part16 الاخيرة "الجزء الثاني"
طارق:شن تقولي انتي
ميار:سيلين مشت بدير العمليه قررت تخش عليها بدون ماتقول لحد سيبتلنا رساله بس عارف لو صاحبتي تطلع من العمليه ميته انا قاتلاتك
طارق خش لدارها لقا رساله عالسرير مكتوب عليها اسمه
"حبيبي طارق
ممكن معادش تشوفتي ثاني ولا تسمع صوتي،نبيك تعرف اني ماحبيتش حد زيك من اول نظره في عيونك تأكدت انك ليا انا ومستحيل تكون لغيري كنت مستعدة نقاتل على خاطرك لو خيروني بين حياتي واني نموت بين ايديك رح نختار الموت بدون شك،مافيش حد رح يحبك زيني ماتحملتش اللي صار ياريتك صارحتني من الاول ماخليتنيش مخدوعه الوقت هدا كله، قلبي معادش متحمل يعيش من غيرك لهدا قررت اني نخش العمليه لو متت نبيك ديما تذكرني بطريقه حلوة تزوج وعيش حياتك مانبيكش تزعل وتضايق لاني نحبك هلبا، لو عشت حايكون لينا لقاء اكيد
كتبتها كيف ماتبي انت بالليبي 💖نحبك يااغلى حد في حياتي"
طارق مسح دمعته وطلع يجري يبي يلحقها قبل تخش العمليه
في العيادة
فوزي شاد يدها:بنتي زيدي فكري على خاطري مزال عندك فرصه تطلعي العمليه خطيره هلبا عليك
سيلين:بابا كرست عمرك كله للاهتمام بيا وتحقيق كل امنياتي انا ماقدرش ازعل منك ابدا عشان انت روحي اللي انا عايشه بيها بس ارجوك ماتدخلش في قراري انا اخترت ومش حاتراجع لو مهما يحصل انت بس ادعيلي وانا حتا لو مت هاموت وانا مبسوطة عشان ربي عطاني ناس زيكم
فوزي دموعه نزلو وحضنها:ربي يطلعك بالسلامه يابنيتي
ميار ورودينه جنبها ويحاولو يقنعوها
رن الجرس خشت تبكي ومنهارة
حنان:خيرك
علا:معتز طلقني ياماما
حنان:شنو علاش شن صار بينكم
علا:كله بسببي انا ودماغي الغبي مليون مره قالي ابعدي عالمشاكل بس ماسمعتلاش وتوا عرف باللي درناه لسيلين وطلقني
حنان:سيلين هالفقر خربتلنا حياتنا
علا:احنا اللي خربناها بايدينا ياامي كنا نقدرو نقبلوها ونعيشو معاها ماكانتش سيئه اااه ياربي كيف بنعيش من غيره انا
حنان حضنتها:اهدي حبيبتي هوا يحبك اكيد رح يردك معتز مستحيل يتخلا عليك
خش شعبان:ارتاحو انتي وياها البنت مشت للعمليه
حنان:وشن يعني في داهيه
شعبان:نسبه نجاح العمليه 30%بس لو ماتت في رقبتك انتي وبنتك
علا:اهو ربي خدي حقها واطلقت
شعبان:افعالك وصلاتك لهنا ربي يهديكم بس
حنان:وانت وين ماشي
شعبان:ماشي بنوقف جنب صاحبي وولدي
نزلت عصماء:هيا بابا بنمشي معاك
دكتور:شن جاهزة مدام
سيلين:ايه
انفتح الباب بقوة وخش
طارق:الحمد لله لحقتك ممكن نحكي معاها شويه
دكتور:مافيش وقت بندخلوها للعمليه
طارق:خمسه دقايق بس مش حانعطل
دكتور:تمام
طلعو وخلوهم
طارق نزل عاركابه قدامها:حبيبتي ليش ديري هكا تبي تمشي وتخليني
سيلين:انا خدت قراري
طارق:انا نحبك ماديريش فيا هكي
سيلين:ماعنديش اي كلام اقوله ليك
طارق:هيا نطلعو ونديرلك اللي تبيه ماتخشيش العمليه
سيلين:لا هادخل وارجوك كفايه
خش الدكتور:خلاص لازم ندخلوك
سيلين:يلا
فوزي باسها عاراسها:تطلعيلي بالسلامه
سيلين:نحبكم خلي بالك من البيبي رودي
رودينه:حاضر
سيلين:ميمي خلي بالك من نفسك واوعي تضعفي
ميار تبكي:ارجعيلنا انتي بس
طارق واقف قدام باب غرفه العمليات ويبكي
سيلين:امسح دموعك وخليك قوي زي مااعرفك
طارق:ارجعيلي
سيلين ابتسمت:بحبك
طارق قرب منها باسها:انتي ليا بالسيف مش بالكيف 💔
سيلين:اما نشوف
خشت للعمليه وخدت معاها قلب طارق وراحته وحتا صحته
واول مادخلوها طارق خشمه بدي ينزف
رودينه:هيي خشمك خيرك
طارق بدي يشوف في الدنيا ضباب وطاح من طوله
على خشت بوه واخته
عصماء عيطت:طاااارق 😨
قاموه ورفعوه للكشف
علا:ياريت يرجع بيا الوقت ماكنتش درت هكا قداش نادمة
حنان:معاش يفيد ندم توا حتا الطلاق اطلقتي
علا:البنت ظلمناها ياامي
حنان:شن حتا انتي في صفهم
علا:يوم طلعت من هنا قالتلي ربي يضوقك نفس كسرة القلب وقتها تحسي بيا وربي استجاب لدعوتها واطلقت من راجلي اللي نحبه اااه ياربي ياريتني ما درت هكا
حنان:معتز تو يردك
علا:لا ياماما معتز فد مني وتعب وقالهالي انه رح نوصلو لنهايتنا
حنان:شن يعني
علا:انا وهوا انتهينا 💔
ياسمين تبكي:نبي بابا
علا:خلاص ياماما ياسر قطعتي قلبي
ياسمين:بابا قال بنسافرو علاش جابنا هنا علاش 😭
علا 💔
معتز مقعمز وحابس دموعه مايبيش يضعف
امه:ياوليدي لاه عليك هدي بنت عمك قبل ماتكون مرتك مهما صار بينكم ماتوصلش للطلاق
معتز:ياامي علا غلطت هلبا
امه:هدا كله منك من هيا صغيرة معاك ومعلمها تتصرف هكي عاجباتك خطبتها وتزوجتها وتوا لما بدي عندكم زوز صغار تفكرت انها تتصرف غلط وطلقها
معتز:باش تتربا
امه:بنتك تبكي من بكري
معتز:شن نديرلهم كان ناخدهم بيطلبو امهم والولد صغير
امه:رد مرتك وفكنا من المشاكل مع عمك
معتز:ردان مش رادها علا لين يطيب مافي خاطري ومعاش نبي دوة فيه موضوعها
امه:ربي يهديك
فتح عيونه قابله شادي وبوه
طارق:شن صار
شعبان:طحت اغمى عليك ضغطك ارتفع
طارق:سيلين
شعبان:قعدا في العمليات
طارق:بهي كلمو حد ينحيلي اليبرا خلي نمشي
شادي:انت قاعد تعبان رهو ارتاح ولما تطلع تو تمشي
طارق:لا قلت كلموهم ولا نحولها بروحي
شعبان:لاحول الله
وبعد عدة نقاشات طارق حول اليبرا ورجع قدام العمليات
فوزي:كيف حالك توا ياولدي
طارق:مافيا شي كأنه عطلو
ميار:هلبا
طلعت ممرضه تجري:نبو دم فصيلة A-
عصماء:نفس فصيلتي انا
ممرضه:هي تعالي معاي
طارق:شن وضعها هيا
ممرضه:ادعولها بس
طارق قعمز عالكرسي بتعب:يارب ماتحرمني منها خود من عمري واعطيها يارب
معتز حط يده عاكتفه:شد حيلك ياولد عمي ربي يفرج
طارق:يارب 💔
فاتو ساعات وساعات
فوزي تعب نقلوه لغرفه يرتاح فيها
ميار رن هاتفها طلعت قدام العيادة:الو
ايمن:كيف حالك
ميار:الحمد لله
ايمن:شن صار مع سيلين
ميار نزلو دموعها:ماطلعوهاش من العمليه خايفه عليها هلبا
ايمن:نجي عادي
ميار:تعالا
فجأه لقاته قدامها
ميار حضناته:محتاجاتك
ايمن:اني معاك ياروحي ديما
ميار:شن بيصير فيا لو تموت
ايمن:حبيبي كلنا ربي خلقنا ولينا ساعه بنموتو فيها مش معروف سيلين تموت ولا تطلع حيه بس اعرفي انه اللي كاتبه ربي بيصير ولا اعتراض عليه
ميار:يارب احميها
بعد 13ساعه عمليه
انفتح الباب وطلع الدكتور
طارق:شن صار طمنا
دكتور:الحمد لله عمليتها نجحت المدام متمسكه بالحياة هلبا ومزال تبي تعيش وقف قلبها مره بس انعشناها وكملنا العمليه رح تقعد اسبوعين في العنايه مبدئيا وبعدها نقررو
طارق:الحمد لله يارب الحمد لله ❤️
دكتور:الحمد لله عاسلامتها بعد شويه رح ينقلوها للعنايه تقدرو تشوفوها من الشباك عن اذنكم
رودينه تبكي:الحمد لله
طارق قعد يستنا لين طلعوها كان يتمنا يكون هوا مكانها مايتحملش يشوفها تعبانه او تتوجع باس يدها وراسها
ممرضه:خلاص لو سمحت لازم ننقلوها للعنايه
طارق:ايه تمام
ميار خشت:شن صار
رودينه:سيلي كويسه وطلعوها للعنايه
ميار:الحمد لله يارب
عصماء:ننزل نجيبلكم قهوة وميه
طارق:برا معاها
شادي:تمام ولحقها
عصماء:اعطيني 5قهوة وميه
شادي جبدها وخرها وخلصهم
عصماء:اظن انا قلت بناخدهم
شادي حطهم عالطاوله:قعمزي شويه
عصماء:علاش
سادي:غير قعمزي
عصماء:نعم هي
شادي:مزال مافكرتيش
عصماء:في
شادي:علاش هكا ديريلي الزح تي نحبك
عصماء:زيد عيط سمع الناس
شادي:بهي علاش تتصرفي معاي بالطريقه هدي عاخاطري حالتي اقل منكم
عصماء:شن تقول انت مستحيل نفكر فيها من ناحيه هدي انا
شادي:بهي علاش مارديتيش عليا
عصماء:لاني قعدا نقرا ونبي نكمل وخايفه من ردة فعل طارق
شادي:صاحبي انا وعارفه مش رح يتكلم معاك بعدين قرايتك مش رح نوقفهالك
عصماء:نفك
قص عليها:توا قوليلي تبيني ولا نمسحه من دماغي الموضوع
عصماء:اووف خيرك مستعجل انت
شادي:تمام جوابك وصلني هي تفضلي اركبي قدامي
عصماء:به
رودينه روحت هيا وميار
دكتور:استاذ فوزي بنتك في العنايه ومش رح تفيق لايام ولا حد يخشلها روح ارتاح وبكرا تعالا
سهير:ياحبيبي يلا نروح وبكرا من الصبح نيجي
فوزي:بهي وحتا انت روح ياولدي سادك التعب اللي تعبته اليوم وانتبه لصحتك
طارق:ان شالله
شعبان:هيا بنتي
شادي:تو نروح بيك انا نبيك
طارق:باه هي
شادي:اسمع تعرفني نحبش اللف والدوران انا نحب اختك ونبيها
طارق:خيرك انت
شادي:عارف مش وقتها وانت تعبان بس حبيت نعطيك علم وتفكر
طارق هز راسه:ساهل ساهل تو نحكيلها ونشوف رايها
شادي:يعني انت موافق
طارق:ووين بنلقا خير منك يا .....
شادي:الزفت ديما وانت تسب
طارق:هيا وصلني نحس في روحي دايخ بكل
شادي:نردك للعياده
طارق:لالا بنرقد بس
وصله للحوش وروح
حنان:شن صار مع مرتك
طارق:مايهمكش حالها
علا :اسف وخي
طارق:عاشنو بالزبط عاوجع القلب اللي درتيهولي ولا عاانه بسببكم مرتي بين الحياة والموت
علا:عااكل شي ونوعدك اول ماتفيق بالسلامه نتأسفلها ونعوضها عاكل تصرف غلط مني
طارق:هدا لو رجعتلي
حنان:انت كيف تحكي لراجل اختك
طارق:وشن دارلها يعني اهي قدامك مافيها شي
حنان:معتز طلقها يافالح
طارق:دارتها بيدها
فاتهم وركب لحوشه رقد عالسرير ويتخايل في سيلين لين خداه النوم
علا خشت دارها وتتصل بيه لين رد
معتز يعيط:شن هوا اللي تبيه من دين امي
علا تبكي:نحبك هنت عليك طلقني
معتز:اطلعي منها حياتي وخليني في حالي
علا:صغارك من بكري يبكو استاحشوك وانا بنموت مش قادرة نتحمل دقيقه من غيرك معتز بالله عليك سامحني ونوعدك اللي تبيه نديره
معتز:قتلك فوتيني وسكر عليها
ثاني يوم
طارق:شن صار
دكتور ابتسم:صباح الخير يادكتور
طارق:معليشي سامحني والله ماعاد فيا عقل
دكتور:ولا يهمك المريضه صحتها تمام بس
فوزي:شنو
دكتور:انت عارف يااستاذ فوزي العمليه رح يكون ليها مضاعفات مانقدروش نحددوها غير لما تفيق المدام سيلين
طارق:وامتا بتفيق هيا
دكتور:حاليا احنا عاطيينها مهدئ ونبوها تقعد عالاقل اسبوع راقده لو فاقت رح تتحرك وحركة للعمليه مش كويسه وبعد تفيق ان شالله بخير نحددو شن وضعها بالزبط
طارق:مانقدروش نخشولها
دكتور:لا للاسف من برا بس
فوزي:ان شالله خير
كريم:بتمشي للزيارة ولا شنو
رودينه:ايه حبيبي ارفعني وبعدين تو تروح بيا ميار
كريم:بهي هيا عندي خدمة ياقلبي
رن هاتفه "وئام"
كريم:الو
وئام تعيط:الحقنا ماما طاحت مش عارفه حيرها
كريم وقف:وين انتم
وئام:مستشفى...
كريم سكر
رودينه:شن فيه
كريم:امي مريضه
رودينه:استنا نلبس عبايتي
كريم:وين
رودينه:بنمشي معاك لامك
كريم:بجديات
رودينه:مالا بنخليك هادو عيلتي
كريم فرح بيها وارتاح
طلعو للمستشفى وين مالقا امه في العنايه
كريم:خيرها
سند:جلطة
كريم:لاحول ولا قوة الا بالله
سعد:من يوم تحولت وهيا تعبانه كل يوم تبكي ونادمة هلبا
رودينه:ان شالله ربي يشفيها ويعافيها
وئام:بالله عليك سامحيها يارودي
رودينه:شن تقولي انتي والله قلبي صافي عليها وماحملت منها حاجه هدي زي امي
مرو ايام وايام طارق حاس بيهم سنين طول الوقت في العيادة وقدام العنايه ضعف وطلق لحيته ماكلته وشرابه الدخان
علا لو الندم يقتل كان قتلها كل يوم تتصل بمعتز بس لا رد وصغارها متعبينها يبو بوهم
حنان لما شافت ولدها كيف تعب وادمر حست بكلام سيلين وتمنت لو انها وقفت معاه
واقفين كل قدام العنايه يستنو في الدكتور
بعد وقت طلع
طارق:ها طمنا
دكتور:الحمد لله عاسلامتها هيا فاقت بس مزال تقدرش تتكلم ان شالله بعد ايام نطلعوها لغرفه عاديه
طارق:والمضاعفات
دكتور:تفضلو انت والوالد معاي للمكتب
فوزي قعمز عالكرسي:شن فيه ياولدي
دكتور:والله مانبيش ندس عليكم شي صح العمليه نجحت وقدرنا نغيرو الصمام بس فيه شويه حاجات لازم تقعدو مركزين ليهم المدام رح تقعد فتره تتعرض لدهشه وضيق تنفس يعني تحتاج جهاز اكسجين ديما معاها ونوع دوا بيقعد مرافقها تاخده قبل النوم
وانت يا دكتور اسف اني نخبرك لازم ماتحملش لمده ماتقلش على سنتين ونص
طارق:فداها المهم تنوض بالسلامه
دكتور:لا هيا متمسكه هلبا بالحياة مع انها لما جت وقالتلي نبي نديرها كانت فاقده الامل بس في العمليه عافرت بكل قوتها انها تعيش ومأشراتها الحيويه كويسه تحتاج تغذيه ممتازة وباذن الله تتحسن في اقرب وقت بس راعو التعليمات
فوزي:حاضر
اما في المستشفى عند كريم وين ماقاللهم الدكتور انه وهيبه تعرضت لجلطه شلت نصها اليمين بالكامل
بعد شهر ونص 🌷
رودينه:حبيبي انا ماشيه لحوش العيله لبسك واتي وحموده مشي للمدرسه
كريم:وفطوري يافالحه
رودينه:البس وتعالا نفطرو مع عمتي
كريم:بهي بهي
طلعت ومشت لحوش عزوزها:صباح الخير
وئام:صباحك ورد
رودينه:فاقت
وؤام:لالا كيف بنخشلها
رودينه:حطي الشاهي اهو تو نفيقها وندخلها للحمام
خشتلها:صباح الورد عميمه
وهيبه بصوت شبه مفهوم:صباح النور بنتي
رودينه:لا ماشالله اليوم الوجه منور
وهيبه:بالله سامحيني
رودينه:ياعمتي معاش تطلبي مني السماح والله ماني زعلانه منك هيا ندخلك دوشي باش نفطرو مع بعض
"رودينه بعد شافت وهيبه تعبانه قررت ترجع لحوشها وتخليه قريب من امه قعدت جنبها وتعاني فيها وهيبه ندمت وعرفت قداش هيا بنت اصل وكويسه مش زي اختها اللي من يوم فسخ كريم من بنتها قطعتها نهائي "
ايمن:تعالي هنا وين هاربه
ميار:حبيبي حرام عليك عندى حالات وبنمشي لسيلي
ايمن:وانا بهي وربي ماهو عدل هكا
ميار:بعدين
ايمن:ديما انا بعدين معاش حصلتك بكل معقوله راني خطيبك وحقي تفضيلي حتا ساعه بس
ميار:عارفه بس
ايمن قعمز ورا مكتبه ولبس نظارته وبجديه:خلاص شوفي شغلك ربي يعاونك
ميار:تزعلش مني
ايمن: ولا يهمك خودي راحتك
ميار عرفت انها زودتها معاه وهوا صابر عليها ومقدر ظروفها لابعد حد
طارق واقف قدام الغرفه وقلبه ينبض بقوة
طلع فوزي:تفظل
طارق:هيا كويسه
فوزي:الحمد لله
طارق حط يده عالباب وفتحه خش وفي كل خطوه يحس بالخوف اللي سيطر عليه خوف انها تطلب الانفصال عليه خوف انها تبعد اكثر خوف انها تصده وترفض تشوفه
قام راسه وشافها مقعمزة وعاوجها جهاز الاكسجين
سيلين ابتسمت:اهلين
طارق قعمز قدامها وشد يديها باسهم دموعه نزلو:ماتعرفيش الرعب اللي عشت فيه كل مافكرت اني ممكن مانشوفكش ثاني
سيلين:اسفه عشان عيشتكم في خوف
طارق:ماتفكريش اني بنسيبك او نبعد عليك لحظه وحدا
سيلين:من قال الكلام ده
طارق:شن قصدك
سيلين:انا وانت انتهينا واول مااتحسن هانطلق
طارق يحاول يقعد هادي مايبيش يتعبها:مش وقته الكلام هدا توا ارتاحي بس
سيلين:انا خدت قراري
طارق وقف وطلع بدون مايزيد معاها في الدوة والنقاش
فوزي:خيرك
طارق:مصرة تطلق
فوزي:لاحول الله
طارق:يارب ساعدني
سهير:ياابني حرام اللي بتعمله في صحتك ده انت خسيت اوي ارحم نفسك وانا متأكدة سيلين هاترجعلك عشان مابتحبش غيرك
طارق:انا مانعرفش نعيش بلاها
بدي خشمه ينزف ثاني
رن الجرس فتحت الشغاله
معتز:عمتي حنان قعدا
شغاله:ايه موجوده تفضل استاذ
حنان:باه عرفت حوشنا وين يفتح ياراجل بنتي
معتز:انا جاي بنشوف صغاري
حنان:ومرتك
معتز:مرت عمي انا طلقتها بنتك لو سمحتي جيبيلي الصغار
حنان:باهي
فوزي:علاش درتي هكي
سيلين:بابي ارجوك
فوزي:لو شفتيه شن صار فيه ما تتصرفيش هكا تعرفي انه على شويه ومات اول ماخشيتي للعمليه ارتفعله الضغط وتعب ماشفتيش كيف ضاعف ولتوا قعد خشمه ينزف الراجل تعبان زيك
سيلين دموعها نزلو:بس انا
فوزي:تقدري تسامحي فيه ناس لازم نسامحوهم وناخدولهم عذر ديما لانا متأكدين انهم يحبونا حتا لو غلطو معانا
ياسمين:بابا علاش معاش روحنا لحوشنا
معتز:تبي تمشي معاي
ساسمين:ايه انا وماما وقيسو
معتز معاش عرف شن يقول
ياسمين:شنو بابا نقول لماما تجي نروحو
معتز:لا انا عندي خدمة هدا علاش جبتكم لحوش جدو
ياسمين:حتا انت مش في حوشنا
معتز:ايه
ياسمين:باه ماتعطلش بابا استحشت نلعبو بلايستيشن مع بعضنا
معتز:حاضر يابابا
تحسن وضع سيلين وعطوها خروج
فوزي:شن قررتي
سيلين قامت راسها قابلها
طارق قرب منها:هيا اني نروح بيكم
سيلين شدت في يده:لحوشنا
طارق:بجديات
سيلين:اه بصراحه صعبت عليا وقولت افضل معاه بدل مايمرض
طارق:كثر خيرك والله
سيلين 😅😁
ورجعو للحوش
حنان:الحمد لله عالسلامة
سيلين مابتش ترد عليها
شعبان:سلامتك يابنتي
سيلين:تسلم ياعمو
نزلت علا:الحمد لله رجعتي سامحيني بالله عليك انا غلطت معاك وندمت ربي خدالك حقك مني بالله تسامحيني
سيلين بعدت:ممكن نطلع
طارق:هيا حبيبي
ايمن كمل حالاته وطالع
ميار:انا واتيه
ايمن:شنو تبي نروح بيك !
ميار:لا والله عازمة روحي عالغدا معاك ولا فيه مانع
ايمن ضحك:ابدا تفضلي ياجميلتي اخيرا حصلنا موعد معاك
ميار:اسفه عارفه زودتها بس وعد نخصصلك وقت
ايمن:معليشي تصير تو نتزوجو وننتقم منك
ميار:وين بتغديني جعانه رهو
ايمن:انتي عازمة روحك اختاري المكان مره وحدا
ميار:ماشي
كريم:نحبك وشكرا لانك في حياتي وانك مرتي وام بنوتي اللي قريب تنور حياتنا
رودينه:انا اللي نشكر ربي كل يوم انه بعتك ليا
كريم حضنها:ربي مايحرمني منك ❤️
"عاشو حياتهم مرتاحين وحبو بعض اكثر واكثر اما سليمه ربي جازاها ومرضت بورم وصرفت كل فلوسها في الدوا"
طارق:نحبك
سيلين:وانا بعشقك ومدمنه وجودك اسفه اني زعلتك وتعبت قلبك
طارق:حمار ونستاهل
سيلين:ربي مايحرمني منك ❤️
ايمن:احم قولي شن فيه بعد عشرين يوم
ميار:عيد ميلادك
ايمن:لا زواجنا ياعمري
ميار تفاجئت:بجديات وامتا قررت
ايمن:لو نخليها عليك تقعدي خطيبتي حتا عشرة سنين لكن مشيت لبوك وحددناه انتي عليك تلبسيلي الابيض وبس
ميار:نحبك
ايمن:ربي مايحرمني منك ❤️
شادي:الو
عصماء:خيرك تحكي هكا
شادي:عادي
عصماء:طارق امس كلمني وقالي طلبتني
شادي:باهي وشن رايك
عصماء:موافقه
شادي:الله اكبر اخيرا
بعد 3شهور عرس عصماء
سيلين لبست كندرتها وتلفتت:ايه رأيك
طارق:غزاله ياروحي
كانت لابسه قفطان ازرق ملكي نظام باربي قايمه شعرها وخلت خصلات نازلات ودايره تاج كبير
طارق قرب منها وباسها عاقلبها مكان العمليه:نحبك يا نبضي
سيلين:بعشقك 😍
مشو للصاله
رودينه:زحمه ماشالله
سيلين:ايوا جنونه حبيبت خالتو
رودينه:متعبتنا هالجنى
سيلين:والنبي دي قمر
رودينه:ايي زي الحق
ميار:كلبات نوضو ساعدوني
سيلين:حد قالك تلبسي خيمة الفرح دي
ميار:عروسه يازفته
رودينه تضحك:ماشالله عليك
ميار:ختسلمها صاحبتي مش زي بعض ناس
سيلين:ملحي انا سادتني جنو 🥰
رن هاتفه للمره الثانيه فتح الخط:نعم
علا:قتلك لو تبعد عليا نموت
معتز:افتحي الباب
علا:شنو
معتز:افتحي النم
علا ناضت تجري فتحت باب الحوش شافاته قدامها
معتز دفها وخش:بس كنت نبيك تتعلمي انه الغرور والترفع عالناس غلط وانك تجرحيهم وتستهيني بمشاعرهم حرام وربي رح يردلك نفس الشي
علا واطت راسها:انا اسفه
معتز قرب منها وقاملها راسها:عافكرة رديتك بعدها باسبوع
علا:يعني
معتز باسها:يعني انتي ليا انا وبس
علا حضناته:نحبك نحبك نحبك
معتز:نموت فيها بنتي العسل 😍😍وفي شعراتها الحمر
سيلين في السيارة:دا مش طريق البيت
طارق:ايه عارف
سيلين:طب رايحين فين
طارق:مفاجئه
وصلو لفندق ركبو لجناح كله مزين بالورد والشموع
سيلين:ايه المناسبه
طارق حضنها:ذكرى اليوم اللي قلتيلي فيه
انت ليا #بالسيف_مش_بالكيف 💖
سيلين:لسه فاكر
طارق:ونقعد عمري كله مذكر اليوم اللي سحرتيني فيه وخليتيني مدمنك بكل مافيا
سيلين:واحلا مدمن 😘😘
the end
مش مهم اعترفت البنت او الولد المهم الحب يكون صادق ومن القلب بدون اي مصلحه او غايه حب واثقين مهما تعرض لعواقب رح يقعد ديما موجود ويكبر اكثر ✨
في اخطاء نقدرو نسامحو عليها وننسوها لانه الناس اللي داروها حبهم لينا كان اكبر ومواقفهم معانا حلوة اكبر من انا ننسوها بغلطه وحدا ✨
عمركم ماتفكرو في لناس انهم اقل منكم وتقدرو تهينو وتتهاونو بمشاعرهم واحساسهم ماتعرفوش ربي شن داسلكم وشن كاتبلكم في الدنيا ✨
بينما فيه ناس ماشفنا منها غير السيء وتغلط معانا غلطه وحدا تكون كفيله انا نمسحوها من حياتنا للأبد✨
وديما اللي قلبه نظيف ونيته بيضا رح يكون نصيبه حلو من عوض ربي ورح يعيش السعاده مهما تأخرت ❤️
نتلاقو في رواية جديدة
lole saad
