"و عن جمال تلگ المحاولات اللإرادية لتقليده لملامح وجهها🌹❤..!"
_____________________
منتهى:...
زينب:...
اية:...
منتهى و زينب بقو منططين عيونهم علي كلام اية...
منتهى:يعني افهم من كلامك دا انك...
زينب"تمت ليها":بتحبي ياسر...
اية:كنت بحب لو سمحتى...
كذابة...
و عارفة روحها كذابة...
لكن دي الطريقة الوحيدة البتخليها ترفع راسها شوية...
انها تشوف روحها اقل مثيرة للشقفة لو فهمتو...
منتهى:كنتى؟
اية"هزت راسها":صراحة كدا...ما اعتقد اني حبيتو اصلا...الحب العادي دا...
منتهى و زينب عاينو لي بعض...
و تاني رجعو عاينو لي اية...
اية:اعتقد اني لخبطت بين المشاعر...حقت الاخوة و الحب...
زينب:يعني بتحبيه ك أخ؟
اية"هزت راسها":ااي...
لو في حاجة اية بتعرف تبدع فيها كويس غير العبادة...
هي الكذب...
حب اخوة شنو وهي في كل صلاتها بتدعي اللهم اجمعني به...اللهم اجعل بيني و بينه نصيب...
لكن انها تكشف مشاعرها للعامة...
و بالاخص منتهى و زينب...
ما حتعرف تتحكم في الكلام...
و رغم انها بتثق فيهم و متأكدة انهم ما حيتكلمو لو ورتهم الحقيقة...
لكن ما حتقدر تستحمل النظرة الحتجيها منهم لمن ياسر يجي ماري او حتى يذكروا سيرتو...
لانو حتى ولو هم ما حيعترفو بيها...
منتهى حتحس بالسوء لمن تعرف انو اول ولد تحبو صحبتها بحبها في...
و زينب حتشعر بالغرابة بينهم الاتنين...
منتهى:طيب و زعلتي مني لي؟!
اية طلعت نفس طويل...
جاء وقت الكذبة الكبرى...
اية:لاني كنت قايلة روحي بحبو...طبعا انتو عارفين اني ما بتعامل مع اولاد...او حتى ما بعرف اتعامل معاهم...و هو اول ولد يفتح لي الابواب القررت اقفلها..
و انا اخطأت بين المشاعر العندي ليه...
منتهى:...
زينب:طيب و الدخل منتهى في الكلام دا شنو؟
اية:ياسر...
و تاني سكتت...
توريهم؟
كدا حتفضح ياسر...
ما توريهم...
هي ظاهرة في عيونو...
عشان ياسر...
ما حتوريهم...
اية:منتهى عندها مكانة خاصة لي ياسر...
زينب عاينت لي منتهى و منتهى بقت بس ساكتة...
اية:لانها صحبتو من الطفولة...و اكتر واحدة فينا بتعرفو...و هي كانت جزء من حياتو...
زينب:كيف يعني؟
منتهى:عرفتي كيف؟
اية سكتت...
اتذكرت لمن كانت بتفتش لي منتهى قبل كم يوم عشان مشروعهم في المكتبة...
دخلت مبنى I.T. و بقت واقفة فوق السلالم بتعاين...
و تاني لمحت ظهر منتهى...
و كان معاها ولد...
مشت عليهها عشان تعرفو دا منو...
و لمن قربت من ااشجرة وقفت وراها و سمعت صوت ياسر...
كانت قاعدة مع ياسر...
كانت دايرة تتكلم بس لمحت ياسمين مع اخت منتهى سلمى...
و استغربت الجابها هنا شنو...
و بعد ثوان سمعت ياسر بقول ليها
"حافهمك لي اخر مرة...ركزي معاي كويس"....
و في اللحظة ديك وقفت...
و قررت تسمع الحاصل شنو...
قعدت في المصتبة تحت الشجرة وارهم طوالي...
و بقت مقبلة علي الباب عشان ما يعرفوها و قعدت سمعت...
سمعت كلامهم كلو...
من بدايتو لي نهايتو...
عرفت علاقة ياسر بي منتهى بترجع لي ورا كيف...
عرفت تاريخهم مع بعض...
عرفت هو لي بحبها...
و كمان مع دا...
عرفت كل شيء عن ياسر...
عن امو...
عن ابوه...
انو ياسمين اختو...
علاقتو مع مؤيد...
هو حصل ليه شنو زمان...
كل شيء...
و كل ثانية وجعها كان بزيد زيادة...
ما لانو هو بالفعل طلع الولد ال منتهى كانت قايلاه...
لا...
لكن لانها كانت عارفة حاجة واحدة...
انو استحالة يقعد يحكي لي زول الكلام القالو لي منتهة حسي دا غيرها هي...
لانها منتهى...
لانها عندها مكانة خاصة بالنسبة ليه...
لانعا البت البحبها...
عشان كدا كان جاهز يقوول كل شيء عشانها...
و الكان مزعلها زيادة انها كانت عارفة انو استحالةىهو يقرر يتكلم و يحكي ليها عن عائلتو كدا...
اية من اللحظة ديك عرفت انها مهما حصل ما حتحصل مكانة منتهى بالنسبة لي ياسر...
انها ما حتقدر تخليه يحبها هي بدل منتهى...
انها ما حتساوي ليه ااي شيء مهما هدا الزمن غير زميلة في الجامعة...
و الحاجة دي ولعت نار الغيرة في اية...
لدرجة انها ما قدرت تمسك روحها في المكتبة اليوم داك...
كانت بتعاين لي منتهى بعين مليانة غيرة..
حست بي انها ولا شيء...
انو منتهى احسن منها...
انها الوحيدة البتستاهل المكانة دي...
انو باسر زاتو ما حيحب زول غيرها...
و الحاجة دي خلتها تكره كل شيء حوليها...
لجزء من حياتها خلت الشيطان يلعب بيها...
خلتو يستغلها...
خلتو يدخل عقلها...
خلتو يولد الكراهية داخلها...
و انو يستغل حبها لي ياسر ضد منتهى...
انو يقنعها انها ضحية في الموضوع دا...
و انو صحبتها في الغلطانة...
اقنعها انها درجة تحت منتهى...
و انها ما حتقدر تصعد عشان تصلها اصلو...
فهمها انو منتهى احسن منها...
و انها مهما عملت...
ما حتقدر تبقى زي منتهى...
استخدم مشاعرها الانسانية ضدها...
بس اية قدرت توقف كل شيء...
قدرت انها تمرق الكراهية منها...
انها تطرد الشيطان من جواها...
لانو لو حبها لي ياسر حيضرها و حيضر منتهى...
دا حب ما منو فايدة...
لو مشاعرها حتأثر فيها بطريقة سلبية...
ما محتاجة ليها...
لانو لو ياسر دا اذاها كدا...
معناتا ما فيه خير ليها...
لانها كانت مقتنعة بي حاجة واحدة...
ولعله ذلك الخير الذي اردته كان شرا لو آتاك...
و حتى لو حست بي انكسار جواها...
كانت عارفة انو ربنا ما بظلم زول...
انو الكلام دا كلو وراه خير ليها...
لكن هي ما مستعدة تخسر نعمة حياتها عشان حب ما حيفيدها بشيء...
عشان كدا قررت انها توقف كل شيء...
اية:سمعتكم...
منتهى:سمعتينا؟
زينب:دقيقة دقيقة...
اية و منتهى اتلفتو علي زينب...
زينب:كيف يعني عندها مكانة خاصة بالنسبة ليه...
منتهى:انا موش كنت بقول انو ياسر بعرفو من مكان...
زينب هزت راسها...
منتهى:و اني كنت شاكة انو واحد كدا صاحب اختي زمان كنت بعرفوا...
زينب:اها...
اية:يلا طلع انو دا ياهز ياسر زاتو...
زينب نططت عيونها...
و اخدت ثواني عشان تستوعب الحاصل...
زينب:قووووزلي والله!!!!!!....
منتهى:والله...
زينب:لا حووولااا ولااا قوووة الا بالله...
اية:و نعم بالله...
منتهى"اتلفتت علي ايه":لكن دي ما حاجة عشان المزضزع يكبر بيه كدا...
اية عاينت لي منتهى
منتهى:علاقتنا عادية زيها و زي اي زول تاني...
لو بس بتعرفي ي منتهى هو بحبك كيف...
كيف الضحكة بتكون من الضرس للضرس عشانك...
اية"ابتسمت":الموضوع ما فرق كتير حسي...بما اني قدرت ارتب مشاعري...
منتهى:...
زينب:...
اية:...
منتهى:اية...
اية:ااا؟
منتهى:طيب انتي لي جيتي قلتي لي اني بستهين بيك او حاجة زي دي؟
اية:دا كان كلام فاضي سااي...
زينب:...
اية:لانو وراني انك جيتي وريتيه كل شيء عني...عقلي وداني بعيد...و المهم...انا آسفة والله ي منتهى بالجد...
منتهى:ي بت انا ما زعلانة بتعتذري علي شنو...
اية:لاني دخلتك في الموضوع الجايط دا و كمان دخلت ياسر و هو خاص بي انا...
منتهى:يعني هو رواك اني وريتو كل شيء عنك؟
اية"هزت راسها":ذكرها في نص الكلام جملة عابرة سااي بدون ما ينتبه شكلو...
منتهى:طيب ي اية...
اية:اا...
منتهى:محتاجاك تركزي في كلامي دا كويس و تسوعبيه...
اية:...
منتهى:و الطريقة الحتفسري بيها عائدة ليك...
اية:اها...
زينب:...
منتهى كانت دايرة تقول حاجة...
فنحت خشمها بس تاني سكتت...
اتزكرت حصل شنو قبل يومين من اليوم دااك زاتو...
