تقلبت حياتي بسباب انا زهري

الجزء تامن

دير نجم 🌟 كمونتير شكرا شكرا شكرا 🙂

الجزء 8

..وحلة واشمن وحلة حنا فيها مفهمت والو دكشي بالزربة ميرسيديس لور و ميرسيديس القدام حاصروني معدي فين نزيد خدموني فالبلاصة نزلو شي ربعة صحااح جايين قاصدينا شديت آية من ايديها كنضور عيني الدنيا خاوية كتصفر رجعت لور و هوما جايين عدنا قرب عندي واحد الصاط مع كيهز ايديه كنصرفقها معاه تشا راه عامين تاع الصال و فاللخر تخرج فالصو مجاتش مهم خونا صحيح التصرفيقة مدارت معاه والو اية رجعات اللور جاو جوج خرين تيجريو باغين يطاولوني ضربت هداك لي قدامي برجلي مجاو فين يوصلو حتا هزيت واحد الزرواطة لي فات الخط كنجبد معاه خوتنا تعصبو جاو بربعة فدقة قلت ل اية هربي هربي السيدة مبغاتش قلت ليها يا غتهربي ولا غنضرب مك مشات كتجري و انا كنخلط فواحد الجوج بديك الزرواطة ووبرجلي و مخلطة راه نبغيتش نبان بطال هرست عليهم ديك الزرواطة هو يجبد معايا واحد واحد فيهم بواحد الكروشي خربق لديلمي ليصونتيمون ولاو تيبانو ليا ثمنية شوية كنضرب على واحد الميرسيديس تحركات فالجيهة لي هربات منها آية و باقا كتبان ليا من هنا دغيا غيزربو عليها فديك اللحضة الأدرينالين طلع هوما كيخلطو فيا كنتسنى غي شي واحد يشوفنا يجي يشارك والو الدنيا خاوية امعلم دكدكوني عصا حيت حتا انا مخليتهمش يمسوني من لول بينت ليهم القوة من لول ساعة جبتها فكري وقفوني كنضرب على الميرسيديس قربات توصل ل آية فديك اللحضة تنفكر غيشدوها و هي لا حول ولا قوة لها تعصبت حيت وحدة كبرات قدامك حياتك كاملة و نتا طالقعا عليها فاللخر تتشوفها فموقف مقود و نتا ما بيدك والو كتحس بالروجولا ديالك مشات ضرت عند خوتنا هزيت ركبتي ضربت خونا لهاديك لبلاصة لي علبالي و بالك اخي الإفريقي حيت غي حنا لي عارفين ديك الدقة اش كتسوا ملي ضربتو السيد لوا ضربت لاخور و مشيت تنجري عند آية و هوما ممفاكينش تابعيني دارو عليها دورة كنجري على جهدي وصلت عندهم مع يالاه غيدخلوها للطوموبيل ضربت خونا لي ةان شادها و لكن وصلو عندي دوك الرباعة نزل عليا واحد فيهم بدقة للعنق من ديك اللحضة مبقيت عاقل على والو كنحل عيني وسط واحد الهونكار مهجور كبير مكتف ولكن غي بوحدي هاذي ثاني مرة تنتخطف فيها  وهاذ المرة ماشي غير بوحدي داو تا آية مزال ممأكدش حيت ممعاياش هنا و مدام تبعوها صو داوها اشكون غيفكني من باها هادشي الى خرجت من هنا حي خوتنا رابطيني مزياان مكينش فين نتفنفن كنتسنى شي واحد يدخل والو تنغوت خايف غي ليديرو ل آية شي حاجة بعد شي نص تنحاول نفك راصي والو شوية تنسمع واحد الباب تحل جاو واحد الجوج مدويت ما والو حتا هوما مدواوش وصلو لعندي مفهمت والو بدون مقدمات بداو تيخلطو فيا واخا نكون يهودي هاد نهار كليت مكال الطبل نهار العرس حتا كنت غنغيب عاد طلقوني و رجعو من وراها بشوية هو يدخل واحد خونا وقف قدامي هز ليا وجهي بقا تيشووف قاليا فضلت تبداو بالعصى هي لرلى باش تعرف شنو غيطرا لك الى ميغيتيش تعطينا هاديك الجلدة لي عندك قلت ليه اشمن جلد معندي تا *لوة دابا رجع جوج خطوات هو يضرب ديلمي ثاني يالاه غيبدا داوي هو يصوني ليه شي واحد و مشا سدو الباب انا صافي المووت غنعطيهم هاد الجلدة جايبة ليا غي المشاكيل انعطيها ليهم قبل ميموت عليها شي واحد مقديتش نتحرك مزال آية الى كلات دكشي لي كليت كون راه في عداد الموتى دابا دازت شي ساعة ما جا حتا شي قواد منهم فيا العطش و الحووع شوية تنسمع واحد الصوت ورايا ضرت مبان ليا والو صوت جاي من لفوق هزيت راصي غي بزز بان ليا واحد الشرجم عااالي شوية تيبانو ليا جوج ليدين معلقين فيه شي واحد ناوي ينقز واقيلا شوية هو يطلع واحد خونا لداك الشرجم و نقز عندي و تبعو واحد خونا خور ولكن شكون هادو ثاني تنضرب على وجه واحد فيهم مخافيش عليا فايت شايفو جبد موص و دار ليا اشارة سكت زعما قربو عندي خونا تنحقق فيه عاد عقلت عليه هذا هو داك الشويرف لي عتقني أول مرة فاش تخطفت فالإبتدائي و هو نفسو لي بان ليا فاش كنت خارج من الصال ماعلينا فكوني انا مقادش نتحرك معاونيني باش نقدر نتمشى و كنزربو فرعو داك الباب و خرجنا من تما جايبينا لغابة دوك ولا الناس ولكن ضرني راصي شكون هاد خاينا لي ديما تيعتقني ماشي وقتها دابا تنفكر ف آية قاليا زرب قبل ميشوفونا قلت ليه لا خاصني نقلب على  آية فين كاينة قاليا منيتك بهاد الحالة قلت ليه و منيتك غنخليها هنا و نمشي و ضميري مرتاح قاليا سير مع هذا انا غنمشي نجيبها قلت ليه لا غنمشي معاك جيت معاها لهنا بجوج غنمشيو من هنا بجوج مالنا ماشي رجال وايلي خاصني نصبر جريت معاهم هوما غي جوج دايرين معايا المزيان بانو ليا دوك الميرسيديسات لي تبعونا قدام الهونكارات كنقلبو  وحدة بوحدة مكايناش قلبناهم كلهم الا البلاصة فين مجموعين دوك خوتنا قاليا الشويرف يالاه نمشيو معدنا منديرو ليها منقدروش ندخلو عليهم غيقتلونا كلنا خلي نعيطو للبوليس يجيو يديرو خدمتهم انا ديك الهضرة لي تيقوليا كدخل من ودن و كتهرج من ودن خرا هادشي الى دخلات اصلا مشيت كنجري كنقلب كنضرب على واحد الرجل معلقة من الشرجم ديال واحد الميرسيديس مشيت قاصدها حليتها صدمة كتبان ليا آية مكتفة لداخل الدموع الحمد لله مدارو ليها والو تبعني داك الشويرف حلينا بغيت ندير فيها انسان كيتحمل المسؤولية بغيت نهزها بحال الأفلام ساعة ثقيلة هاد الزبلة و مغيبة وصلناها غا بزز للضاسيا ديال الشويرف طلعنا للظوموبيل ديمارينا ولكن بغيت غي نعرف شكون هاد خوتنا قلت ليه شكون نتا العميم قاليا نسا دابا ماشي وقتها غتعرف فالوقت المناسب قوليا واش عطيتيهم الخاريطة ضفاك باش عرفها هذا و غي انا و آية لي فخبارنا و تكون كتعرفو و قالتها ليه نن منظنش اية متخبيش عليا بلان بحال هذا قتليه ولكن باش عرفتيها دار واحد الإبتسامة شريرة قاليا كنعرفك مزيان و كنعرف علك شي حوايج نتا براصك معارفهمش على راصك...
..خونا دار ليا جميع انواع الأمراض فراصي فيما تنكون فخطار هو لي تيعتقني زيد عليها ملي سولتو قاليا عارف عليا شي حوايج انا براصي معارفهمش على راصي منيتو هذا اش بغا هذا مال هذا سكتو عليا هذا حيدو عليا هذا 😂قلت ليه منيتك اعمي الحاج اشنو عارف عليا بالسلامة دوي الله يحفضك راه راصي غادي يتفركع قاليا سمع اولدي دب بلا متبقا تفكر فهادشي الى كتب لك الله غتعرف شي حاجة راه غتعرفها لي خاص تفكر فيه هو شنو غدير فهاذ الحريرة حيت عارف كثر منك بلي هاذ الناس مغاديش يحبسو هنا قلت ليه و شكون هاذو بالضبط و لاش باغيين ديك الخاريطة لي دايرين عليها هاذ الحالة شحال غتكون ساوية كاع قاليا مزال ما فهمتي الفيلم مكلخ بحال باك قلت ليه زكا زكا اذا كتعرف الواليد قاليا مالك كتمشي للتفاصيل لي مغينفعوك بوالو مباغيش تعرف ديالاش ديك الخريطة قلت ليه ديالاش و عارفو مغيقوليا والو على البلان ديالو غنقلقل الواليد منبعد مهم قاليا هاديك خريطة تاع واحد الكنز الفلوس لي منوراها تعيش عائيلتك و عائيلتي من الجدر تال آخر آخر حفيد تال نهار فالدنيا اصلا كنت عارف بلي القضية فيها الكنز و قاليا بلا ديك الخريطة الكنز غيبقا مدفون و عندك الزهر باقي معرفوكش زوهري دجاجة بكامونها نتا ضفاك هذا باش عرفها قلت ليه باش عرفني انا زوهري قوليا صراحة شكون نتا قاليا واش نتا مكلخ لهاذ الدرجة ولا كدير فيها مكتفهمش ولا شنو من صباح و انا تنقولك كنعرف على لي متتعرفوش على راصك و الى كتاب تعرف شكون انا راه غتعرف انا فديك اللحضة راصي باغي ينفاجر فاقت آية فديك اللحضة ( كتبت ليلى ملي راجعت الجزء صححتها هاذ الأسماء معرت منين تيطيحو عليا فول مريم و دب ليلى  😂) مهم فاقت آية دايخة عطيتها تشرب فايقة مصدومة باقي مستوعباتش شناوا وقع كتشوف فيا كاع دمايات بدات عليا بديك الهضرة ثاني قلت ليها تسناي غي تنوصلو و تعرفي شنو واقع بقيت داوي مع الشويرف قلت ليه شنو ندير دابا و دب غتكون شي الخمسة ديال الصباح كثر من ساعتين ديال الطريق قاليا البوليس قالبين عليكم الدنيا دابا اه راه باينة راه بنت كوميسير هاذي لي معانا قلت ليه و بخصوص الخريطة و دوك ولاد ناس شنو ندير معاهم قاليا ضبر راصك بهاذ المعنى راه مغنبقاش غي تابعك سير و فكر من الأحسن عطيهم ديك الخريطة قبل ميموت عليها شي واحد معدك مدير بداك الكنز و مغتعرفش تجبدو و عنداك يعرفوك زوهري كيما قلت لك راك دجاجة بكامونها حيت باش يجبدو الكنز أولا خاصهم الخريطة تكمل و الدم ديال زوهري منبعد و غالبا غنتلاقاو ثاني حيت عارفك مغاديش تنجم راصك مهم ملي غتكون شي حاجة غنلقاك خلعني فهاذ اللحضة الذبييح امعلم نزلنا قدام الكوميسارية عامر دمايات لقينا بات آية تما و ماماها و حتا والديا كانو مخلوعين الواليدة ملي شافتني فديك الحالة كانت غتغيب مهم واحد ساعة غي ديال التعناق دخلنا بات آية للبيرو ديالو كيدير فيا شي شوفات معجبونيش بحالا انا لي خطفت ليه بنتو بداو بداك الشويرف هو لول عطا الإفادة ديالو عاد حنا عاودنا ليه شنو و قع بالتفصيل شي ساعتين المعاملة ديال بات آية تبدلات معايا السيد تخلع على بنتو داوني لسبيطار بداو تيخورو فيا الصباح مشينا فحالنا استجواب خور ثاني مع الواليد دب البلان ديال الكنز و الخريطة ولا معروف ضطريت نكذب عليهم كاملين فواحد البلان حتا آية قلت ليهم بلي الخريطة خداوها صحاب جاوي يا الصلابان حيت عارف الى قلت ليهم بلي عندي غادي ياخدوها البوليس آية عقت بيها متاقتش حيت كانت معايا نهار كلو و لكن مقالت والو الواليد و الواليدا بداو عليا بديك الهضرة ديال الصغر دازت يوماين مكاين حتا شي جديد  دوك خوتنا لابذة عارفيني فين تنسكن و كيتسناو الوقت المناسب آية مبقيتش تنتلاقا معاها حتا فوطساب و التيليفون مبقيناش تنهضرو تال واحد الصباح صونات ليا الو السلام السلام الهضرة ديال توحشتك و كذا لاحضت بلي تتزرب فالهضرة و تدوي بالتخبية قلت ليها مالك صوتك معاجبنيش قالت ليا خاص ندويو قلت ليها دوي مالك قالت ليا لا هاذ الهضرة ماشي ديال التيليفون ليوم فالعشية نتلاقاو حدا البحر قطعات هاذي مالها ثاني علم الله اشداكشي  فالعشية هزيت الموطور لقيتهم جابوه ليا من ديك البلاصة مشيت نتلاقا مع آية السلام السلام و ديك الهضرة السيدة تبدلات من ورا هاذشي لي وقع قلت ليها مالك متتجاوبيش عليا ملي تنصوني و حتا فوطساب متتحليهش شنو واقع و شنو باغا تقولي قالت ليا شوف زهير بابا حيد ليا التيليفون لبارح صونيت علك غي من تيليفون ماما و بزز باش خلاتني بابا قاليا منبقاش نشوفك معاه علك نتا قاليا صافي تفرقي عليه قبل متوقع لك شي حاجة بسبابو و قريب غادي نتحولو من هنا بابا غيدير انتقال على ود هاذشي ولكن انا منقدرش نتفرق عليك...الخ و بدات تتبكي عليا صدماتني قلت ليها متخافيش اكيد غنلقاو حل و غندوي مع باباك فهادشي كوني هانية صراحة حنا انا بحالك ولفتك بزاف راه سنين و حنا بزوج ديك العشية دازت غي بكا و الهضرة ديال تنبغيك واحد شوية شداتني من ايدي و دارت بحال البلان ديال الأفلام قالت ليا واعدني عمرك تتخلا عليا و ديما تبقا معايا الدرية معدها زهر هي مع واحد معدوش المشاعر هاذ المشاهد متنحملهومش و متنعرفش نتصرف فيها انا من دك نوع شي بنت تقوليا كنبغيك نقوليها الله يرحم الواليدين ا ليلى و الله ينصر سيدنا  😂ماعلينا قلت ليها شوفي نساي هادشي تاع الأفلام حالف بحلوفي و الموشطاج باش تيحلفو الرجال منخليك 😂 سطر ليا على الموشطاج 😂 مهم قلبناها ضحك السيدة خاصها تمشي تعطلات بغات تمشي قلت ليها تسناي نوصلك قالت لا ميمكنش انا خارجة من دار غي بزز ماما مبغاتش تخليني فاللول مهم السيدة خارجين عليها المسلسالات تاع التواركة قالت والو تعنيقة ديال الوداع...الخ شحال من واحد مشا بالو بعيد مع ديك ابخ واهيا ان بعد الضن اثم حذااري نولي معري ليكم هنا 😂 اوطونسيو ها وذني منكم مهم كل واحد مشا فحالو تعشيت و كذا بقينا داويين بيناتنا مع الدار لقيت الواليد تاعي مصمم نتحولو من هنا كارثة هاذي معرت شنو غنديرو هو فالصارحة خاص نتحولو خوتنا باينة كيتسناو الوقت المناسب يالاه غنعس طلع ليا هادشي فراصي شوية تتصوني عليا نمرة جديدة جمعت النوضة السلام السلام صوت مغريبش عليا هذا الواليد ديال آية قاليا غدا مع الثمنية ونص نتلاقاو فالقهوة فلان فلانية خلعني هذا باينة غندويو على بنتو مبغاش يجيني نعاس تنفكر شنو غيقوليا فقت فطرت و مشيت لديك القهوة لقيتو تيتسنا السلام السلام و كذا قاليا سمع اولدي نجيك من اللخر عارف شنو بينك و بين آية من لول و مخليكم حيت كنت و مزال ثايق فك دري صالح بلا منبدا نصبغ فك و الدليل نتا كليتي العصى دك نهار و آية ممسو منها تا زغبة على ما قالت ليا دافعتي عليها قاطعتو قلت ليه منتسناش شي واحد يشكرني اعمي ولا يوصيني عليها شحال هاذي قلت لك هاديك السيدة راه اه ماشي بحال ختي و لكن اش غنقولك تقاصت منها شي حاجة بحالا انا لي تقاصيت....قاليا شوف ماشي هذا موضوعنا راه عارف هادوك العصابة ولا منعرف لاش باغيينك منخبي علك والو فأي لحضة يرجعو لك ثاني غتقوليا انا بوليسي و خدمتي و كذا و لكن منخبيش علك المغريب كامل عارف بلي اي حاجة تشرا الكوميسارية لي انا يشريوها و يشريو حتا المحكمة و القاضي قلت ليه عمي المفيذ المفيذ لاحافضك قاليا الى كانت عزيزة علك بنتي بصح و كتخاف عليها راه كون اكيد الى بقات معاك غادي توقع ليها شي حاجة ضوز هاذ الهضرة فدماغك و فكر فمصلاحتها نتمنى تفهمني قلت ليه المعنى ! قاليا تفرق عليها و بعد عليها و بعد ديال بصح حنا غنتحولو من هما و سمح ليا مبغيتش نشوفك فساحتها مرة خرا عيط على السرباي خلصو و مشا و خلاني مصدوووم ديال بصح و قلبي غيخرج من بلاصتو و معصب مفهمتش علاش واش تنبغيها لهاذ الدرجة لدرجة حسيت بالبكية عمري تخايلت غيطرا ليا هادشي على ود شي بنت تكويت كوية مقودة طحت من عينك ياك راه ماشي عنيبة اهو الموضوع كيتعلق بدكشي ديال لي صونتيمون مهم نرجعو فديك اللحضة تخربقت خرجت من تما و كنتمشى ديمارت الموطور و كنصوك بلا عقل كنت غندير كسيدة وقفت على البحر و كنخمم كنخمم مهموم كنفكر فالهضرة ديالو واقيلا هضرتو بصح الى بقات معايا غتوقع ليها شي حاجة لابذة خصوصا دوك خوتنا على مقال الشويرف مغاديش يحبسو هنا دكر الكلب وجد الزرواطة نن ماشي الشويرف صونات عليا نمرة متنعرفهاش مع تنجاوب بدون مقدمات نتمناو تكون تشافيتي شوية صوت فايت سامعو شكون معايا ماشي مهم تعرف عندك جوج ديال الخيارات اللول يا غادي تبيع لينا الخاريطة و هذا خير مني بحذ ذاتو و سكت قلت ليه و الثاني قال ولا غادي ناخدوها بطريقتنا تعصبت فديك اللحضة لقاني فواحد الحالة مراشقاش ليا على الهضرة قلت ليه سير ليحرق حياة بات مكم يا ولاد طحاب ليعطبمكم واحد واحد زنكة زنكة شبر شبر القدافي 😂 محسيتش براصي ملي قلت هاذ الهضرة قاليا غندير راصي مسمعت والو و غنخليك تفكر و قطعت زدت تعصبت ضربت التيليفون مع لارض شرشختو تنفكر فهاذ الهضرة ثاني واش نعطيهم الزمرة و نتهنى و شنو ندير مع آية ثاني و داك الشويرف و بات آية كلشي جايني من جيهة تخلطات عليا ديال بصح تلفت...يتبع يتبع يتبع