تقلبت حياتي بسباب انا زهري

الجزء 15

دير نجم 🌟
جزء 15
..مشيت نعس تكيت و تنفكر فالهضرة لي قال الشويرف الى جينا للمنطق الهضرة لي قال كلها صحيحة حاليا منقدر ندير تا حاجة منقدرش نوصل لهادوك لي قتلو الواليد + منقدرش نشوف الواليدة شي واحد خور فبلاصتي مغاديش يزكلها واقيلا غنقبل بداك العرض لي قدم ليا نمشي لشي بلاد اخرى نقرا ندير فلوس علاياش نرجع عاد نجي نتاقم و نرجع للواليدة بمرة ولكن كاين واحد الإشكال الواليدة شكون غيصرف عليها لا لا ميمكنش هو بصح الواليد خلا ليها املاك تعيشها حياتها كلها و حتا البرهوش توحشتهم صراحة معرفت شنو ندير كيبان ليا فجميع الأخوال منقدرش نمشي نشوف الواليدة صو غنقبل يا بالخاطر يا بزز غدا غادي يطلع ليا وراق جداد كلشي جديد انا لي بغيت نعرف هاذ الباشير علاش تيدير معايا عاد الرب ديال المزيان علاش شنو تيتسنى هاذ البلان غيضرني فراصي حياتي كلها و لكن الى خممت غي شوية السيد بافي ليا الخير الحاجة الوحيدة لي مأكد منها مهم غندير بهضرتو و نشوف فين غنوصل قاليا نفكر فشي سمية دابا انا غنمشي لبلاد خرا صو نفكر فشي سمية برانية مثلا كتعجبني السمية تاع واحد اللعاب تيلعب مع دورتموند ماركو رويس عرفتوه ولا لويس حسن ولا اومتيتي 😂 نن اومتيتي لا غيشكو فيا 😂 غنختار سمية مغريبية مسعود مزيانة مسعود منيتي مسعود مبقا ليها والو على الباشير اه صافي سهيل غنسمي راصي سهيل دابا نختار شي دولة اش عندنا كاينة ميريكان نن عنصريين انختار اوروبا هولاندا ولا بلجيكا احح عفا عليا الله من الموغريب ولكن حرت شمن دولة غنختار اه غنمشي ل لوكسمبورغ كلشي تيدوي عليها بلاد مقودة صافي تا سميتها زوينة صافي قررت كتجي علبالي ديك الدرية ليلى خاصني نلقا ليها شي حل مجاتش نخليها كتعاني حيت الى بقات هكاك غتخرج الطريق فكرت ليها فواحد البلان مقود مهم مبغاش يجيني نعاس شعلت تلفازة بان ليا فيلم بقيت تنتفرج تا نعست فايق على صوت الباشير قاليا نوض نوض راه عدنا شلا ميدار نضت فطرنا و كذا لقيت شي حوايج حاطهم شراهم كنحس بحالا مثقل عليه مجاتش يصرف عليا و انا صحيح فصيح فهم راصو قاليا عتابرهم مساعدة ولا سلف ملي يكون عندك ديك ساعة رجع ليا...قنعني صافي لبستهم قاليا اوا شنو قررتي مزال قلت ليه فكرت مزياان هضرتك كلها كاينة صافي قبلت ندير دكشي لي قلتي قاليا مزيان هاكا نبغيك قلت ليه ولكن بشرط قاليا شنو هاذ الشرط في متقولش ليا ثاني علاش تندير معاك هادشي و دوك الأسئلة الخاوية ديالك..قلت ليه لا قاليا و شنو قلت ليه واحد البنت صغيرة يالاه ماتت ليها الواليدة ديالها كنعرفها شي شهر دابا تلاقيت معاها عندها شي 6 السنين باباها تيستاغلها و تيطلب بيها و محاملاش ديك العيشة عارف بلي مغاديش تغلبك و غتلقا لي شي حل ناضي قاليا مم صافي واخا شرطك مقبول عطيني العنوان ديالها عطيتو ليه صافي الحمد لله الدرية غتكمل حياتها بحال اي درية قدها قاليا و شمن سمية ختاريتي حيت ليوم غنبدلو لك الوراق بوراق جداد قلت ليه سهيل قاليا مزيان اسم زوين و شمن بلاد ناوي تمشي ليها قلت لوكسمبورع قاليا اهاه تتعرف تختار علاش ختاريتيها بالضبط قلت ليه كنسمع بيها بلاد هاربة و زوينة قاليا صافي جاتك مباركين غي ملي وافقتي لينا قلت ليه ولكن باقي اشكال خور قاليا شنو عاوتاني قلت ليه الواليدة شكون مجاتش تبقا بوحدها و كذا قال مك راه مع عائيلتها عايشة بيخير دابا و نتا معارفش شنو ممكن يوقع تقدر تجوج من هنا لقدام و كذا غي رتاح من جيهتها اي نهار باغي تعرف عليها اي جديد صوني عليا من تما نعطك بالتفصيل صراحة عندو الصح تقدر تجوج هي باقا صغيرة مزال العمر قدامها وخا جاتني غريبة تجوج منبعد هادشي ولكن نفرح ليها من قلبي راه ميمتي هاديك و مناسيهاش دابا غي تندويو و صافي حنا غنشوفو شنو غيوقع قلت ليه اوا شنو غنقرا تما فاش غنتخصص قاليا حتا تمشي تما غيتسناك واحد تما فالإستقبال نوصيه علك هو غيوجهك و نتا ختار قلت ليه صافي مشات قاليا اوا يالاه نمشيو خرجنا من تما ركبنا فواحد الضاسيا باينة لاباس عليه مهم مشيت بعدنا من المدينة شوية مشينا لواحد الدار دوا مع شي واحد دخلنا ريحنا رحب بينا واحد هونا قاليه الباشير هو هذا لي دويت لك عليه قال صافي كون هاني عطيني غي المعلومات الأساسية قاليه صافي هاهو معاك كون بديتي دابا حيت زربانين شوية قاليه مرحبا ضار عندي قاليا شنو سميتك اولدي قلت زهير قال مازيان مشرفين و شمن سمية باغي قلت ليه سهيل قال مزيان جاتك دخلني لواحد البيت فيه البسيات و الكاميرات هاذ خونا تيدير كلشي باسبورات لاكارطات لاصورانص بيرمي لي حليتي عليها فمك مهم صورني شي تصاور و كذا بدا تيعمر شي وراق بصمت شي بصمات قالينا صافي 24 ساعة رجعو تاخدو وراقيكم خرجنا بقينا داويين قاليا بلي من هنا تلثيام غنمشي ل لكسمبورغ احح الدموع غنغيرها من هنا شوية بديت تنفكر طاح علبابي مصطفى و مروان خاصني نزورهم مروان معرت كي بقا مسكين تاهو و لكن قبل خاص نشوف الواليدة و خوادري صغير ضروري واخا غي من بعيد قلت لباشير غنطلبك واحد طليبة قال مالك عاوتاني قلت خاصني نزور شي صحابي فالحبس ضروري سمعها هو يفراني كان غيقلبها قاليا واش منيتك داوي غدخل تما مغتبقاش تخرج مزال اش هاذ تفكير عندك قلت ليه راه عارفك مغاديش تغلبك غيؤدير شي بلان آخر خدمة تسديها ليا وعد قاليا ولكن راه ميمكنش قلت ليه دوك دراري دارو بزااف على قبلي و دافعو عليا نعار غنعرب لدرجة كان غيموت واحد فيهم على ودي ضروري نشوفهم بدا تيفكااز قال منواعدك بوالو غنشوف كيندير باش تصدق احح بست ليه راصو  رجعنا فحالنا لديك الدار بقيت عاطيها غي للأفلام نهار كلو و حتا الليل مفايق تال طناش ولا كثر فطرت ولا نقول تغديت قاليا شويرف يالاه نجيبو الوراق مشينا عند داك خونا خديناهم لاكارط و باسبور كلشي قانوني معرت كيدار ليها هذا مهم كان ديجا مخلصو مشينا تنقلب فدوك الوراق جاتني فشكل تبدل ليا السمية من زهير ل سهيل قلت لشويرف اش درتي ليا فالبلان د البارح مزال قاليا يالاه لقيتيني غادي بك للحبس تشوفهم احح علك الباشير بست ليه راصو عجبو الحال مهم مشينا لتما ديكلاريت ب مصطفى و مروان ديجا تقديت شي تويشيات جبت لمصطفى كارطونة د بيمو كراكس لي واعدتو بيها مريح تنتسنا و تنتفكر يام كانو يجيوني الزيارات بانو ليا جايين غي شافوني جاو عنقوني و كذا مروان باقي حازم.كتفو تيدويو بشوية قاليا مصطفى كلشي عند بالو متي كي درتي ليها قلت ليه غي خطة هاديك و صافي نتوما كيدايرين بيهير قال مروان ولاهيلا بيخير هليتي بلاصتك قداش قلت ليه ان شاء يدير ليكم شي تاويل تخرجو حتا نتوما قال مروان اه ان شاء الله شي عام تقريبا انا عندك قلت مرحبا بيك و الف مرحبا غنهلي لك نمرة عيط ليها و غنجي نزوركم الى كتاب مرة خرا قال مصطفى علاش فين غادي قلت غنمشي لبلاد خرا تتبرد القضية راه مغامر بحياتي باش نودعكم قالو سير اخويا الله يسهل علك مترجعش قلت لاواه كاع منساكم قلت لمروان ملي تخرج علمني صافي قال واخا كون هاني قلت لمصطفي ختا نتا اكيد غتخرج دابا تشوف شي عفو ملكي ان شاء الله قال غي كون هاني من جيهتي معرفتش شنو تيقصد مهم و قلت لمروان شنو غدير ملي غتخرج قال أولا غنخدم و تبدا نقلب على الخوادرية الصغيرة مغاديش نخليها بوحدها منرتاح تنلقاها قلت اه مزيان و حتا انا معاك حتا تلقاها راكم خوتي سالات الزيارة عطيتهم دكشي لي جبت توادعت معاهم غادي خارج و مخلوع لنتفرش ولكن الحمد لله الباشير كون كان عارف هادشي خطار ميهلينيش دابا باقي خاص غي الواليدة نشوفها و غدا ان شاء الله رطعنا فخالنا نهار دايز طاير لغد ليه فقت بكري فطرت خليت رسالة ل لباشير فيعا ساعتين و غنجي خرجت شديك طاكسي نيشان للدار لي كنا ساكنين فيها وصلت مبان ليا والو تا واحد مخرج ساعة و انا واقف و مخبي لايعرفني شي حد من الدرب يالاه غنرجع فخالي حيت باينة تحولات الواليئة من تما شوية بان ليا البرهوش عبد الحميد خارج غادي للمدرسة توحشتو عيني غرغرو و الواليدة خارجة معاه لابسة البيض مسكينة توحشتها تاع بصح مكرهتش نمشي نعنقها بديت تنبكي بقيت متبعها بعيني واحد اللحضة هي ضور جيهتي كانت غتشوفني ولكن تخبيت بخالا عاقت بشي واحد تيشوف فيها الأمهات تيحسو مشات الواليدة آخر مرة غنشوفها هاد المدة غادي راجع و تنبكي مسحت دموعي شديك طاكسي رجعت للدار لقيت الباشير كاعي بدا غليا بدوك الأسئلة ثاني قلت ليه شنو يحسابلك نمشي بلا منشوف الواليدة قال متقولش ليا عرفاتك حي قلت لا كون هاني غي من بعيد و كنت لابس قبية و نضاضر قال ايمتا غتمشي و نتهنى من جيهتك مهم داك نهار دايز طاير غدا غنمشي لديك البلاد علم الله اش تيتسناني تما ثاني فايقين على الصباح جمعت شي خوايج قلال تما و نشريهم وزاقي و كلشي الباشير ديجل مقطع ليا فطيارة تكلف بكلشي داني للماطار توادعت معاه و ديك الهضرة ديال دير عقلك و بعد على المشاكيل..الخ مشيت اسيدي و آخير تحقق الخلم دايز من حدا الافيتة تاع المغاادرة احساس مقود ركبت فالطيار احساس اقود ملي تتحس بيها محلقة و مسجد حسن الثاني تيبان لك من هنا احح لوكسمبورغ تنادي..
..حلقنا بالطيارة كتبان ليا السما ديال المغريب انحس بلد في العالم لهلا يحرم شي ولد الشعب من هاذ الإحساس تكيت راصي بغيت ندير بحال المسافريت لخرين ولكن الملال دازت شي ساعة و الملااال ديال بصح و باقا شي ساعة و نص واقيلا جات عندي ديك المضيفة مغربية قالت ليا واش تشرب شي حاجة و كذا على نيتي قلت ليها تشي زعزع لاحافضك قالت شنو قلتي كيفاش عطيني شي عصير ابنت الناس ديال الليمون مشات جابتو انا العواصر متنحملش نشربهم.جغمة جغمة متنحسش بالحلاوة خليتها تا مشات و كركرت الكاس كلو مكرهتش شي كاس خور مهم بقيت مريح طيارة لي غادي فيها ماشي بحال دوك طيارات لخرين لي فهم 70 واحد هاذي واقيلا في 30 و لوكسمبورغ تيحطو فيها غي الحديدات المقودين شوية تيبان ليا واحد خونا القدام داير كاسك فوذنو و الضو معكوس ليه فوجهو بحالا تيتفرج فشي فيلم خرجت راصي طليت و فغي لقيتو تيتفرج وايلي هاذ الوقت كلو تلفازة قدامي و مفخباريش هزيت واحد اللغيبة هو يخرج الكاسك و بانت التلفازة ام تهاور تال دابا بغيت نشعلها معرفتش منين تيشعل هادشي خفت غي نبدا نخور فيها و ندير شي سيلكوي فالطيارة تصدق طايحة بالحزاق كلو نموتو فالسما زهري و انا عارفو تا مالنا جالوقة غتغلبنا بقيت تنخور تا شعلات و الراص تاع الكاسك مكانش راكب و الصوت كان على جهدو مع شعلات دارت واحد الصوت الحزاق كلو خاف واحد جبد الصمطة تاع الوقاية دارها يحساب ليه الطيارة غطيح 😂 جات ديك خايتي بدات طالقاها عليا ها منين تيخدم ها منين تيركب ها منين تيتخور اودي سيري دعيناك الله شوهتينا و الأغلبية هنا اوروبيون شوهت بالمغاربة 😂 مهم مشات ختاريت واحد الفيلم تنتفرج الكاسك دوريجين دازت شي ساعة و الفيلم باقي مسالاش و لكن وصلنا مكرهتش نكملو خلاوها تال لقطة فين غيقتلو و حبسو الطيارة بنادم غادي نازل ستاغليت الفرصة ضربت الكاسك تحت حوايجي و نزلت واخا يديوني للمريخ غتبقا فيا ديك التامغريبيت هاذو هوما المغاربة اش غنديرو مهم كان قاليا الباشير بلي شي واحد غيتسناني فالمطار ولكن باش غنعرفو غادي جار باليزتي بغيت نحيد داك الكاسك نديرو فالباليزة ولكن غيجري معايا بنادم خليه فكرشي حسن غادي تنضور عيني تنتسنى فهذا لي داير معاه شي 15 دقيقة و انا واقف مليت ضرت باش نقلب على كرسي مع تنضور تتبان ليا سهيل مجبدة فواحد الافيتة هازاها واحد  الزعرة اح ميمتي ولايني تخويرة هاذي السيدة نهار و هي واقفة تتسناني و انا مقلوبة عليا القفة بروبليم تاع سمية باقي مولفتهاش مشيت عندها عرفاتني انا هي تبدا تسرسب ليا باللونكلي مفهمت تاوزة فهمت غي ديك هاي تلنتطروباتغفققببلارا ويلكوم مرحبا زعما انا اللونكلي معرفت منين نجيها دكشي لي قريناه مفاذني بواالو حسيت بحالا شي أمي انا بقيت تنشوف فيها بحال شي مصدوم هي تبدا ضحك ولكن راه الزعورية اغويا من افسر خلق الله جمال طبيعي زعما تزعطت انا معرت شناوا قالت هي تم غادا فهمت بلي خاص نتبعها غادي وراها بحال شي امانة مفاهم والو وصلنا للباب دازت هي هو يحبسني واحد البوليسي لا ماشي بوليسي سيكيريتي هوما جوج بداو طالقينها عليا بديك لونكلي ثاني مفهمت تاوزة واش هاذي كامرة خفية ولا شنو ملي حطيت رجلي فديك طيارة و انا من موصيبة لموصيبة تدخلات ديك الزعرة بدات داويا معاه وانا في تنبقلل فعيني شوية هو يجبد ديك اللعيبة لي كيدوزوها على بنادم ملفوق تالتخت كتبدا توازواز ملي كيكون شي معدن نفسها لي تيخلعونا بيها فالوطني فالباك مهم بدا تيدوزها عليا وصلات لكرشي هي تبدا تصوني طيط طيط طيط معرت شنو قاليا ثاني مفهمتش ضرت عند الزهرة درت فيعا دوك الشوفات عتقي عتقي بدا تتشرح ليا بالإشارة حيد سليب زعما عااد فهمت البلان الكاسك خشيت ايدي جبدتو هو يدير فيا واحد الشوفات الشفار لاخور خيدو ليا بدا داوي و مشا الزعرة بدات تضحك عليا قمة الإحراج تفو على حالة كاسك تبعتونا عليه ليحرق طباسلمك لي بقا فيا كثر هو ديك الشوهة مع الزعرة بدات تضحك عليا فأول لقاء شتي شحال خايبة تكون مغربي كتبقا تابعاك التامغريبيت تاتموت مهم كملنا طريقنا وصلنا لواحد الطوموبيل ركبنا هي سايقة بدات داويا بلونكلي و انا ربنا هلقتنا غي تنخرك براصي تندير نوبة مرة نحرك زعما اه مرة نحرك زعما لا واحد اللحضة سكتات و تتشوف فيا كتسناني نجاوب وانا داير دوك الشوفات تاع لا آمل لمن تنادي راه فهمت شي كلمات ولكن مكافيينش راه نقدر نفهم اش تتقول ولكن منعرفش ندوي كتحس بحالا غي ضيعتي دوك السنوات د القرايا د النم فالمغريب مهم وصلنا لواحد الشقة هاز الحزاق ديالي و تابعها دخلنا لديك الدار قالت ليا شي تخربيق ثاني لي فهمت هو نتسنى شوية مشات سدات الباب و انا ريحت فواحد الفوطوي تما نرتاح صراحة ضار جوينة صغيرة ولكن واعرة ديال 2 تال 3 الناس 4 الماكسيمون مهم بقيت اسيدي تنتسنى تما ملقيت مندير شعلت التلفازة تنقلب فالقنوات ديالهم فيهم غي الأخبار و البراميج بلونكلي تا فيناهي دوزام و الرباط طفيت داك الفرجوق نضت طليت من شرجم تيبان لك بنادم هنا داخل فسوق راصو و كلشي زربان عندو ميدار مجتمع مثالي تعيش فيه هاذ الزعرة شتها تعطلات مشيت للثلاجة بانو ليا شي عواصر و شي لعيبات مكرطنين خليتهم كليتهم هادشي بنين تحللات الشهية قصيت تا شبعت و مشيت تكيت منوراها بشي نص ساعة جات الزعرة و جابت معاها واحد خونا ريحو حدايا خونا شينوي ولا معرت ياباني كملات لونكلي منجمناهاش معاها بقات غي الشينوية معرت شنو قالت ليه الزعرة هو يضور عندي صدمني السيد متمكن من العربية الفصحى يدوي معاك بلا متشوف وجهو تحلف عليه ما شينوي مهم قاليا بلي جابتو باش يظرجم لينا و كذا حيت لقات صعوبة فالتواصل معايا قلت ليه صافي ماشي مشكيل هي كدوي معايا وهو تيطرجم ليا قالت بلي هي من شي شركة ديال الخدمات وصاهم عليا شي واحد وهاذ الواحد هو الباشير طبعا شكون من غيرو قلت اوكي قالت أولا هاذ الدار فسميتك دابا من طرف الباشير طبعا احح عندي دويرة فلوروب ولكن عزة نفسي ما بتسمح نسالي هادشي و ندير و نرجع ليه رزقو كلو جبدات واحد البسطام فيه فلوس ديالهم و فيه كارط ديال البنكة قالت هذا حساب بنكي فيه 500 الف يورو هاذ المبلغ غيقدني شي شهور بيما لقيت خدمة نصرف على راصي و جبدات شي وراق قالت هاذي فيها عنوان تاع واحد الريسطو سير الوقت لي بغيتي غادي يخدموك وهذا عنوان تاع المدرسة لي غتكمل فيها قرايتك و هذا عنوان تاع مدرسة تعلم فيها الإنجليزية زربات عليا ولكن هادشي جوين زعما لهاذ الدرجة ضحكات ليا الدنيا تيسرات ليا القضية لهاذ الدرجة واقيلا القضية خاصك غي تخرج من المغريب و غيسهل على الله مهم تال دابا هادشي عاجبني قلت ليها ايمتا غنبدا القرايا قالت الوقت لي رشقات لك سير جبدات واحد الكتاب بدات تتوريني ليبرونش و التخصصات لي نقدر ندير و الشينوي تيشرح ليا قررت ندير دكشي ديال التسيير و التديير داخل فيه الإقتصاد و تسيير الشركات هاذشي مزيان عام و 3 الشهور ناخد الديبلوم ديالي هادشي عندهم خفن زربن مهم بقاو تيشرخو ليا و عظاوني خريطة و تيليفون جديد  الى تلفت و نمرة د الشركة ديالها الى وقع شي مشكل و مشاو قبل متخرج ضربات على الكرطونات لي كليت منهم خاويين قالت متقولش ليا كليتي دكشي مفهمتش فلول شرح ليا الشينوي فهمت قلت ليها اه علاش شدات فراصها وايلي هاذي مالها قالت خاصك تمشي تاخد شي دوا دكشي فايت ليه صلاحية و مسمم..صاافي غي هادشياوا ليحرق ظباسلمك خلعتينا على والو لهلا يوريك شنو تناكلو فالمغريب وباقيين على قيد الحياة و الحمد لله مهم بدات طالقاها عليا و مشات بقيت بوحدي احح التازوفريت بديت تنخور فداك التيليفون الويفي هنا مبغاه حد بقيت مكونكطي و يوتيب مخلطة شحال هايبة تكون محروم مهم طاح ضلام ضرني جوع غنخرج ناكل شي حاجة غنصدق تالف حليت ثلاجة كملت دكشي فالماكلة و نعست قررت غدا نبدا نتعلم الإنحليزية اما القرايا تا تبدا السيمانة و منوراها بشي شهر ليما ولفت نخدم مهم نعست فايق ممتيقش اول ليلة فالغربة احساس مقود غسلت لبست حوايجي هزيت شوية د الفلوس و دك العنوان فيا جووع باغي نفطر معرفتش فين نمشي بقيت تنمشي حتا بان ليا مطعم مشيت ليه قاليا اش بغيتي تاكل فهمتو ولكن معارفش نرد عليه بديت تنخور عليه بيدي  و نشرح شحفني و مافهمش ملفوق درت ليه اشارة جيب على ذوقك مشا جوج دقايق جاب عصير و شي تخربيقات فين عمري فطرت انا بعاصير الله و مكانت الزيت لعود و الخبز و اتاي لا شبعت ولكن لضرورة احكام كليت دكشي لي قدامي و نضت ديك لضرورة احكام معرفتش المحل ديالها من الإعراب نزلات علبالي و كتبتها ولكن جات فسرة 😂 مهم قاصد ديك المدرسة د لغات معرفتش فين نمشي شديت طاكسي عظيتو العنوان حطني قدامها خلصتو معرفت الفلوس واش زايدين ولا ناقصين غي عظيتو وصافي على نيتي تنتسنى الصرف عو يعفط خلا ليا غي الغبرة واخا علك مك دخلت للمدرسة تقيدت سبقت ليهم شهرين 4 الحصص فالسيمانة انا نختار الوقت لي يناسبني مهم دازت ديك ساعتين تيدوي غي بلونكلي فقط الظريقة الوحيدة باش تعلم و فعالة تتفهم و الكلمات تيبقاو لاصقين فالدماغ مهم مبغيتش نرجع للدار قلت نضور شوية و كذا يالاه غنخرج من المدرسة حتا كنسمع ديك واا العلوة لا تكلم اجي توصيك بعدا ستك ستك...وايلي العلوة فالوكسمبورغ...يتبع
خالي رائيك في قصة ؟
كنلوح ليكم أجزاء طوال او تفاعول 0 من جزء جاي غادي نقصر ليكم أجزاء....⁦✌️⁩
دير نجم 🌟