تقلبت حياتي بسباب انا زهري

الجزء 5

دير نجم كمونتير
الجزء الخامس
...خليناها فالأحلام..وليت تنحلم ثاني دوك الأحلام ديال النمي كوابيس ماشي تا احلام احح لااام 😹 مديوش عليا راه راشقة ليا ماعلينا مؤخرا وليت تنحلم واحد الحلم ديما تيتكرر 😹 حاس بلي كاينة شي حاجة من وراه خصوصا هادشي تيوقعو لزواهريا بحالي خديت واحد الدوا ديال النعاس غي باش نعس نعسة وحدة مرة تنعس مزيان مرة والو صافي طلعات ليا هاذ الحالة فراصي تنحلم انا فشي غابة تنقلب على شي حاجة و تنحفر و كنقلب حتا كنقرب نلقا هاذ الحاجة و تنفيق كل حلمة كتزاد شي حاجة مثلا ديك البلاصة لي تنحلم بيها تتبان ليا مؤلوفة من الواقع كل مرة تتزيد توضاح واحد الليلة تنحلم بنفس الحلم ولكن هاذ المرة بقا طويل تنحفر حتا تتبان ليا واحد صنيديقة صغيرة و صغيرة نييت يالاه غنجبدها تنسمع التيليفون تيصوني يخ على زهر آية تتصوني على الصباح فايق خاسر تنجاوبها صباح ربي مالك هي تقطع كعات واقيلا رجعت نعس باش نكمل الحلمة مجانيش النعاس تندير الكمالة من راصي كنتخايل شي كنز واخا الصنيديقة صغيرة عليه جمعت النوضة كاعي ديال بصح مراشقاش ليا على الفطور غادي للمدرسة خارج ثاني مع العشرة مبانتش ليا آية معرت علاش مجاتش ضرني جوع مشيت عند واحد مولات المسمن فراص الدرب تتصرع المسمن خديت مسمنة و جوج دراهم ديال الحرشة و تنفطااار ليا مع راصي ايماجيني معايا تجيب آخر دغمة من الحرشة مع آخر جغمة ديال آتاي خاصك تكون قاري الجيستيون و عندك اجازة تاع ليكونومي الى بغيتي تجيبها كنتحداك جربها و رد عليا غدا ولكن كول عادي مديرش ليها حساب ماعلينا قصدت الصيدلية خديت الدوا ديال النعاس هاذ الحلمة يا بيا يا بيها ليوم غنجبد عليه تنشوف هاذ الحلمة مالها معايا مشيت للدار مع الوقيتة تاع الغدا قاري مع الجوج تال الليل و نعس داز داك النهار آية مبانتش ليا النهار كلو هاذي مالها دخلت لوطساب ندوي معاها لقيتها تتمعنى عليا فالسطوري 😹 اناري ميمتي اش درت ليها صونيت عليها المرة لولى مجاوباتش الثانية التالثة والو مجاوباتش ليعندلمي انا لي مطيح من راصي تعشيت درت داك الدوا شربتو و انا نعس حلمت نفس الحلم غي تنقرب ثاني لصنيديقة ديك اللحضة لي تنتسناوها كلنا تتفيقني الواليدة انوض اهداك الولد واش مغتمشيش للمدرسة حشومة علك اميمتي اش درتي ضربتي كلشي فالزيرو تعجبات قالت اناري تا مالك بسم الله علك فقت غسلت وجهي فطرت غادي للمدرسة تنرجع الكاميرة اللور ديك البلاصة لي حلمت بيها بحالا عرفتها فين كاينة طاحت عليا فكرة مالي اش خاسر غنمشي نشوف اش داكشي تما بانت ليا آية غادا بوحدها مشيت عندها السلام السلام قلت ليها مالك متتحاوبيش صونيت علك شي 12346778865 مرة و متتجاوبيش ( هداك الصاط لي قال قرا الرقم ديال البارت الفايت امضرا هدا قريتيه 😹 ) مهم قلت ليها مالك متتجاوبيش و مالك مجيتيش لبارح بدات تدير فيا دوك الشوفات 🐸 قالت معرفتيش علاش داير فيها معارف والو و مدرتي والو هاذي مالها بسم الله علك خلاتها الواليدة شنو درت لك ثاني راه والله ما عقلت قالت لا صافي والو تي كيفاش والو كيفاش اش ناهي صافي هذا انا ملي تنبغي نجبد الصداع بديت عليها بديك الهضرة نتي لي منك لافوت غي باش تقوليا مالها قالت لبارح مع الصباح كنت مريضة و صونيت علك باش نقولها لك و نتا تقمعني و قلتي ليا صباح ربي صدماتني صاافي هاذي قلقاتك دب خاصني ليها واحد ساعة ديال بلا بلا عاد غترطاب بديت عليها تا نا بديك الهضرة معدي ميدار صافي تحل المشكل تشا راه هاذ المخلوقات اش غنقوليكم خليني ساكت...قرينا داك نهار قررت الويكاند نمشي لديك البلاصة مقلتها لحتا واحد مشيت للدار لقيت البرهوش ديال الخوادري عبد الحميد داير ليا مشكل خرج داك الدوا داه للواليدة دارت ليا حالة قالت لك علاش كتشرب دوا واش ضاراك.شي حاجة قولها نديوك لطبيب و ديك الهضرة تاهي كثر من آية الليل كلو و انا تنشرح ليها غي بلي راصي ضرني و بغيت نعس و كذا قنعتها فاللخر الله الحمد لله عاطيني قدرة ديال الإقناع هاذ البلان لي طاري ليا مغنقولو لحتا واحد تا نفهم انا بعدا وصل الويكاند كريت واحد الموطور درت ليصانص و غادي قاصد ديك الغابة خرجت على المدينة هاذ الغابة بعيدة و صلت ليها و بديت تنربط دكشي لي قدامي بداكشي لي تنحلم بيه كاين تشابه قلبت على ديك البلاصة لي غنحفر فيها كيما حلمت بيها لقيتها بديت تنحفر تنحفر و الخلعة اغويا و تنحفر غي بإيدي بانت ليا واحد الحديدة عاونت بيها مبان ليا والو صافي غنزيد 5 دقايق ديال الحفير الى مبان ليا تا حاجة غنرجع فحالي صدقت زايد نص ساعة خرا مابان ليا والو تا مالي على حالتي شو كي وليت صافي طلع ليا الدم غادي راجع قبل ميشوفني شي حد يحسابليه تندير فشي مونتيف ولكن قبل بانت ليا واحد الحزمة جبدتها صدقات غي خنشة طوعتها زادت عصباتني تعصبت ديال بصح صافي انرجع نتقود فحالي ضربت ذيك الحديدة مع ديك الحفرة بالعصاب شوية و انا نسمع صوت ديال الإصطدام المفروض حدية مع التراب ميذيروش داك الصوت رجعت للحفرة كنحيد داك التراب بإيدي بانت ليا واحد صنيديقة جبدتها صغيرة كيما حلمت بيها سبحان الله واش انا ولي صالح ولا جدي ولي ولا شنو صندوقة ثقيلة تنحرك فيها تنسمع صوت ثقيل احح غيكون غي شي كنز هذا بانو شي وحدين جايين تيجريو تيديرو الرياضة هزيت الصندوقة و غادي قبل ميشوفوني و يشكو فيا مشيت للموطور و الدموع الفرحة احح غنولي غني الذهب مقدرتش نصبر وقفت الموطور جبدت الصندوقة من الكوفر ديال الموطور مبغاتش تحل ضربتها مع لارض تفرشخات صدمة ننن صدمة و اشمن صدمة ملقيتش شي مصطلح كثر من صدمة ايماجيني معايا شهر و نتا تتحلم و تتسنى شي كنز فاللخر تتلقا صفيحة ديال عاود اوا لعينطباسلمك هذا لي حطها تما من كترت الصدمة بديت تنضحك واش انا فالمغرب و غنلقا كنز قلبت دكشي صفيحة ديال عاود و شي جالوق شرشمتو برجلي عصبني تلاح من داكشي واحد الورقة ماشي ورقة عرفتي دوك الهياضر لي كانو تيديرو منهم.جدوئنا وراق و تيقراو فيهم بحالها صغيرة و مربعة قلبتها و مرسوم فيها شي تخربيقات و شي رموز مفهمت والو فداكشي ضربتها فجيبي و رجعت فحالي طلع ليا الدم د بصح رجعت الموطور دخلت للدار دوشت دخلت لبيتي تنقلب فديك الورقة ولا زبلة ولا منعرف تنحلل فيها على ما بان ليا هاذي واقيلا غتكون غي شي....
...اسيدي ملي فرتكت ديك الصنيديقة و لقيت فيها صفيحة ديال عاود و جلدة طلع ليا الدم ضربت ديك الجلدة فجيبي و رجعت فحالي رجعت الموطور لماليه و قصدت الدار دوشت رتاحيت ليا شوية كليت ضربت طلة على ديك الجلدة ولا زبلة ولا منعرف تنحلل فيها هي فيها شي رموز فشكاال فكرني غي فالحضارة الفرعونية داكشي ديال اخنتون و توت عنخ آمون مهم مفهمت والو هاذي غتكون شي سحور ولا شي تابعة بديت تنقلب فيها بالصدفة تنكناشف بلي هي مطوية و مطوية بواحد الطريقة دكية ديال القدماء ملي حليتها الورقة تزاد الحجم ديالها ولات على شكل معرت شنو سميتو كاع معديش مع الهندسة معرفتو متوازي الأضلاع ولا متوازي المستطيلات ولا معرت المربعات مفهمتش الشكل ديالها تخربق و نفس الرموز تتكرر شجرة متلث مطرقة فاس لحية ولا منعرف كمشتها ولحتها فالبيت و هزيت التيليفون لقيت آية مصونيا شي 6 المرات ولا 6666 المرات غتكعا عليا ثاني صونيت ليها الو السلام السلام قالت فين كنتي هاذ النهار اش دكشي عندك هاذ الليامات بحالا موليتيش مسوق تجاوب الوقت لي بغيتي و تدوي الوقت لي قالها لك راصك شوف الى كانت شي حاجة ماشي تالهيه ثاني راه نتا عارف حيت تبدلتي بزااف بحالا شي حاجة داخلا لحياتك زربات عليا امعلم مخلاتني تا ندوي داكشي جا مسرسب الصاط فيما تنبغي ندوي متتخلينيش قلت ليها سكتي وا ناري ميمتي واغا خليني ندوي تا انا كيفاش انا عارف و هاذ الهضرة ديالك علاياش تتمعني ما عارفة والو و تتإيماجيني من داك الراص شي حاجة مكيناش قالت اوا فسر ليا مالك قوليا شنو خاص نعرف جاتني فهاذ الوقيتة مافيا لي يدوي هادشي في بيني و بينها علاقة عادية و تدير هاذ الحالة قلت ليها غدا نتلاقاو فالمدرسة و ندويو كثر قالت ديك اوكي و قطعت ناري على حالة واش حتا نتوما تدير ليكم هاذ الحالة ولكن سمعت بلي الى كانت كدير بحال هاذ البلانات راه تتبغيك 😹 ماعلينا ضربتها بواحد النعسة على الأقل موليتش تنحلم دوك الأحلام ديال النمي تهنيت فايق مع الصباح تنلقا البعلوك هز ديك الجلدة تيخور فيا واخا معدها باش تفيدني مشيت تنجري حيدتها ليه درتها فواحد الكتاب درتو فالشكارة فطرت و غادي للمدرسة تنتلاقا مع آية فالطريق السلام السلام و كذا السيدة مقلقا بقيت ساكت انا فالصباح تنفيق خاسر متندوي مع تا واحد حتاهي بقات ساكتة دخلنا للمدرسة جبدت معاها الهضرة على القرايا و الفروض بقينا داويين تقادات الهضرة و انا نقوليها كيفا قاضيتك البارح صبنتيني كون كنت حداك كون ضربتيني واش متتيقيش فيا بدات عليا بديك الهضرة منك لافوت و متنتسوقش ليها و ضورات ليا فالسمطة و ختماتها فاللخر قالت و شنو كنتي باغي تقوليا لبارح قلت ليها خلي تنخرجو مع العشرة و نعاود لك البلان من لول قالت لهاذ الدرجة الموضوع حساس بحالا تتستهزئ بيها درت فيها دوك الشوفات ديال الثقة فالنفس قلت ليها اه دخلنا للقيسم قرينا وليت غي ساهي تنفكاار خرجنا مشينا برا ريحنا شداتني قالت والو تعاود ليا شنو مخبي عليا قلت ليها واخا هانتي سمعي و عطيني عقلك غيجيك هادشي فشكاال شوية و تقدري متيقيش كاع قالت علاش شنو غي سمعي دب  مؤخرا معرت شنو وقع ليا وليت تنحلم شي احلام خايبة و فشكل بزااف و لكن منبعد تكرر واحد الحلم بزااف وليت ديما تنحلم بيها قالت ليا اشناهو كاع اودي غا تصنطي تي كاطيري مع الطيور مكاينش لي خارج علك قد هاد الخفة لي فك قلت ليها اسيدي داك الحلم بدات تضحك قالت اوا اش جاب هادشي لدكشي لي بدلك قلت هاني جايك بالهضرة الالة ديك البلاصة لي حلمت بيها عرفتها و مشيت ليها قالت اوا و لقيتي الصندوقة قلت اه لقيتها و كيما حلمت بيها قالت اوا وشنو لقيتي فيها دوي سكت باش نزرع فيها التشويق قالت اوا قول الزمر صراحة حشمت نقوليها شنو لقيت قلت ليها صفيحة ديال عود و هبطت راصي شوية تنسمع بشااااخ بالضحك بنت الناس خرات عليا بالضحك قلت ليها و لقيت حاجة خرا مهمة قالت شنو شنو درت دوك الشوفات ديال الشر اوا نسكت ذب بدات تطلب فيا جبدت الدفتار لي حطيت فيه ديك الجلدة و عطيتها ليها قلت ليها لقيت هاذي شداتها تعجباات قالت شنو هاذي قلت ليها معرفتش بالضبط زبلة يمكن سكتات تتحلل فيها تاهي دايرة فيها خبيرة قالت عرفتي شناهي هاذي قلت شنو قالت هاذي غتكون غي شي خريطة ديال شي حاجة شي كنز الصكع شفت وحدة بحال هاذي فواحد الفيلم و بدات طالقاها عليا صراحة حتا انا قلت مع راصي غتكون غي,شي خريطة و بحال والو يكون كنز ديال بصح ولكن السؤال كيفاش انفهمو هادشي راه مواضحش قالت ليا و شفت ف فيلم خور خريطة كيكونو فيها اجزاء تقدر تكون هاذي جزء و غيبقا خاصك تقلب على الأجزاء لاخرين او بالأحرى تحلم بيهم منيتك داويا قالت اه منيتي و متأكدة يقدر يكون عندها الحق فهادشي الموهيم رجعت هاديك الخريطة لشكارة بقينا داويين فالمؤضوع  و كذا دازت 3 ديال الأيام محلمت بواالو و هاذ البلان غي انا وياها لي عارفينو تنقلب ف googl على مشتقات هاذ الخريطة و شي معلومات والو تندير الشيرش فالمغرب والو تيطلعو ليا غي دوك الزاويات لي فالبحر و القصبات و الأولياء الصالحين فالتصاور ديال السيرش طيحو عليا فكرة غنهز ديك الخريطة و نقصد شي زاوية و نسول الفقيه ولا الولي لي تما نقلقلو على هاذ الخريطة و ديك الغابة نيت لي جبدت منها ديك الخريطة.جات حدا واحد البحر فيه زاوية غنمشي لتما غادي و معارفش بلي انا فمرحلة ما قبل الكارثة....يتبع