"و ذلگ الحلم الذي اخذ جزءاً من روحگ أسقه بالدعاء حتى يرتوى...حتى يكون💙❄..!"
______________________
منتهى:سوووو...انت حسي بتقول لي في شنو بالظبط؟!
ياسر:ي بتي انا شرحتها ليك تلاتة مرات...برضو مابية تفهمي؟
منتهى:انا ما قادرة استوعب انو انت و هي..."اشرت علي ياسمين"...اخواان كدا...
منتهى عاينت لي ياسمين الكانت قاعدة بتتكلم مع سلمى اختها و بضحكو...
بتكلمو عن الماضي و الحصل فيه...
بتكون عن المصائب العملوها مع بعض...
عن الناس الكانو بعرفوهم و حسي حصل ليهم شنو...
عن ااي حاجة فاتتهم و هم عارفين خبرها...
منتهى طلعت نفس زهجا و مشت قعدت في البنش...
ياسر عاين ليها و مشى قعد وراها...
منتهى:ما قادرة افهم انا...
ياسر:اسمعيني و ركزي في كلامي دا كويس...لاني ما حاعيدو ليك تاني...
منتهى لفت عيونها😒
منتهى:محسسني اني ما بفهم ولا مختلة عقليا
ياسر:صراحة كدا انتي واحدة من الاتنين...
منتهى قبلت حمرت ليه
ياسر:مع كل احترامي لكن انتي ما قادرة تفهمي حاجة بسيطة...
منتهى:دي ما بسيطة...البساطة في دا وين؟!
ياسر:طيب ابدا ليك من البداية...
منتهى اتلفتت عليه...
ياسر:امي و ابوي اتزوجو زواج الاهل...
منتهى:كيف يعني؟!
ياسر:يعني اهلهم رتبو الزواج...هم ما كانو بعرفو بعض اصلا..
منتهى:...
ياسر:اتزوجو و ربنا رزقهم بي ولد كبير سموه محمد...بس شاءت الاقدار انو محمد دا يموت و عمروا سبعة شهور لانو مناعتو كانت ضعيفة...
منتهى:الله يرحمو
ياسر:و وفاتو وجعت امي شديد...
منتهى:اكيد حتوجعها...هي فقدت اول ولد ليها...
ياسر:بس وفاتو دمرتها...وجعتها شديييد...و مرت اربعة سنين و هي بتتعالج من الموضوع دا...
منتهى:لا إله الا الله...
ياسر:محمد رسول الله...و بعد الاربعة سنين ديل ربنا رزقهم بي بت...سموها عائشة...
منتهى:دي اختك القاعدة في دبي صح؟
ياسر:اممم...امي اهتمت بيها و حبتها حب ما عادي...و حتى قررت انها ما تنجب تاني الا بعد ما عائشة تكبر و تصل سن كبير...و بالفعل...ولدت تاني ولد بعد سبعة سنين...سمتو ياسر...
منتهى قبلت عليه...
ياسر:و بعديه بي سنة طوالي انجبت ياسمين...
منتهى:الفرق بينكم سنة...
ياسر:ااي...يلا ركزي معاي هنا لاني ما حاعيد كلامي تاني
منتهى:...
ياسر:عاشو في الولايات المتحدة بي سلام...و ياسر و ياسمين كانو مصاحبين ولد شدييد اسمو مؤيد هناك...
منتهى اتلفتت عليه...
مؤيد؟!
مؤيد الدخلو بينهم شنو؟!...
ياسر:المهم...كانو بمشو و بجو من امريكا لي السودان...استمروا كدا لحدي ما عمر ياسر بقى 16 و ياسمين بقت 15...و بدت المشاكل من هنااك...
منتهى:...
ياسر:يووم من الايام ياسر المتخلف الشافع الما مسؤول قرر انو يمرق يمشي لي احد حفلات الثانوي حقتو...و قرر انو ما يوري اهلو لان. كان عارفهم حيرفضو...و بعد ما الناس كلهم نامو ياسر مرق من البيت و مشي للحفلة...و لمن جاء راجع قبل الصبح بي شوية لقى في شرطة قدام بيتو...اسرع عشان يعرف الحصل شنو اتضح انو هو كان مختفى و اختو تعرضت للتحرش الجنسي...
منتهى اتخلعت و ما قدرت توقف نفس الصدمة الجرتو بسرعة...
ياسر"هزا راسو":ايوووا بالظبط...اتضح انو اختو شافتو و قررت تمشي وراه و تحاول توقفو بس لقوها مجموعة من الاولاد...و لو ما الشرطى داك جا ماري فيهم بالغلط كانو حيقتصبوها و يقتلوها و يرمو جثتها في مكان...
اثار الصدمة كانت لسا موجودة علي وش منتهى...
ياسر:و امهم ما كانت قادرة تنسى الحاجة دي...كانت دايرة ترجع السودان...تبعد بتها من المكان دا...او علي الاقل يمسكو الاولاد و يحاكموهم...بس الابو كان رافض...قال ليها الموضوع مشى علي خير و ربنا رجعهم لينا بي سلام ماف داعي نكبر الموضوع...
منتهى:..
ياسر:لكن الام ما قدرت تنسي...فكرت انها ممكن يجي شرطى و يرجع بتها المفروض تكون نايمة فوق فجأة كدا ما خلتها...ممكن عادي يجو يقولو ليها واحد من اولاد ك مات و هي ما جايبة خبر...و فكرة انو زول من دمها يموت تاني بعد ما خسرت محمد...دي براها دخلتها في حالة رعب مختلفة...
ياسر سكت...
بدى زي و كأنو بحاول يجمع في كلماتو و ينظمهم...
منتهى:و اتشاكلو...
ياسر"هزا راسو":امم...الشكلة كانت كبيرة لدرجة انها ودت للطلاق...و انتقسمو...خيرونا نحنا نمشي مع منو...و عائشة و ياسمين ما قدروا يخلو جانب امي...و انا ما كنت قادر اخلي ابوي براه...ابوي كان محتاج يكون معاه زول...
منتهى:و كل واحد فيكم مشى في طريقو...
ياسر:ااي...من هناك اتقطع تواصلنا مع بعض...انا و ابوي رجعنا السودان و اهل ابوي جبروه انو يتزوج مرة...اسمها امنة...و قبل ثلاثة سنين ربنا رزقهم بي بت سموها فاطمة...
منتهى:و ناس ياسمين؟
ياسر:اخبارنا منقطة منهم لحدي ما لاقيتها هنا في الجامعة اول يوم في الجامعة...كانت برلومة و انا سينير مربد سنة معاهم برضو بقيت في دفعتهم...و المشكلة انها ما كانت براها...كان معاها مؤيد...
منتهى:و مؤيد الدخلو بينكم شنو؟!
ياسر:مؤيد كان صاحبنا شديد...و فكرة اني اخترت امشي مع ابوي رغم اني انا السبب في كل شيء...و ابيت امشي اساعد ياسمين الاتأذت و امي...دا كلو خلاه يكره وجودي زاتو...
منتهى:هو ما عندو حق يتدخل بينكم...
ياسر:عندو كل الحق...ااي حاجة عندها علاقة بي ياسمين عندها علاقة بي مؤيد...
منتهى:...
ياسر:ما انتبهتي؟
منتهى:انتبه لشنو؟
ياسر:ياسمين:خط احمر بالنسبة ليه...ما تقطعو عشان ما يقطعوك...
و رغم انو دا ما وقتو نهائي...
بس منتهى ما قدرت توقف النار الصغيرة الولعت جواها...
لي ياتو سبب و لي حسي بزات...دا ما عرفتو و قررت انها تطنشها بس...
ياسر:و ما بالنسبة ليه بس...ماهم و مهاب برضو...
منتهى:برضو ما برضو فيها...
ياسر:نهائي...فاتني كتير انا خلال السنين الاتقطعت فيهم ديل...اصلا ملهم ببقى لينا من امي...بي مسافة بعيدة كدا حبوبتي ام امي و حبوية ملهم ام امو بنات خالات...المهم ماف داعي تركزي لانو حيضرب ليك راسك الكلام دا...
منتهى:طيب و الحصل لي ناس ياسمين شنو؟
ياسر:امي برضها اتزوجت...ولد جيرانهم هناك في البلد...المضحك انو اسمو نفس اسم ابوي...مجاهد...
منتهى:...
ياسر:مرتو كانت اتوفت و خلت ليه ولد كبير اسمو محمد...و كل واحد فيهم كان محتاج للتاني فقررو انهم يتزوجو...
منتهى سكتت...
بالفعل...
اتزكرت لمن كانو في الولايات المتحدة و مرة ام ياسمين اتصلت عليها دايراها نجي توديها مكان...
و لمن كلمت مؤيد انها مارقة مؤيد قال ليها
"و اخوك محمد"...
كان قصدو اخوها من ابوها...
منتهى:طيب و عائشة...
ياسر:عائشة اتزوجت السنة الفاتت...و ربنا رزقها بي ولد ياسمين مشت حضرت ولادتها...
منتهى:...
ياسر:ااي...ابوي جا حضر العرس...كانت اول مرة ابوي يشوف فيها امي بعد مرور الوقت دا كلو...
منتهى:و انت لاقيت امك؟
ياسر:ااي...اول ما لقيت ياسمين قدامي حاولت معاها بس مؤيد ما خلاني...و في يوم مشيت وراها لحدي بيتهم و عرفت كل شيء...
منتهى:برضو مؤيد ما عندو حق بتدخل في اموركم العائلية...
ياسر:ياسمين رجعت تتعامل معاي...بعد فترة طويلة لكن في النهاية رجعنا زي الاخوان الزمان..
منتهى:بس مؤيد ما رجع...
ياسر" ابتسم":بالظبط...مؤيد لسا كارهني...
منتهى:غايتو الشافع دا...
ياسر:بالفعل شافع...
منتهى:لا إله الا الله...
ياسر:محمد رسول الله...
منتهى:حيلتك ممكن تبقى قصة...
ياسر:ااي...
منتهى:لكن دقيقة...
ياسر:امم...
منتهى:انتو رجعتو الولايات المتحدة بعد ما ابوك اتزوج؟
ياسر:ابوي قرر يقعد مكان شغلو في الاردن...و نزول االولايات وقت الايجازة بس انا و هو...
منتهى:و ناس ياسمين...
ياسر:كانو عايشين في الولايات لحدي ما ياسمين دخلت الجامعة...امي قررت انها ترجع عشانها السودان و هناك لمن رجعو حتى اتزوجت...
منتهى:ايوا...
ياسر:الحاجات داخاة في بعض
منتهى:شديد...
ياسر:و حتى عائشة...اتزوجت ولد خالة ملهم طوالي...
منتهى:ملهم المعانا دا؟!
ياسر"هزا راسو":اممم...قلت ليك ببقى لينا من بعيد...
منتهةى:واااااو...قصتكم مسلسل تركي بس...
ياسر"ضحك":بالفعل...
منتهى:دقيقة...
ياسر:امم...
منتهى:و انت لحدي حسي ما اتصولحت مع مؤيد صح؟
ياسر:ما تقولي اتصولحت دي...بتحسسيني اننا بنات في اولة اساس متشاكلين...
منتهى"ضحكت":طؤب لحدي يوم الليلة ما رجعت تتعامل مع مؤيد صح؟
ياسر:صح...
منتهى:يصبر لي بس...
ياسر"اتلفت عليها":حتسوي ليه شنو؟
منتهى:بأدبو...اصلا هو شافع محتاج لي حبة ادب...
ياسر"ضحك":شايفك رجعتي تتعاملي معاه بعد الحصل...
منتهى سكتت...
هي نست...
موش قبل شوية وعدت روحها انها ما حتمشي جمبو لحدي ما تقدر تتعامل مع راسها الضارب دا...
ياسر"ابتسم":حاقول ليك الكلام دا مرة واحدة بس...
منتهى اتلفتت علي ياسر...
ياسر:و لو جيتي سألتيني منو حانفى فكرة اني قلتو...
منتهى:...
ياسر:والله العظيم مؤيد دا ما كعب...
منتهى ساكتة بس
ياسر:لكن انتي عارفة الحاجة دي...
منتهى:...
ياسر:و عارفة انو شافع...
منتهى:امم...
ياسر:و الشافع لمن يجو يحاولو يشسلو حاجاتو بقوم بتصرف من غير ما يفكر...
منتهى:...
ياسر:لمن يحس يي انو في زول بقى ليه تهديدة في حاجاتو بعمل اول حاجة في راسو...
منتهى اتلفتت عاينت لي ياسر...
ياسر:فعشان هو شافع حاولي اتقاضي عن الحاجة دي...
منتهى ما فهمت كلامو كويس...
لكن برضو ما حاولت تخليه يشرح ليها...
امكن لانها خايفة من الايجابة لمن يشرح...
خايفة انو مؤيد برضو يطلع يحبها...
تمشي وين بعد داك هي؟!
لا استحالة يطلع يحبها...
في النهاية دا مؤيد البنتكلم عنو دا...
منتهى حاولت تغير الموضوع...
منتهى:يعني في النهاية كلامي طلع صاح...
ياسر اتلفت عليها
منتهى:لمن كنت مصرة انك دا انت ياسر صاحب سلمى انت كنت بتنفي...
ياسر ضحك
منتهى:انت كنت عارف انو انا منتهى؟
ياسر:اديك الصراحة ولا الكذب؟
منتهى:كنت عارف انت...
ياسر ضحك
منتهى:طيب لي نفيتها...
ياسر:صراحة كدا انا بيني و بين نفسي اتخلعت لمن لقيتك اتزكرتيني...عادة الناس ما كانو بتزكرو الشافع الما كان بتعامل مع زول دااك...
منتهى:كيف ما اتزكرك...علي قول سلمى انت كنت الوحيد البتسمعني و انا بتكلم الي ما لا نهاية عن كلام ما مفهوم...
ياسر"ضحك":بالفعل كنتي بتتكلمي فارق بس...
منتهى"ضحكت":كنت شافعة غبية
ياسر:لازلتي شافعة غبية...
منتهى ضحكت و سكتت...
ياسر:الطفولة...
منتهى:ضحك لي ما لا نهاية...
ياسر:ما اتغيرتي لي يوم الليلة انتي...
منتهى:بس انت اتغيرت...
ياسر اتلفت عليها...
منتهى:اتغيرت شدييد كماان...
ياسر:للدرجة دي؟
منتهى:شديييد...
ياسر ضحك...
منتهى:اول حاجة انت كنت ما بتعاين لي زول في وشو...بتعاين للارض بس...
ياسر:و حسي ما بعمل كدا؟
منتهى:ما تخليني ابدا زااتو...
ياسر"ضحك":اها و تاني
منتهى:ما كنت بتتكلم كتيير...
ياسر:و حسي بتكلم يعني؟
منتهى:حسي خشمك دا ما بسكت...التقول بالع راديو بس...
ياسر:لا حوولا ولا قوة الا بالله...ما تظلميني
منتهى:والله جد...و حتى زمان نادر ما اشوفك بتتضحك و حسي الابتسامة ما بتفارق وشك
ياسر:دي ما حاجة كعبة نهائي...
منتهى:انا ما قلت انها حاجة كعبة...
ياسر:اها و تاني؟
منتهى:اممم...ايووا...اهم حاجة
ياسر:شنو؟
منتهى:زمان ما كنت بتتكلم مع زول...حسي ما عندك غير المكاواة...
ياسر:ما حاغالطك في الحاجة دي
منتهى:بقيت بس بتكاوي بطرقة ما عادية
ياسر:المكاواة سمحة...بالزات للناس البتكاو زيك...
منتهى:و اية صحبتي...
ياسر"ضحك":لا ايوتة دي متعة من نوع اخر...
منتهى:حرام عليك والله البت مسكينة...
ياسر:الساعة التقوم تكرفس وشها في ابسط حاجة دي...و الله ما بقدر اوقف الضحك...
منتهى:شفت...بقيت زول مختلف خاالص...
ياسر ضحك
منتهى:اتغيرت لي؟
ياسر:تفتكري اني كنت حاعيش في العالم بي شخصية زي ديك...
منتهى:...
ياسر:كان العالم بلعني و انا حي...
منتهى:كلامك صح...لكن ما تتغير للدرجة دي
ياسر:الظروف بتغير الزول كدا...
منتهى:...
ياسمين و سلمى قامو و مشو علي منتهى و ياسر...
ياسمين:انا لسا ما قادرةاد اصدق انو انتي اخت سلمى...
منتهى:و ما قادرة اصدق انك انتي و ياسر اخوان...
ياسمين "ضحكت": ما بنتشابه صح؟
منتهى:نهائي...هو تايني ليه كيف...و انتي كيف...
ياسمين:بس في العيون بنتشابه...
منتهى عاينت ليها و لي ياسر...
منتهى:ممكن في العيون ااي...لكن تاني مختلفين خاالص...
(ياسمين
بيضاء حلبية و عيونها كحيييلة لونها عسلية...و ياسر
اسمر نايل للاصفرار حواجبينو غزيرة شوية عيونو كبيرة برضو عسلية عندو غمازات)
ياسمين:هو طالع بشبه امي و انا بشبه ابوي...
منتهى:و العيون عيون منو؟
ياسمين:عيون ابوي...
منتهى:ايووا...
ياسمين:انتي نهائي ما بتشبهي سلمى لكن...
سلمى:اصلا البت دي سافعة ما عارفة المدخلها الجامعة شنو
منتهى:شافعة في عينك...
سلمى:والله جد...الجامعة دي كلام لسا كبير علي عقلك...
منتهى:علي فكرة انا عقلي اكبر من عقلك
ياسر:عيب عيب ي سافعة الكلام دا ما صاح...
منتهى:اصلا غلطانة انا البتكلم معاكم...
سلمى:اصلا
منتهى:انا المقعدني مع ناس رابع شنو انا زاتي ما عارفة...
ياسر:صحي انتي بتقري شنو ي سلمى؟
سلمى:بقرا طب عام في المجمع الطبي...
ياسر:طب عديلك كدا؟
سلمى:امم...
ياسر" اتلفت علي منتهى":بتقرا طب و انت هنا...تفتكري عقل ياتو فيكم اكبر؟
منتهى لفت عيونها😒💔
ياسر:بعدين انا متأكد اني لو قعدت اسرح ليها حاجة ما حاشرحها ليها ثلاثة مرات عشان تفهم...
منتهى:اهبل
سلمى:عييب عليك تقولي كدا علي سينيرك
ياسر:حتحتاجي لي بعدين و حتبقى ليك بمبي بمبي
منتهى:قالو انت السينير الوحيد الانا بعرفو يعني؟
ياسر:ايووا...بس بعدين ما تجي تطلبي مني حاجة
منتهى:اصلا ما حاجي
ياسر:خليك قدر كلامك
منتهى:من يومي قدر كلامي
ياسر:شافعة
منتهى:اهبل...
