تقلبت حياتي بسباب انا زهري

جزء 3

دير نجم كمونتير
...دخلنا للكوميسارية عطاني نشرب قاليا واش نتا بيخير و كذا و انا مصدووم بحالا تعقدت متندويش غي تنحرك فراصي قال واش تقدر تعاود لينا اش وقع بقيت سااكت كيحاول يدويني و انا واالو ولا خاصني طبيب نفساني قاليا معدك منين تخاف و كذا و واليديك غيجيو دب بدا تيحل فيا بديك الهضزة و انا نتطلق بديت طالقها عليه تنعاود شنو طرا بالتفصيل قلت ليه خرجت من الدار باش نجيب ليكوش لخويا الصغير وهي تبان ليا واحد الميرسي........ومنبعد حطني داك الشارف قدام الكوميسارية و مشا قاليا اه صافي ياك بيخير نتا دب مآذاوكش قلت ليه لا شوية هو يصوني عليه شي حد قاليه دخلو دخلو هاهو معانا شوية هي دخل الواليدة و والواليد تلاحو عليا عنقوني فرحت انا الدموع الواليدة مبغاتش تطلق مني تتقلب فيا و تقول واش ضربوك واش واكل شارب فك الجوع الحنانة اغويا هي هاديك خرجت انا و والواليدة اما الواليد بقا مع دك الكوميسير تيدويو و حنا كنتسناوهم الواليدة كتبكي مسكينة يالاه ولدات و محنة معايا مشينا للدار دوشت كليت بقاو كيستوجبو فيا قالو ليا قول كاع دكشي لي وقع لك بالتفصيل دكشي لي درت و قلت ليهم البلان تاع داك مول الفانيد بديت بيه عايرني الواليد قال علاش مقلتيهاش ليا من لول كون قلتيها كاع ميطرا هادشي كامل ياك تنقولك قول اي حاجة وقعات لك صافي هنا بقيت ساكت و خايف معرت اش وقع ليا ثاني الواليدة قالت ليه خلي علك الولد راه معارفش مهم بدا تيسولني ثاني و انا ساكت و مصدوم بداو تيقولو ديك الهضرة تاع طبيب نفساني انا متنحملش الطبة جاوبتو على الأسئلة ديالو ملي كملت ليه كلشي كنت كنتسناه يشرح ليا اابلان تاع داك الشويرف ولا على الأقل يسولني عليه دار بحالا مدويتش عليه كاع ضرني راصي السيد تيعرف سميتي لنفرض داك مول الفانيذ عندو علاقة بيه مدام الشويرف هو لي فكني اذا راه غيكون ضدو صو مغاديش يقول ليه سميتي في حالة مكانوش شركة(عرفتك تلفتي)مهم ضرني راصي ديال بصح مبقيت فاهم والو و شااك بلي شي حاجة كاينة تما مهم مشيت طليت على البعلوك حتاهو منحوس كثااار مني مع تزاد هو مع نقصت انا مع مع..باقي مسماوهش كيتسناو فيا بقينا تنفكرو ليه فشي سمية ثاني غي تنبغيو نتجمعو ناقشو الأمور العائلية بحال كاع الناس كتوقع شي حاجة هاذ ليامات ثاني الدار عمرات كيجيو يطلو عليا زعما و يديو ما يعاودو انا عدويا الضياف متنحملهمش خصوصا داك النوع لي تيجي و يبدا حاط علك غي نتا و يسولك من هنا و من لهيه و يسول على القرايا...غالبا تيكونو من العائيلة ديال مك و غالبا هاذو فعايل الخوال مهم شي يوماين دازت عاد خوات الدار البعلوك باقي بلا سمية قرب يكمل سيمانة قررنا ليوم نسميو الليل كلو و حنا تنختارو فالسميات السمية لي عجباتني انا متتعجبش الواليد ولا لي عجبات الواليد متتعجبنيش انا و لي عجباتنا بجوج متتعجبش الواليدة ولي عجبات الواليدة...الموهيم مشيت نعست رتاحيت فقت لقيت الواليد  دخل البعلوك للحالة المدنية سماه  عبد الحميد صدمنا قلنا ليه مالك مكتشاورش و كذا قالك حكا الى بقينا هاكا عمرنا انسميو و بدا طالقها علينا قاليه الفقيه ديال الجامع احسن السميات هوما لي تيبداو ب عبد... صافي قنعنا حتاهي سمية زوينة (هاذ البلان بالذات طرا لينا بصح دارو لينا الواليد ملي تزاد الخوادري الصغير ولاهيلا كثر من شهر وحنا مختالفين ليه فالسمية بحكم حنا كثار فالدار شي تيعيط ليه ادم شي ريان شي كمال...حتا كيصدمنا الواليدة دخلو للحالة المدنية فيها عبد الحليم ) مهم نرجعو منبعد ما سمينا البعلوك عبد الحميد والديا بداو تيتناقشو باغيين يبيعو الدار يحيدو من هاذ المدينة خايفين يتعاود البلان لي طرا ليا لي بسبابو وليت غي ساكت تندوي غي مع الدار لا غير تيبغي شي مخلوق من العائيلة و الجيران يدوي معايا تنبقا ساكت بحال الصنم تعقدت منبعد سيمانة دكشي لي دار انا عمري متيسمحش يتشاورو معايا الواليد باع الدار على ماسمعت شرا شي برطمة فشي مدينة اخرى و شرا طوموبيل (م) صيفط الرحيل مع هونضة و مشينا حنا و فغي بعدنا على هاذ المدينة بزااف حتا البلاصة لي مشينا ليها زوينة العطلة قربات تسالي قل من شهر دب دخلت لمرحلة الإعدادي دازت تقريبا شهر على الإستقرار ديالنا هنا جات وقت المدرسة و بدا تيوصي فيا الواليد ثاني  دوك الوصيات ديال ليامات الإبتدائي حتا قلت صافي تحررت هو يخرج هاذ البلان من جنب بسبابو ولاو والديا حاطيني بين عينيهم لدرجة طواليت الى بغيت نمشي ليها كيسيقو ليا الخبار الواليد فرض عليا نلبس لبس فشكل فاللول شرا ليا واحد الليgة كدار غي فالكف زعما باش تغطي ليا ايدي على الأقل بيما كبرت قاليا هاذي فيما تخرج تبقا فليدك وليت تنلبس كاسكيط و نضاضر ديال الشوف و قبية محملتش هاد الهيت ولكن معدي مندير فيما نبغي نمشي لشي قنت كيمشي معايا الواليد شتو على بلان شحال خايب كتحس براصك مقيد حتا المدرسة هو لي داني أول نهار انا متنحملش يديني شي واحد المدرسة خصوصا فوق طوموبيل تنبان مكلمن دخلت للمدرسة غادي للقيسم كلشي دخل لقيسمو عيط ليا الواليد رجعت عندو مشينا للإدارة بدا داوي معاه المدير و انا برا خرجو سلم عليا الواليد و مشا و داني الحارس العام للقيسم دق أول حصة ديال الفرونسي صباح ربي دخلت للقيسم كلشي تيشوف فيا مع داير ليكات ولابس قبية تنبان عميييق ريحت فالطاويلة لور صراحة من الإبتدائي عزيز عليا داك الكوان الى محطيتش ضهري على الحيط منقراش الحارس العام بدا داوي مع ستاذة تيشرح ليها و تيشوفو فيا و انا مريح بوحدي دخلات ساذة عيطات ليا تتسولني شنو سميتي متندويش معاها متنجاوبهاش عيات معايا مشات للائحة قالت سميتك زهير حركت راصي اه زعما نوضات واحد الدرية من الطاويلة لولى باش نجي فبلاصتها مبغيتش عيات معايا معكس انا مهم خلاتني بدات تتشرح الدرس و قبل قالت ليا شنو خاص نجيب سالينا ديك حصة نهار كامل داز هكاك حارس العام دوا مع كاع الأساتذة عليا تيعاملوني معاملة خاصة انا دب فعينيهم مخلوق معقد لغد ليه جاي لبلاصتي ثاني تنضرب عليها مريحة فيها واحد خايتي موالف تنريح بوحدي شنو دب غتولي تريح حدايا ديك البنت...
...لغد ليه غادي للمدرسة ثاني دخلت للقيسم تتبان ليا الطاويلة لي موالف نريح فيها مريحة فيها واحد خايتي أول مرة نشوف داك الوجه مبانتش ليا نهار لول قالت ليا واش تيريح حداك شي واحد حركت براصي لا زعما قالت ليا سمحليا ريحت فبلاصتك واش ممكن نجلس حداك حركت براصي ثاني اه بلا منشوف فيها(واقيلا كلشي تيتسنى ايمتا تدخل البطلة للقصة 😂) مهم كانت عدنا الحصة ديال الإجتماعيات تيملي علينا ساذ و انا من داك نوع لي تيكتب كلشي بستيلو كحل هو راه الشكارة فيها ستيلوات لخرين لوان و كذا ولكن تنفضل نكتب كلشي بستيلو واحد نوار معديش مع البروطوكول دازت ساعة لولى تنضرب على البنت كتزوق الدفتار و كذا كتشوفني انا كاتب كلشي بكحل حسيت بيها تضحك فخاطرها شوية هي تكحز ليا ستيلواتها قالت ليا ستعملهم ماشي مشكيل كحزتهم ليها بحالا رجعتهم ليها راصها قاصح قالت والو تكتب بيهم و انا متندويش مهاها غي الإشارة و صافي راصي قصح منها قالت ليا واش نتا مكدويش مالك ساكت غي ستعمل الأدوات دياولي معنديش مشكل يسحابلها معنديش شوية و انا نحل الشكارة جبدت الستيلوات لي عندي كثر من ديالها يمكن الواليدة عمرات ليا الشكارة صدمتها   بقات غي كتشوف سكتات جمعات الخيش بيش ديالها و سكتات بحالا كتبلوكي شي واحد و هو تيكتب لك حسيت بيها ولكن خاصها تعلم تديها فراصها شوية انا راه مبغيتش نعيق عليها ولكن راه قدر الله و ما شاء فعل ماعلينا دازت ديك الحصة ختنا واقيلا يالاه لتاحقات بالقيسم كتريح غي بوحدها فالمواد لخرين وحتا انا تنريح غي بوحدي متنهضر مع تا واحد تيبغيو يهضروني و كذا ولكن مكنفتح لحتا واحد الباب بنادم استغلالي اعشيري واحد النهار نفس البنت تنلقاها ثاني مريحة فبلاصتي ريحت مدويتش قالت ليا واش ممكن نبقا نجلس حداك حيت يالاه تخولت لهاد الكوليج و متنعرف حتا واحد و بنتي ليا كتجلس غي بوحدك قلت ليها اه ممكن أول مخلوق غندوي معاه فهاذ القيسم حسيت بيها خادت عليا ديك النظرة ديال معقد بحال سائر التلاميذ مهم دازت شي 15 ليوم مكاملاش من الدار للمدرسة متبدل والو بنادم فالقيسم تيحاول يشري معايا معرفة انا راه ماشي تنتكبر عليهم ولا شي حاجة العكس اش عندي باش نتكبر غي شخصيتي فهاد الفيلم كتفرض عليا نكون هاكا ديك خايتي ولات كتريح حدايا ديما مرة مرة تتحاول تاهي تجبد معايا شي موضوع ولكن تنسد عليها مرة مرة تندوي معاعا نجاوبها ولا شي لعبة تقريبا هي الأقرب ليا فداك الكلاص واخا ماشي شي قرب تدريجيا تتزعم عليا و تا انا تنتطلق تدريجيا هي سميتها آية واحد النهار فالسبت قاريين غي نص نهار خارج من المدرسة غادي للدار مع الواليد بحكم كيوصلني و يديني اما وسط النهار تنمشي على رجلي و مرة مرة تنمشي على رجلي ماعلينا غاديين للدار حتا كتبان ليا آية غادا من الطريق لي غادي منها معرت فين غتكون ساكنة هاذي بديت تنحارف جيهتها على ما بان ليا مهم ماشافتنيش داز داك الويكاند القرايا ثاني يوم مشيت للمدرسة على رجلي الحمد لله الدار تدريجيا بداو كينساوني و فنفس الوقت تنتحرر من دوك القيود ديالهم الحضية الزايدة و الوصيات و كذا ماعلينا كيما العادة مريحة حدايا ديك خايتي انا فالقيسم من داك النوع لي متيشاركش فالأجوبة و حتا الإنتباه مرة مرة غادي راجع للدار فالوقيتة ديال الغدا حتا كنضرب على ديك الدرية آية غادا قدامي فنفس الطريق مقلت ليها والو هي باقي ماشافتنيش غي صربات عليا ورايا تسناتني قالت ليا من ايمتا و نتا ورايا قلت ليها هاذي طريقي ماشي وراك نن قصدت من ايمتا حيت كون كنت فبلاصتك نتا قدامي غادي نعيط لك و نمشيو بزوج قلت ليها اه اوا مرة خرا اجي نتا واش هاذي طريقك ديما اه ديما علاش ! قالت فين كتسكن بعدا غي هنا قريب ونتي فين انا غي هنا فداك الدرب تحولنا هنا غي مؤخرا واايلي هي حنا جيران قالت متقولش ليا كتسكن تما وي تما وااو شتي على صدفة على الأقل غنوليو نتوانسو فالطريق حيت متنعرف حتا واحد هنا قلت ليها حتا انا متنعرف حتا واحد حيت تا حنا غي مؤخرا تحولنا هنا شي شهرين مهم بقينا داويين حتا كل واحد ومشا لدارو الدرية صدقات فشكل ضريفة من تما ولينا كنتوانسو فالطريق خصوصا و هي كتقرا معايا و كذا هي الوحيدة لي تندوي معاها بزاف تطلقت معاها فالهضرة لدرجة تنضحك معاها بحالا زعمات عليا بزاف تقدر تسولني فأي حاجة والديها تيعرفوني والديا تيعرفوها بداو الفروض صدمت ليا بنادم تيشوفوني غي ساكت فالقيسم و كذا ولكن تنضرب غي النقاط المقودين حتا ولاو تيبغيو يشريو معايا معرفة بزز قلت لك بنادم استغلالي الدرية آية تاهي معدهاش مع بنادم تما غي شوية كتهضر مع شي بنات و صافي دوك البنات تيبغيو تاهوما يدوزو ليا على ضهرها ولكن سااد الباب والو  دازت الدورة لولى ضربت 16 و آية 15 موليناش تنتفارقو بنادم تيشوفنا يسحابليه بيناتنا شي حاجة ولكن والو غي جيران هضرة جد عادية واحد النهار فاللخر ديال العام خارجين انا و آية من المدرسة غاديين فحالياتنا هي تقول ليا بغيت نسولك ايه مرحبا قالت فاللول ديال العام فاش يالاه شفتك كنتي فشكل و غاامض بزااف بنادم تيحساب ليه معقد فالحقيقة نتا غي داخل فسوق راصك + هاذ اللباس لي تتلبس بحالا مخبي من بنادم و هاذ الليكات مفهمت والو مزعمتش نسولك على هادشي حيت يقدر يكون شخصي الى مبغيتيش تعطيني تفسير ماشي مشكيل صدماتني تي هادشي كامل مخبياه صافي هاذ الدرية كتبان ليا ديال التيقة ودارهم ولاو بحال العائيلة ما فيها باس نقوليها شنو السب ب حيدت اليكات من ايدي و النضاضر و ريحنا  تنعاود ليها قصة حياتنا قلت ليها داك العام فبحال هاذ الوقت دزت من واحد المرحلة صعيبة شوية تخطفت خطفوني شي ناس غيجيك هادشي غريب حيت تنشوفوه غي فالأفلام مهم بديت طالقها عليها شنو طرا ليا و تنزيد شوية الفيخرات مهم قالت ولكن علاش شنو بغاوك وريتها ايدي قالت نتا زوهري....يتبع