Unicode;
"မင်း.. မင်းအဖေ နဲ့ စကားများလာတာလား"
Taehyung အမေးကို Jungkook မကြားချင်ယောင်ဆောင်ပြီး မျက်စိမှိတ်ထားမိသည်။ Hoseok က Jungkook တင်ပါးကို ဖြန်းကနဲ ရိုက်လိုက်တော့ Jungkook က မျက်စိမဖွင့်ပဲ ဆက်ငြိမ်နေပေမယ့် ဘောင်းဘီအိတ်ထဲက နားကြပ်ပလပ်လေးက ဖုန်းထဲ ထိုးထားတာ မဟုတ်ကြောင်း အပြေးထွက်လာပြီး အကြောင်းကြားလေသည်။ Hoseok က ထွက်ကျလာတဲ့ နားကြပ်ခေါင်းလေးကို ယူကာ Taehyung ကို မျက်စပစ်ပြရင်း
"မင်း မေးတာ မှန်တယ်ထင်တယ်"
Hoseok စကားကြောင့် Jungkook လည်း မျက်လုံးဖွင့်ကြည့်လိုက်တော့ သီချင်းနားထောင်ချင်ယောင် ဆောင်နေတာရိပ်မိသွားတာကြောင့် Hoseok လက်ထဲက နားကြပ်ခေါင်းလေးကို လုယူလိုက်သည်။ Hoseok က ခေါင်းခါရင်း
"ဘာဖြစ်လာတာလဲကွ.."
"အေးလေ မနေ့ညကလည်း ဦးလေး Jimin သနားပါတယ် မင်းကို စိတ်ပူနေတာကို မင်းက ဘာလို့ မရှိဘူးပြောခိုင်းတာလဲ"Taehyung ကပါ ဝင်ထောက်ခံလိုက်တာကြောင့် Jungkook ငြိမ်သက်နေမိသည်။ တကယ်တော့ မနေ့ညက Jimin, Taehyung ဆီ ဖုန်းဆက်တော့ အနားမှာ Jungkook ရှိပေမယ့် တမင် မရှိဘူး ပြောခိုင်းလိုက်ခြင်း ဖြစ်သည်။ သူငယ်ချင်းတွေကို ဘယ်လိုပြောပြရမလဲ ကိုယ့် မွေးစားအဖေကို ချစ်မိနေပါပြီဆိုတာ...။ Jungkook သက်ပြင်း ဆွဲချလိုက်မိသည်။
"ဘာမှ မဟုတ်ပါဘူး"
"ဘာကို ဘာမှ မဟုတ်တာလဲ.. မင်း ကြည့်ရတာ အပူမိနေတဲ့ ပုံစံနဲ့"Taehyung စကားကို Hoseok က ခေါင်းညိမ့်ထောက်ခံသည်။ Jungkook ကတော့ ပါလာသမျှ စာအုပ်တွေ ကောက်သိမ်းဆည်းရင်း
"ငါ အိမ်ပြန်တော့မယ်"
"ဘာလဲ.. ဘာလို့လဲ စာမလုပ်တော့ဘူးလား"
"နည်းနည်း စိတ်ရှုပ်နေလို့ စာလည်း လုပ်နိုင်မှာ မဟုတ်ဘူး"Taehyung အိမ်ကနေ ထွက်လာခဲ့ပြီး စက်ဘီးလေးနင်းရင်း Jungkook တစ်ယောက်ထဲ ဟန်မြစ်နား သွားထိုင်လိုက်မိသည်။ ခေါင်းထဲ Jimin ပြောခဲ့တဲ့ အသံတွေ ပြန်ကြားယောင်လာသည်။
'မင်းစကားက ငါ့ကို တခါမှ အဖေလို့ မသတ်မှတ်ထားဘူးလို့ သက်ရောက်တာ သိလား... မင်းဘဝ တစ်လျှောက်လုံး ငါက သူစိမ်းတစ်ယောက်ထက် မပိုခဲ့ဘူးလား.. ငါ့ဘဝရဲ့တစ်ဝက်လောက်ကို မင်းကိုပဲ ဂရုစိုက်ပြီး ကျွေးမွေးထိန်းကျောင်းခဲ့တာ ငါပြန်ရတာ ဒီလို အချစ်လား'
BINABASA MO ANG
From Daddy to Boyfie
Fanfiction(Unicode + Zawgyi) Unicode; အချစ်ခံရတာကို သဘောကျသလို... မြတ်မြတ်နိုးနိုးနဲ့ ဂရုတစိုက် ဆက်ဆံခံရတာမျိုးကိုလည်းသဘောကျတယ်... အဲ့တာတွေ အကုန်လုံး လုပ်ပေးနိုင်တဲ့ ခင်ဗျားကိုသဘောကျဆုံးပဲ..... 🖤 Zawgyi; အခ်စ္ခံရတာကို သေဘာက်သလို... ျမတ္ျမတ္ႏိုးႏိုးနဲ႔ ဂ႐ုတစိ...