"لم تعد اشعر بشيء...تثاقل الالم علي قلبها حتى توقف فجأة...ورغم انها ما زالت تتنفس...بدت و كأنها ميتة💔...!"
________________________
مؤيد و ملهم و مهاب بدوا ينزلو براحة في السلم...
مؤيد:اتحداكم البلعب ايمن...
ملهم:لااازم طبعا...ولا ما كانت بتكون محمسة كدا...
مهاب:تفتكرو معاه منو حيكون؟
مؤيد:بكوون الهادي او جعفر
ملهم:اصلا لاازم اللعبة تولع معاهم
مهاب:بركزو تركيز كدا ما طبيعي في لعباتهم ديل
ملهم"ضحك":صااح؟؟!...يااخ حتى نص التركيز دا ما بدو للدكتوور
مؤيد:لاا ما دي فيها احرااجاات...
مهاب"ضحك":صااح...اللعبة بالنسبة ليهم مسألة حياة او موت
ملهم:ما عندهم موضوع...
مؤيد:كلاام منك سااي😂💔
ملهم:قصدك شنو
مهاب:قصدو انو لو لقيت فرصة بالغلط تلعب فيها شطرنج ما بتقبل ورااك
مؤيد:لكن و الحمدلله عندك حاجة شاغلاك منها
مهاب و مؤيد عاينو لي بعض و ضحكو و ملهم عمل منهم رايح
مؤيد:علي كل...نحنا لاازم نحاول نعلب مع واحد فيهم...
مهاب:لو واحد فينا قدر يقلب واحظ فيهم حنبقى اسطورة عديل كدا
ملهم:صدقني ما بتقدر
مؤيد:انا كل ما العب مع ايمن دا لاازم لاازم يكون في تعادل او هو يهزمني
ملهم:ما حصل قابتو في حيااتك
مؤيد:و لا امن حاقدر زاتو😂💔
و التلاتة اولاد فكو ليك الضحكة و ما انتبهو انهم في نهاية السلم...
مؤيد طبعا لمن يغطس في الضحكة بغطي عيونو بي يدو و بتظهر ضحكتو بس من وشو كلو و ملهم و مهاب بعاينو لي بعض...
و فجاة انتبهو انو مؤيد قرب يطقش زول و معاها بتين وراها...
البت ما عاينت فوق و من الخلعة رجعت ورا و قالت "بسم الله"...
مؤيد طبعا من الصووت...طووالي عرفها...
و رغم انها كانت بتعاين للارض لمن رجعت لي ورا لكن مؤيد طوالي عرفها...
ما كان متوقع انو يلاقها كدا...
اصلا ما كان داير يلاقيها كدا...
كان نفسو يلاقيها بعدين نهاية اليون براها عشان راسا يضرب و تقعد الليل كلو مساهرة بسببو...
يكون هو مخطط كل شيء و مخطط يقول ليها شنو و يلاااقيها بي الطريقة العاجباه...
ما حسي مع ملهم و مهاب في نص اليوم مع بتين معاها كدا...
مؤيد من الخلعة ما قدر يمسك لسانو و قال اسمها بتردد " منتهى"...
و هي هنا جمدت في مكانها...
رفعت راسها براحا ولقت ليك مؤيد منطط عيونو قدر الليلة و بكرة...
مؤيد ما عرف يقول ليها شنو...
لانو ما خت دا كلو في الاعتباار ابدا...
و رغم انو ما كان عندو كلام في راسو بس فتح خشمو عشان يتكلم
مؤيد:من-
و قاطعو ليك كف قااااطع...
كف قووي لدرجة انو عممل صوووت طااااااخ و بي صداه في السلم الفاضى...
دا الكف التاني لي مؤيد لي نفس السبب من ناس مختلفين...
و هو كاان قاايل انو مااف اقوى من كفوف سلينا...
لسوء حظو جات منتهى و اثبتتو غلط...
كفها كاان اقوى من كف سيلينا سبع مراات...
امكن عشاان المرة دي جاي منها هي بنفسها...
لانو سيلينا ما زي منتهى...كف سيلينا كان مليان غضب...بس دي حقها مليان اكتتر من كدا بكتتير...
مليان الم و غضب و حزن و حقد و كلو...
مهاب و اية و زينب بقوو طاااشيييين شببكة خااالص...
و رغم انو ملهم كاان عارف الخصل كلو و عرف انها منتهى زاتها الكلمو بيها قبل شهرين و كل شيء...
بس نهائى ما اتوقع الكف دا...
هو زااتو بقى منطط عيونو زي الدجاجة مع ديك...
و من اللحظة دي هي زرعت الخوف في قلب مهاب و ملهم منها😂💔...
طبعا الكف كان قوي لي درجة انو مؤيد حسى بي جرحة جايسون حقت قبل شهرين ديك تاني ترجع و كف سيلينا اصلا ما قصر و زادها زياادة...
جات حسي منتهى بعد ما اخييير اخييرا قفلت تاني و قربت تروح رجعت ليه نفس الوجع تااني...
مؤيد طبعا ما قدر يحرك رقبتو لي اول خمس ثوان...
بس بقى واقف بعاين لي اتجاه الكف مسافة...
صرااحة كان متوقع منها الكف...لانو دي منتهى البنتكلم عنها دي...
و عشان كدا كان داير يلاقيها براها...
بس كان مصدوم شوية...
ما اتوقعها تصربو مع ناس بتعرفهم و نهائي ما اتوقعو يكوون اقووى من حق سيلينا...
و في اللحظة دييك جاه فلااش بااك لمن دقت و الراجل الكان ماشي وراها اليوم دااك
