Unicode;
"ညက ဘာလို့ အဲ့လောက်တောင် မူးအောင်သောက်ရတာလဲ ကိုယ်ကဖြင့် အဲ့လောက်သောက်နိုင်တာလဲ မဟုတ်ပဲ"
Jungkook အိပ်ရားနိူးပြီး မီးဖိုခန်းထဲ ရောက်လာတာနဲ့ Jimin ဆူလိုက်သည်။ Jungkook က ဘာမှ ပြန်မပြောပဲ မီးဖိုခန်းကနေ ပြန်လှည့်ထွက်သွားတာကြောင့် Jimin စိတ်ဆိုးသလို လှမ်းအော်လိုက်သည်။
"ဒါ ဘယ်လဲ.. Appa က စကားပြောနေတယ်လေ"
"ခေါင်းနည်းနည်း ကိုက်နေလို့ အိပ်ချင်လို့"
အခုမှ အိပ်ရာနိူးတာကို အိပ်ချင်လို့ ဆိုတဲ့ အကြောင်းပြချက်က Jimin ကို စိတ်ဆိုးစေသည်။ ထမင်းဝိုင်းက ထပြီး Jungkook အနား ဒေါသဖြင့် လျှောက်လှမ်းကာ
"မင်းတကယ် ဘာဖြစ်နေတာလဲ.. လူကြီးက ဆုံးမစကားပြောနေတာကို အသားလွတ် ရှောင်ထွက်စရာလား ငါမင်းကို အဲ့လို သွန်သင်ခဲ့တာလား"
Jungkook ဘက်က ဘာမှပြန်မပြောပဲ မကြားသလိုရပ်နေတာကြောင့် Jimin ပိုစိတ်ဆိုးမိသည်။ စိတ်ရှိလက်ရှိ Jungkook ရင်ပြင်ကျယ်ကို တဖုံးဖုံးထုလိုက်ရင်း
"ငါက မင်းကောင်းဖို့ ဆိုဆုံးမနေတာကို မင်းက"
"Jimin ssi တော်ပါတော့.. ခင်ဗျား ကျွန်တော့်ကို ပြန်မချစ်နိုင်ဘူးမလား.. အဲ့ဒါဆို ကျွန်တော့်ကို ခဏ လွှတ်ထားပေး.. အလကားသက်သက် အထင်လွဲချင်အောင် ကောင်းမပေးနဲ့"
Jimin လက်တွေကို ချုပ်လိုက်ကာ အေးတိအေးစက် အသံဖြင့် Jungkook ဆိုလိုက်သည်။ Jungkook တသက်တာ ထိန်းကျောင်းလာခဲ့သည့် အလျှောက် ဒီလောက် အေးစက်တဲ့ လေသံမျိုး Jimin တခါမှ မကြားဖူးခဲ့။ Jimin ငြိမ်သက်သွားခဲ့သည်။
"ငါက မင်း Appa လေ မင်းအပေါ် ကောင်းမပေးလို့ ရမလား"
Jungkook က သူချုပ်ထားတဲ့ Jimin လက်တွေကို လွှတ်လိုက်ပြီး
"ကျွန်တော့်ကို ခဏလောက် လွှတ်ပေးထားပါ"
"Jungkook.."
"ကျေးဇူးပြုပြီးတော့ပါ တောင်းဆိုတာပါ"
ပြောပြီး Jungkook က သူ့အခန်းထဲသူ ပြန်ဝင်သွားတာကြောင့် Jimin ရပ်နေမိသည်။ ပါးပြင်ပေါ် စီးကျလာတဲ့ မျက်ရည်တို့ကို ကမန်းကတန်း သုတ်ပစ်လိုက်ပြီး အိတ်ကိုဆွဲကာ အလုပ်ဆီ ထွက်လာခဲ့လိုက်သည်။ ဘတ်စ်ကားပေါ် ငြိမ်သက်စွာ အပြင်ကိုငေးရင်း Jimin မျက်ရည်ကျမိသည်။
YOU ARE READING
From Daddy to Boyfie
Fanfiction(Unicode + Zawgyi) Unicode; အချစ်ခံရတာကို သဘောကျသလို... မြတ်မြတ်နိုးနိုးနဲ့ ဂရုတစိုက် ဆက်ဆံခံရတာမျိုးကိုလည်းသဘောကျတယ်... အဲ့တာတွေ အကုန်လုံး လုပ်ပေးနိုင်တဲ့ ခင်ဗျားကိုသဘောကျဆုံးပဲ..... 🖤 Zawgyi; အခ်စ္ခံရတာကို သေဘာက်သလို... ျမတ္ျမတ္ႏိုးႏိုးနဲ႔ ဂ႐ုတစိ...
