تقلبت حياتي بسباب انا زهري

الجزء 4

دير نجم كومونتير
...خلينها فالتعاويد.. اه ملي عاودت ليها البلان ديال الإختطاف قالت ليا و علاش خطفوك اش بغاو يديرو بك كاع و كيفاش حتا تفكيتي منهم وريتها ايدي شافتهم قالت ليا واايلي واش نتا زوهري قلت ليها اه هانتي كتشوفي هذا هو السبب و كلنا عارفين شنو لي تيديرو بلي بحالي هادشي بالذات لي تيفرض عليا نكون هاكا و الى بغيتي تزيدي تتأكدي سولي باباك قالت ويلي كيفاش بابا اش دخلو لهادشي مفهمتش قلت ليها ملي داك الشويرف حطني قدام الكوميسارية فالبلاصة خرج باباك هو لي حقق معايا و سولني و كذا ( نسيت مقلتهاش ليكم باباها هو الكوميسير لي حقق معايا داك نهار ) مهم قالت ااه صافي عاد فهمت شتي مكتاب لينا نتلاقاو و نعرفو بعضياتنا وي بصح مهم سالا داك العام نجحنا بزوج الخواذري الصغير تيكبر الحمد لله هو متزادش زوهري و مكيشبه ليا كاع ماعلينا بقينا عايشين بحال هاكا عادي ديك الشخصية ديال الإنغلاق و الغموض و التعقاديت (معقد زعما ههه ملقيتش شي مصطلح معبر ) مهم هاذ الشخصية تدريجيا بدات كتحيد مني وليت تنتحرر اللباس ولا عادي وليت منفتح درت شوية الصحاب تنخرج معاهم و كذا ولكن ضروري داير اوطونسيو بالنسبة لعلاقتي مع آية عادية ولفتها منساش الفضل ديالها حتاهي عاوناتني نخرج من هاد الشخصية و كذا مكاين غي القراية النجاح القراية النجاح دازت 3 السنين العائلة ديال آية و عائيلتي ولاو بحال عائلة وحدة هوما عارفيني تنكون مع بنتهم القراية زعما و داكشي عادي بحال ختي و صافي ايمتا مغتوليش بحال ختي مغتوليش فاش كنا تنقراو فالسيزيام فهاذ الفترة خاص نجمعو راصنا فالقرايا و كذا هي دخلات كتزيد السوايع ديال الدعم و كذا انا مبغيتش عيات معايا و والو زعما باس نونسها السوايع ديال المدرسة لي فابور تندخلهم غي بزز عاد نزيد هاد السوايع و بالفلوس مزال الدار تاهوما عياو معايا ممحتاجش اصلا قلت ليهم بلاصة غندخل للسوايع تنفضل ندخل لشي صال حسن ليا و داكشي لي درت نيت ملي تنخرجو فالعشية من المدرسة تنمشي مع آية نوصلها لسوايع وصية من آبيها باش نكونو واضحين راه وصاني عليها حذااري مهم ملي تنوصلها هي تنقصد انا الصال ديك ساعتين ولا لي قسم الله مرة تنمشي نجيب آية و مرة تيجيبها باها بقينا هاكا نفس الروتين تال واحد النهار قالت ليا آية بلي غيوصلها باها ملي تخرج بلا متجي تعذب توصلني داكشي لي درت خرجت من الصال نيشان للدار شوية تتعيط ليا آية الو صافا! زهير عافاك جي عندي دابا راه بابا مجاش يوصلني بقا فالخدمة وشي شماكرية تابعيني ملي خرجت راني مخلووعة جي عافاك بالزربة قلت ليها شوفي حاولي ترجعي لليكور ولا وقفي قدام شي صيدلية ولا شي حاجة متخلعيش هاني جاي دابا معرت شنو وقع ليا فديك اللحضة الأدرينالين طلع خارج تنجري مشافونيش الدار تنطلب غي نوصل قبل ميوصلو ليها هي غادي وصلت لليكور مبانتش ليا تنضور فراصي تنقلب يالاه غنصوني عليها حتا كيبانو ليا واحد جوج براهش ( كيفاش البلان ديال واحد جوج 😹 ) مهم تيبانو ليا جوج براهش واقفين علييها عرفتها هي راه 3 الشهور و حنا فصال ها علاش لوسيور غادي تنجري وصلت عندها شديت واحد فيهم واحذ الدقة للعنق مافهم والو شديت لاخور واحد التصرفيقة خربقتو ( نعم يا بطل 😹    ) زدت تعصبت ملي لقيتها كتبكي خطلتهم ديال بصح حتا بداو تيفكو و كذا مشاو هربو تفرتكات الجقلة  شديت فليد ديال آية و تنسول فيها واش ضربوك اش دارو لك كانو بغاو غي يحيدو ليها التيليفون شوية هي تعنقني تشا راه اش غنقولك الحنان بدات تتبكي ثاني و كتقول معرفتش شنو كنت اندير كون مكنتيش  وصافي مطرا والو اي واحد غيدير نفس الحاجة قالت لا نتا حاجة خرا قلت ليها كيفاش قالت وا نتا فهم خاصك نتا لي تبدا بهادشي بجوجنا عارفين هاذي مالها واش وكلوك شي حاجة ولا شنو شتك غي كتخربقي فالهضرة اش كتخرمزي ياك انا دب لي تنخرمز واخا سمحليا هو فالصراحة راه فهمتها اش قصدات غي بغيت تخرج ليها طاي طاي و انا واخا هكاك تنحشم اه راه تنحشم قلت ليها تا انا قالت كيفاش تا انا شنو مالك قلت مالك مكلخة وراه تن... قالت اشنو قول قالت مطلعاها عليا دب ولا شنو اشمن مطلعاها علك قول اش باغي تقول تنبغيك الزمرة سمعتيها صافي يخ على بنادمة راه 3 سنين دب و باقا متتفهمينيش  قالت وراه فهاامت غي بغيت تخرج ليها طاي طاي ياك البعلوكة واخا بدات تضحك قالت اوا شنو ذب قلت ليها شنو لي شنو انا راه معديش مع هادشي تاع الحب و كذا راك عارفاني غي قلبي عليا و صافي قالت وراه قاابلة علك الحمق تشا راه تحليت فديك اللحضة قالت اوا شنو دب نتا راه أول ولد عرفتو و تعلقت بيه هاكا راه تقريبا كبرت قدامك قلت ليها شنو المعنى تاع هادشي دب مفهمتش قالت ناري نتا ميصلاحش معاك التعبير شنو نديرو فهادشي دابا قلت ليها تنفكر و نرد علك منيتك داوي ا زهير وا غي تنضحك معاك نكملو فوطساب راه وصلنا دابا داخل لدار فرحاان امعلم شافتني الواليدة قالت ليا مالك فرحان شنو واقع مواقع والو الواليدة غي والو و صافي مهم تعشينا و كذا  دويت معاها فوطساب صافي ولا بيناتنا داكشي تاع الحب و كذا كون قلت ليكم داكشي لي دوينا فوطساب كون كتبت جزء خور عامر كلو عنب ديك الجملة عتقانكم من جزء كاامل ديال العنبي العنبي العنبي..
...فين خليناها..اه خليناها فآية منبعد ماوقع داكشي صافي ولاّ بيني و بينها داكشي تاع داكشي صراحة من شحال هاذي كنتسنى هاذ النهار هي هاديك كملنا بحال هاكا موليناش تنتفارقو انا وياها تقريبا خصوصا و هي كتقرا معايا من بكري تنوصلها لليكور و نجيبها انا راه ماشي طاكسي ولا عنيبة ولكن فهاذ الوقت خاصك تربي حلالك بين ايدك و تكبر قدامك الى مبغيتيش تخور مستقبلا الموهيم حتا من واليديها عايقين ولكن ثايقين فيا راه من الصغر و جيران زعما و بصح ناوي نتجوج بيها واخا هاذ الموضوع بااقي عليه الحال ماعلينا العام قرب يسالي السيزيام خاصني نطلع الوراق ديال لاكارط هانتوما تشوفو لاكارط معديش و تنفكر فزواج ملفوق مهم داكشي لي درت واحد الصباح قصدت المقاطعة تنقلب على شي واحد نسولو شنو ندير تيبان ليا واحد خونا تنشوفو ديما فالدرب عرفتي داك خونا لي ديما كتلقاه معمر فالدرب غالبا تيعمر فالقهوى ديال الأطلس معرفناه خدام ولا لانتريت ولا متقاعد ولا معرت اش داكشي عندك 3 ديال البلايص تيكونو فيها الى ملقيتيهش فالقهوة ديال الأطلس تلقاه فالمقاطعة و الى ملقيتيهش فالمقاطعة تلقاه فدارو و غالبا ثاني تيحيد اللحية و كيخلي الموشطاج و واحد التجاكيطة متيتفرقش عليها ملي تتسولو عليها تيقولك راه دوزت بيها الحرب ديال لاندوشين و هو صاحب كلشي فداك الدرب تيبغي يدير فيها عندو المعرفة هههه كثرت واقيلا مهم هداك هو لي بان ليا فالمقاطعة ملي بغيت نطلع الوراق ديال لاكارط مشيت عندو السلام السلام قلت ليه شنو بغيت قاليا سمع اولدي شوف حل معايا عقلك عقلك هادشي راه مساهلش بدا طالقها عليا باش نبدا و باش نسالي واخا نكون باغي نصاوب gرين كارت قاليا مهم سير جيب توانبر انا راه تنعرف القيد مني ليه شخصيا انسبقك نتا لول تيسالي معايا هاذ نوع مشيت نجيب توانبر قاليا جيب ديال 50 درهم جوج تعجبت دولة دبال نمي الجنسية تاهي نخلصو عليها جبتهم من واحد المكتبة شاداها واحد البنت مشيت عندو على اساس نلقاه سالا ليا داكشي لقيتو باقي مدار والو بنادم فيه غا الهضرة قالك القيد ممساليش اودي ياودي عطيتو توانبر حطهم عند شي واحد باش يسيني حتاهو قاليه ماشي هوما هاذو التوانبر قاليا خونا لي فيه بلا بلا بزاف سير رجعهم تسخسيخ ثاني مشيت البنت مبغاتش تاخدهم قالت راه ديكلاريت بيهم تباعو ميمكنش عصبات ديلمي سبيتها و قطعتهم با كويتي انا 100 درهم مشات على والو رجعت لقيت خونا مشا خلا ليا الحزاق تما و سلت اوا ليعن حياة بات مك دازت يوماين طلعت الوراق غي الراصي دفعت كلشي سيمانة جبت لاكارط واحد نهار غادي للمدرسة تلاقيتو فالقهوة ديال الأطلس كوانو عيط ليا منبعيد امدرا اولدي صاوبتيهم مزال اسير ليعنطباسلمك ديها معاك فخاطري مغتقدرش تعاير واحد قد باك قاليا اوا سلم على باك أسير تقاود دعيناك الله مكينش لي خرج على الواليد قدك (هاذ البلان طرا ليا بصح) هي هاديك قرب الجيهاوي تنراجعو انا و آية و كذا داز نجحنا هي ضربات 15 و انا 14 بزز  الصيف تنتلاقاو مرة مرة تنخرجو و كذا والديها عارفين ولكن دايرين فيا الثيقة والديا حتا هوما تيوصيو فيا لا يغرني الشيطان فهاذ الصيف ولا تيطراو ليا بلانات فالكواليس فشكاااال ولات تضربني الفيقة وسط الليل عرقااان و تنحلم شي احلام و كيشدني بوغطاط شي احلام تنحلم بيهم كثر من مرة مفهمتش علاش ملي كيجي وقت النعاس ولات كتشدني الخلعة غي باش منحلمش وليت تنسهم بزااف متنعس تال الصباح مفهمت والو و فنفس الوقت مقلتها لحتا واحد نرة نعس مزيان مرة منعسش مهم بدا العام ديال الباك آية كتزيد السوايع ثاني انا لا غي الصال و صافي علاقتي معاها غادا و تتزاد معرفتش واقيلا تنبغيها بصح هاذ البنت حتا عي متتفرقش عليا و دوك المواقف ديال الغيرة ثاني دوك الأحلام ثاني خاصني ليهم شي حل شريت واحد الدوا ديال النعاس غي باش منحلمش عي هاديك بدات القرايا الفروض واحد النهار خارج من الصال بوحدي هو يوقف عليا بات آية بطوموبيل ديالو السلام السلام قاليا طلع باغي ندوي معاك طلعت معرفتوش اش باغي غادي بيا موصلني للدار و يسولني على القراية و كذا حتا وصلاتنا الهضرة لبنتو قاليا شوف باش ميسحسابلكش راه حتا حنا معارفين والو و مهلينكم بزوج حيت فدار غفلون مفهمت من هاذ الهضرة والو قلت ليه عمي كون غي دويتي ديريكت باش حتا انا نجاوبك ديريكت قاليا انا ثايق فك و كنخلي آية تمشي معاك و كذا و مرتاح من جيهتها حيت تنعرفك مزيان و حتا واليديك دب راه كبرتو دير عقلك معاها عداك يوسوس لك الشيطان و كذا الدرية راه نية و ديما تتعاود ليا علك واقيلا فهمتي اش بغيت نقول قلت ليه شوف عمي متحتاجش توصيني عليها مغنقولكش دايرها بحال ختي ولكن راه دايرها كثر تقريبان راه كبرنا بزوج كبرات قدامي معايا غي تهنى من جيهتها و نيتي راه زوينة واخا باقي الحال على الهضرة و باقيين صغار فعينيكن و غي تنقراو ولكن راه ناوي معاها الحلال بديت طالقها عليه مزيان معرفتش كيفاش تطلق ليا اللسان ولكن راه قنعتو قاليا الموهيم انا داير فك الثيقة مبغيتش نشوف من جيهتك شي حاجة ماشي تالهيه حيت النتائج غتكون وخيمة و بزااف مهم بدينا داويين غي عليها حتا وصلنا مشيت للدار تنفكر فالهضرة ديالو و انا بصح ناوي غي الخير معاها و مناويش شي حاجة اخرى هي هاديك كملنا فالروتين ديال القراية و كذا هاذ ليامات تبدلت نفسيا وليت تنحلم دوك الأحلام ذيال النمي ثاني معرفتش شنو السبب معرفتش اش واقع ليا و مؤخرا واحد الحلمة كل ليلة تنحلم بيها خاص نمشي عند شي طبيب نفساني سمعت بواحد فرانساوي سميتوDR FRIMINKZILXY حيت هاذ الحلمة ماشي عادية و متأكد وراها شي حاجة وعدها علاقة بهاذ التازوهريت لي فيا  عارفك مقريتيش السمية حيد منك هاذ الفعايل راه عقت بك 😹مهم تنفيق وسط الليل عرقاان بحالا جريت 345678 متر حواجز عرفتك مقريتيش الرقم ثاني مبغيتوش تحيدو منكم هاذ القاعيدة الخايبة ياك اوا على ود هاذ الفعايل مغاديش نكمل تال الليل 😹😹يالاه😈😈...يتبع
شي تفاعل يكون جوين باش نكمل خلي تعليق باش نعلمك 😹😹