعمزين يشربو في قهوتهم
طارق:صباح الخير
شعبان:يامرحب بكنتي بنت الغالي
سيلين:صباح الخير ازيك ياعمو
شعبان:في نعمة
سيلين:كيف حالك يا عمتي
حنان من راس خشمها:بخير
شعبان نخصها وفنص فيها
حنان:مبروك ربي يهنيكم
سيلين:تسلمي
شعبان:جيبي قهوة يا ضاوية
طارق:تعالي نوريك الحوش
قعدو يدورو ويهدرزو
سيلين:بيتكو جميل جدا
طارق:انتي احلا ياعسل
انفتح الباب وخشت علا:صباح يافتاح
طارق:خيرك
علا:لا شي غير حسيت روحي انخنقت فجأه
طارق:ربي يشفيك
مر الوقت الساعه 1
حنان:نوضي اركبي لشقتك بتجيك المزينه تمكيجي وتلبسي للمحضر
سيلين:طيب
حنان:وتكلمي زينا مافيش داعي ضحكي عليا الناس ويقولو حنان مالقت لولدها الا المصريات
سيلين حست قلبها وجعها طلعت بسرعه وركبت
طارق كان يحكي عالهاتف برا خش:وين سيلي
علا:ركبت بتمكيج عاخاطر الوقت معاش يسد
طارق:اها
عند ميار كانت تحاول قدر الامكان ماتفكرش فيه وتشغل روحها بالحالات
طق الباب
ميار:نفظل
سكرتيرة:دكتورة فيه واحد يبي يشوفك
ميار:مريض!
سكرتيرة:لا
ميار قربت من الشباك وشافت لقاته واقف يستنا:مادخليش حد واصرفيه
سكرتيرة:حاضر
بعد دقايق تسمع في دوشه وصوته يعارك
محمود فتح الباب:مش رح نفوتك لين تسمعي مني
ميار:قعمز
محمود تفاجئ بردها
ميار:احكي اللي عندك
محمود:لما سافرت تعرفت على واحد من شله فاسده وقعدت نطلع معاه عرفني على جماعه مش تمام وبعدها لما بوي صارتله مشاكل في الخدمة ومعاش بعتلي فلوس صاحبي نصحني نتسلف منهم عادي اي مبلغ ونرد عاراحتي بديت ناخد منهم كل مره مبلغ ومانعرفش انهم مافيا وصلو ديوني 500الف دولار بدو يتبعو فيا ويديرولي في مشاكل كلمت بوي وقتله يبعتلي فلوس قلي ماعنديش اضطريت اني نهرب ونروح اول ماتخرجت فاتوني فتره طويله لين نسيتهم بكل نتفاجئ قبل اسبوع العرس يبعتلي الفاسد اللي دايره صاحبي قالي ترجع وتخلص يا يقتلوك انت وعيلتك ومرتك ياعريس خفت هلبا عليكم وعليك انتي لو يصيرلكم شي نموت قررت اني نهرب بس لين قدرت نجمع المبلغ ودفعتلهم وروحت عارف اني غلطت بهروبي بس كان لازم نحميكم اسف ارجوك فكري انا نحبك ونبي نتزوجك
ميار:كملت
محمود:ايه
ميار:سمعتك للأخر وحكيتلي اعذارك تمام توا اطلع من حياتي
محمود:بس انا حكيتلك عذري
ميار:لا تهمني انت ولا عذرك بتسببلي هلبا مشاكل في شغلي وحياتي سمعت منك ونطلب انك تبعد
محمود:معقوله نسيتيني بالسهولة هدي
ميار قعدت تشوفله لحظات:انا عفتك مش نسيتك وبس
محمود كان الندم بيقتله طلع ومش عارف وين يمشي بقلبه اللي مش راحمه
سيلين مقعمزة مخنوقه في الزحمه تعد في الدقايق امتا ترجع لشقتها وترتاح
عصماء:تبي شي!
سيلين:لا حبيبتي تسلمي
عصماء قعمزت جنبها:كساد ولا تعرفي مانحبهمش هادو نفاق بس كلهم يجو ويتلصقوا عاخاطر اسم بابا والباقي وقت الجد مش رح تلقي واحد
سيلين:هيا الناس بقت كدا مصالح وبس
عصماء:هاديكا ام دنيا وخواتها
سيلين:اممم
عصماء:خيره صاحباتك ماجوش
سيلين:كل وحدا لاهيه في حاجه
عصماء:اه بهي نجيبلك تتعشي
سيلين:لا ماليش نفس هاكل مع طارق بعدين
فات الوقت وروحو المعازيم
دنيا:شن رايكم نبدا نتكلم مصري
علا ضحكت:هدا اللي ناقص
دنيا:وينه تارو نبي نحكي معاه
حنان:تو شويه ويجيك
سيلين ولا عبرتهم بعتتله مسج دقايق وكان قدامها
طارق:خير
دنيا:كيف كنت بنجيك
طارق شافلها باحتقار:معليشي خلي حدود في تعاملك معاي واحترمي نفسك
دنيا قعمزت مكانها وسكتت
سيلين:حبيبي يلا نطلع
طارق:هيا اميرتي
حنان:ديري شغلك وتزوجيه معاش نبيها الشيطان هدي
دنيا بغل:ماشي
طارق يرتبلها في الذهب:شن قالتلك
سيلين:ولا حاجه
طارق:متاكدة
سيلين:ايه انت كلت
طارق:لا شويه ويركبولنا العشا جعانه غزالتي
سيلين:اوي
طارق قرب منها:استاحشتك
سيلين لفت يديها عارقبته:وانا اكثر ياقلبي
طارق كيف بيقرب اكتر بعدين فاق لروحه وتلفت:انا بن
سيلين:هو انا ضايقتك في حاجه
طارق:لا بس خايف انا نضايقك
سيلين:انا فاهمة اللي بتحس بيه اسفه
طارق:ماتتأسفيش مش بايدك كله من الكلب فرخ الحرام ولد عمتك بس وربي ماناسيها
سيلين:حبيبي ارجوك ابعد عنه مش عايزه يدخل حياتنا ثاني
طارق:ساهل ساهل هي البسي وتعالي ناكلو
كريم مقعمز يدخن وسرحان
رودينه:قلبي وين
كريم:حبيبتي نسألك سؤال
رودينه:اكيد
كريم:لينا عشرة شهور متزوجين كيف ماصارش حمل حتا بالغلط
رودينه:نعرفش حبيبي ربي مش كاتب
كريم:اها
رودينه:تبي بيبي
كريم:هلبا تعرفيش قداش نحب الصغار انا
رودينه:ربي يبعتلنا
كريم:امين ورجع سرح وعقله يذكر في الكلام اللي صار بينه وبين امه قبل يومين
flash back
وهيبه:بنت عمتك حامل
كريم:وبه شن علاقتي انا ان شالله تنوض بالسلامه
وهيبه:متزوجه بعدك ب5شهور
كريم:به
وهيبه:شن به مرتك خيرها لتوا ماحملتش ولا
كريم:مش عارف مافكرناش قبل
وهيبه:يعني انت ماتبيش
كريم:لا بالعكس تعرفيني نحب الصغار بس
وهيبه:بلكي هيا ماتبيش عاخاطر بتربي خوها
كريم:لالا رودي مش في بالها شي زي هدا
وهيبه:من قالك انت فتحت معاها الموضوع!
كريم:لا
وهيبه:طالما كل شي بينكم طبيعي كيف ماحملتش الا لو فيه شي مانع
كريم سكت وللأسف خش عقله الشك لانه عشرة شهور مش شويه
وهيبه:رد بالك سلم ولدي وركز لمرتك انا نبي نشوف صغارك قبل نموت"وهنا ضربتله عالوتر الحساس وتأكدت انه رح يفكر في كلامها "
end back
ميار كملت حالاتها وكيف بتطلع خبطت في شخص وطاح هاتفها:لاااا هاتفي
ايمن:اووه اسف اسف
ميار قاماته ولقت الشاشه كلها مكسرة:مستحيل ياربي 💔😭
ايمن:سامحينا
ميار قامت راسها وتفاجئت:هدا انت!
ايمن:تعرفيني 😨
ميار:اووف ومن مايعرفكش من يومك مزعج
ايمن:غير بالشويه يااختنا من وين المعرفه
ميار:نسيت دفعتنا ميار السيد
ايمن:اوووه ايه تفكرت ماكنتش مركز معاك
ميار:طبعا عاشق في سيلين 🙄
ايمن ضحك:جميله. بس ماتنكريش انك متغيرة
ميار:ايه ايه
ايمن:عموما اسف هلبا على هاتفك
ميار:وين نصرفها الاسف هدي كيف بنتصل بخوي توا
ايمن خداه منها طلع الشفرات وحطهم في هاتفه:تفظلي خليه معاك لين نصلحهولك
ميار:لالا مافيش داعي
ايمن:هدي غلطي وماتخافيش معادش الصايع متع زمان يعني هاتفك في عيوني
ميار:امم
ايمن:تشتغلي هنا
ميار:ايه
ايمن:كويس معناها بنتلاقو هلبا
ميار ضربت رقم خوها وطلعت فاتاته
ايمن ابتسم:ميار السيد كيف ماركزتلهاش انا
بعد فترة
سيلين:ياحبيبي قوم بقا وراك شغل
طارق:اي سهريني وقولي وراك شغل
سيلين:ههه معليشي قوم يلا
طارق جبدها:وين صباح الخير
سيلين باساته عاخده وفي رقبته:صباح الورد ياحبيبي
طارق:نحبك انا
سيلين قعدت تشوفله وقلبها بيوقف:نعم
طارق:نحبك نحبك نحبك
سيلين:انت ب
طارق:مانبصرش وماناجملش فيك انتي خليتيني نعشقك ومانفكرش في غيرك شهور خشيتي لحياتي قلبتيها غيرتيها بطريقه تهبل ماتعرفيش قداش قلبي مرتاح جنبك وبوجودك
سيلين بدت تبكي:انا بموت فيك
طارق حضنها:خلاص يابكايه بتخليني نمشي لخدمتي ولا شنو
سيلين:لا هاتروح طبعا
بعد دقايق
طارق:شن بديري
سيلين:انا هانزل لمامتك رح احاول معاها لحد ماتتقبلني
طارق:تمام لو حسيتي بيهم بيضايقوك اركبي وانا نحاول مانطولش
سيلين:طيب
طارق:شن رايك
سيلين:عسل 😍
باسها وطلع متجه للعيادة
اما ميار حاولت تتواصل مع ايمن عاخاطر هاتفها بس لارد منه
في يوم
ميار:دخلي الحاله اللي بعدها
سكرتيرة:خداها دكتور الجديد
ميار:نعم ومن سمحله ياخد حالاتي
سكرتيرة:قال مساعدة
ميار اتجهت لغرفته وهيا متعصبه فتحت الباب بدون استأذان:انت من
ايمن:جايه تتعاركي عاحالتك ولا عاهاتفك
ميار:شن دير هنا
ايمن:الباين انك نسيتي يادكتورة انا نفس الدفعه
ميار:شكلك مايوحيش انك دكتور
ايمن:اووه شيت منورة عالقصفه بس صدقيني انا كويس في شغلي
ميار:وشن جابك هنا
ايمن:الحق احمد قريبي وعرض عليا نشتغل معاه بما انه العيادة كبيرة
ميار:يعني مش جاي عاخاطر سيلين
ايمن ضحك:لا والله بطلنا صياعه اطمني
ميار:هاتفي
ايمن:عارف تأخرت بيه بس مالقوش شاشه ليه كيف حصلو امس
ميار:به
ايمن:تفضلي واسف مره ثانيه
ميار:ولا يهمك تفضل هاتفك شكرا
ايمن:ان شالله ماخديتيش صوري
ميار ضحكت:بارد
ايمن:ايه ديما اضحكي
ميار اذكرت محمود واضايقت
ايمن:شن فيه قلت شي غلط
ميار:نستاذن سلام وطلعت بسرعه
سيلين:السلام عليكم
حنان:وعليكم
سيلين:كيف حالك عمتي
حنان:كويسه
سيلين قعمزت:هيا عصماء فين
حنان:عندها كليه
سيلين:اها وعمو اكيد في الشغل
حنان:كويس انك عرفتي
سيلين:هوا حضرتك بتكرهيني ليه
حنان سكرت الكتاب:يعجب فيا ذكائك اللي لاحظته من اول يوم
سيلين:طيب انا عملتلك حاجه ! ليه مش بتقتنعي ان انا وابنك نصيب بعض
حنان:لانك لفيتي عليه وخديتيه ولدي ونعرفه ماكانش في اي علاقه وفجأه خداك ابصر شن دايرتله
سيلين:وانا هاكون عملاله ايه
حنان:شن عرفني وماتتوقعيش مني نتقبلك حانقعد نكرهك لين يطلقك ولدي
سيلين:طب وابنك مش بيهمك تشوفيه مبسوط مع اللي اختارها انتي تقبلي تشوفيه مغصوب على دنيا بس عشان يرضيكي
حنان:دنيا تعرفه من هما صغار واكيد تفهم عليه ورح يلقى راحته معاها
سيلين:طارق راحته معايا انا
حنان:في احلامك وصدقيني رح يجي يوم وتطلعي من هنا مطلقه
سيلين هزت راسها بأسف:حضرتك بترفسي النعمه اللي عندك ابنك هايموت على حضن منك وانتي بعيده عليه في وقت غيره بيتمنا حضن من ام مش لاقيها 💔
حنان قعدت تفكر في كلامها وشن تقصد بيه
رودينه:حبي خيرك ليك ايام مش على بعضك
كريم:شي مشاكل في الخدمة
رودينه:بهي تعالا ارتاح
كريم:وين خوك
رودينه استغربت لهجته:رقد
كريم:به
رودينه:فيك شي
كريم:لا
بعد ايام
واقفه في المطبخ تجهزله في فطوره لين سمعت صوته ينادي فيها بعياط
كريم:تعاااالي
رودينه خشت مخلوعه:خيرك حبيبي
واول ماوقفت قدامه فاجئها بكف خلاها تفقد توازنها وطيح عالارض وسمعها كلام طيحها من سابع سما....يتبع
شن بيصير في رودينه وكريم!!
طارق اعترف لسيلين بالحب والباين انه نسا سبب زواجهم هل بيقرر يعترفلها ولا بيصير شي يقلب القصه رأسا على عقب!!
ميار وايمن اللي طلع في حياتها جديد ليش فجأه وشن قصته! !
تابعوني كان تبو تعرفو 🙃
