part15
ميار:جدو كيف صحتك اليوم
عمر:في نعمه والحمد لله قعمزي بنقولك موضوع
ميار:ان شالله خير
عمر:انا مانبي نعيش عمر ثاني والموت هيا القريبه
ميار:بعيد الشر عليك
عمر:اسمعيني انتي من بين كل احفادي اقرب وحدا لقلبي ونخاف عليك اكثر من صغاري لما سيبك محمود خفت ديري في روحك شي وحلفت انك ماتاخديشي لو يموت ويخلق روحه من جديد بس توا انا نبي نطمن عليك مع راجل يصونك ويحافظ عليك
ميار:شن قصدك
عمر:ايمن كلمني عليك ويبي يخطبك الولد كويس وولد ناس
ميار:ايمن 😨
عمر:ايه يابنتي فكري براحتك وردي عليه وانا من رأي توافقي
ميار:تمام تو نفكر
عمر:يرضى عليك يابنتي هي توكلي لخدمتك
ميار:بنقعد معاك
عمر:لالا بري اخدمي اهو حناك معاي
ميار:به
علا:فهمتي عليا
دنيا:ايه تمام
علا:اياك يصير اي غلط البنت مش ساهله ولازم تقتنع
دنيا:ولا يهمك 😉
ايمن:ياحاجه اثبتي ومعاش تتحركي نديرلك حاجه غلط تقعدي تتحسبي فيا
ميار خشت:نبي نحكي معاك
ايمن مركز مع الحاله:صباحك ورد
ميار:توا
ايمن:مشغول ياحلوة ولا نخلوها هكا ونمشو
ميار:اووف بهي كمل ونستنا فيك
ايمن:تمام وتي القهوة اني جايك
رودينه:شد مكان معاش تاكل وانت دور
حموده:نبي نلعب
رودينه:كمل فطورك قبل
حموده:باه نمشي ناكل في الصاله
كريم:صباح الخير
رودينه:صباح النور هي قعمز القهوة واتيه
كريم يتفرج عليها:كيف حالك اليوم
رودينه:احسن الحمد لله
كريم:بنفطر بروحي
رودينه:حموده فطر وانا اهو بنقعمز
كريم:مستاحشك
رودينه:وتيتلك لبسك تلقاه معلق
كريم:انا بنفسخ
رودينه:ليش لاني طلعت حامل
كريم:مانبيهاش
رودينه:علاش خاطبها
كريم:لاني
رودينه:لانك دور في سبب تقهرني بيه لما صدقت اني ناخد في حبوب طلعت كل الاشياء اللي بتجرحني باش نحس بنفس احساسك حتا لو تتزوج عليا
كريم:وقتها مافكرتش في اي شي مانعرفش وين راح دماغي مع اني نكرها في في لحظه قررت انها تكون مرتي
رودينه:براحتك دير اللي تشوفه مناسب
كريم:ماتبيش تعرفي اللي صار
رودينه:عارفه انه امك ورا كل شي بس تربيتي ماتسمحليش نغلط فيها
كريم:اسف
رودينه:كمل فطورك وطلعت
طارق:صباحي مرتي السمحه
سيلين:صباح الورد حبيبي
طارق:من داير الفطور
سيلين:انا عملتلك اومليت. وكيك
طارق:ان شالله خير
سيلين:يلا اقعد وقولي ايه رأيك
طارق قعمز وكلي من الفطور:يسلمو ايديك
سيلين:حلو
طارق:تبي الحق ولا ولد عمه
سيلين:الحق طبعا
طارق:الحق انك لازم تتعلمي طيبي ياقلبي
سيلين:مش حلو يعني
طارق ابتسم:هي نوضي غيري نفطرو برا
غيرو ونزلو يضحكو
طارق:خالتي
حنان:غير صبح
طارق:صباح الخير
ضاويه:نعم وليدي
طارق:بالله تفضيلنا ساعتين من وقتك علمي سيلين طيب
حنان:وشن ماتعرفش طيبلك هيا
ضاويه:حاضر امتا تبي تعالي ونعلمك من عيوني
سيلين:تسلمي ياطنط
طارق:هي نمشو
سيلين:هيا
ايمن:قهوتي واتيه
ميار:حتا بردت
ايمن:عادي نحبها باردة المهم من ايدياتك
ميار:انت ليش طلبتني
ايمن:وخيرك قارنه حواجبك تخوفي
ميار:جاوبني بس
ايمن:نبي نتزوجك شن درت غلط ولا حرام
ميار:لا بس شن خطرلك وليش انا لو عاخاطر موضوع ولد عم
قص عليها ايمن:لالا مايمشيش تفكيرك لبعيد مش انا اللي نضحي بحاجه ثقيله عاخاطر وحدا مانحسلها شي ساعدتك يومها صح بس مستحيل نتزوجك باش نساعدك رهو الزواج شي كبير ومش لعبه ابدا مش ببساطه تتسجلي مطلقه عاخاطر كنت نبي نساعدك وبعدين تمت مساعدتي لا انا حسيت معاك بشي حلو ماحسيتاش مع بنت قبل قلبي تحرك ودارلي احساس نبيه ديما معاك بنت ناس ومحترمة شن نبي اكثر من هكا
ميار ساكته وتفكر
ايمن:مانبيش نضغط عليك انا ماخديتش الخطوة هدي غير لما تأكدت انك معاش تحسي في شي لولد عمك ولو رافضه ترتبطي بيا احكي واطمني مستحيل نديرلك مشاكل او حساسيه بينا نقعدو زملاء كيف قبل واحسن
ميار:بهي نفكر
ايمن:براحتك ياسمحه وانا في انتظار جوابك كيف حال جدك
ميار:صحته مش تمام هلبا ادعيله
ايمن:ان شالله ربي يشفيه ويعافيه
ميار:يارب
ايمن:يلا نشوفك
ميار:سلامتك
وهيبه:خيرك ليك ايام طايرتلك حتا خطيبتك ماتردش عليها
كريم:رودي تعبانه وقاعد معاها
وهيبه:نبي علاش ماتلوحهاش لبوها وطلقها بعد عمايلها مزال مخليها عندك
كريم:رودينه حامل
وهيبه انصدمت:نعم
كريم:زي ماسمعتي
وهيبه:كذبتها وانت صدقت
كريم:رفعتها للمستشفى
وهيبه:اممم وشن بدير توا
كريم:مش عارف
وهيبه:ماتحشمناش مع الناس بعد عطيت كلمه سلم ولدي
كريم:يصير خير
سعد:افسخ منها فوتها ماتصلحش بيك وخليك مع مرتك
وهيبه:اسكت انت شن دخلك فيها المواضيع هدي
سعد:هدا الحق مرته من شنو تشكي باش تاخديله ثانيه ومنو بنت اختك اللي سيرتها زفته
وهيبه:تحشم على وجهك
سعد:اللي يقول الحق يطلع مايتحشمش
كريم رجع للحوش:سلام
حمودة:كريمو قول شنو
كريم:شن
حمودة:بنبدا في المدرسه بابا كلمنا وسجلني
كريم:مليح وين سجلك
رودينه:مدرسه الشعله
كريم:بهي مش بعيده من هنا
رودينه:ايه
كريم:تعالي
خشت وراه للدار :شنو
كريم:انا تعبان نبيك معاي ارجوك
رودينه:شن فيه
كريم:مصغوط من كل شي من جيهة امي ومن جيهة البنت اللي ادبست فيها ومن جيهة انتي
رودينه:اظن انا اكتر طرف مريحك
كريم شد يديها:نتمنا يرجع الوقت وماغلطش معاك ولا جرحتك كاره روحي لاني مزعلك وبعدتك عليا رودي باقي اليوم خليني قريب منك نحس بنفسك ونشم ريحتك خليني نحضنك ونرقد بين ايديك ونوعدك بعدها كل اللي تبيه نديره
رودينه تشوف لعيونه حست بيه قداش تعبان ومشتت حضناته بقوة:حاضر
كريم بهمس:نحبك
طارق:هي تفضلي
سيلين:حبيبي انا عايزة احكيلك على موضوع
طارق:شن ياعمري
سيلين:مش دلوقتي لما تبقا ترجع بالليل
طارق:تمام ردي بالك على روحك
سيلين:اوك وخشت للحوش
علا:مرحب بمرت خوي
سيلين:اهلين
ياسمين:من اسمك عروسه
سيلين:اسمي سيلين ياحلوة
ياسمين:محلاك احلا من خالو
سيلين:ضحكت انتي احلا
حنان:وين طارق
سيلين:راح للعياده
حنان:اممم انتي وين امك
سيلين حاولت تكون طبيعيه:هيا وبابي منفصلين من زمان وهيا اتجوزت واحد ثاني
علاضحكت بصوت عالي:عيله والله مشت تزوجت وطلقت بنتها علينا
سيلين سيبتهم ومشت للمطبخ باش تتعلم طيب
اما ميار فات باقي يومها مع جدها اللي كل يوم صحته تتراجع اغلب الوقت تفكر في ايمن اللي قدر في فتره قصيره ياخد جزء من حياتها وتفكيرها
فاقت من سرحانها على ايد تمسح عاشعرها تلفتت
محمود:مستاحشك مووت
ميار:اووف عاد انت ماتملش قتلك خليني في حالي
محمود:مستاحش القهوة من ايديك وطعم شفايفك فيها
ميار دفاته:اسكت وابعد عليا
محمود:سامحيني
ميار:اووف اسمع خلاص تحملتك هلبا لو تتعرضلي مره ثانيه رح نقول لوسام وخطيبي
محمود:خطيبك! تبصري انتي ولا تبي تشوفي غيرتي
ميار شافتله باحتقار:ولا تهمني لا انت ولا غيرتك انا انخطبت بجديات
محمود خنقها:قولي انك تبصري احسن لانه غيري مش رح تاخدي لو تموتي
وسام دفه بقوه لين طاح:انت اللي تموت لو حطيت ايدك على اختي مره ثانيه احمد ربك بوي حالف اقسم بالله كنت شربت من دمك ياشبيه الرجال
خدي اخته وطلعو للحوش
ميار:الحمد لله لحقتني
وسام رفع حاجبه:مخطوبه صار
ميار:احم اه
وسام:ماتكثريش الدوة معاي خيرلك
ميار:حفيد عمو نعمان صاحب جدي كان يقرا معاي وتوا زميلي في العياده كلم جدو وخطبني وانا اليوم كيف عرفت الصبح وقلت هكا بس عاخاطر يبعد عليا
وسام:وشن اسمه هدا
ميار:ايمن ال.....
وسام:وشن رايك انتي
ميار:جدو قالي انه كويس واهله كويسين
وسام:موافقه يعني
ميار:ايه منه راجل ماينعابش ومنه تنتهي المشاكل بينا وخي احنا عيله ومش رح نرضى انه تصير مشاكل بين عمامي وبوي بسببي لو سمحت وافق وخليني نبعد ونرتاح
وسام:مش على حسابك فهمتي لو نطلع بيك من الحوش ونسكنو في مدينه ثانيه مانخليكش تتزوجي واحد انتي ماتبيشي
ميار:انا نبيه
وسام:فرخه قليلة ادب
ميار ضحكت:مهو انت تبيش تفهم
طارق خش للحوش:عسلتي
سيلين طلعت لابسه شورت جينز وكت ابيض حاطه مكياج خفيف وريحه قويه:حبيبي وحشتني
طارق صفر:شن الحلاوة هدي عاشن ناوية انتي
سيلين لفت يديها عارقبته:انا عملت العشا النهاردة وكمان عايزة احكيلك كام سر ونبدا حياتنا بصراحه
طارق:ماشي نغير ونجيك
سيلين:اوك مستنياك
طارق ياكل بشراهة:بجديات انتي دايراته
سيلين:ايوا طنط علمتني وحبيت انه يكون عشانا
طارق:يسلمو ايديك ياعمري الحمد لله
سيلين:صحتين وعافيه هاعملك قهوة
طارق طلع للصالون يدخن ويفكر شن بتقوله
بعد وقت باساته عاخده:بيب
طارق:ياروحه
سيلين:انا اسفه اوي
طارق طفا دخانه:علاش
سيلين:انا خبيت عليك حاجه مهمه بس صدقني كنت خايفه
طارق حط يديه عاخدها:اهدي ياقلبي واحكيلي بالشويه عليك
سيلين:فاكر لما قلتلك اني كنت مرتبطه وبعدها سبنا
طارق:ايه باه
سيلين:انا وبابي كنا بنسافر كثير ومره اتعرفت على حسام وارتبطنا بعد فتره وكنا حانتجوز بس
طارق:بس
سيلين:لما صارحته بمرضي سابني وقالي انه مايقدرش يعيش معايا في احتمال اني اموت في اي لحظه
طارق:مرضك!
سيلين:اه انا عندي الصمام وساعات بتعب اوي واقعد في المستشفى اسابيع
طارق:كملي
سيلين:السبب الي خلاني اخبي عليك هوا اني خفت تسيبني طارق انا ماقدرش من غيرك اموت بحبك اوي زمان كنت فاكره ان شعوري تجاه حسام حب بس لما شفتك عرفت انه ماكانش الا اعجاب وان معاك عرفت يعني ايه حب واهتمام وعشق عارفه انك زعلان مني ودا حقك بس صدقني خوفي اني اعيش من غيرك كان اكبر من اني اصارحك
طارق:مجنونه انتي انا نسيبك تي روحي معلقه فيك لو تبعدي في يوم نموت انتي خليتيني مجنون بيك
سيلين:بجد
طارق:اي ياعمري قوليلي علاش مادرتيش عمليه
سيلين:عشان نسبه نجاحها30% مع عدة مضاعفات ونسبه اني اموت 70% فضلت اخد دوا بيحافظ على صحتي واي تعب بيأثر عليا
طارق قامها في حظنه:طول ماانتي جنبي نوعدك نحافظ عليك من الهوا الطاير
سيلين:بحبك
طارق باسها بقوة بدون مايحس بروحه كل اللي يفكر فيه لو عرفت الاتفاق للي صار بينهم شن بتتصرف
سيلين بعدت:ممكن اطلب منك طلب
طارق:روحي ليك
سيلين:عايزه اروح لرودينه بكرا
طارق:حاضر
كريم راقد في حضنها:نحبك
رودينه تمسح على شعره:وانا نحبك
كريم:شن بنسموها لو جت بنت
رودينه:عادي نسميها على ماما ازهار
كريم باس ايديها:انتي بتسمي ولد ولا بنت
رودينه:ولو ولد نسموه كرم
كريم:اوك
رن هاتفها
كريم:ردي انا بندير قهوة تو نجي
رودينه:الو
ميار:خزي يانسايه العشرة
رودينه ضحكت:والله لاهيه في هم هك كبره
ميار:غدوة جايينك مافيش نقاش
رودينه:تأنسوني في انتظاركم
طارق:بترقدي
سيلين:اممم
طارق غطاها:بننزل نشوف بوي اليوم ماشفتاش بكل
سيلين:ماتتأخرش
طارق:حاضر ونزل
علا:ياسو بلا شطانه اطلعي لبوك
ياسمين:بهي هاتي صقر نرفعه
علا:ماره من جنب مكتب بوها وبالصدفه سمعت حديث خلاها توقف مصدومة بعدين ابتسمت وقامت هاتفها
دنيا:ايوا
علا:الغي كل شي
دنيا:علاش شن فيه
علا:صار شي بيخليها تطلب الطلاق وخوي يطلقها
دنيا:الله
علا:والله نتلاقو الايام الجايه ونهدرزلك بالتفصيل
دنيا:تم يالحب
ركبت السيارة مبسوطه
معتز:ان شالله خير
علا:قولي دوم ياروحي
معتز:ان شالله وانا شن نبيلك
علا:تعرف انه نحبك مووت
معتز باس ايدها:وانا مدمنك ياقلبي
ياسمين:حتا انا نحب فيكم
معتز ضحك:اسمها نحبكم يابابا
شعبان:شن مقرر توا
طارق:مش قادر نحكيلها يابوي خايف تسيبني
شعبان:اول مره نشوفك متعلق بحد هكا
طارق:ومانبيش نخسرها مهما كان الثمن
شعبان:يصير خير
ركب طارق قعد ليل كله حاضن سيلين وشعور الخوف اتمكن في داخله
صباحا في العيادة
ميار:صباح الخير
ايمن:صباح الورد دكتورتنا
ميار:كيفك
ايمن:عال العال اليوم الفطور عليا بدون اي نقاش هيا قدامي
ميار:انا ما
ايمن:ماتحبيش تفطري بس اليوم بتفطري معاي هيا تعالي مش جايب شي ثقيل كله خفيف هيا عاد ماتكسريش بخاطري
ميار:بهي تمام
ايمن مدلها بريوش:كولي يا بريوشتي
ميار ابتسمت:انت كيف قادر تكون مبسوط ديما وبشوش هكا
ايمن:لانه الدنيا مشوار بسيط الافضل نعيشوه مرتاحين بدل النكد والهم صح!
ميار:اكيد
ايمن مد يده مسحلها شكلاطه من عافمها:بهي ماقلتيش ردك
ميار:انا
ايمن:موافقه قولي موافقه والله امي تبي تفرح بيا 🥺
ميار ضحكت:موافقه
ايمن:يس 😍
ميار:مجنون
ايمن:هالخبر رح يفرح جدك وجدي وان شالله يخلي جدك يشد صحته ويتحسن
ميار:خوي عنده علم
ايمن:اياه حكاله جدك
ميار:سمعني من غير قصد
ايمن قعمز قدامها:كيف صار احكيلي
ميار:امس كنت عند جدو وجي محمود قعد يضايق فيا قتله انا مخطوبه ورح نقول لخطيبي وبالصدفه كان وسام جاي وسمعني قعد طول الليل يحقق معاي
ايمن:امم صار مخطوبه
ميار تحشمت:انا قلت
ايمن:باه خلاص بتخش بعضها وبيريح الكلام
ميار:بارد
ايمن:غدوة بنجيب امي وخواتي ومانبيش نطول باي شي
ميار:غدوة 😨
ايمن:ايه بدون نقاش
ميار:اوف
ايمن:وربي طرف يافرخه
الساعه 5
طارق:امتا نجيك
سيلين:عالمغرب
طارق:تمام
كيف بترن الجرس حد حط ايده قبلها
سعد:اسف
سيلين:ولا يهمك
سعد:قريبت رودينه!
سيلين:لا صاحبتها
سعد:اها مش ليبيه شكلك
سيلين:ليبيه
سعد:اممم ربي يحفظك
سيلين:تسلم
سعد:مرتبطه!
رودينه فتحت الباب:اهلين حبي انستيني
سعد قعد يشوفلها يستنا في جواب
سيلين خشت وبعدها تلفتتله:متجوزه
سعد خبط يده في الحيط:اوووف عليك حظ
رودينه تضحك:خيرك
سعد:شن هالطلقه الروسيه يا مرت خوي
رودينه:الله غالب
سعد:حظي وعارفه المهم متعشيين عندي الولاد بنتعبك في حاجه حلوة زابطه وئام ماليهاش فيه
رودينه:حاضر ادلل
سعد:منورة سلمي عليها الجميله
وصلت ميار:وينها اللي نست صاحباتها
رودينه:قعمزي واسكتي
سيلين:البت طلعت حامل وقريبا هانبقا خالات
ميار:حي بجديات
رودينه حطت القهوة وقعمزت:تقدرو تقولو انه الحمل هدا طلعني من الغريق
سيلين:ازاي يعني
رودينه:انا مابعدتش بمزاجي رهو هموم عاراسي مكرهيني في روحي
ميار:شن فيه يافرخه احكي
رودينه:من بدايه زواجي امه كارهتني طول الوقت تلقحلي وتعامل في حموده بطريقه اخي بكل. وصلت لدرجه دخلت في دماغه فكره اني مانبيش نحمل منه عاخاطر خوي ومانعرفش كيف قدرت تحطلي حبوب منع في شنطي وشافهم هوا ضربني كف وسمعني كلام قتلني وخطب
سيلين:نعم يعني ايه يضربك ويخطب ماانتي حامل
رودينه:حملي مابانش عليا بكل حتا وحم ماحسيتش بيه لين الاسبوع اللي فات طحت ورفعني لدكتورة وقالتله اني حامل
ميار:عليك حقاره
سيلين ساكته وتفكر
رودينه:شن صاير معاك حتا انتي
سيلين:تقدري تقولي اننا في مركب واحد انا كمان امه واخته مش طايقيني وعايزاه يتجوز بنت وحدا صاحبتها
ميار:ووووك شن هالعزايز مش ياخدهم ربي ويريحكم
رودينه:ليه شهر تقريبا ماطلعتش برا حوشي وهوا بعد دار خطوبه معاش عارف شن يدير يوخر لانه حملت ولا يكمل وهوا مايبيهاش وامه قعدا تضغط عليه
ميار:حقيره بجديات
سيلين:انا حكيت لطارق على مرضي
رودينه:الله شن قال
سيلين:ردة فعله كانت عاديه جدا قالي انه مستحيل يسيبني لو مهما حصل ومعايا هايفضل دايما
ميار:وانا انخطبت 🤭
سيلين:ايه 😦
ميار:ومزال لما تعرفو مني
رودينه:اجلطينا
ميار:ايمن صاحب راجلك
سيلين:ايمن دا الواد الصايع بتاع زمان
ميار:معادش صايع ياعيني
رودينه:مطوره الحكايه
سيلين:شكلنا كبدنا
ميار:مابردكم والله ولد كويس
سيلين:واحنا قولنا ايه ربنا يهنيكي
رودينه:امين
سيلين:انتي هاتعملي ايه مع جوزك
رودينه:مش عارفه فكرو معاي
ميار:تأسفلك الواطي
رودينه:هلبا وكل يوم يقولي اللي تبيه نديره
ميار:يسيب الجربانه اول شي
رودينه:وبعده
سيلين:تنتقلو على مكان مريح بعيد عن امه وابقو زوروها كل نهاية اسبوع
ميار:صح وانتي ترتاحي في حملك
سيلين:ااه بس لو كان طارق عنده اخوات كنت من زمان سافرت برا البلد
رودينه:قولتكم يوافق
ميار:وانتي شن صنعتك ادلعي يا روحي وخليه يجيك راكع
سيلين:مزبوط بعدين انتي محلوة يابت شكلك حامل ببنوته
ميار:غيري لبسك الواسع والبسي حاجات حلوة وتبين بطنك اشغلي كل وقته بيك خليه مقتنع انه الكل يبو يبعدوه عليك
سيلين:اه واهم حاجه الدموع ابقي اعمليله حبتين خايفه يبعدوني عليك
ميار:ولو رفضلك حاجه ديري روحك بتموتي واهم شي البيبي في كل شي كلميه عليه
رودينه:اوك
سيلين:ربنا يوفقك
رن هاتفها
طارق:غزالتي انا برا
سيلين:طيب
ميار:ماسرع اللطف
سيلين:وحشته
ميار:كلبه
سيلين:يلا سلام خلي بالك من البيبي يابت
رودينه:حاضر باي
دنيا ضحكت بصوت عالي:بالله عليك
علا:شن رايك
دنيا:عليك قصه ههه طلع خوك ملاك الرحمة يا روحي بيحققلها اخر امنياتها
علا:ههههه
دنيا:لا هدي تبيلها قعدا في حوشكم اسبوع
علا:تمام نقنع معتز ونجي
دنيا:تم ياحب ضحكت بشر وطاحت على سريرها وهيا تتوعد لطارق وسيلين بنهاية فضيعه......يتبع
انتظروني في الحلقه الاخيرة
