"أنت تفترض أنگ كيان صغير...و لگن بدخلگ يگمن عالم بأكمله❤🌹"
_____________________
منتهى:روان و رزان كيف؟
مؤيد:كويسن الحمدلله...بسلمو عليك...
منتهى:الله يسلمهم...
مؤيد"ضحك":الاسبوع القات روان كانت عيانة...و هي عندها خوفة كدا من المستشفيات...ما عارفها مالا...
منتهى:رواان؟!
مؤيد:تصدقي...
منتهى:روان الواحدة دي
مؤيد:ااي والله...
منتهى ضحكت
مؤيد"ضحك":المهم قعدت احنسها ساعتين عشان تمشي...في النهاية اقتنعت لي بعد بكى اننا نمشي لي ولد عمي و اشتري ليها ايسكريم...
منتهى:فالحة
مؤيد"طلع نفس زهجا":جابت ليها حركات جديدة...
منتهى:و حسي كيفها؟
مؤيد:بقت احسن الحمدلله...
منتهى:الحمدلله...
مؤيد:...
منتهى:و نون...
مؤيد اتلفت عليها
مؤيد:نون مالا؟
منتهى:موضوعك انت و نون...السألتني عنو بوم دااك...
مؤيد:...
منتهى:يااخ الاسبوع الفات لمن فربت تكسر لي يدي و وديتني للدكتور...موش الجات معاك دي نون
مؤيد:ااي
منتهى:نوش دي السألتني عنها؟
مؤيد:اااااا...
منتهى:حمدلله علي السلامة
مؤيد"ضحك":ااي الي اتزكرت
منتهى:اها حليت الموضوع
مؤيد:ااي...الحمدلله
منتهى:علاقتكم كيف حسي؟
مؤيد:البت اكبر مني بي كم سنة بس...ما بقدر اعاملها ك ام
منتهى:...
مؤيد:لكن ما معناتا اني ما ح اعاملها كأخت كبيرة...
منتهى"ابتسمت":الحمدلله اتحلت بالساهل
مؤيد:ما بالساهل اصلو كانت
منتهى"اتلفتت عليه":لي حصل شنو؟
مؤيد:اليوم داك زاتو كانت طلبت من ابوي الطلاق
منتهى:ي ساتر
مؤيد:و ابوي ما استحمل الموضوع بطريقة كويسة...
منتهى:...
مؤيد:و قام هااج...
منتهى:عمو عبدالله؟
مؤيد:ااي
منتهى:اصلو ما بصدق
مؤيد:والله جد
منتهى:...
مؤيد:علي فكرة ابوي دا زي بالمناسبة...
منتهى:زيك كيف؟
مؤيد:يعني اهبل و عبيط و مراتىعندو نوبات غضب ما بقدر يمسكها...
منتهى:و ديك كانت واحدة منها...
مؤيد:بالظبط
منتهى:لكن ما ظاهرة عليه
مؤيد:لانو مع زيادة العمر...و فكرة انو...
و فجأة سكت...
منتهى اتلفتت عليه تسوفو مالو سكت و كان بعاين قدامو سااي...
تابع كلامو بعد كم ثانية من الصمت...
مؤيد:و فكرة انو امي ما معاه حسي و انها خلتو قبل فترة غيرتو لي الزول الهادي الدمو بارد دا...
منتهى سكتت و اكتفت بي ابتسامة بس...
ما عرفت تقول ليه شنو...
دي اول مرة...
اول مرة يقول كلمة امي في خشمو قدامها...
اول مرة يحكي ليها عن امو...
او حتى يجيب سيرتها في كلامو...
حتى هي حست بيه ما بحب يذكرها او يتكلم عنها...
لكن قرر انو يتكلم عنها ليها هي...
ليها هي براها...
"منتهى يعني استثناء؟!"
...'ابتسم'..."دائما..."
منتهى حاولت تطنش المشاعر الجواها لمن انتبهت انو بالجد خاتيها موضع استثناء زي ما قال ليها...
علي الاقل حاولت...
كانت حاسة بي دم جسمها كلو يتجه لي وشها...
و لو الوقت ما كان بليل كان مؤيد شاف وشها بقى لونو احمممر كيف...
الحمدلله...
منتهى:اها و حصل شنو بعد داك؟
مؤيد:كالعادة قال انو انا السبب و كلامو الفاضي دا
منتهى"ضحكت":عيب كدا
مؤيد"اتلفت عليها":جادة معااي...جاية حسي بعد الوقت دا كلو تقولي لي تصرفاتي مع ابوي عيب
منتهى:حاولت انا زمان...من مؤيد"ضحك":بالفعل حاولتي بي احد محاضراتك المعتادة ديل
منتهى:شايفاك محتاج تاني واحدة...
مؤيد:طوالي
منتهى ضحكت
مؤيد:المهم قلت ليه ةداني بتفاهم معاها
منتهى:و مشيت اعتذرت ليها
مؤيد:امممم...و طلبت المساحمة و المهم تاني كلام عميق كدا ما بقولو
منتهى "ضحكت": كلام عميق؟!
مؤيد" ضحك":ااي والله...
منتهى ما قدرت تمسك الضحكة من كلامو و قعدت تضحك بصوت عالي
مؤيد كان بعاين ليها بس...
بحاول يحفظ اللحظة دي بي عيونو زي ما بتحفظها الكاميرا...
لو كان بقدر كان طلع تلفونو و صورها و هي بتضحك حسي...
معقولة زول ممكن ضحكة زول بس تعمل ليه كدا؟!
و بصراحة كدا ليه وقت من اخر مرة شافها بتضحك كدا...
شهوور من اخر مرة سمعها تضحك معاه كدا...
و رغم انو كان شهرين بس...
لكن هو حسي بيهم سنيين...
مؤيد ما كان عارف ااي حاجة في اللحظة ديك غير معلومة واحدة...
انو داير يشوف المنظر دا لبقية حياتو...
منتهى كملت ضحكها من غير ما تنتبه انو مؤيد كان سرحان فيها...
منتهى:اها و بعد داك؟
مؤيد:مشيت اوري ابوي بس لقيتو مارق...
منتهى:وريتو متين طيب؟
مؤيد"ابتسم":ما وريتو لسا...
منتهى:لي؟
مؤيد:لانو كان مسافر...
منتهى:بالجد؟
مؤيد:ااي...اتخيلي انا كنت اخر من في البيت يعلم عن سفروا...
منتهى:عرفت لمن كان جاري شنطتو و ودع روان و رزان و وقال للسواق يوصلو المطار...
منتهى:ما ودعك؟
مؤيد:من متين بودعني؟
منتهى:لسا ما جا من السفر؟
مؤيد"هزا راسو بمعنى لا":امبارح اتصل علي نون و قال ليها حيقعد تاني كم يوم و يجي...
منتهى:مشى وين؟
مؤيد:نون قالت لي مشى هولندا...
منتهى:الوداه هولندا شنو؟
مؤيد:بكون عشان الشغل...
منتهى:ااا...
مؤيد:دايما خاتي شغلو قدامنا...
منتهى:...
مؤيد:انتي عارفا من كترة ما بسافر لامن ما هو معتبر ااطيارة مريحة اكتر من بيتو...
منتهى:..
مؤيد:نهائي ما شغال بينا...
منتهى:ما تقول كدا
مؤيد:دي الحقيقة
منتهى:ماف والد ما بشتغل بي ولدو...
مؤيد:...
منتهى:انت مخلوق منو...دمو بجري في عروقك...بعدين عمو عبدالله دا غير...والله ابوك دا راجل طيب بالجد...
مؤيد لفى عيونو😒
منتهى:بعدين لو سمحت هو ما شغال بيك انت ما بيكم
مؤيد:..
منتهى:لكن انت تستاهل لانك قليل ادب
مؤيد:انا ما قاعد اعمل حاجة غلط
منتهى قبلت عاينت ليه نظام 'بالله😒💔'...
مؤيد:مالك؟
منتهى "طلعت نفس زهجا": الله بوعيك ي مؤيد
مؤيد" ابتسم":امييين...
منتهى:حتندم بعدين
مؤيد قبل عاين ليها...
منتهى:حتندم ندم ما حصل حسيت بيه في حياتك
مؤيد:لشنو
منتهى:لمن تخسر ابوك...
تخسر ابوك...
تخسر ابوك...
الجملة دي خلت خلايا مؤيد يقومو يطاقشو فجاة...
و حسى بي ركبتو ما شايلاه...
زي و كأنو في حاجة انتشرت فجأة في جسمو...
يخسر ابوه...
ما حصل فكر فيها...
في عالمو هو...
كان دايما معتبر ابوه قاعد...
لمن يفكر عن ااي شيء في اااي شيء...
دايما معتبر ابوه قاعد...
مؤيد اتذكر كلام ميس هيل قبل شهرين لمن قعدت اتناقشت معاه...
*فلاش بااك*
ميس هيل:انت عارف انو ابوك دا ما ممكن يكون معااك بكرة...امكن ما يكون معاك بعد كم دقيق-...
مؤيد "قاطعها":اها و يعني؟!...
ميس هيل"صحكت":انت عارف...ابووك قادر يقراك زي الكتاب المفتووح...كل تصرفاتك و افعالك...طريقة كلامك...طريقة مشيتك...ضحكتك...كل شيء...ابوك قادر يقراه...لانو سايف روحوا فيك...لانك عبدالله صغير علي شكل منتهى صغيرة...و حتى مشاعرك البتترسم في عيوونك...هو بقدر يقراها...
مؤيد كان ساكت بس...
ميس هيل: "عينا منتهى تعكس لنا مشاعر عبدالله"...
مؤيد حكا راسو بي ورا نظام ما فاهم شيء بتقولها...
ميس هيل:امك زمان كانت بتقول عنك كدا...
مؤيد دخل يدينوا جوا جيوبوا...
ميس هيل:ابووك بحبك...و عارف انك بتحبوا...و عارف انك عارف انو هو بحبك...عشان كدا ساكت عليك...عشان انت بتعكس في مشاعرك بي تصرفاتك الطفوبية دي...عشان هو واثق فيك...و عارف انك مهما اتماديت...امكن تعمل حاجة تزعلوا...بس ما بتعمل حاجة تكسروا نهائي...ابوك عارف كل شيء...و هو ما ندمان علي ااي شيء...وعاارف انك حتتفهم لمن تكبر...
مؤيد:انتي حسي بتقولي لي الكلام دا لي شنو؟!...
ميس هيل "ابتسمت":لانو انا ما خايفة علي ابوك...خايفة عليك بعدين...ما دايرااك تندم بعدين...
