تقلبت حياتي بسباب انا زهري

الجزء 11

دير نجم 🌟 كومنتير

الجزء 11

..غاديين قاصدين المحكمة بنص ساعة قبل واقفين تنتسناو الواليدة الواليد حدايا و شي جيران و كذا المحامي معرت مالو غبر باقا قل من نص ساعة و باقي مجاش تنصونيو عليه و والو الشويرف مبقيتش شفتو مزال هاهي باقا 10 الدقايق و المحامي مكيناش عليه شي خبار شناوا دابا خوا بينا كون غي علمنا و حتا التأجيل موحال يأجلوها صافي ترونا ديك اللحضة شوية تنسمع تيليفوني تيصوني هذا المحامي و آخير جاوبت الو فينك راه مبقا والو بقا ساكت قلت ليه وا الصاط شنو واقع يكما خويتي بينا قاليا شوف راني لغيت القضية ديالك مبقيتش متبعها قانونيا ملف ديالك مخلوض....تعصبت ديال بصح فديك اللحضة جعرني يكون حدايا دابا نقتلو و ندخل بمرة مؤبد قلت ليه سير الله يحرق حياة الجد الكلب الحمار تاع بوك و عقل عليا...قطعت قالو ليا الدار مالك شنو واقع قلت ليهم غندخل بلا محامي شوفو لي كتبها الله هي لي غتكون الى وقعات شي حاجة ماشي تالهيه لداخل مكتابة علينا مهم بديت طالقها عليهم تنوصل ليهم بلي نقدر منخرجش من تما تنواسي فيهم الواليدة عنقاتني قالت سكت اولدي متقولش هاكا غتخرج من تما نتا اصلا مدرتي والو بكاتني مهم جا وقت المحاكمة عنقت الواليد تاهو و مشيت وقفت قدام القاضي كنضور للجهة لي خاص يكون فيها المحامي ديالي كتصفر فالمقابل بانو ليا جوج محاميين فالجهة الخرا لابسين ديك اللبسة ديالهم راه عارف سميتها و لكن مبغيتش نقولها... زعما شوفوني راه عندي من القانون 😂 مهم هادو غالبا تاع هادوك لي ماتو الخلعة.مبغاتش تطلق مني و اصلا باينة مغاديش نخرج برائة بدات المحكامة هاذ الجوج ملي دخل القاضي و هوما تيغرقو ليا الدلائل ضدي و كذا لبسو ليا التهمة صراحة انا  و تيقتهم فما بالك القاضي سكتهم غي بزز دابا نوبتي بدا تيسول فيا القاضي على داك نهار و انا تنسول و معديش محامي تندافع على راصي مرة مرة تيتدخلو المحاميين كيزيدو يغرقو ليا انا ديك دفاعا عن النفس عاودتها ليه شي 14567 مرة معندي منقوليه شوية هو يقول مدافع الضنين هل من سؤال لا سيدي القاضي و لمحكمتكم واسع النضر مداولة 😂 جا ليا ثاني نعطي اضافة مقلت  الو بحال شي دمدومة الوسط و لكن هادشي باااينة مخدوم دايرين ليا بلان باغيين يدخلوني للحبس بأي طريقة حتا الطريقة باش نحاسب المحامي ديالي غامضة هادشي ماشي هو هداك صيفطنا القاضي 15 دقيقة عاد ينطق الحكم مشيت عند والديا ديك الهضرة ديال المكتاب ثاني تنعاودوها شي يصبر شي كاملين عارفين مغاديش نخرج براءة دخل القاضي عنقت والديا توادعت معاهم...وقفت قدام القاضي و مخلووع ربي لي عالم بيا بدا داوي جلالة الملك و كذا شوية تنسمع ديك حكم على المتهم 20 سنة نافذة حسيت بالدنيا ضارت بيا عشرين ماشي بزاف هاد 20 القاضي تنتلافت عند والديا الواليدة تتبكي ديال بصح محملتش داك المنضر شادها الواليد غي بزز جاو البوليس مينوطاوني داوني لسيلون مؤقت شاد فراصي واش هدشي واقع ليا بصح ولا كنحلم غي لبارح كنت عايش مزيان القرايا الصال آية نموذج لحياة سعيدة فليلة و ضحاها تقلب كلشي ولا محكوم عليا ب20 عام و انا نهار 11 شهر 10 غنكمل 18 سيناريو جامي تخيلتو كنرجع الكاسيطة د حياتي من نهار كنعقل على راصي والديا هواذري صغير نهار تخطفت الشويرف اية الحلمة د الخريطة هاذ العصابة نهار تخظفت انا و آية نهار تفارقنا نهار تخطفت ثاني نهار كنت غنتذبح تال نهار المحكامة ياربي تكون كاميرة خفية داروعا ليا صحابي فأوروبا لي بقا فيا كثر غي ديك الواليدة الله يسمح لنا منهم تفكرت هضرة الشويرف قاليا مستحيل نخليك تبقا فالحبس منيتو هذا هاني دخلت ليه اش عندو ميدير ملي تتكون بوحدك كتفكر فكلشي و فأي حاجة حيت غي بوحدك تفكرت هضرة الواليد ديال آية قاليا يمكن يشريو الكوميسارية و المحكامة و كلشي واقيلا هدشي طرا ليا شراو داك المحامي و حتا القاضي يمكن بعد عشرين عام اجي دوي ليا على الوطنية نقدر نرجع علك للحبس مرة خرا نعست غي بزز لغد ليه داوني لحبس جماعي عالم خور هنا ثاني عمري تخايلت تكون عندي بلاصة هنا مع هاذو  كلنا تنعرفو الى مقتلتيش المش نهار لول غادي يرجعوك حمارة د سيدي قاسم هاز مانطي تنقلب على بلاصتي بانت ليا وحدة الفوق طلعت ليها بنادم تيشوفو فيا النضرة ديال اومتيتي 😂  يفهموها غي الأباطرة ديال الباج 😂  متكي تنفكر و نخمم...بلاناات خرين مقااودين غيوقعو ليا فهاذ الحبس شي حاجة عمري شتها غنشوفها فهاذ العالم هنا هاذ الفيلم غيتخلط غيولي متعدد الجنسيات فيلم ميريكاني ميكسيكي كندي فرنسي مخلطة عابر للقرات مهم هاني جايكم فالهضرة متكي تنخمم شوية تنسمع صوت السوارت و القفولا دخل بوليسي عيط عليا قاليا عندك زيارة وايلي بهاذ السرعة شكون غيكون باقي مسخنتش بلاصتي مكاينة تا ساعة باش دخلت......
بالنسبة لي مفهموش البلان ديال اومتيتي 😂هذا لاعيب ديال البارصيلون سولو عليه باش معروف عند المغاربة 😂
...باقي مسخنتش بلاصتي هنا و عندي زيارة ملفوق وايلي شكون غيكون هذا مشيت ورا البوليسي و تنفكر لي فبالي هاذ الساعة هو الشويرف وصلنا تنضرب عليه مريح تيتسنى ريحت قدامو السلام السلام و كذا قاليا مديرش فبالك اولدي غادي تخرج ان شاء الله قلت ليه و انا تنبسم اه عندك الصح العميم غنخرج ان شاء الله و لكن بعد 20 عام قاليا لا متخافش اولا الواليد ديالك داير استئناف و ثانيا مغاديش نخليك هنا لداخل باقي عند الوعد ديالي بديت تنضحك قلت ليه اش عندك مدير الله يهديك راه عشرين عام ديال ليام ميجمعها غي الفم نص د عمرك يمكن و سير قول للواليد بلا ميخسر فلوسو فالرشاوي و كذا حيت غير غيخسرها و مغنخرج من هنا تال بعد عشرين عام واخا يطرا لي طرا حيت هادشي مخدوك هادوك ولاد العبيد دارو ليا بلان هوما لي غرقو ليا و باغيني نبقا هنا قاليا مالك هاكا مالك مالك مكلخ غادي تخرج فأقرب فرصة ممكنة..شنو تتقصد بفرصة قاليا نسا دابا لي جيت تدوي معاك فيه هو دوك لي دارو لك الصابونة أولا دارو هادشي باش تبقا قدام عينيهم و مزال باغيينك حيت مزال ما فتحو الكنز داك نهار كانو غيذبحوك صو غادي يديرو شي حاجة عاوتاني باش يجبدو بك الكنز غالبا بشي طريقة غادي يتفاوضو معاك على الخاريطة قلت ليه و ديك الخريطة شنو غنديرو معاها قاليا غنتسناو حتا يدويو هوما قلت ليه ولكن صوناو ليا قبل المحاكمة قاليا غادي ياخدها بطاريقتو و غادي ينتاقم مني وهاهو تينتاقم دابا باقا غي الخريطة معرت شنو غيديرو معاها قال راه غادي يتواصلو معاك ولابذة باش يعرفوها حيت يديرو لي دارو هي عندي و تاواحد معارفني و معارف فين كاينة قلت ليه ايه و شنو المعمول دابا قاليا عتابر الدخول ديالك لعاد الحبس غي تجربة خوذ الخبرة حيت غتخرج غتخرج ولكن ملي غتخرج غيخصك تقلب حياتك تسافر من هنا مع عائيلتك نسا كولشي و بدا حياة جديدة قلت ليه ايمتا غيكتاب نعرفك كون نتا مناويش تحايد هاذ الغموض الزايد علاش كتعاوني و باغي ليا الخير شنو المقابل قاليا تندير غي الواجب ديالي و ماشي وقت هاذ الأسئلة حيت الأجوبة ديالها غادي تاخد مجرا اخر لحياتك قلت كيفاش زعما مجرا آخر غتبدل زعما قاليا نسا دابا خليها للوقت قلت ليه واش منيتك هاذ المرة جاوبني ولا سكت كيزيد يضرني راصي من جيهتك قاليا مهم نسا دابا حاول متجبدش الصداع لداخل باش متعقدش القضية عطاني جوج باكيات ديال الgارو قلت ليه متنكميش معدي مندير بيهم قاليا عندك مدير بيهم برا العملة لي تنتعاملو بيها هي الدرهم اما لداخل العملة الرئيسية هي الدخان صو باغي تشري شي حاجة غتشريها بالدخان و الى باغي تبيع شي حاجة غتبيعها بالدخان خونا صدق عندو خبرة فهدشي و مقوااد مع راصو سالات الزيارة ورجعت لبلاصتي لقيت مانطي مليوحين و بلاصتي مريح فيها واحد صعصع عصبني فيا منجبدو من تما و نخلطو قدام العباد واقيلا هذا هو المش لي خاص نقتل نهار لول ولكن تفكرت الهضرة ديال الشويرف خاص نبعد على الصداع فالحقيقة هو لي خاص يبعد مني حنيت راصي هزيت مانطي غيرتها لبلاصة خرا درت راصي مدمدم ولكن غيدويني شي ولد ناس هنا غادي نبرد فيه غدايدي تكيت و كنفكر فالهضرة لي قاليا الشويرف ضارني راصي ديال بصح شكون هذا و علاش تيدير معايا هاذ المزيان كلو اش كنجيه شنو المقابل لي تيتسنى حاس بلي فغي ملي غنعرف السر لي مخبيه غنولي فرحلة خرا فهاذ الحياة فنفس الوقت كنفكر فالهضرة لي قال زعما غيقدر يخرجني من هنا و كيفاش غنخرج واش قانونيا ولا العكس و كنفكر ثاني فدوك خوتنا دابا هوما عارفين انا زوهري و هوما لي دخلوني للحبس صو فأي لحصة ترشق ليهم يخرجوني الى مخرجنيش الشويرف غيخرجوني هوما باش يجبدو بيا الكنز من هادشي كلو لي زوين فيه غنخرج من هنا و لي خايب شكون غيسبق و غيخرجني الى هرجوني دوك خوتنا نيشان للمذبحة غيجيبوها مع العيد الكبير دف غيعيدو بيا راصي غيتفركع بالتفكير و الملااال الى ملقيتيش شي حاجة تلاها فيها ضعتي بان ليا واحد دري هاز كتاب و تيقرا فيه قلت ليه صاحبي عندك شي كتاب زايد قاليا لا و انا نرجع تفكرت الكارو لي عطاني الشويرف هافين غنحتاجو جبذت 5 الكوارو قلت ليه هاذو واش كافيين هو يجبد واحد الكتاب شد الgوارو خديت الكتاب اول عملية شراء هذا قصة سميتها اعلان عن جريمة مزيان عالله تكون مشوقة نشد بيها الستون بديت تنقرا هو يوقف عليا داك الصاط لي خدا ليا بلاصتي ولاح ليا مانطي خطف ليا باكية د الكارو كنت حاطها قدامي خونا صافي دارني فكرشو تا مالنا دمادم يبيدقني لهاذ الدرجة قودها داير فيها صعصع...يتبع