تقلبت حياتي بسباب انا زهري

جزء 1

(هد قصص صرح مشي ديالي ديال واحد صدق لي هو مسكن مريض بي كرون الله يشفيه😢)

الجزء الأول

...بعض المرات ملي كتكون بوحدك ملي كتخلط علك و تدخل فديك المرحلة فدوامة ديال السهو و التفكير و تبات الليل كامل و نتا كتخمم كيبداو يطيحو علك دوك الأفكار ديال النمي مثلا معرفتش واش هادشي داخل فالشرك ولا نن ولكن عقلك لي خدام معدك مدير كتبغي تحارب دوك الأفكار و لكن كدخل لحرب كتخسرها من لول مهم مثلا بعض المرات كنولي نقول كون غي بقيت فداك العدم فداك الاشيئ زعما لاّوجود يعني معدكش وجود فهاد الدنيا.. حتا فالخصيتين تاع باك و موحال واش كتكون يمكن فيهم على الأقل تما كتكون بيخير مغنقولكش واش عايش تما بيخير و لكن مقارنة مع العيشة فالدنيا تيبان ليا العيشة فالعدم حسن يمكن و ايمتا غادي يبداو المشاكيل ملي باك و مك غادي يديرو عملية الإستدعاء كتجي نتا و كثر من 180 مليون حيوان منوي خور حسب العلماء اينفوا كدخلو لآرض المعركة كتبداو فواحد الحرب طاحنة تما غتبان الشطارة ديالك من أزيرو و المشاكيل تاهوما ماعلينا كتدخل مع ديلمهم فديك الحرب الطاحنة تحت عنوان اكون او لا اكون و بعد مدة كيخرج فائز واحد محارب واحد مقاتل واحد لي هو نتا فتاخر براصك النمي راك ربحتي كثر 180 مليون حيوان منوي كثر من السكان ديال الجزائر و المغرب و مصر..الخ ماعلينا ملي تتربح نعاماس كدخل فواحد 9 شهور ديال التكوين ثاني بحالا قلتي سطاج ديك 9 الشهور مكاين غي القص و الماكلة و الصريط و الراحة و السياحة النعاس واقيلا غتكون احس 9 الشهور دوزتها فحياتي مهم ملي تتزاد مع كتزاد كتصرفق ديلمك ديك الفرملية لهاديك باش تغوت زعما و يتأكدو بلي تتنفس انا على مكايعاودو ليا صرفقوني المرة لولى والو الثانية الثالتة عاد بديت تنغوت ديلمي تا انا تتنمشى بالعصى من الصغر ماعلينا ابتداءا من هاذ اللحضة كتبدا المسيرة الحياتية ديالك شوف نتا وزهرك كيف غتعيشها...واقيلا طولت عليكم فالبدية هذا غي تمهيد بسيط قبل مندخلو للمفيذ سميتي زهير معرفتش علاش الواليد سماني هاذ السمية حيت شي زهر مكاين مهم غنبدا طالقها عليكم ملي كانت عندي 7 السنين خصوصا من النهار ولا الواليد و الواليدة كيقولو ليا غي تخرج من المدرسة جي للدار ولي عطاك شي حاجة متاخدهاش و لي عيط لك متمشيش عندو وديما كل نهار تيأكد عليا هادشي و ملي تنتعطل تيبدا يغوت عليا و كيضربني بعض المرات كاع كرهت هاذ البلان تا مالهم اش غيديرو بيا منبعد تدريجيا كنلاحظ بلي هادشي لمصلاحتي يمكن و بديت تنلاحض فيا شلا ملاحظات مثلا هاذ الوصيات ديال الواليد كلها عندها سبب لي هو انا مختالف على بنادم الطبيعي كيطراو ليا بلانات فالخافاء فالكواليس مكيطراش لبنادم الطبيعي علاش هادشي حيت انا زوهري....
...زوهري..هاذ الكلمة بالدات كرهتها عقداتني فحياتي اش ناهي زوهري بعدا تكون زوهري نورمالمو خاص يكون عدك الزهر و لكن ملي حليت عيني و انا فالنحس فيا داك الخط ف ايدي مستقيم و عاد عيني مرة مرة تتبان فشكل و العروق زايدين نغزةمهم غتكونو خديتو فكرة هادشي خالق ليا مشكل اولا مع نفسي و ثانيا مع المحيط ديالي فالزنقة و فالمدرسة حكمات عليا الوقت نكون هداك لي داخل فسوق راسو معدوش الصحاب حشومي حدودي معدوش مع بنادم من الدار للمدرسة و ماشي اجتماعي باتاتا انطوائي بهاد المعنى صراحة اخيب حاجة ممكن توقع لك هي هاذي كلما تنكبر تنضج و خاصني ندير بالي من بنادم حيت استغلالي و خصوصا كاع هادوك لي بحالي مطلوبين عند صحاب جيبو الجاوي جيبو البخور باش نمشي معاكم رويدا رويدا فالريتم منحرقوش المراحل مهم باش نقربكم من حياتي الشخصية كثر حنا حالتنا المادية معدناش و مخصناش و لكن لي بغيتها قبل منحل عليها فمي تنلقاها قدامي والديا ممقصرينش من جيهتي القرايا تنقرا..واقيلا حيت انا لي عندهم يمكن اه انا لي عندهم ولكن حاليا .. و الجانب المشرق فهادشي كامل هو انني واخا عايش هاذ الشخصية لي محاملهاش لي كتفرض عليا نكون معقد واخا هاكاك هادشي ممآثرش عليا فالقرايا تنقرا فالإبتدائي و ديما تنجيب مزيان فالمعدال ماعلينا واحد النهار جاي من المدرسة تندق فالدار متنلقى حتا واحد وايلي هاذو فين مشاو مموالفاش ليهم تندق تاواحد مخرج لا الواليد لا الواليدة يالاه غنريح نتسناهم قدام الباب حتا كنضرب على جارتنا خرجات عندي قالت ليا واليديك مكينينش عدهم شي غراض على غفلة دب يجيو عطاتني السوارت خلاتهم عدها الواليدة دخلت فيا الجوع لقيت الواليدة ديجا حاطا ليا القص بديت تناكل و تنفكر هاذو فين مشاو مقالو ليا والو و شناهو هاذ الغرض لي جا على غفلة ريحت تنتفرج كنتلف الوقت بيما جاو داني النعاس مع تنفيق تنفيق على صوت الواليدة لقيتها مريحة مع الواليد سلمت عليهم و كذا قلت ليهم فين كنتو قالت كنا فالسبيطار وايلي اش واقع مالكم قالت خير خير خاصك تفرح غادي يتزاد عندك خوك ولا ختك واايلي الواليدة حاملة تنضرب على الواليد داير ديك النظرة الشريرة ايه درتيها الواليد طحتي من عيني صراحة فرحت اي واحد يتمنى يكون عندو خوه خصوصا و انا وحيد لاصحاب لا تا وزة الواليدة فشهرها الثاني دابا الأمور لحد الساعة غادا مزيان تنمشي للمدرسة نقرا نفس الروتين كل نهار واليديا مبقاوش تيحكرو على داك البلان لي فيا زوهري زعما بحالا نساو هاكا حسن وليت تنحس براصي طبيعي تا انا مبقيتش مسوق لهاذ البلان كاع اصلا راه عادي الواليدة قربات تولد باقي ليها قل من شهر الجو فالدار تبدل فهاذ المدة كيولي خاصك دير للواليدة خاطرها بحكم الحمل و الوحم و داك التخربيق الله يسمح لنا منهم فين غادي تبدا حياتنا تنحراف رويدا رويدا فاللخر ديال العام قربنا ناخدو النتائج عارف راصي ناجح وصل النهار لي غناخدو النتائج دايرين حفلة و كذا جايبين الماكلة النفخات مصاوبين الأتواش مزيان قبل ميفرقو علينا النقط دخلات شي جمعية للمدرسة ولا منعرف جاو يفرقو شي جوائز و الفانيد...واحد خونا هاز الفانيد و شي حلوة كيفرق فيها دايرين الصف هوما شي 3 الناس تيفرقو وصلو لعندي عطاني حقي سلم عليا فاللول بقا شاد ليا ف ايدي انا ممسوقش باغي غي الفانيد بقا تيشوف ف ايدي و وجهي تيحقق فيا مزيان بحالا تيعرفني ملي بديت نشك بدا يقوليا لباس بيخير فاش كتقرا و ديك الهضرة عطاني كثر منهم كاملين تهلا فيا علاش الله و علم دار عند دوك صحابو هوما يجيو عندي سلمو عليا تاهوما نفس الديكور مديت ماجبت مفهمت والو..فرقو علينا النقط جيت انا التالث فالقيسم عطاوني جائيزة كتاب و شي تويشيات شهادة التقدير خارج من المدرسة تنجري للدار نقول ليهم نجحت تنضرب على داك خونا لي عطاني الفانيد برا وقفني قاليا سير غي بشوية متجريش غطيح و كذا حسيت بيه بحالا غي باغي يجبد معايا الهضرة هاذ خونا شكيت فيه ولكن الفرحة ديال النتيجة متسوقتش ليه مشيت فرحت الواليد و والواليدة فرحو بيا و كذا راه أول دري عدهم زعما و العام الجاي الإعدادي  مهم جا النهار لي غتولد فيه الواليدة مشاو للسبيطار بقيت بوحدي فالدار الواليد خلا ليا شي فلوس الى خصاتني شي حاجة بيما جا و كذا ملقيت مندير مشيت للحانوت بانو ليا الدراري تيلعبو وقفت معاهم شكون تيوقف عليا وقف عليا داك خونا ديال الفانيد و معاه شي صحابو زعزعني انا بعدا معرفتش علاش تخلعت....
يتبع