part5
سليمه:تعالو سلمو على بوكم
طلعت رودينه:الحمد لله عاسلامتك
حمودة:سلامتك بابا
مصباح:شن جوكم
رودينه:الحمد لله كيف كانت سفرتك
مصباح:تمام هي حطولنا الغدا
رودينه:حاضر ومشت للمطبخ
سليمه:حبيبي نبي نهدرزلك في موضوع
مصباح:بعدين
سليمه:تمام
وابصر شن تخطط عمتكم سليمه 🤔
فوزي:يعني بتبدي تدربي
سيلين:ايوه ومن بكرا
فوزي:كويس العيادة ممتازة والدكتور احمد ولد ناس موفقه بنتي
سيلين:تسلملي ❤️
في مكان ثاني حوش الاشرار 😂
امنه مقعمزة مع راجلها وولدها:دبر راسك امشيلها في الجامعه ولا للحوش خود رقمها المهم تخليها تتعود عليك
عادل:البنت دماغها ناشفه زي امها بالزبط وهاتتعبنا
محسن:نجيبوها ولا يهمك يابوي
عادل:ايوة اعمل جهدك معاها مش حانسيبها تغرق في العز لوحدها انت لازم يكونلك نصيب انا عارف فوزي كويس حايسجل كل حاجه باسم بنتو عشان لو حصلو حاجه مايكونش ليها شركاء
امنه:ان شالله يتزوجها ولدي ونفذو اللي في راسنا
محسن ضحك وسرح بخياله الواسع
فات باقي اليوم وكل حد من ابطالنا غارق في افكاره وخياله
في عيادة الرحمه واقف دكتور احمد مع طلبه المتدربين
احمد:هدا عددكم خلاص
انفتح الباب وريحتها سبقت خشت جميلتنا بقفطان صيفي بسيط اسود وفيه ورود بنفسجيه ماشي مع منحنيات جسمها بطريقه ملفته سبيدرو ابيض وشنطه نفس اللون ودايرة شعرها ضفرتين
سيلين:اسفه اتأخرت يادكتور
احمد سرحان فيها:ولا يهمك اكيد بنت لاستاذ فوزي
سيلين:طبعا لهجتي غنيه عن التعريف وبتسبقني على طول
احمد:تفضلي مع زملائك يلا عندكم خمسه دقايق تجهزو روحكم وبنبدو في التدريب
سيلين:صباحو
طارق:صباح النور
سيلين:ازيك
طارق:بلاش منها المياعه الزايده ادوي زينا حركات 😏
سيلين كالعاده ابتسمت وفاتت
بدو تدريبهم واحمد غارق في سيلين وفايت باقي الطلبه 😅
نمشو نشوفو ميار وين جي تدريبها 🤔اكيد مع الحب 😂
واقفه الاخيرة وبسبب طولها ماقدرتش تركز في المعلومات
محمود:مياااار
قامت يدها:انا هنا
محمود شد ضحكته لانها مش باينه:تعالي قدام ماسمعناش صوتك بكل
ميار:شن بندير هما كلهم وقفو قدامي
محمود:بهي خليك تو نعاودلك البدايه بعد نكمل وتوا ركزي
بدي يشرحلهم وكل مره يسأل واحد
ميار في عالم ثاني تتفحص في لخيته كتافه ريحته اللي ادمنتها وبحه صوته وابتسامته
محمود:تمام هكا لهنا نكونو كملنا اليوم والاسبوع الجاي نكملو
تلفت لقاها قعدا سرحانه هييي وين وصلتي
ميار فاقت:اه لا شي نفكر في امتحاني
محمود:امتحان اي تشربي حاجه
ميار:مش بتعاودلي
محمود:اصبري شويه تعبت انا
ميار:تمام نكلم البنات تو نجي
محمود هز راسه واكتفى انه يشوف لبستها
بعد دقايق
ميار:هيا شنو
محمود:تعالي هاك
ميار:نبيش
محمود:انا ماسألتكش قلت هاك اشربي
ميار:اووف
محمود تعصب ووقف قرب منها:معاش تتأففي قدامي فاهمة
ميار خافت:وانت معاش تتأمر عليا كأني نخدم عندك
محمود ابتسم:وانتي شايفتني ندير هكا عاخاطر معتبرك تخدمي عندي
ميار سكتت وقعدت تفكر في كلامه
محمود قربلها مق القهوة:اشربي هيا
ميار خدت منها
محمود شرب بعدها:منورة هي جهزي روحك
بدي يشرحلها وبعد ساعه كملو
محمود:اااه تالف بكل اليوم
ميار:سوري
محمود:مش رح نمشيها هكا نحي بالطو وتعالي نبي مساج من ايديك الجميلات
ميار:ديما هوا يطلب 🙄
محمود:نسمع انا
ميار وقفت وراه ودلك في رقبته وكتافه
محمود سكر عيونه:الله 😍
خشت سكرتيرة:دكتور
محمود خداه النوم ماردش
ميار:شكله رقد تبي شي!
سكرتيرة شافتلها بتقزز:ومن انتي باش تمسيه
ميار:نعم انتي شن علاقتك اصلا بري شوفي شغلك
سكرتيرة:احترمي نفسك وابعدي عليه والا
محمود:والا شنو
سكرتيرة: دودي مني الحثالة هدي
ميار فهمت انه فيه بينهم شي خدت شنطتها وطلعت
محمود:مطرودة ومعاش نشوف وجهك هنا
سكرتيرة:نعم تطردني انا عاخاطرها
محمود خدي مفاتيحه وطلع وراها:مياار اسمعي يابنت نكلم فيك
تلفتت:شن تبي
محمود:تعالي اركبي
ميار:مانبيش ارجع لحبيبتك اللي مخليها تهزب في بنت عمك
محمود:غير اركبي تو نقولك
ميار:لا
محمود بعصبيه:تي اركبي النم شهدتي علينا البشر 😡
ميار ركبت ومش عاجبها:ارفعني للحوش ومانبي نسمع شي منك
محمود:متأكدة
ميار:ايه
محمود:تم براحتك ولع سيارته وطلع يسوق بسرعه
ميار خايفه:نقص سرعه
محمود ماباش يرد وسكر السيارة والشباك
ميار بدت تبكي
شد فرين بقوة وتلفتلها:علاش تبكي توا
ميار:تبي تقتلني وتقولي علاش تبكي مانحبش السرعه
محمود:بهي خلاص اهو وقفنا امها مره وحده امسحي دموعك
ميار:بهي
محمود:مافيش شي بيني وبين السكرتيرة هيا تتلصق ولانه مافيش بديل مخليها بس اليوم طردتها وحضرتك بدوريلي. سكرتيرة ثانيه
ميار:ايه خليك ديما تأمر هكا
محمود:وانتي بتسمعي الكلام وتنقصي طولة لسانك
ميار:ارفعني للحوش
محمود:جعان بنمشو نتغدو
ميار وخلاص جابت اخرها تعصبت:قتلك ارفعني للحوش توا
محمود:نعم
ميار:فديت منك فديت من اسلوبك الناشف معاي معادش فهمتك شن تبي مني اوقات نحسك قريب ليا هلبا واوقات نحسك ماتكرهش حد زيني مقضي حياتك اوامر وبس تجي تسمعني كلمتين في عظمي وتاخد قهوتي وتمشي انت شني محمود اسلوبك هدا متعبني هلبا جرب يوم واحد بس حس باللي نحس بيه انا افهم شن شعوري وانت قاعد تلعب في قلبي هكا
محمود مركز في عيونها:هدا كله دايره انا
ميار:ولا حاتتغير انا عارفه لو سمحت خليك بعيد عليا
محمود:كيف يعني بعيد عليك
ميار:زي مافهمت لاني تعبت
محمود شد يدها بقوة:انتي مركزه لروحك شن تقولي
ميار:ايه سيب ايدي
محمود بصوت ارعبها:مياااار
سكرت عيونها وتلفتت للشباك:روح بيا تأخرت
محمود خبط الدومان ولع دخانه وطلع الطريق كلها ساكتين ومش مسموع غير صوت نفس محمود اللي قريب ينفخ نار 😅
وصلو قدام الحوش
ميار:شكرا
نزلت بسرعه وخشت تجري
وهوا قعد يشوف قدامها ومش معروف شن يفكر
عند طارق اللي روح دمه محروق من سيلين 🤭خش يسمع في هدرزة وضحك
حنان:اهلين وليدي
طارق:اهلا كيف حالكم
دنيا:عاش من شافك تارو
طارق:تعيشي وتشوفي وين عصماء
علا:اكيد في دارها تعالا اشرب قهوة معانا
طارق:لالا صحتين تعبان بنرقد
دنيا:سلامتك نديرلك ليموناضه
طارق:تسلمي مانشربش فيها
اما عند جميلتنا فاكانت مبسوطه لانها بدت تحرقله في دمه يعني مأثره فيه ومركز لهلبا حاجات فيها
سهير خشت:حبيبتي
سيلين:نعم
سهير:ابن عمتك تحت وعايزك
سيلين:محسن!
سهير:ايوة هاتنزلي ولا ايه
سيلين:انا مابطيقهوش
سهير:اقولو نايمه
سيلين:لا انا حانزل كمان شويه
بعد ربع ساعه
سيلين:اهلا ازيك
محسن:عسل وانتي
سيلين:كويسه تشرب ايه
محسن:قهوة حلوة زيك
سيلين:تمام
محسن:قلت نجي نهدرز معاك
سيلين تبتسم بمجامله:فيك الخير
قعد ساعتين يهدرز ويخرف وهيا مش معاه بكل
محسن:هي مالا انا نتوكل
سيلين:مع السلامه
محسن:باي ياسمحه وطلع
سيلين طاحت عالصالون:اااخ دا بيرغي اوي
سهير:الدوا
سيلين:هاتي
مصباح:يابنت تعالي نبيك
رودينه:نعم بابا
مصباح:قعمزي بنقولك موضوع
رودينه حست قلبها وجعها:نعم
مصباح:قريب عمتك سليمه يدور في بنت بيتزوج وهيا لانها تحبك ومعتبراتك زي بنتها قالتله عليك وبيجي بعد يومين يشوفك ويقولك شروطه انا سألت عليه وراجلك كويس
رودينه حست الدنيا دور بيها ومعاش قدرت تتنفس:شنو
مصباح:زي ماسمعتي
رودينه:بس يابابا مانبيش نتزوج
مصباح:طبعا تبي تكملي قرايتك ارتاحي قلتله وموافق انتي شن مزالك باقي السنه هدي
رودينه سكتت ومزال عندها امل انه ترفضه بعد المقابله خشت لدارها حضنت خوها اللي رقد وقعدت تبكي بصمت وتتحسب 💔
يوم جديد 🌤️
خش ايمن للقاعه:خير ياعيله
دكتور:انست استاد ايمن بهي شفنا وجهك
ايمن:الله يأنسك معليشي كان عندي ضروف
دكتور:ربي يعينك
ايمن:والمادة يادكتور احنا خاشين على امتحانات
دكتور:انا مسافر مش مكمل معاكم بس فيه قروب بتقريهم زميلتكم سيلين بما انها فاهمة كويس تقدر تخش معاهم وربي يوفقكم
ايمن عيونه 😍😍:ايه نخشو ليش لا
بعد المحاضره في المكتبه
سيلين مقعمزة تشرب في قهوة وتستنا في الطلبه
ايمن:خير
سيلين:تفضل
ايمن:معاكم في القروب ياعسليه
سيلين:تمام
لحقه طارق اللي لقا الطاوله تعبت مافيش الا كرسي جنبها قعمز وهوا مخنوق
سيلين:تمام نبدو في الماده انا بنشرحها من الاول ولو عجزتو في نقطه هاعيدها ثاني
ايمن صفر:تم ياقلم
سيلين:لوسمحت اطلع
ايمن:خيرنا الزح كيف بديت نستمتع
سيلين:احنا هنا عشان نقرا مش عشان نسمع كلامك التافه دا
ايمن:قدامي الجمال هدا كله وماتبينيش نتغزل
سيلين:طب اطلع برا عشان مش فاضينلك
ايمن قرب منها:غير خيرنا ياعسل ارخي روحك معانا
سيلين في لحظه تعصبت وضرباته كف بكل قوتها :انت واحد قليل ادب
ايمن تعصب شد يدها ولواها:هييي وين يا قطوسه مصدقه روحك اهدي شويه احسن ما ننهيك
سيلين خايفه وعيونها دمعو
طارق دفه:قاعد تغلط راك
ايمن:عقاب وحدا .....تمد يدها عليا
سيلين:الكلام اللي بتقولو دا بيطلع عليك
ايمن:اسكتي افضل مانفسدلك وجهك ضايعه
طارق:اطلعي روحي
ايمن:شن خايف عليها مالا تي موضوعها منتهي
طارق حط يده عالفمه:اسسس اسكت انت وسكر هالخرا عليا اطلعي قلت
سيلين خدت وراقها وشنطتها طلعت وهيا متعصبه ومضايقه
اما ايمن قعدو صحابه يهزبو فيه لانه هوا الغالط
طارق:غلط تصرفك قدام الكل
ايمن:وجعاتك يعني تي كلبه زيها مادورهاش كانها تنفع رهو لابسه حجاب
شادي:علاش الغلط ياايمن احنا نعرفها من سنه ثانيه البنت رغم انها بلا حجاب بس شهادة لله ماعمرنا شفنا عليها غلط الجامعه كلها تشهدلها مهما عاكسوها حتى دكاترة ماتعدلش ولا تكلم في حد الا عالقرايا والباقي ديما مع صاحباتها وفي حالها
ايمن:هه طحتلها
شادي:لاطحت لاهم نعاكسو فيها كلنا بس وقت الجد نقولو الحق مافيش داعي نشوهو سمعه بنات الناس عندنا ولايا ياصاحبي وطلع
طارق:اووف عاجبك هكا قعمز واسكت
ايمن قعد يفكر وجمله تتردد في عقله"عندنا ولايا ياصاحبي"
سيلين طريق كلها تبكي ومضايقه لانه الموقف كان بايخ بكل قدام الناس
حراس:انتي كويسه
سيلين:ايه تمام
ميار:ماشفتيش سيلين
رودينه:لالا حتا في المكتبه مالقيتهاش
ميار:غريبه خلي نتصل بيها
سيلين:الو
ميار:وينك
سيلين:انت روحت البيت بعدين ابقا احكيلك
ميار:كويسه!
سيلين:ايوه ماتقلقيش عليا يلا باي
طارق يسوق:غلطت انت ماتسكرش راسك
ايمن:مش عارف شن نرفزني وخلاني نتهجم عليها
طارق:هيا البنت هكا بجديات ولا
ايمن:الكلام اللي قاله شادي حقاني بس انا صايع ومن يوم شفتها نبي نقرب منها باي طريقه ولعلمك اول مره ترد عليا مع اني نقرا معاها من زمان
طارق سكت ويفكر
فوزي:افتحي الباب حبيبتي
سيلين فتحت:نعم يابابي
فوزي:شن صاير معاك
سيلين:طبعا الحراسه حكولك كل حاجه
فوزي:وانا بنسمع منك
سيلين:مافيش حاجه بس سوء تفاهم مع زميلي
فوزي:لدرجه تضربيه كف
سيلين:بابي لوسمحت انا بكره اني مابيبقاش عندي خصوصيه كدا كل حاجه بتعرفها
فوزي:انتي بنتي الوحيده كيف تبيني نسيبك بروحك تعرفيني قداش نخاف عليك
سيلين تعصبت:يووه وترجع تفتحلي قصه صحتي انا قرفت من الحكايه دي عايزه اعيش زي باقي الناس الطبيعيه
فوزي وجعه خاطره:علاش انتي مش عايشه طبيعيه شن منقص عليك انا مايوم رفضتلك طلب 💔
سيلين:انا اسفه يابابي
فوزي:ماصار شي براحتك تو نسحبهم الحراسه وطلع
سيلين اضايقت لانها زعلت بوها قعدت تبكي
فاتو ايام وسيلين من دارها ماتطلعش فوزي يطمن عليها الصبح وفي الليل ومزال زعلان منها
طارق عايش حياته ومستمر في التدريب ولا يفكر في سيلين وارتاح لما اختفت
في حوش الجد عمر متجمعين العيله كلها
ميار مقعمزة بروحها دايرة سماعتها
بنت عمها اسماء:خيرك ميمي قعدا بروحك
ميار:شي ماخاطريش نهدرز مع العيله
اسماء:فيك شي
ميار:لا
اسماء:بهي شن جو تدريبك مع محمود
ميار:ماشي
اسماء:ربي يوفقك
على خشته هوا:السلام عليكم كيف حالكم ياعيله
عمر:ولدك هدا يفوت بالسبوع مانشوفش فيه
محمود:ياجدي مش فاضي انا
عمر:برا مالا انساها العروس اللي قلتلك عليها
محمود ضحك وتلفت جت عينه في عينها حس نخصه في قلبه
ميار ردت سماعتها وتلفتت للجيهة الثانيه
اما عند رودينه اللي كانت تجهز في روحها للمقابله الشرعيه وحاسه روحها مدمرة عالاخر
سليمه:هيا انتي الراجل وصل قالك بوك ديري قهوة وتعالي
رودينه:يارب ساعدني
لبست قونه ماشيه مع جسمها لونها احمر وبلوزة بيضا وفيها رسومات حمرا ووشاح مزخرف دارت قهوة وطلعت
مصباح:خودو راحتكم طلع
رودينه قعمزت وماقامتش راسها بكل وصوت قلبها تقريبا مسموع
كريم:قيمي راسك نشوفوك بس
رودينه قامت عيونها فيه اللي معبيات دموع
كريم:يارب 😨 علاش تبكي بس
رودينه:مانبيش نتزوج
كريم سكت قعدو دقايق ساكتين بعدين
رودينه:ارجوك قول مانبيش
كريم:لو ماصارتش المقابله اليوم كان ممكن نرفض بس توا للاسف
رودينه نزلت دمعتها:ليش
كريم وقف وجي قدامها مسحلها دمعتها:اعطيني سبب يخليك ترفضي انا مش قلت لبوك بنخليك تكملي قرايتك وبعدين انتي اخر سنه وبعد شهور تتخرجي
رودينه:وخويا صغير انا مانقدرش نخليه لسليمه مانقدرش هدا وصيه ماما بالله خليني معاه
كريم:سليمه سيئه للدرجه هدي
رودينه ماتبيش تحكي:لا مش هكا بس خوي متعلق بيا هلبا
كريم:اممم وانا عاجبتيني هلبا ونبيك مرتي
رودينه لفتت وجها وتبكي
كريم:غير شوفيلي خلينا نتفاهمو
رودينه:عاشن بنتفاهمو انت مصر تخربلي حياتي
كريم:معاش تقولي هكا تظلمي فيا
رودينه قعدت تشوفله
كريم:بنتزوجو وخوك ناخدوه معانا حوشي كبير يسدنا والزايد مدام هدا شرطك ماعنديش مشكله لو تبي حتا نديرله جناح بروحه عادي
رودينه:بجد
كريم:وجد الجد المهم ناخدك
رودينه من الفرحه شدت في ايديه:شكرا
كريم:بهي ممكن نتعرفو لانه ماعطيتيني فرصه بكل خاشه عليا بدموعك غرقتينا
رودينه ضحكت:اسفه
كريم:هي امسحيهم خلينا نحكو
رودينه:باه
كريم:اسمي عبد الكريم عمري34سنه مهندس معماري عندي مكتب وحوشي واتي نستنا في الغزاله بس تجي
رودينه تحشمت واطت راسها
كريم:عندي اخت وحدا وزوز خوت ولاد بوي متوفي و اهلي ساكنين جنبي
رودينه:ربي يخليهملك
كريم:امين وانتي يابكايه
رودينه:انا عمري 24سنه وقريب نتخرج نقرا طب اسنان ماما توفت من سنتين عندي خو واحد بس عمره 5سنين وبس
كريم:تمام انا نبيك زي ماانتي توا بندير فضانيه وتلبيسه وبعد تخرجك العرس شن رايك
رودينه:تمام
كريم:بتعطيني قهوة ولا بتخليها تبرد
رودينع:اه اي اي تفضل
كريم يضحك واعجب بيها هلبا ❤️
"زعما بتكون بداية قصه حب ولا بتتفركش قبل ماتبدا 🤔
سيلين خشت للمكتب:بابي
فوزي:نعم تعالي
سيلين تبكي وتشهق:انا اس اسفه اويي مش مش قصدي ا اخليك تزعل والله
فوزي حضنها:حبيبتي لازم تعرفي انك روحي اللي عايش بيها لو تضايقي انا نضايق زيك انتي وحيدتي وماعنديش اغلى منك
سيلين شدت فيه بقوة:انا بحبك اوي يابابي
فوزي:ربي يخليك ليا ياعيون بوك
حس بيها ارتخت لما بعدها لقاها مغمى عليها
فوزي بصوت عالي:سهيييير كلمي مسعود بسرعه ........يتبع
سيلين شن مرضها وشن بيصيرلها?
طارق اللي متعب قلبها بيحبها ولا?
تابعوني
