تقلبت حياتي بسباب انا زهري

الجزء 6

دير نجم 🌟 كومنتير شكرا 😁

الجزء 6

...منبعدما قررت نمشي لشي زاوية نسول على هاذ الخريطة طاحت علبالي ديك الزاوية لي حدا الغابة لي حفرت فيها ولكن مزال مقررت ايمتا الوطني قرب مبقاش ليه بزاف خاص تنسالي الإمتحانات عاد نتفرغ لعادشي المدرسة هملتها شحال من درس مفاهموش قررت نخرج من الصال و نزيد السوايع باقا قل من شهر دكشي لي درت خشيت راصي فالكتوبة هاذ ليامات هاذ الباك خاص نحيبو نحيدو عليا الوضع فالدار مزيان هاذ الساعة البعلوك تيكبر كلشي بيخير ديك الخريطة خبيتها ولكن ضارني راصي من جيهتها حيت هي ماشي شي حاجة لقيتها ولا ورثها من جدي نن حلمت بيها فاللول و تحققات الحلمة منبعد صو كاينة شي حاجة من وراها فنفس الوقت مخليتش هاذ البلان يلهيني على القرايا آية مبقاش بيناتنا داك الصداع و الغيرة و كذا دارت عقلها تنراجعو بحوج و كذا حتا قرب الوطني دوزناه ورا 15 ليوم النتائج منبعد مادزت الإمتحانات بشي يوماين جبدت ديك الخريطة تنشوف فيها ثاني ضربتها فواحد الشكارة قررت غدا نمشي لديك الزاوية خاصني نمشي نكري شي موطور و معديش الفلوس و الى قلت للواليد عطيني غيشك غيشك بعت البيسي معدي مندير بيه اصلا بعتو و سبقت فلوس الكرا ديال الموطور ليوم مرندف ثاني مع آية فالعشية مشيت عندها دوزنا وقيتة كيما العادة مقلتش ليها على البلان لي غندير بلاش رجعت فحالي للدار مجانيش النعاس حيت مكنتش تنفيق بكري بقيت صهران تنتفرج فواحد السيري Mr robot حتا داني النعاس كي العادة مفقتش بكري مفايق تال الجوج ديال النهار مقديتش نفيق مع الصباح النهار دايز بحال خوتو مغنمشيش لديك زاوية ليوم آجلتها تال غدا مول الموطور داير معاه ناخد الموطور ليوم مبغيتش يضيع ليا هاذ النهار حيت مخلصو خديتو درت بيه تسركيلا من زهري الجوين تلاقيت مع آية معرت فين غاديا شافتني مجاتش ندير راصي مشتهاش خايف تشك فنفس الوقت وقفت عليها السلام السلام قلت ليها فين غادا قالت غادي عند شي بنت خالتها يالاه نوصلك معايا قبل مطلع قالت اجي علاش خايد هاد الموطور فين غادي ثاني قلت لا والو في ديال واحد الدري و كذا و من ايمتا نتا عدك الصحاب ياكما حلمتي بشي حاجة و غادي تحفر عليها و مخبي عليا هاذي تال دب معرفتش كيفاش حتا كتعيق بيا مخبي شي حاجة الواليدة و متنلقاش معاها مشكل بديت عليها بديك الهضرة ديال  ديما و شوية د الكذوب لا بزااف ديال الكذوب طلعات معايا للموطور مجيت نوصلها حتا قالت ليا وقف وقف معرت مالها وقفاتني قبل منوصلو قلت ليها مالك قالت غي قوليا علاش كتكدب علاش تتخبي عليا واش انا والو بالنسلة لك هاذي مالها قلت ليها ولكن مالك ثاني اش جاب هاذ الهضرة تاني شنو درت قالت قلب جيبك مع تنضور نشوفو تنضرب على طرف ديال الخريطة مدلي من جيبي ضفاك هاذي منين حاتني جبدتها و رجعتها قالت قول الصراحة فين غادي صافي هنا زمطاتني فيا منطلقها عليها ثاني و نحلف ليها بلي معرت كيفاش توصلات لجيبي و لكن تالاش ! واقيلا خاص نقوليها شنو ناوي قلت ليها قررت نمشي لواحد الزاوية معروفة بهادشي نمشي نقلقل الولي ديالهم ولا سيدهم ولا منعرف اش كيقولو ليه الى معطانيش راص الخيط غنقطعها بقات ساكتة دارت فيها كاعية بديت عليها بديك الهضرة راه مبغيتش ندخلك فشكي حاجة انا براصي معارف النتائج ديالها و كذا حتا قنعتها زعما هاذ القدرة ديال الإقناع لي عطاني سيدي ربي الحمد لله قالت ليا و ايمتا ناوي تمشي ليوم ياك اوا غنمشي معاك قلت ليها لا لا بلا متمشي معايا و اصلا مغادي تالغدا قالت لك والو غتمشي معايا مطلقاتني تا حلفت ليها وصلتها عند خالتها و ر جعت الموطور على اساس غدا نرجع ليه دكشي لي درت مشيت للدار مبغاش بجيني نعاس ثاني ولكن وصيت الواليدة تفيقني مباغيش نتخور ثاني آية تتأكد عليا فالوطساب بقيت داوي معاها تا نعست لغد ليه فايق على صوت الواليدة فطرت خارج تتسول فيا الواليدة فين غادي غي هنا و غنجي الواليدة ماشي شي حاجة مشيت الواليدين تيحسو تاهوما مهم خديت الموطور داير مع آية فواحد القهوة مبغيتش نهزها قدام دارهم ليفهمونا غلاط مشينا نعاماس لديك الزاوية شي ساعة ولا كثر ديال الطريق خرجنا من المدينة تيبان ليا البحر و لكن مبانت ليا تاشي زاوية تنسول تينعتو ليا غي تيزيدو يتلفو ديلمي رباطيين واقيلا ماعلينا لقيت ديك الزاوية هي جات على البحر داخلا للبحر شوية وقفت الموطور قلت ل آية شوفي غتبقاي هنا تسنايني هنا تنجي قالت والو انمشي معاك لصقة ولكن هاذ المرة بربي تاتسمعي مني تا مالنا ماشي رجال غي غيحساب ليها تتحكم فيها خرجت فيها عيني هي توافق الله يعز الحكام و صافي بحالا كعات شديتها من كتافها قلت ليها شوفي كوني تسمعي غي لمصلاحتك باغيك تبقاي هنا معرفتش علاش و لكن خاطري تيقوليا خاصك تبقاي هنا بديك عليها بديك الهضرة مبغيتش نبدا نعاودها باش منطيبكمش بيها حتا نتوما مهم بقيت عليها حتا رطابت غادي لديك الزاوية و خاطري ممهنينش حاس بشي لعبة غتوقع و ديما ملي تيجيني هاذ الإحساس فغي تتوقع شي حاجة رجعت عند آية نن ماشي خايف قلت ليها شوفي من هنا نص ساعة الى مصونيتش علك حطي الموطور و هاك الفلوس و سيري طاكسي متسناينيش بدات تتبكي عليا و تقول لا غنمشي معاك ولا عرفتي شنو نرجعو حسن كتخلعني علك عافاك قلت ليها واش جينا هاذ المسافة كلها باش نرجعو ديري دكشي لي قلت لك حركات براصها اه زعما غادي ثاني قاصد الزاوية هي تعيط ليا دارت ليا بحال الأفلام عنقاتني و قالت حضي راصك انا معديش مع هاذ المواقف صو بلا متسنى مني نفاعل مع المشهد الموهيم كملت طريقي وصلت لتما سولت واحد خونا قلت ليه عافاك بغيت ندوي مع الشريف ديال هنا ولا معرت اش كتمسيوه قال شد الصف راهو البيت شديت الصف بان ليا طويل واخا يكون هو كيطيح الشتا و العياذ بالله و ميديروش عليه هاذ الحالة خورت واحد خونا لقدام عطيتو فلوس خديت ليه بلاصتو غي شي 10 الدقايق و انا ندخل السلام السلام و ديك الهضرة لقيت راجل شارف شوية لحية بيضة و كذا باينة مدوز قاليا اش حب الخاطر هاذ الشويرف مرتاحيتش ليه بقيت لابس الليكات ديال الموطور مبغيتش نبين ليه انا زوهري قلت ليه عندي لك شي حاجة و بغيتك تفسرها ليا قاليا شنو هاذ الحاجة واش شي حلمة لا اوليدي متنديرش دكشي... جبدت ليه الخريطة قلت ليه  لا الحاج بديت طالقها عليه درت للخربطة  قصة خراا مبغيتش نعاود ليه البلان الحقيقي حيت هاذ نوع هو لي دير منو اوطونسيو  ق خونا غي شدها لبس نضاضر حقق فيها اللون ديال وجهو تبدل بحالا تصدم دار فيا واحد الشوفات ديال شكون نتا نغ اولاد الناس....
..ملي دويت مع داك با جدي لي فالزاوية و عطيتو الخريطة باش يعيطيني عليها شي معلومات السيد غي شدها هو يتبدل فالمعاملة اللون ديال وجهو تبدل مفهمت والو لي فاهمو هو ديك الخريطة وراها شي بلان مقاااود قلت ليه اش داكشي العميم شنو تتعرف عليها قاليا تسنا اولدي واحد دقيقة.جبد واحد المكبر بدا تيزومي فيها و انا تنتسنى تنقول مع راصي دب يفهم دب يفهم خونا باقي تيخور فيا آية داير معاها من ورا نص ساعة تقادا الصبر قلت ليه العميم راه زربان كون غي قلتي ليا شنو كاين باش الى مكاين منها والوخليني نمشي فحالي قاليا فين لقيتي هاذي كيفاش تا وصلا عندك قلت ليه وره قلت لك العميم قاليا وايلي ميمكنش هاذي تلقاها وسط كتاب بطريقة بحال هاذي عرفت بلي بصح وراها شي بلان مقاود قلت ليه تيق ولا متيقش و يكون المصدر ديالها لي كان قوليا شنو هي بعدا اش تتعرف عليها قاليا هاذي كانت خريطة ديال شي مدينة تحت الأرض و بدا طالقها عليا و قاليا بلي هاذي غي التلث ديال الخريطة قلت ليه كيفاش قاليا هاذي جزء من الخريطة يعني هاذي الجزء التالث و اللخر من الخريطة و خاصها جوج.طروفة خرين باش تكمل و بدا تيوضر فيا بديك الهضرة و تيوصل ليا بطريقة غير مباشرة فكرة هاذ الخريطة معدها باش تفيدني غي نساها آية صدق عندها الحق اه تفكرت نص ساعة قريبة تكمل قلت ليه شكرا و كذا داوي معاه ديك الهضرة الختامية باش يرد ليا الحزاق ديالي يخليني نمشي نتقود فحالي والو السيد حاطها بين عينيه الى قلت ليه اراها غيبدا يتلف فيا جبدت واحد 100 درهم مع تنمدها ليه تنخطفها قلت ليه شكرا و الايعاون جمعت النوضة تيشدني من ايدي قاليا جلس واحد دقيقة ندوي معاك و لي بان لك ديك ساعة ديرو بحالا فرض عليا نريح و ريحت قبل قلت ليه واحد دقيقة نصوني على خطيبتي كتسناني برا قاليا خود راحتك ملي قلتها حسيت بالمسؤولية مهم صونيت ل آية مع تنصوني تتجاب كانت كتسنا فيا قالت ليا فين تعطلتي اجي دابا قلت ليها تسناي واحد ربوع ساعة و نجي قطعت درتو gنار باش هونا يدير فبالو بلي راني زربان قلت ليه اش دكشي العميم قاليا ولدي انا تنجمع بحال هادشي و كذا مكرهتش تبيع ليا ديك الخريطة و هي راه معدها باش تفيدك  صدمني تخيلت كاع الصيناروات تال هذا متخيلتوش شحال غيعطيني كاع 500 درهم بلااش قلت ليه لا اعمي مناويش نبيعها و سمح ليا قاليا شحال الثمن لي باغي انا معديش فكرة على الثمن نخاف نطلب 200 درهم و هي ساويا كثر اللهم بلاش قال 5000 درهم مزيانة صدمني ديال بصح و انا لي كنت غنقوليه 200 درهم هذا غي مع البدبة عاطيني خمسالاف درهم درت فيها ممصدومش قلت ليه ملي قلتي ليا نبيع تخايلت واحد الثمن ولكن كثر من هذا قاليا مليون هذا غي تيصدم فيا طمعت انا قلت ليه الله يهديك الحاج درت فيها خيبراطور قلت ليه تنفضل نعلقها حدا التصويرة ديال جدي نشوف فيها و عندي الرباح من ديك منيول قاليا وبراك من لعب دراري صغار و قوليا شحال باغي فهمت بلي السيد باغي الخريطة بأي طريقة كانت قلت ليه نتا عارف مزياان شحال ساوية الى عطيتيني الثمن ديالها مبروك السيد تعصب جبد شيك اااه شريف فزاوية عندو كونط بنكة اش يحساب ليكم عمرو و عطاه ليا تنشوف فيه تتبان ليا 13 مليون صافي واحد السعادة لداخل عالم بيها غي الله بغيت نفقدها قلت ليه اولا متنقبلش الشيكات متنتعاملشمعاهم ماباغيش نتحاك مع الإدارات ثانيا 20 مليون آخر ثمن سبتي ازهير سبتي ولاهيلا سبتي قاليا لا اولدي بزااف جمعت النوضة باغي نمثل عليه ندير راصي غادي باش يوافق غادي و مغامر ب 13 مليون وصلت عند الباب باقي معيطش تنتقل فالمشية بديك تنحس بالتخويرة يالاه غنضور نقوليه الله يربح وهو يعيط ليا جاتك 20 مليون حسيت بالإنتصاااار رجعت قلت ليه ولكن كااش قاليا ولكن غتسنا واحد نص ساعة نحيبها قلت ليه ماشي مشكل غنتسناك برا مع خاطيبتي عجبني هاد المصطلح قاليا لا شرطي غتسناني هنا مخلا ليا منقول راه 20 منيوول على طريقة الباشير المهم قلت ليه واخا مشا هو تنصوني ل آية جاوباتني قالت وا فين مالك تعطلتي غنجي عندك دب قلت ليها لا لا ثيقي فيا هاني جاي غي تسناي بديت داوي معاها شوية و قطعت تنضور فالكاسيطة اللور ياكما غيخورني كون طلبت فيها 30 مليون ياكما ساويا كثر ياكما شي 100 مليون بداو تيجيوني دوك الأفكار ديال النمي بديت تندم واحد الراص تيقوليا منبيعهاش معرفتش علاش هذا عاطي فيها 20 مليون بكل سهولة اذا ساوية كثر و غيربح منها كثاار بدات تطلع معايا التخويرة كيبان ليا شي متحف هو لي غيعطيني الثمن ديالها ديال بصح غنديها لليونيسكو هه حلقت واقيلا قررت منبيعهاش ولكن مغاديش نتسناه تيبان ليا غيدير المستحيل باش ياخدها قررت نمشي فحالي غادي خارج مع تنفوت الباب تيشدوني جوج مكدرين صحااح قلت ليه سمحليا و لكن شكون نتوما اش بغيتو قالو ليا تسنى حتا يجي الشريف و سير منقدروش نخليوك تمشي دب تنضور فعيني دوك الناس لي انو شادين الصف بحالا عمرهم ماكانو الدنيا كتصفر قلت ليهم تا اشمن شريف ولا شريفة دفعتهم يالاه غنجري هوما يشدوني دخلوني لداك البيت ولا منعرف زاوية دخلوني صحة و سدو عليا تاكيفاش تخطفت عاوتاني مييمتي وحلة دابا مع هادو على مبان ليا مكاين على 20 منيول لا نمي التخويرة عاد بدات تطلع تتصوني عليا آية قالت وا فينك الزمر مالكم اش واقع واش دارو لك شي حاجة وايلي هاذي مالها باش عرفاتها قلت ليها ولكن مالك اش داكشي واقع دوا معاك شي حد قالت الناس لي كانو مشاو كلهم الدنيا خوات اش واقع قلت ليها تسناي 10 دقايق انا عندك قطعت خاص نخرج من هنا بأي طريقة تنفكر شنو ندير تيبان ليا الشرجم الفوق تعلقت هاذ المرة غنتعلق فين نتفلق طلعت لداك الشرجم تيبان ليا غي البحر بحكم الزاوية جات على البحر لداخل معدي تا خيار خور غنقز المعنى الحقيقي,ديال البحر امامكم و العدو ورائكم...يتبع
دير نجم 🌟