تقلبت حياتي بسباب انا زهري

الجزء 16

الجزء 16

..صافي ملي سمعت العلوة مطلوقة وفين فلوكسمبورغ هرب ليا المغاربة مخلوقات مكينش فحالها عرفتي شناهي تسمع العلوة فلوكسمبورغ راه شي هائل..تنضور نقلب شكون هاذ الأخ لي طالقها ولكن طفات المزيكة و الناس مخلطة مع كلشي خارج فديك الوقيتة مزعمتش نعيط ولا شي لعبة فرحت ملي عرفت مغربي كاين هنا زعما راه ملي تتلقا شي ولد البلاد فالغربة راه بحالا كتقا شي حاجة ثميينة كنت باغي نتعرف عليه نتوانسو و كذا ولكن مكتابش مرة خرا غالبا تيقرا هنا تاهو غادي تنتسركل تما تشا راه النعيم بلاد نقودة هاذي ولكن حلاوتها يكون معاك شي واحد مجاتش ضور بوحدك بحال الكلب الموهيم بقيت تنتسركل تا تلفت على الدار بقيت تنقلب والو الزناقي تيتشابهو وصلات الوقيتة دياال الغدا موشكيلة دابا كي غندير نقوليهم شنو بغيت ناكل بقيت غادي بانت ليا لائحة فيها اسماء تاع الماكلات قدام واحد المطعم عقلت على واحد السمية حفضتها دخلت لداك المطعم جا السرباي سبقتها ليه هي لولى قاليا ديك اسكيوزمي زعما مفهمس على نيتي عاودتها ليه بقا تيضحك جاب ليا لائحة ديال الأطعمة مبانتش ليا الكلمة لي عقلت عليها ختاريت وحدة خرا كل سمية حداعا تصويرة ديال الماكلة بان ليا دجاج مقلي و كذا نعت ليه جابو ليا و آخيرا غنخشي فوجهي كليت دكشي خلصت و غادي تنقلب على الدار تفكرت الخريطة جبدتها بقيت متبعها تا وصلت للدار دخلت شعلت تلفازة عاودت القنوات من لول دخلت القنوات المغريبية و لي تنبغي الملال الحصة د ليوم دوزتها جبدت تيليفون بديت تنهور انسطاليت تخاديكسيون غتعاوني باش جربت الأبليكاسيون غنجربها بديك الجملة لي قلت للسرباي صرني راصي كتبتها خرج ليا المعنى صدمة لقيت راصي تنقوليه هذا مطعمكم المثالي هاذي ام تخاور لهاذ درجة انا كانيبال ولكن هريت على راصي بالضحك ايماجيني معايا يقولك اش حب الخاطر و نتا كتقوليه بكل ثقة فالنفس انه مطعمكم المثالي و كتسنى يجيب لي طلبتي كتحس براصك حمار مهم داز داك.نهار راجعت دكشي لي قريت نعست فايق مع الصباح مع الثمنية خاصني مشي للمدرسة لبست حوايجي فطرت فالزنقة نفس المعاناة ثاني دازت يوماين نفس الروتين غي بوحدي مكندوي مع حد تفوو على حالة الوحدانية خايبة و غي تنخسر فالفلوس خاص نخدم تا تكتاسب اللغة شوية و نخدم مهم غدا انمشي نقرا التخصص لي ختاريت خارج من المدرسة د اللغات حتا كنسمع ديك واا بغينا بولفاف شحاال هاذي مسمعت الداريجة المغربية تشا راه فرحت مغنمشي تا نلقا هاذ المغربي شكيت فواحد خونا وجهو ديال المغاربة تشوفو تعطيه ديك سرغيني ولا ملالي بغيت نتأكد قلت ليه العيد الكبير قرب خونا غي سمعها ضار عندي بغا يفقدها جا عندي تيجري قال وااع مغربي و آخييرا عنقني بنادم تما مفاهم والو السلام السلام قاليا واش بصح نتا مغربي قلت ليه وايه مغربي بحالك نفس و المعاناة قال وايلي حتا نتا كتقلب على شي مغربي يونسك قلت ليه وايه خطفتيعا ليا من فمي بقينا داويين بنادم مفاهم والو تيديرو فينا دوك شوفات شمن لغة هاذي مشينا لواحد القهوة ريحنا خونا سميتو يونس قاليا فين تتسكن واش كدير هنا قلت ليه تنسكن غي هنا قريب يالاه جيت و غنبدا نقرا هنا قاليا مزيان انا راه 6 الشهور و انا هنا الوحدة اخويا بقينا شادين الستون قاليا والو ليوم نتغداو بجوج صافي مغاديش نفلتك غنوليو عشران بزز باش لقيت مغربي قلت ليه صافي مشات خرجنا من تما ركبنا فطوموبيلتو هونداي صغيرة باينة لباس عليه قلت ليه اجي واش نتا لي كنتي مخدم العلوة دك نهار قاليا اه واش كنتي تما اصاحبي اه كنت تما ضرت نقلب علك ولكن طفات المزيكة قال ديك ساعة غي عيط قول اي كلمة مشينا لدارو فين تيسكن كبيرة على ديالي شوية قلت ليه واش تتسكن غي بوحدك هنا قال اه قلت ليه كيفاش عندك هادشي و غي بوحدك هنا قال بلي واليديه لباس عليهم و بغا يعيش الغربة هو من رباط مبغاش يبقا فالمغريب صيفطو باه هنا و شرا ليه هادشي مهم بقينا مريحين جاب بيتزا و شي تويشيات صراحة توحشت اتاي تغدينا خرجنا تا راه وأخيرا الحرية فالهضرة شحال زوينة تلقا لي يونسك خونا طلع ضريف كيدخل القلب دغيا ماشي من دك توع المكلمن فعقليتو وصلات العشية قلت ليه الصاط نخليك دابا غنرجع فحالي قال الله ياودي اونوصلك قلت ليه لا لا بلا متعذب راصك قال متقولش هاكا راك ولد البلاد وصلني قبل تبادلنا بالنوامر دخلت انا للدار نهار داز ظوب مفيهش الملل على الأقل من ليوم مبقاش الملل ضربتها بواحد نعسة فايق على التيليفون تيصوني هذا يونس الو السلام السلام هبط عندي دابا الصاط قلت ليه واخا تساين نضت خليت الباب قلت ليه دخل دخل دخلنا غسلت قاليا مقلتيش ليا كيفاش تا جيتي لهنا مبغيتش نبدا نقوليه الأسرار ديالي تنعرفو مزيان واش رحولا بصح ولا نن قلت ليه غي القراية و صافي الدار خلصو عليا و كذا و جيت هنا مهم خرجنا ركبنا فطوموبيلتو و مهدمين العلوة ثاني على حدها قلت ليه صاط انا مغاديش للندرسة د لوغات غادي لواحد صونطر قاليا حتا انا فين كاين هاذ صونطر عطيتو العنوان قاليا وايلي تا انا تنقرا هنا شنو تتقرا بالضبظ نتا قلت التسيير و التديير و نتا قالت اه انا لا تنقرا دكشي تاع الكوميرس و الخدمات مهم مشينا لداك صونطر يونس عاوني باش نصاوب داك الميلف دفعتو للعمدة ديال دك صونطر و دخلت نقرا هاذو باديين بشي شهر صو معطل بشي دروس و لكن ماشي مشكيل خارج مع الجوج نقفلت تا وزة من درس د اليوم ولكن غنبقا معاهم تنفهم داير مع يونس نتلاقاو لقيتو تيتسنى قاليا شنو دب نمشيو نتغداو دارت ليا واحد الفكرة طن فراصي قلت ليه ايمتا اخر مرة كليتي شي حاجة مغربية قاليا بزااف شي 6 الشهور ولا كثر قلت ليه اوا عرفتي شنو نتقداو الخضرة و نطيبو شي طجين قاليا مشات عرفتي شنو توحشت الرفيسة تتعرف طيبها منيتك الرفيسة كيغنديرو ليها المسمن و العدس فيها تمارة قاليا انا ندير مسمن و نتا دير دكشي لاخور راه توحشتها صراحة حتا انا بحالو قلت ليه صافي مشات نجربو هادشي واش غيصدق قاليا الى معرفناش يوتيب راه فيه كلشي قلت ليه ايه تا هذا حل مشينا للمارشي تقدينا كاع دكشي لي غنحتاجو حتا واحد الكوكوط هي ماشي كوكون غي تتشبه ليها ولكن تقضي الغراض مشينا اسيدي هو تيعجن و انا تنقي فالبصلة و تقي العدس مشينا لدارو مهم هو مشا خلا العجينة تخمر و ريح و انا سديت الكوكوط درت فيها دكشي و سديت عليه واحد الريحة تتخرج من الكوكوط كتفكرك فالمغريب واحد اللحضة تبدل صوت الكوكوط وايلي هاذي مالها صوت تبدل بمرة قاليا يونس مال ديك كوكوط قلت ليه مديرش فبالك غي عي هكاك صوت معاجبنيش غادي و تيزيد عداك تفركع البوطة شوية تيبان ليا الغطا تاع الكوكوط كيتحرك بحالا الكوكوط غتفرع شوية عي طير السفارة و واحد التسفيرة تظلقات بحالا شي قنبولة غتفركع صافي تهلعت يا ايما الكوكوط غتفركع ولا البوطة غتفركع وحدة من جوج غي طارت السفارة و انا نهرب قلت ليونس وعلاااااق البوطة غتفركع جريت نيشان للباب يونس ركبت فيه الرعب من الخلعة نقز من الشرجم لواحد اابالكو تينشرو فيه الحوايج كان متكي مسكين تا كان غينتاحر انا هربت مع فت الباب هي تسمع ديك بوووم BOOOOM! ضبرت عليها فركعت ليه دارو بردات القضية دخلت وجهي تنضرب على الكوزينة حيوطها كلها عمرو عدس 😂 العدس في كل مكان حتا الشرجم لي نقز منو يونس عمر المعالق تشتو انا من دك نوع الى درت شي زبلة نبدا نضحك داك الديكور مقديتش نصبر ليه خراني بضحك شديت كرشي بديت تنضحك و فاش كملات بان ليا يونس ضهرو كلو عمر عدس صافي هرب ليا انا بعدا و كنتفكر ددك الديكور فاش نقز من الشرجم كان غيموت 😂صافي طرت بالضحك تاهو بدا غي تيضحك قلت ليه الصاط سمح ليا هادشي غي بوحدو بدا تيضحااك قاليا اودي هانية شحال هاذي مضحكت من نيتي هاكا قلت ليه عرفتي شنو سير جيب شي تويشيات نتغداو بيها انا غنداوي هاذ الكوزينة مشا هو انا زربت على ديك روينة داويتها تغدينا و كذا ليوم بالليل عدنا السوايع ديال الإنجليزية بقينا داوين و صاحكين كنتلفو الوقت شوية قاليا الصاط نتا ساكن بوحدك و انا ساكن بوحدي و بجوج مغاربة فالغربة اجي سكن معايا نتوانسو قلت ليه وايلي زعما قاليا داوي معاك انا غي بوحدي الملال الدار كبيرة ملي نخرحو من سوايع نجيبو حوايج وجي سكن عندي عي فكرة زوينة عجباتني قلت ليه صافي عندك الحق مشات بقينا مريحين تا صونا ليا تيليفون +212 من المغريب غيكون غي الباشير هذا...يتبع