لعبة الحرية بالهجة الجزائرية freedom game

🌠الحلقة ~1~🌠

05:00 يصوني ravie ⏰ تع تيليفون 📱 صوت تاعو لجيران ناضو ولالة مولاتي مناضتش كي محبش يحبس حبساتو تع كل خمس دقايق يصوني إزعاج لوكان جا بنادم هكا قالت نرمين وهي مغمضة عينيها الله غالب كي الباندا 🐼 ادا رقدت متنوضش ولكان تنوض دنيا تمشي هيا متتحركش ساعات يشكو بلي ماتت .....
لحقت ساعة 5:15 دقيقة صونا تيليفون جات راح تخبطو مي تفكرت بلي تعبت عليه باش شراتو دخلاتو تحت لفوتاي باش ما تسمعوش دخلت عليها يماها سمعت تيليفون يصوني والباندا راقدة
جميلة (يماها) : يالبقرة نوضي راهي قريب ستة ونتي مزالكي راقدة كي لبڨرة 🐮🐄 { هادي هي الام الجزائرية لوكان متزيدش فساعة متتهناش } دارت لمخدة على راسها وكملت ترقد علابالها بلي يماها راهي تزيد فساعة بلعاني 😋😋 سيستام معروف
راحت ماماها توجدلها القهوة وتصلي الفجر قريب يأذن لحقت ساعة 5:30 الباندا مناضتش
راحت يماها ليها نحاتلها لغطا زمان البرد ⁦🌦️⁩⁦🌨️⁩ علابالكم رقاد يكون حلو تحت الكوvيرطا ياخوياخويا 🤗
حلت عينيها بسيف وقالتلها .....
نرمين : مامي علاه لحڨرة هادي حرام عليك انا منغيضكش زعما راح ندرب نهار كامل فلافاك فهاد البرد القارص خليني نزيد خمس دقائق برك هدامكان
جميلة يماها: يالبقرة نوضي يعطيك غمة وشمن خمس دقائق تاوعك متهبلنيش تدربي ساعة ونتي تغسلي وساعة ونتي توجدي روحك تقول راح تتصدري ولكوس مراحش يسنى لبرنسيسا تع نرمين حتى تجي باش يقلع أيا متخلينيش ندوشلك بلما البارد عندك دقيقة متنوضيش نبعت باباك يتفاهم معاك
نرمين : تعملي مزيا تبعتيه هو ينوضني بلحنانة بكل ضرافة وكي نقولو زيد خمس دقائق يقولي متروحيش لافاك نورمال 😋 ( زعما دلولة باباها )
جميلة : يمال يجي ليك خوك ينعتلك لحنانة كيفاش دايرة
........نرمين غير سمعت سيرت خوها قفزة قالتلها
نرمين: هاي لعب سامط بدا هاني نضت خلاص نكمل فلكوس مع عزوز ( اسم مدلع ل عزيزة صحبتها )
جميلة : ايه ان شاء الله نوضي برك
💮 ناضت غسلت وتوضات ولبست حجابها وسڨمت خيمارها هادو دربت فيهم ساعة باباها يستناها عند الباب مسكين قتلو البرد يقطع برا باسكو زمان شتا ⁦🌨️⁩⁦🌦️⁩⁦🌦️⁩ يماها تعيط باش تجري غير شافت الساعة لي لبستها بلي راهي 6:30 ناضت تجري كي لعود 🐎 فدار توجد دوزاناها لي تديهم معاها وسورتو الكيتمان وتيليفون ماتنساهمش هوما عمرها خاطيها لمكياج ولمرايات تع الانوثة تدير كلش فدار برا متوحسش ميمبا اسكو خيمارها مسڨم ولا نو يمال وجدت ساكها يماها تعيط مكلات والو وخرجت لقات باباها يهدر وحدو
نرمين : هيا بابا اجري راح الحال دورك يروح عليا الكوس يمحاينك ( ديرها كحلة وتجري باباها)
شريف ( باباها) : واش قالولك رجليا رود نجري دوركا واقيل نتي كنتي تسناي فيا 🤔نزوق وندور كي زربوط بلا فيدا 😒😒
نرمين 🙄سكتت🤫 تعرف باباها كي يتنارفا ملازمش تخلط فيه حتى وتكون دلولة تاعو يولي واعر كي يزعف مشاو شويا ويجوز عليهم جارهم بطونوبيل حبسلهم هبط الكارو
الجار : اهلا عمي شريف سلام عليكم راك هابط
نرمين 🙄: نن راه طالع ياخي مفريني 😒
شريف : ايه راني مهبط طفلة للكوس
نرمين غير شافتو حبس فرحت. قريب. زدمت ديراكت ركبت مي لوكان ديرها قدام باباها الراس يطير يمحاينك مي بلعت فرحتها وقاعدة تقول في قلبها
نرمين : وقت الڨصرة دورك هيا وسمك ( متعرفش اسمو تقول ما جيران باسكو هي من نوع نتا قراية لدار خاطيها لخالوطة ودسارة لجيران ) قولنا راواحو نوصلكم علاه تمعليك هدا مع صبح ربي ياخي عباد ابري سمعت جارهم قالهم
الجار: تفضلو نوصلكم راه البرد بزاف تمشو آبيي غزر فيها باباه قالها اطلعي طلعو ولحقهم طريق كوملبلي وهو يهدر مسكتش
نرمين في قلبها ( سبحان الله تقول ما هداوين ناض ياربي منين يجيبو هاد لينارجي مع صبح ربي راسي تقبهولي ) وصلو للاري تع الكوس مزيا مزال مقلعش راحت جري روشت لباباها تع باباي وقالتو بزربا راح نخرج على الخمسة ليوم هزلها راسو برك باسكو مزالو زعفان منها راحت تجري طلعت قالت لعمي سعيد مول لكوس صباح لخير ضحك معاها وردلها صباح لخير بنتي قالها سنيتك ليوم باسكو صحبتك قالتلي قريب توصلي شكراتو وقالتول يعطيك الصحة عمي سمحلي رقدت ومنضتش بكري تبسم وقالها معليش بنتي نعرفك تحبي رقاد ضحكت معاه وراحت ... عرفها باسكو موالفة ترقد كي لباندا فلكوس وعزيزة تحصل فيها تنوضها بطلوع الروح 😂😂 راحت لقات صحبتها ديجا حكمتلها بلاصة متفاهمين من قبل 😂😜 سيستام تع ليكوس هادي هي لواحد يشد لصاحبو بلاصة ولي جا روطار طار لحمام ⁦🕊️⁩
معليناش راحت قعدت قدام صحبتها وقالتلها
نرمين :صباح البونجور عزوز cv شويا + قرصة فلخدود 😋😜 بوحناك الله غالب
بعد ما قرصتها