تقلبت حياتي بسباب انا زهري

الجزء19

الجزء 20
..قلنا غيسدو هاذ اه صاقي قرار نهائي غيسدو هاذ الفرع و غيحلو واحد خور فالمغريب و غنتوضف تما رجعنا من داك لمقر لي درنا فيه الاجتماع راكب مع لارا فطوموبيل داويين قالت ليا واش المغريب هي البلاد ديالك قلت ليها اه انا من تما واش عندك عليها شي فكرة قالت كنت كنسمع بيها خصوصا ملي ترشحات للمنديال و كذا قلت ليها اه اوا مزيان واش حتا نتي غتوضفي فداك الفرع ياك قالت اه ولكن الى بغيت ندير انتقال فأي وقت نديرو قلت ليها مزيان غتشوفي العجب تما قالت متشوقة باش نمشي لبلادك نشوفها بقينا داويين تا وصلنا لوطيل دوشت ضربتها بواحد نغسة بعد غدا غنرجع للوكسمبورغ ناخد حوايجي نودع لي تنغرف و غنمشي للمغريب و من وراها بسيمانة فيتحل الفرع مغاديش يبنيو الهونكارات من لول و دذا غيشريو كلشي مهم هاذ يوماين لي دوزت ففرانسا دازت غي تسركيل و دوران مع ديك كلارا فشكال هاذ البنت ماعلينا رجعت اسيدي للوكسمبورغ جمعت حوايجي و كذا ديك الدار مبغيتش نبيعها دابا نحتاجها متعرف اصلا عدي حصيصة فالبنك مهم شديت اول كار غادي للمغريب مريح فالطيارة و كنفكر شنو غندير منبعد ما نوصل شحال من حاجة تتسناني توحشت الواليدة خاص نشوفها هي لولى توحشتها د بصح ولكن مابقا والو مخطط نسالي مع دوك ولاد ناس د الماضي و نرجع ليها فدقة بغيت ملي نرجع ديك ساعة مخاص يكون عندي تا شي مشكل و كنفكر نتلاقا بيونس تاهو نطل على عائيلتو شكون تيجي فبالي تيجي فبالي مروان غيكون خرج من الحبس شي شهور دابا مالو معيطش عليا خاص تاهو نقلب عليه هو معندو تاواحد و ملي تتخرج من الحبس تاتخرج بحالا مقطوع من شجرة و تا واحد مغيبغي يخدم واحد عندو سوابق صو خاص نقلب عليه معرفتش علاش عزيز عليا واخا مدوزناش بزاف مصطفى تاهو علم الله فين شادها مهم اينفوا تيضرب فيا داك الصهد تنغرف راصي دخلت لجحيم شمال افريقيا وصلنا للمغريب مبغيتش لوطيل الشركة كراو ليا شقة مؤقتا مشيت ليها دوشت ثاني و رتاحيت مفايق تال لغد ليه توحشت هاذ الجو د المغريب و هاذ الريحة و بنادم تيبيع و يشري لبست و غادي تنقلب على شي مول المسمن نفطر لقيت واحد مسمنة و حرشة كيما العادة و لكن باش تجيب اخر جغمة من اتاي مع اخر دغمة من الحرشة خاص تكون البروفيسور و متسولونيش شكون البروفيسور تا راه الموهبة ديالي هاذ الحرشة نجيبها دف مع اتاي مهم منوراها بدلت لتيلي الكارط سيم صونيت للباشير السلام السلام قاليا واش بصح نتا  هنا انا انا هنا اوا وعلاش مقلتيهاش نجي عندك للمطار قلت ماشي مشكل صف راه جيت دب قاليا نجي عندو و كذا وراني العنوان دكشي لي درت غادي قاصدو هو  واخا لباس عليه علمبان ليا ولكن راه دارو ماشي من دك النوع د الفيلات مهم دقيت خرج ليا هو سلم عليا و كذا الاستقبال دخلت لقيت طابلة عامرة امعلم ندمنا تا ضربنا الحرشة كاع مرتو حتاهي كانت تما سلمات عليا وليدي كيداير تيعاود ليا غلم الباشير...جاو واحد جوج ولادو قاليهم اجيو سلمو على خالكم..مهم ريحنا بدا داوي معايا الباشير تيقلقل قيا على الخدمة قلت ليه شنو كاين و بلي غنخدم هنا من هنا لقدام قال احسن حاجة وقعات لك تال دابا مهم بقيت مريح تا طبت خرجت من تما غادي تنضور الشركة غدا غيعطيوني طوموبيل على حسابهم انا دابا غنمشي للدرب القديم نشوف الواليدة و الخولذري الصغير مشيت كنتسنا الدار تا واحد مخرج منها شي ساعة و الصرف سولت واحد خونا قاليا بلي مساكن فيها تاحد وايلي فين مشاو هاذو تفكرت المدرسة د البرهوش تاع خويا مشيت قريبة 12 تنتسنا يخرجو باش يبان ليا و فعلا خرجو ولكن  البرهوش مبانش ليا بقيت واقف تا قرب دكشي يتفرتك واقيلا متيقراش هنا واحد اللحضة تيبان ليا من بعيد واقف واش هو ولا ماشي هو ممأكدش قربت شوية اه هو علاام البرهوش كبر كيتسنا فشي واحد شوية جات بنوتة سلمات غليه و كملو طريق ميمتي البرهوش كبر نيت ولا يتصاحب مع البنات تبعتهم تا تفرتمو بقيت تابعو هو مغاديش للدرب القديم بقيت تابعو تاوصل لواحد الحي طلع للدار باينة تما فين كاينة الواليدة ريحت بقيت تنتسنى حتا تخرج والو مخرجاتش شي ساعتين مليت بان ليا الباب تحل خرج واحد خونا شكون هذا منبعدو خرجات الواليدة تا راه بورشت شحااال مشفتها باقا هي هي متبدلاتش مكرهتش نمشي عندها دابا عيني غرغرو خونا لي معاها راجلها واقيلا ويحك تكون ممعاملهاش مزيان تا تلحق على ديغنياغ راجلها مهم بقيت تابعهم تا مشاو لشي دار خرا رجعت انا فحالي بالفقصة نعست لغد ليه خديت طونوبيل واحد الضاصيا جا غلبالي يونس مشيت للفيلا ديالهم دقيت خرجات ليا مو سلمات عليا عاقلة عليا مزيان دخلاتني بانت ليا ليلى جات تتحري عنقاتني و كذا تاهي غادا و تتكبر غنجوجها بخويا الصغير غي بلاتي جابت ليا نفطر و مشات فيقات يونس جا تاهو فايق خاسر العناق ثاني و ديك الهضرة ديال المناسبات عاودت ليه غلى الخدمة و كذا فاللول مخلاونيش نمشي قالو والو نبات ولكن مبغيتش غي على وجه ديك ليلى طلباتني بت عندهم جا باهم فالعشية..مهم لغد ليه رجعت للشقة باقا في شي يامات و يتحل الفرع بقيت عاطيها غي للنعاس تا قالو ليا بلي خاص نمشي للشركة صو ليوم غتبدا الخدمة غنمشي غنلقا كلارا تما و فعلا لقيتها تما جابو معاهم موضفين من تم و غادي يخدمو شي وحدين مغاربة فالدارة اما المصانع غيعتامدو على المغاربة مهم سلمت على ملارا و كذا زربو عليا ختارو البيروات المقودين و خلاوني انا ولكن تا هذا مابيهش غتبدا ابخدمة ثاني دارو اعلان باغيين سكرتيرة و شي 3 الموضفين خرين الغد ليه على الصباح شي عشرة السيفيات تا راه بنادم بيطالي هنا كلارا و واحد خونا هوما لي مكلفين بالتوضيف مهم دازت سيمانة الخدمة بحال كي كانت تما كلارا ديما انا وياها الضوران و كذا تنوريها بلادنا الزوينة واخا تيحشموني معاها شي مواقف تيطراو مهم ولينا انا وياها منساجمين بزاف تنتغداو مجموعين واحد نهار عرضت عليها نتعشاو كاع علاش فنضارك ؟ قوليا علاش ؟ وعلاااش ؟ حيت الزميلة ديالي فالعمال يا صاحبي مالك نسيتي 😂 مهم واحد الصباك كيما العادة غادي للخدمة بانو ليا شي وجوه مريحين جداد قلت لكلارا هاذو مالهم قالت بلي جاو للكونكور خاص شي لي بوسط يعمرو و خونا لي غيعاونها باقي مجاش عيطات على اول واحد غدير ليه كونكور راصها بيما جا بغيت نحضر نشوف هدشي كي غيدوز حفزت دوك خوتنا متخلعو ما والو تصرفو بغشوائية لي كتابت مرحبا ريحت حدا كلارا عيطات على اول واحد بدات تتسول فيه و كذا السيد عندو لونغلي ناقص مقنعهاش واقيلة مشا على اساس تعيط ليه منبعد و نتا فهم راصك عيطات على واحد خور بدات داويا معاه السيد عندو لونغلي و كذا و واحد لهجة عندو فشكال واقيلا ماشي مغربي ملي بغا يمشي سولتو قلت ليه واش نتا من المغريب بالداريجة قاليا اه اخويا قلت ليه من لينا بلاصة قاليا كرسيف..كرسيف ؟ فين جات هاذ كرسي؟ واش فالمغريب ؟ حدا تلمسان يمكن ! واش عدكم الما تما ؟ عدكم الضو ؟ الطرواجي عدكم ؟ معرف فين سامع هاذ كرسيف فايتلي سامعها فشي أغنية يمكن اطط نفكر 👀 اه تفكرت مشينا لكرسيف يا ما و مشينا لكرسيف ستك ستك قريتيها باللحن ياك ؟ و كوقولها بوجهك حمر يكما طامع فالجنة مزال ؟ بلاصتك حدايا اوليدي غا رتاح 😂 مهم مشيت انا لخدمتي مع ديك 12 غادي مع كلارا كيما العادة نتغداو حتا كيبان ليا واحد الوجه مألوف قدام الباب ديال الشركة فايتلي شفتو حققت فيه مزياه اه عرفتوو 😨😰 واايلي ولكن شنو تيدير هنا هذا بابات آية عرفتوه...
..غادي انا و كلارا نتفداو حتا تيبان ليا بابات آية قدام الباب د الشركة تا راه صدمني شنو تيدير هذا هنا شمن علاقة عدو بهاذ الشركة ثاني هو مشافنيش بقيت متعو بعيني تاركب فطوموبيلتو جا عندي واحد شيطان قاليا نتبعو و نعرف فين تيسكن على ود آية طبعا ولكن عايق بشيطاني لا اسيدي مشا فحالو قالت ليا كلارا مالك سهيتي قلت ليها لا لا والو يالاه نمشيو ركبنا فطوموبيلتها و غادين لشي قهوة ولا شي لعبة نتغداو طاحت علبالي غي التقلية تشيهتها ولكن هاذ خايتي موالفا غي بالسوشي و دكشي تاعهم خفت نوكلها التقلية و تصدق مصدية ليا هنا ولا تكولا ليا (كلارا 😉) ولكن راه التقلية ماشي لخاطري قلت لخونا يجيب لنا التقلية حط جوج طباسل كلارا تدير فيا دوك شوفات تاع سيكواصا ليحرق طباسلمك كولي بديت طالقها عليها اكلة مغربية طن من هنا طن ملهيه زعما انا فدكشي تاع تخاور خاصني زائزة مهم داقتها دغمة لولى ثانية ثالثة ثابثة امعلم خرجات فطبسيل بحال شي عما باش تيعجبوني الكور مافيهمش البروطوكولات مهم قصينا دكشي و داويين انا بالي غي مع بابات اية اش جا يدير هنا رجعنا للشركة و داير اطونسيو مبغيتش يشوفني و موحال يعقل عليا راه سنين و الواحد تيتبدل مهم داز دك نهار مجاش ولكن بقا ضارني راصي ليل كلو و انا تنخمم ماشي غي فهاذ البلان فكلشي باغي غي ايمتا نرجع للواليدة و لكن قريب غنتاقم غنرجع لدوك ولاد ناس لي قتلو الواليد نوريهم قريب حيت صبر تقادا و هاذ الهضرة طلعات ليا فالخوخ د مخ دالمخ ديالي لغد ليه فايق خاسر مراشقاش ليا مليت من هاذ الحالة د الوحدة و العزلة خايف غي يبرد قلبي و منتاقمش ولكن نن ميمكنش مشيت للخدمة كيما العادة غارق فالوراق و قريب يجيبو شي سكرتيرة على الاقل غادي تكالي عليا شوية و باقي ضارني راصي من البلان د البارح جاني داك تأنيب الضمير زعما كون تبعتو زعما ولكن حايد عليا دازت شي يوماين خونا مبقاش جا مزال واحد النهار داخل للشركة على الصباح تيبانو ليا شي 3 د البنات مريحات (جمع مؤنث السالم😂) تيتسناو يدوزو الكنكور صو وحدة فيهم غالبا غتكون هاديك لي غتعمر البوسط لي خاص مهم الوقيتة تاع الغدا خارج غي بوحدي هاذ ليامات وليت تنفكر نمشي نقلب على دوك خوتنا مهم راجع مع ديك جوج د العشية الخدمة ثاني نفس الروتين الخدمة الخدمة ديك لي قالو غيجيبو مزال مجابوها واحد نهار كيما العادة خارج نتغدا انا و كلارا فواحد القهوة مرياح داوي معاها و كذا مع ونتلافات شكون تيبان لية فديك القهوة تيبان مروان عقلتو عليه وااع وايلي هو  لا غي تيشبه ليه ولاهيلا هو خدام سرباي هنا قلت لكلارا بلاوي واحد دقيقة و مشيت قصدتو حطيت ليه ايدي فكتفو مع دار عرفني تعانقنا و كذاا السيد باقي هو هو متبدلش ريحنا فطابلة كيداير بيخير الصحة..ديك الهضرة د الغبور قلت ليه ايمتا خرجتي من الحبس قاليا شي 5 شهور دابا قلت و مالك مصونيتيش غليا فنمرتك انا يالاه جيت للمغريب قال بلي توضرات ليه و كذا مهم بقينا داوين على هاذ المدة السيد غي من خدمة لخدمة ممستاقرش و كاري شي بيت فين ساكن مهم مبغيتش نعطلو على خدمتو قلت ليه العشية ملي تخرج غنجي عندك صافي قال مرحبا اخويا..رجعت عند كلارا قالت مالك تعطلتي و كذا..ريحنا تغدينا رجعت للخدمة داز داك نهار مشيت للدار دوشت و كذا وصلات الوقيتة لي غيخرج منها مروان من الخدمة مشيت عندو ملقيتوش صونيت عليه تلاقينا ريحنا فواحد القهوة كملنا هصرتنا تنرجعو دكريات د الحبس...الخ قاليا هي ضربتيها بتجويجة جبتيها ملهيه كاع قلت داوي على ديك الزعرة لا لا غي الزميلة ديالي فالعمال هاديك 😂 مابيناتنا والو غا رتاح قال اوا مزيان نعاماس سولتو شنو درتي فهاذ المدة قاليا غي مرة خدام مرة مريح..وصافي قلت اه فكرتيني كنتي قلتي بلي غتقلب على ختك امضرا قال قلبت عليها شي يامات مشيت للخيرية معطاوني تا راص الخيط صافي ممكتابش نتلاقاها مزال قلت لا لا غتلاقاو غنقلبو عليها بزوج وغلقاوها ان شاء الله اه وغدا بلا متمشي للخدمة قال علاش قلت ليه غنشوف لك البلاصة فين خدام شي حاجة حسن و صالير تاهو مزيان قاليا منساهاش لك وكذا وايلي لاش دارو صحاب اه عرفتي شنو وساكن في بوحدي جمع حوايجك و جي ونسني راني وحيد قاليا لا لا بلا منتقل علك كثر و الله منيتك اصاخبي وتا غي زيد كلشي علحساب الشركة ركبنا فطوموبيل لي عطاتني الشركة وصلتو جمع حوايجو تفاهم مع مول الكرا و جينا للدار حسيت بيه بحالا فرح هو عزيز عليا من يامات الحبس مهم لغد ليه خليتو ناعس و مشيت نخدم على ولادي ولكن قبل تلاقيت بديك كلارا على الصباح السلام السلام و كذا الهضرة د ديما قلت ليها بغيت شي بوسط لواحد صاحبي عزيز و كذا عارفها متزدهاش فوجهي قالت صافي فين بغيتي تحطو بعدا قلت ليها من الاحسن يكون مع لي سيكيريتي لخرين قالت صافي ماشي مشكيل عيط ليه يجي من غدا يخدم ها مسمارو طرقناه رجعت عندو فالوقيتة د الغدا لقيتو تما قلتها ليه فرح و اخيرا خدمة بعقلها لقيتو مطيب طويجين سرعو ولد الناس تغديت عادي راجع للشركة مع الدخلة د الباب تيبانو ليا جوج بنات واقفين وحدة فيهم شتها غي من اللور حسيت بلي تنعرفها غي تلافتات عرفتها من أول نضرة ضفااك هاذي اش ندير هنا واايلي فاللول باها و دابا هي هاذي آية متقولش ليا جايا دوز كونكور على ود داك البوسط لي خاص...يتبع