تحت قطرات المطر

١٩

"وو تخيل أنگ حافظ القران...تقرأ ما تشاء مما تشاء وقت ما تشاء💙❄..!"

__________________

مهاب:ياااا ملهم...
ملهم:...
مهاب:ملهم!!!
ملهم:...
مؤيد:ي مللهم...!!!
ملهم"لا حياة لمن تنادي"
مهاب:قالت جاية الساعة كم؟
مؤيد:1 ظهر
مهاب:حيقيف لينا كدا لحدي الساعة واحدة!!؟؟
مؤيد:محاضرة و ما عندو...متوقعو يسوي شنو يعني؟!
مهاب:خلاص ما عندي مشكلة...لكن حاسي انو فكو حيقع من كترة الضحك
مؤيد:الله يكفينا شرهم الاتنين ديل
مهاب:الله يبعدنا عن زي ياسمين و العملتو لي ملهم دا
مؤيد:انت م حتلقى ليك واحدة تحبها كدا
مهاب:لي ناقصني شنو
مؤيد:كرامتك و كبريائك رافعهم فووق السماء
مهاب:علي فكرة دي اهم حاجة عند ااي زول
مؤيد:انا ما قلت ما مهمات...
مهاب:و قصدك شنو يعني؟!
مؤيد"قبل عليه":شوف...انت مثلا اكام في بت هناك عجبتها...انت طوالي بتقوم بتتاقل و ترفع قزازك فوق...و العجب اكان هي كمان عجبتك...بترفعو زيادة...لي ما فاهم
مهاب:دايرني اسوي شنو؟!لمشي اتكلم معاها؟!
مؤيد:ما طوالي كدا...لكن ااي...لو عجبتك كدا شوف طريقة تتواصل معاها
مهاب:دي اسمها خفة
مؤيد"خبطو في راسو":دي خفة لمن يعملوها البنات...
مهاب:طيب و فرقنا شنو نحنا منهم يعني؟!
مؤيد:انت اكان قعدتا كدا من غير ما تحاول براحا عشان فكرة انك ما داير تتخافف تتوقع حتقوم بينكم علاقة كيف...
مهاب:و لو ما داير-
مؤيد"قاطعو":ما الا نوع العلاقة الفي بالك...يعني ممكن تبقى صديقة و ممكن كمان تبني ليها مشاعر...دا ما موضزعنا حسي...موضوعنا انك لو قعدت كدا و انتظرت حاجة تحصل من غير ما تعمل شيء اول حاجة ختضيع منك و تاني شيء حتعجر برااك
مهاب:...
مؤيد:بعدين اقعد سك لي كرامة اكبر منك سااي...هي كرامتك نفعتك في شنو علي قول ملهم
مهاب:يعني دايرني اقعد اسكها زي الكلب؟!
مؤيد:ي ولد انت ما عندك مخ؟!
مهاب:دا معنى كلامك 'الكرامة نفعتك في شنو؟!'...
مؤيد:ان-
مهاب"قاطعو":الكرامة حفظت لي سمعتي...هي حتحفظها لي بعدين
مؤيد:ي مهاب الدنيا ما بتتمحور حوليك عشان تقول كدا
مهاب:طيب قصدك شنو يعني؟!
مؤيد:ما تقعد تسكها...حاول مرة مرتين تلاتة عشان ما تندم...امكن ربنا ما كاتب ليك معاها نصيب...لكن كمان النصيب ما بجيك في عتبة بابك طوالي...
مهاب:...
مؤيد:علي قول ملهم if you like something say it...if you want someone tell them...you only have one life...so keep it simple...
(لو عجبتك حاجة قول...لو داير زول وريه...انت عندك حياة واحدة...عشان كدا خليها بسيطة...)
مهاب كان بعاين لي مؤيد ساي
مؤيد:مالك
مهاب"ضحك":شايفها غيرت فيك حاجات كتيرة
مؤيد "ابتسم":منو؟!...منتهى؟
مهاب" ضحك و هزا ليه راسو":زمان ما كنت بتتكلم عن الموضوع دا زاتو...و لا كنت قايلاك بتآمن بي حاجة اسمها نصيب...
مؤيد ضحك
مهاب:ولا حتى الحب دا ما كنت قايلاك بتصدقو...
مؤيد كان ساكت بس...
متزكر اول نقاش بينو وبين منتهى لمن اتكلمت بي كل حريتها عن الموضوع...
اتزكر كيف هي عبرت عن رايها و كمان حاولت تثبت انو كلامها صاح...
و فوق دا ما كان ظاهر علبها تعب...
يعني طريقة كلامها و صوتها و بحتو زاتها...
و ابتسامتها الكانت بتظهر كل ثانيتين و اللمعة الصغيرة الكانت جوا عينها...
زي و كأنها حبست نجمة صغيرة داخل صندوق شفاف...
دا كلو في جزء من الثانية خلاه يصدق كل شيء...
مهاب:قالت ليك شنو اصلها عشان تقنعك؟
مؤيد"ابتسم":حكت لي عن الرسول صلى الله عليه و سلم و السيدة عائشة...
مهاب:اللهم زي منتهى
مؤيد"ضحك":كدي النلم فيها انا اولا منتهى زاتها تاني ادعي لي زيها
مهاب:بلقى احسن منها
مؤيد:احسن ليك زاتو...هي ما بتنفع معاك
مهاب:لي؟!
مؤيد:لانها من النوع المابقدر يتحكم بي قبضتو لمن يغضب...و انت بترجعها ليها طوالي😂
مهاب:ضربوك ولا شنو؟
مؤيد:مرا ولا مرتين؟!دي ضربتني لامن ما طلعت زيتي
مهاب:ااي ياخ كف يوم دااك كان اسطووري😂💔
مؤيد:ما اول كف كمان...و انا كنت قايل انو حق التانية ديك ماف اقوي منو...
مهاب:حنبت عليك ي اخوي
مؤيد:لكن الموضوع بستاهل انت عارف
مهاب:...
مؤيد"ابتسم":ابتسامة واحدة صغيرة كفيلة علي انها تنسيك كل شيء و تبتسم
مهاب:ياااااا مللللهم....تعااالي الحق مؤؤؤؤيد حصلك في هوووسسكم دا..!!!!!!
مؤيد قعد يضحك
ملهم ولا شغال بيهم
قاعد في البينش المقاصد الباب طووالي
مهاب مشى عليه و حاول معاه لكن ما قدر
مؤيد جا قعد جمبها في البنش القدامهم طوالي
مهاب:غايتو ي ملهم
مؤيد يضحك سااي
مهاب:مااف زول في حياتي دي عذبني اكتر منك
مؤيد:ياسمين
مهاب:و ياسمين
ملهم مكبر راسو ولا شغال بيهم
مهاب:حقو الزول يمشي يشوف ليها عريس تاني...عشان اريحها و اريحك و ارتاح انا
مؤيد:يلا لا هي حترضى بيه ولا هو زاتو حيعيش لحدي يوم العقد حقهم😂💔
مهاب:انتو مراهقين قليلين ادب
مؤيد:في مؤاهق مؤدب؟!
مهاب:احم احم...انا طبعا...
مؤيد:حسي بتدخل حياتك واحدة تخليك تريل عليها..
مهاب:اعوذ بالله
مؤيد:موش عامل لينا كرامتك اهم من كل شيء...دي حتخليك تنسي انو في حاجة اسمها كرامة زاتو..
و علي قول الحبوباات شاااحد ربي تأدبك ادب...و ما ترضى بيك الا بعد ما تطلع زيتك
مهاب:يلا ما تحلم كتير
مؤيد"قام مشى قعد جمب مهاب":تعال تعال
مهاب:في شنو
مؤيد:شوف هنا...بختار ليك بت من البنات الحايمات ديل...
مهاب:...
مؤيد:و انت لازم تخليها تحبك من غير ما تدوس علي كرامتك العاجباك دي لو اصلا في طريقة يعني...
مهاب:اها...
مؤيد:و لو خليتها بالجد تحبك والله بحقق ليك تلاتة امنيات...
مهاب:امنياتك دي بحققها براي
مؤيد:اااي شيء...
مهاب:...
مؤيد:اااي شيء دايرو...ان شاء الله لو دايرني انط من كبري المنشية للنيل...بعملها...
مهاب:ااي شيء؟!
مؤيد:طالما الحاجة ما بتقتل و ما مقرفة...اااي شيء
مهاب:مستعد انك تعمل كدا؟!
مؤيد:...
مهاب:رغم انك بتخاف من المرتفعات؟!
مؤيد:ااي...دا لو اصلا عملتها يعني...انا متأكد انك ما حتقدر...
مهاب سكت مسافة...
مهاب:وانت حتعرف كيف؟!
مؤيد:اعرف شنو كيف؟
مهاب:حتعرف كيف انها حتحبني بالجد؟!
مؤيد"ابتسم":بعرف بس
مهاب:كيف؟!
مؤيد:انت مالك؟!
مهاب:ما ممكن عادي اوريها و اجبرها انها تمثل انها بتحبني و اخليها تغشك
مؤيد:وااحد انا بثق فيك و عارف انك ما بتسوي حاجة زي دي...لانو بالنسبة ليك الروح الرياضية و العدل اهم حاجة في اللعبة...
مهاب ابتسم...
مؤيد:و بعدين الا تكون ممثلة بارعة عشان تقدر تمثلها كويس لدرجة انها تغش الناس كلهم...
مهاب:صحي...
مؤيد:اها؟
مهاب:لكن-...
مؤيد"قاطعو":شفتا...مااف طريقة...
مهاب:موافق...
مؤيد ابتسم لانو عارف مهاب بحب التحديات الصعبة زي دي...
مؤيد"مدا يدو":تمام...
مهاب:انا اخلي البت الانت حتختارها من البنات الحايمات ديل تحبني من غير ما ادوس علي كرامتي...
مؤيد"ابتسم":وانا بحقق ليك ثلاثة امنيات مهما كانو...
مهاب"ابتسم":اتفقنا...
مؤيد:اتفقنا...
مهاب:اها البت...
مؤيد"استعدل في قعدتو وبقى بعاين للبنات الحايمات":يلا البت
مهاب:انت عارف انها ما ممكن تكون اكبر منى
مؤيد:اكيد طبعا...قايلني متخلف؟...
مهاب:بس قلت احذرك
مؤيد:اهااا...انا اخترت..."و بقى بحرك في اصبعو"...
مهاب:اها...
مؤيد ابتسم اول ما شاف بت تمرق من الاستراحة...
و ما اي بت...البت العمل دا كلو عشانها...البت المطلوبة...
مؤيد"اشر عليها":دييك
مهاب عاين ليها و تاني نطط عيونو
مؤيد ابتسم
مهاب:حراام عليك
مؤيد ضحك
مهاب"بقى بمسح في وشو":لي دي؟!من بين كل البنات لي الا دي؟!...
مؤيد"ضحك":عشان ادي الموضوع حبة كوميدية و ضحك و بي كدا تطلع لينا قصة حب ممتازة
مهاب:بقيت لينا cupid يعني؟!
(Cupid دا آله الحب كانو بيأمنو بيه زمان)
مؤيد:عشان الموضوع ما يكون ساهل
مهاب:انا زاتي نسيت اختها استثناء
مؤيد:لي للدرجة دي؟!
مهاب"رفع يدينو في الهوا":ااي للدرجة دي...البت لمن تطون معاي في نفس المكان بس بي طاقة سلبية منبعثة من كراهيتها لي...
مؤيد ابتسم...
مهاب:حيوان
مؤيد:ما داير؟!
مهاب:نحنا اتفقنا اصلا...
مؤيد:يلا
مهاب:والله العظيم الا اخلبك نتدم
مؤيد ضحك...
مهاب:حسي اخلي الشيء دي كيف؟!
مؤيد:اتفنن فينا...و بعدين ما اسمها الشيء دي...ما بعد الليلة بالنسبة ليك...اسمها لميس علي...
مهاب:عاارف...
مؤيد ضحك
مهاب:ما اعتقد في زول في حياتي كرهني اكتر منها
مؤيد:دا كلو عشان برلمتها اول يوم ليها
مهاب صحك لمن اتذكر الذكرى...
متذكر كويس هو...
اليوم دااك...
اول يوم بقى فيه سينير...
اول يوم بقى في تانية...
و اول مرة ينزلو مع البرالمة...
كانو مخططين انهم يبرلمو كم نفر...
لكن مهاب كان معترض الفكرة في البداية...و تاني بعد اصرار من مؤيد حتى وافق...
مؤيد قال ليه اعمل ابسط حاجة...
شوف ليك برلومة و قول ليها ما بنخش المكتبة بي جزمة و خليها تقلعها و شيلها خليها تحوم باقي اليوم حفيانة و تاني رجعها ليها...
مهاب وافق...
يعني حاجة بسيطة...
ما ممكن تسوء...
او دا الكان فاكرو...
مهاب:تمام
مؤيد:خلاص اوكي
مهاب:ياتو بت؟!
مؤيد"عاين حوليه مساافة":دييك..."اشر علي لميس"...
مؤيد:الشافعة اللابسة قميص ابيض و جزمة وردية دي
مهاب:ياتا؟!
مؤيد:يااخ السمراء الحلاتا ديك قدام الكافتيريا
مهاب:ايواا...
مؤيد:يلا...انا ماشي
مهاب:ماشي وين؟!
مؤيد:انت اهبل...متوقعها تخش المكتبة كيف؟!ماشي اديها سبب عشان تدخلها...
مهاب:ايوا
مؤيد:انت بليد خلاص😂
مهاب:امشي امشي...
و بالفعل...
مؤيد مشى و اداها سبب و لمن جات تدخل مهاب عنل الاتفقوا عليه...
و البت المسكينة حامت اليوم كلو من غير جزمة...
في نهاية اليوم مهاب كان ماشي يعتذر ليها و يرجعهم ليها...
لكن اكبر غلطة انو مشى عليها و هي معاها باقة موية كبيرة😂💔...
لانو لمن اداها الجزمة هي اترددت ولا ثانية و كبت فيه الموية الباردة كللها...في عز الشتاء😂💔...
و من اليوم دااك لميس بتكرهو ليك عمى و هو زاتو بينو وبين نفسو بخاف منها😂💔
مهاب ما قدر يمسك الضحكة لمن اتذكر الحاجة دي...
قبل سنتين الكلام دا...
ما كان عارف عقلو مشى وين الوقت دااك لمن كبو فيه الموية...
كان ساكت ساي بعاين ليها و حبة خوفة في عيونو
لانو كان عارف انو لو كانت اتكلم كان ادوه كف زي حق مؤيد من منتهى دااك...
يت حرربييية بكل ما تحمله الكلمة من معنى...
حتى مهاب ما بقدر ينفى الحاجة دي
و هي لي يوم الليلة لو سمحو ليها تقتل زول واحد ...حتتجه نحو انسان واحد بس...
مهااب...
ايووا...
بتكرهو للدرجة دي...
مؤيد:شايفك لسا بتضحك...
مهاب:في زول ما بضحك لمن يتءكر موقف زي دا...
مؤيد:اكييد...انتهت من كرامتك اليوم داك
مهاب ضحك...
مؤيد ابتسم...
مهاب شوية كدا و سكت...
مهاب:عملتها قاصد انت...
مؤيد"عمل رايح":عملت شنو؟
مهاب:الموضوع دا كلو عشان تختارها هي بالظبط
مؤيد:...
مهاب:لا اله الا الله...غشاش
مؤيد:انا ما غشيت في شيء
مهاب:حيوان خلاص
مؤيد:الزول الكسر ليك قزازك اول مرة...حيكسرو ليك تاني
مهاب:حقير انت
مؤيد ضحك
مهاب:حقو الزول يفركشها عليك و يمرق من الاتفاق
مؤيد"ابتسم":لكن انت ما حتمرق
مهاب"ضحك":you know me so well...
(انت بتعرفني كويس)
مؤيد:indeed I do...
(بالفعل بعرفك)
مهاب:لكن امكن حسي تكون مربطة
مؤيد:ما اعتقد
مهاب:عاين ليها البت دي سمحة كيف...معقولة ما تكون مربطة و هي في...
مؤيد:تالت
مهاب:ااي صح...في تالت...
لميس كانت من نوع البنات الصغيرونات ديك...قصيرة و حلاتها...ضعيفة حتيتونة...اكان كفتها بتطير ليك للحيطة...
لكن في نفس الوقت قوية...
ما بتسمح لي زول يكسرها...ولا يهينها ولا شيء...
واقرب مثل العملتز لي مهاب رغم انها ياداب نزلت الجامعة اول يوم مع سنايرها و ما كانت عارفاه في كم زاتو...
حلاتا عيونها كبيرة ما شاء الله شديد بتشوف روحك فيهم و بتلبس نضارات عشان نظرها...عندها غمازة في الجهة الشمال بس لكن حلوة...و صوتها انثوي كدا لكن مرات بتخوفك لو هي دايرة...
خشمها متوسط و لمن تضحك الدنيا بتتفتح ليك...
بت عسل ما شاء الله...
مؤيد:ما اعتقد انها مربطة...
مهاب:...
مؤيد"ختا يدو في كتف مهاب":انت و حظك ي حبيبنا
مهاب:حاخليك تندم
مؤيد ضحك
مؤيد:بس انت عارف...
مهاب قبل عليه
مؤيد:لو انت حبيتها قبل ما هي تحبك حتعقد الموضوع عليك...والعجب لو حبيتها بعد ما الاتفاق ينتهي...بتروح فيها
مهاب:منو؟!؟!انا؟!
مؤيد هزا ليه راسو
مهاب:متوقعني احب الشيء ديك
مؤيد:اولا حاجة قلت ليك ما اسمها الشيء ديك اسمها لمييس...
مهاب:...
مؤيد:و تاني شيء انت براك قلت "عاين ليها سمحة كيف معقولة ما تكون مربطة"...
مهاب:ااةي هي سمحة...سمحة شديد كمان...
مؤيد:اعترافك
مهاب:لا ما كدا...
مؤيد ضحك
مهاب:لكن انت براك قلت انا النوع العنفواني ما بنفع معاي...ممكن عادي ارجع ليها الضربة من غير ما احس...
مؤيد:دا حيكون احلى شيء
مهاب:بعدين هي ما استايلي
مؤيد:انت عندك استايل اصلا؟
مهاب:ما الا يكون عندي استايل...
مؤيد:اها
مهاب:لكن ممكن يكون في نوع ما بنفع معاي...
مؤيد:...
مهاب:و هي النوع المابنفع معاي
مؤيد" ضحك":انا حاستمتع شديد
مهاب:و انا حاستمتع لمن اجبرك تنط من اعلى مكان اختاروا ليك...
مؤيد:...
مهاب:و ما حيكون  السودان عشان اخوفك
مؤيد ضحك و دسا الخوفة الظهرت جواه...
لانو صراحة كدا كان متأكد لنو مهاب حينجح...
كان مأمل انو ينجح...
مؤيد:اتخيل بس تصل درجة ملهم دي
مهاب:ساابع المستحيلا طبعا
مؤيد:لي؟!لا شيء مستحيل تحت الشمس😂💔
مهاب:كدي حصلها انت اولا و تاني تعال فكر فيني
مؤيد:لو حصلتها انا مافي شك في انك زاتك حتحصلها
مهاب:ما تستهين بي كدا
مؤيد:ي زول
مهاب:ما اعتقد اني حالقى لي انسانة بتستاهل البعملو ملهم لي ياسمين دا
مؤيد:خليك قدر كلامك بعدين
مهاب:من يومي قدر كلامي
مؤيد:انا لقيت...فما اعتقد انها مستحيلة عليك
مهاب:طيب لي ما بتعملو
مؤيد:لاني لو عملتو ممكن اصل المستشفى في اقل من ساعة
مهاب"ضحك":منتهى
مؤيد:اختلاف الشخصيات مهم جدا
مهاب:شخصية لميس شوية بتشبه منتهى اعتقد
مؤيد"هزا راسو":لو من الجهة العنيفة...اكيييد...
مهاب:بس ياسمين الوحيدة المسكينة الما بتعرف للعنف
مؤيد:نحنا بقينا عنفها بدلا منها
مهاب:و بزاات ملهم😂💔
مؤيد و مهاب ضحكو
مهاب و مؤيد قبلو علي ملهم و لقوهو ما اتحرك ولا شبر...
مهاب:باقي كم؟
مؤيد:لشنو؟
مهاب:الشيء دي حتقعد لينا كدا تاني لي كم؟!
مؤيد"عاين لي ساعتو":45 دقيقة...
مهاب:اللهم الصبر...
مؤيد:اميين جمعا..