تقلبت حياتي بسباب انا زهري

الجزء 10

دير نجم كموتير

الجزء 10

...ملي قلت ليه عطيني الفلوس لي تافقنا عليها السيد تعصب قاليا راه غتندم امصخوط كون.كنت منك...قاطعتو ديك بلا بلا ديال سير كولها راه قلت لك لي عندي عطيني لي قلت لك و نعطك الجلدة الأصلية مبغيتيش دير لي عجبك ولكن بلا متحلم بداك الكنز يتجبد مزال قال واخا لي بغيتي ولكن راه نتا لي بغيتي هادشي عطاني ايديه نسلم عليه زعما واش متافقين خليتو بلاكة غي دب شوية كنتي ناوي تذبحني قال عرفتي شحال و انا تنتسنى هاذ الكنز و هاذ الخريطة 7 السنين و حنا تنقلبو فاللخر ولا كلشي بإيد برهوش خربقتي لينا كلشي محسابش ليا غنوصلو لهادشي قلت ليه أولا حسن الألفاظ ديالك معايا ثانيا ديك بلا بلا ديال الأفلام و عثمان كوزان سير كولها شدني من كتفي قاليا غتندم مزال على هادشي سير جيب الخريطة و انا غنمشي نوجد لك الفلوس بديت تنضحك قلت على انا نتيق مزال لا احبيبي هاذ المرة نتا لي غتجي تاخد الخريطة و غتلوح ليا الفلوس فكونط بنكة باش بحوجنا نكونو رابحين تعصب ديال بصح هاذ المرة بغا يضربني ب بونية (شحال هاذي مسمعت هاذ الكلمة 😂) ولكن معان حبستو و عاودتو براصي جاو واحد جوج شدني واحد ولاخور نزل عليا بدقة قاليه داك خونا طلقوه جا شدني من كتفي قاليا غي حيت مزال باغيينك دفعني من ضهري و قاليا سير وجد الجلدة غادي خارج شوية هو يقوليا زكا زكا شوية و انا نتفكر البلان ديال الخريطة لي لاصقة فضهري غيكون عاق بالبلان جا قاصدني و تيقول اش دكشي فضهرك تنشوف فالباب باقي بعيد و انا نضربها بواحد الجرية هوما يتبعوني مع كنخرج من تما كنلقا جوج خرين قدامي تلقاو ليا شدوني لحقو عليا لخرين جا داك خونا مس ليا ضهري صافي تخورت جبتها فكري د بصح هاذ المرة الى فلت منها نولي نصلي ليل و نهار قاليهم حيدو ليه السليب قطعوه من ضهري خونا خاذ الجلدة بدا تيضحااااك باسها وقال غنعتارف لك نتا برهوش ذكي و كتفكر و شبعااان افلام ميريكانية داوني لداك الكرسي كتفوني ثاني قاليا خونا هاهي قصتنا سالات هاهي الخريطة و بالنسبة للفلوس يدك فيه اولدي على طريقة سانك سانك و مشاو سدو داك الباب كنفكر شنو غندير مع هاذو صدقنا لا فلوس لا توزة و حياتي غتمشي يمكن تنحاول نفك راصي والو كتفوني مزياان هاذ ولاد العبيد زعما الشويرف غيعتقني ثاني موحال دازت نص ساعة دخل واحد زرب عليا بواحد البرا لعنقي فيها شي حاجة كتنعس مبقيت عاقل على والو من ديك اللحضة فايق فالضلام الليل تنسمع داك الصوت ديال ديك الحشرة عرفتوها ماعلينا فايق كاع عضامي ضاريني كنضور عيني تنلقا راصي مزال مكتف مليوح فغابة جوج واقفين عليا قدام واحد البير كتبان ليا واحد 22 ديال العيد الكبير حدايا بديت تنفهم غادي يذبحو ديلمي هنا غالبا ديك الخريطة جابتهم تال هنا صو هنا فين كاين الكنز باقي خاصهم غي الدم ديالي و يجبدوه هز واحد فيهم ديك 22 لاخور واقيلا شي فقيه ولا شريف ولا منعرف هاز دوك الخاريطات ب3 خونا كيقاد فيا حسيت براصي حولي فديك اللحضة الى مدرتش شي حاجة غيذبحوني بديت تنغوت و نترطا بدا تيقاد فيا بزز شي 5 خرين بعاد علينا تيتفرجو خونا قرب عندي ديك 22 قاليا شهد شهد انا صافي قلبي غيوقف فديك اللحضة شهووور ديال الصال منفعوني بوالو عندي فرصة وحدة لي غنفك بيها راصي الى مصدقاتش مشيت الشويرف لي معول عليه يعتقني هاذ المرة مبانش يالاه غيدوز عليا جرحني و انا نهز رجلي ضربتو لصدرو دفعتو طاحت ليه 22 تلاحيت عليها فالبلاصة فكيت ايدي و رجلي ناض داك خونا بدون شعور زرعت فيه ديك 22 خشيتها ليه فكرشو و لكن موحال تقتلو الشريف يالاه بغا يهرب شديتو ضربتو و خديت ليه دوك الخريطات دكشي داز بالزربة دو لي كانو كيتفرجو ضربت عليهم جايين تيجريو و انا نضربها بواحد الجرية فأعماق ديك الغابة غادي تنجري على حهدي و هوما ورايا شي نص ساعة ديال الجري باغي غي نخرج للشانطي والو عيت واخا هكاك تنجري عنقي تيسيل بالدم لي تابعيني مبقاوش تيبانو ليا و آخير بان ليا الشانطي و لكن خاااوي و الضلام تا حديدة مكدوز يعني ساهل عليهم يبقاوني الى بقيت هنا غادي تنجري شوية تيبان ليا الضو ديال شي طوموبيل وقفت على وسط الشانطي حسيت بمولاها بحالا قاصدني نييشان تنكريت وصل عدي و قف نزل واحد خونا شكون تينزل تينزل داك الشويرف تاع داك نهار قاليا طلع طلع سربي طلعت هو يكسيري قاليا الحمد لله غي ملي باقي حي عرفتك غادي توقع لك شي حاجة نتا لواحد ميخليكش بوحدك ياك قلت لك عطيهم الخريطة هانتا صدقتي غتموت قلت ليه و انا كرهت راه عرفوني زوهري مهم بقينا غاديين و داويين قاليا اش داكشي هاز حطيتهم ليه عاودت ليه شنو طرا بالتفصيل قاليا واش نتا مريض ولا شنو علاش جبتيهم خلي ليهم المرض ديالهم دابا غيبقاو تابعينك تا تعطيها ليهم قلت ليه معرت بانت ليا و انا ناخدها ليه دازت شي ساعة و صلنا للكوميسارية قاليا ارا دوك الجلدات و قوليهم بلي مخديتيهمش معاك خليت ليه الخاريظات و مشا و دخلت للكوميسارية انا دارو ليا واحد الإستقبال بحالا كانو تيتسناو فيا شافتني الواليدة فديك الحالة سخفات داوها للسبيطار مشيت معاها حتا انا داواو ليا عنقي فاقت الواليدة بدات تتبوس فياو تعنق و كتعير و تبكي ؤ كذا الواليد حتاهو..شوية جاو البوليس داوني رجعوني للكوميسارية نفس الكوميسير لي حقق معايا آخر مرة نن ماشي بات آية تفكرتها ثاني مهم عاودت ليه شنو وقع مقلتش ليه بلي ديت معايا الخريظة تنشوف الشويرف شنو غيدير معايا بقيت تما شي ساعتين حتا كيصدموني داوني للسيلون قلت للشاف وايلي شنو درت باش دخلوني ليه واش صافا قاليا صبر 24 ساعة موشكيلة داوني تما بقيت تنتكلاصا تما كانت شي 6 ديال صباح نعست شوية منبعد فقت جابو ليا حوايج و مانطة و ماكلة صيفظاتهم الواليدة مخلاوهاش تشوفني موشكيلة دابا علاش دخلوني هنا الله و علم...
..مبقيت فاهم والو صافي وليت بحال شي امانة محطوطة نكون غادي معليا مابيا حتا يخطفوني ماشي مرة ماشي جوج تنخرج منها بحال الزغبة من العجينة ولا معرت نسيت داك المثل مهم كلشي ديال الله باش كملات مشينا للبوليس يديرو لنا شي حل صدقو مدخلينا للحبس علاش تال دب باقي معرفتش الواليدة لهلا يخطيها صيفطات ليا مانطة عارفاني عزيز عليا نعاس كنت عيان الليل كامل ناعس فيه ساعتين غي حطيت راصي و انا نعس فايق على صوت القفولا و السوارت جا واحد اابوليسي مينوطاني جدية ثاني هاذي مهم دار ليا مينوط و داني لواحد البيرو خاوي ريحت جا دخل واحد الشاف أول مرة نشوفو لا سلام لا كلام قلت ليه علاش شاديني الشاف بشمن حق قاليا صبر بعدا فك الجوع ماشي غي حوع لي كان فيا راه كرشي مسكينة من لبارح مشافت النعمة قلت ليه اه عيط على واحد خونا قاليه جيب ليه يفطر الريق لي ففمي تحرك تجيني تال الماكلة منعرفكش اعشيري مدويناش تيتسنا حتا يجي خونا و نفطر عاد ندويو أول مرة نعرف تيفطرو فالكوميساريات المغريب راه جوين وخا هكاك كنتخايل شي عواصر و الزيت العود و الخبز صخون و اتاي حتا كنضرب عليه جايب صينية فيها بتيبانة و كاس د الحليب و شي زويتينات اطط نحسب واحد جوج تلاثة تلاثة بالحساب دكشي غي وحل ليا بين سناني و صافي دعيتهم الله قلت ليه اوا الشاف علاش تال دابا انا هنا قاليا سمع اولدي غنسولك و جاوبني بصراحة شنو وقع بالضبط تما باش تاحنا نساعدوك قلت ايه وراه سينيت على الإفادة ديالي لبارح و داكشي لي قلت هو لي كاين قاليا سمع واش باغي تحل هاذ المشكل بأقل الأضرار قوليا الحقيقة قلت ليه واش داوي منيتك الى كانت عدك شي حاجة قولها باش نعرف حتا انا شنو فراصك فجيهني قاليا درنا تحقيقات فالبلاصة لي قلتي لقينا جثة مضروبة بالموص جوج ضربات و الموص فيه البصامات تاعك و فالمحضر فيه نتا ضربتيه غي دقة وحدة دفاعا عن النفس و مكانتش مميثة و واحد الشريف تما لقيناه حتا هو ميت بنفس الموص و البصمات لي ديالك صدمني فديك اللحضة حسيت بواحد القالب طلع معايا و واحد التخويرة كاطروفان سانك أس اثنان صحاب صيونص ماط شحال جات 😂 مهم قلت ليه و لكن هادشي راه مكاينش ابدا مأكد هداك لي ضربت مقتلتوش + ضربتو غي دقة اما داك الشريف لي معاه ولا منعرف غي ضربتو بإيدي و هربت قاليا ولكن مقلتيش لينا بلي ضربتيه و البصمات فإيدك شوف ولدي منخبيش علك بغيتي تعاون راصك قوليا شنو كاين قلت ليه شوف الشاف وخا نكون انا لي قتلتهم بصح راه كتبقا دفاعا عن النفس شوف عنقي راه كانو غيذبحوني شنو باش مندخلش للحبس نموت انا وخا يرجع الزمان اللور لديك اللحضة غادي ندير نفس الشيئ انا مقتلت حتا واحد دكشي لي قلت فالمحضر لبارح هو لي كاين سي تو قاليا معندي مندير لك سير و فكر واخا دفاعا عن النفس لابذة غدوز فالمحاكمة مييمتي ولينا فالمحكامة رجعوني لداك السيلون مريااح تنفكر فهاذ القالب لي دارو ليا دوك ولاد العبيد شديت فراصي تنخمم القضية غادا و تتعقد عندي بزاف على هاذ النحس انا هاذ الليدين لي دايرين ليا هاذ الحالة غادي نقطع القحبايماهم و نتهنى دازت ساعتين جابو ليا ناكل واخا المشاكييل اخويا كرشي لا ترحم كليت دكشي صيفطاتو ليا الواليدة دجاجة محمرة الله يسمح لنا منها و صافي دازت ساعتيين جا وحد البوليسي قاليا زيارة غتكون غي الواليدة و الواليد ولكن ملي مشيت ماشي هوما لي لقيت هذا الشويرف ريحت السلام السلام قاليا عدنا غي 10 الدقايق بزز و بالمعرفة باش خلاوني ندوي معاك قلت ليه صافي صافي قول اش عندك قاليا عارف بعدا علاش مشدود ياك قلت ليه اه غي دوي قاليا دوك لي خطفوك دازو لك بلان لبسوك ديك التهمة و غالبا غتحاكم متخلعش تقدر تخرج برائة درت واحد الضحكة قلت ليه تقدر عدها جوج خيارات نقدر نخرج نقدر منخرجش قالي بلا متخلع مستحيل نخليك فالحبس غنخرجك فأقرب وقت قلت ليه شكون نتا فيما نطيح فشي مشكل نلقاك حدايا سنو عتستافذ الى عا نتيني شكون مصيفطك و بزااف د الأسئلة قاليا يقدر يقدر غي جواب واحد يحاوب لك على كاع الأسئلة دياولك و لكن حتا يكتاب و تعرف ماشي وقتها دابا خلينا نركزو فهاذ القضية ديالك هي لولى راه درت لك محامي بالعلم ديال واليديك طبعا و غتخرج بالإستئناف قاليا المحامي باقي متباتتش اللإدانة ديالك صو غتخرج مؤقتا بيما وصل موعد المحاكمة و ديك ساعة غنشوفو كيفاش تخرج برائة غي رتاح غتخرج وعد قلت ليه تحطني بين نعرف شكون و فالمقابل ندخل 20 عام د الحبس غنوافق قاليا مالك زربان اش هاذ الهضرة خوي راصك منها دابا غيجي عندك المحامي غدا قوليه دكشي لي قلتي البوليس قلت ليه و البلان ديال الخرائط شنو نديرو فيه قاليا نساهم دابا غنتسناوهم تا يعيطو هوما سالات الزيارة رجعت لداك السيلون بين ليلة و ضحاها وليت غنتحاكم مجانيش النعاس و الملاااال ديال بصح و الصقيييل لهلا يكتبها على شي حد ميستاهلهاش نعست غي بزز فايق صباح بكري حابو ليا نفطر داك نهار دايز ثقيييل غي بزز مع ديك الوقيتة تاع العاصر زيارة مشيت نشوف انا باغي نشوف غي والديا لقيت المحامي لي جا بدا تيسول فيا داك الأسئلة نقوليه شنو وقع انا ثايق فالشويرف معرت علاش العقل الباطيني تيقوليا ثيق فيه قلت ليه دكشي لي قاليا الشويرف نقول قاليا المحامي غالبا غدا غتخرج مؤقتا وبعدها بسيمانة غتحاكم حيت نتا حالة خاصة تنتسنى لغد يجي بفارغ الصبر بزز و فغي خرجت مع صباح من ديك.كوميسارية لقيت والديا و البعلوك عبد الحميد تيتسناو فيا التعناق و البكى كيما العادة البوليس ركبو ليا واحد Gps فرجلي حيت انا حالة خاصة البوليس المغربي طور امعلم ولينا تنظلو على الضفة الغربية ممشيناش للدار لي شرينة طديدة لقيتهم رجعو الرحيل معاملة خاصة تيعاملوني بيها الدار مسولونيش على دكشي لي وقع داك نهار ديك سيمانة دازت احسن سيمانة مع والديا السعادة ديال بصح معرفتش علاش حاس بشي حاجة غتوقع و حاس بلي هاذ السعادة غتقلب تعاسة وصل نهار لي غنتحاكم فيه و خايف لنكون آخر مرة نشوف فيها الشمس داك نهار دايز بكا الواليدة تتعنق بحالا عمري انتلاقاها مزال مالين الخريطة مبقاوش بانو وايلي صافي سمحو فيها قبل منمشي للمحكمة صونات ليا نمرة غريبة طاحو علبالي غي هادوك مع تنجاوب تنسمع صوت دك خونا قاليا مزال مشفتي والو البرهوش قلت لك غتندم و غتندم و دوك الخربطات غناخدهم بطريقتي عتابر هادشي لي غيوقع مستقبلا انتقام لدكشي لي ريبتي لينا قلت ليه اسير ليحرق طباسلمك شبعت فيه سبان و قطع وصلات ساعة المحكمة غاديين بالبكا و انا منكري شنو غيديرو هاذو شنو غيوقع غيخطفوني ثاني انا صافي ولفت هاذ الهيت نكون غادي فالزنقة ماعليا مابيا و نتخطف...وايلي تال هاذي لا ☝😂....يتبع