Unicode;
"ကျွန်တော် ပျော်ရတော့မလားဟင်.. ခင်ဗျားလည်း ကျွန်တော့်ကို နည်းနည်းတော့ စိတ်ဝင်စားနေပြီဆိုတာ ကိုယ့်ကိုကိုယ် သိတယ်မလား Jimin ssi"
ညက မထင်မှတ်ပဲကြားလိုက်ရတဲ့ Jungkook စကား နားထဲပြန်ရောက်လာသည်။ မှန်ထဲက ကိုယ့်ပုံရိပ် ကိုယ်ပြန်ကြည့်ရင်း မေးမိလိုက်သည်။ ငါ တကယ် Jungkook ကို ရင်ခုန်နေမိတာလား.. တကယ် Jungkook ကို စိတ်ဝင်စားနေတာလား...။ ကိုယ်ဘာသာတွေးပြီး ကိုယ့်ဘာသာ ခေါင်းခါလိုက်သည်။ မဟုတ်ဘူး Jungkookie က ငါ့ကလေး.. ငါက အဲ့လိုဖြစ်မှာ မဟုတ်ဘူး...။
အလုပ်နားရက်မို့ အိပ်ရာက နိူးနေလျက်နဲ့ ကုတင်ထက် လူးလိမ့်နေလိုက်သည်။ အခန်းအပြင်လည်း မထွက်ချင်။ Jungkook နဲ့ တွေ့ရမှာလည်း ရင်လေးနေသလို ဖြစ်မိသည်။
မီးဖိုခန်းထဲ အလုပ်ရှုပ်နေတဲ့ Jungkook ကတော့ ပျော်မြူး လန်းဆန်းနေသည်။ ကြက်ဥကျော်လေးကို ကတ်ကြေးလေးနဲ့ အသဲပုံစံ ကိုက်နေလိုက်သည်။ ကြော်ထားတဲ့ Kimchi ထမင်းကြော်ပေါ်ကို ပုံမပျက်တင်လိုက်သည်။ ကိုယ်ဖန်တီးထားတဲ့ လက်ရာကို ကိုယ့်ကိုကိုယ် ကျေနပ်ပြီး အနားက ဖုန်းလေးယူကာ ဓါတ်ပုံရိုက်လိုက်သည်။
"ချစ်ဖို့ကောင်းတယ်.. Park Jimin လိုပဲ.. ဟီး"
Jungkook တစ်ယောက်ထဲ သဘောကျစွာရယ်မိသည်။ နေပါဦး ပူတုန်းစားရမှာကို Appa က မနိူးသေးဘူးလား..။ Jungkook လည်း Jimin အခန်းတံခါးကို သာသာလေး ခေါက်လိုက်သည်။
"Appa မထသေးဘူးလား"
အခန်းအပြင်က အသံကြောင့် Jimin လန့်သွားသည်။ Jungkook နဲ့ တွေ့ဖို့ မဝံ့ရဲတာကြောင့် မျက်လုံးမှိတ်ကာ အိပ်ချင်ယောင်ဆောင်နေလိုက်သည်။ အခန်းတံခါးလေး တိုးဖွင့်ဝင်လာခဲ့သည့် Jungkook က ကုတင်ထက်က Jimin ကို ကြည့်ရင်း ပြုံးမိသည်။ ခင်ဗျားက ဘယ်လောက်တောင် ချစ်ဖို့ကောင်းလိုက်လဲ လူသားလဲ...။
"Appa.. ထတော့လေ ၉ နာရီတောင် ထိုးတော့မယ်.. ကျွန်တော်လုပ်ထားတဲ့ မနက်စာတွေတောင် အေးတော့မယ်"
ကုတင်ဘေးထား ထိုင်ကာ နိူးနေတဲ့ Jungkook ကြောင့် Jimin အခုမှ နိူးချင်ယောင် ဆောင်လိုက်သည်။
VOCÊ ESTÁ LENDO
From Daddy to Boyfie
Fanfic(Unicode + Zawgyi) Unicode; အချစ်ခံရတာကို သဘောကျသလို... မြတ်မြတ်နိုးနိုးနဲ့ ဂရုတစိုက် ဆက်ဆံခံရတာမျိုးကိုလည်းသဘောကျတယ်... အဲ့တာတွေ အကုန်လုံး လုပ်ပေးနိုင်တဲ့ ခင်ဗျားကိုသဘောကျဆုံးပဲ..... 🖤 Zawgyi; အခ်စ္ခံရတာကို သေဘာက်သလို... ျမတ္ျမတ္ႏိုးႏိုးနဲ႔ ဂ႐ုတစိ...
