تقلبت حياتي بسباب انا زهري

الجزء 12

دير جيم او كمونتير عاد قرا 👈 قصة

الجزء 12

..فين خليناها..اه خليناها فداك صعصع 😂 مريح ماعليا مابيا تنقرا ديك الرواية لي شريت بالدخان باش نشد الستون و ديجا حاط الباكية دا الكارو حدا جا داك خاينا خطفها قودها جابو الله غنفرغ فيه كاع داك الغضب..هو اصلا دايرني فكرشو ملي حنيت راصي قبيلة نضت خطفتها ليه من ايدو حطيتها فبلاصتها قلت ليه الى كنتي رويجل قرب ليها ثاني قاليا تامالك دخلتي غي دابا و باغي طبقها علينا دفعني و قصد ديك الباكية د الكارو جبدتها معاه بواحد التصرفيقة صباعي طراصاو ليه فحناكو تشا راه دوزنا الحرب و غتجي تخلعني بهاذ جوج كلمات خونا متصرطاتش ليه و قدام بنادم تا واحد مجا يفك باينة هذا من داك النوع لي تيخافو منو جمع ايدو يالاه بغا يضربني شديتها و ضربتو لكرشو هو يلوى تشادينا تما دقة هنا دقا لهيه شوية قلبناها تشيار تيبانو لك الطباصل و المقالي و الكراسا تيتلاحو ولكن راه بردت فيه غدايدي واخا كليت شي دقات ولكن هانية موالف كليت ما كثر منهم مشا الإحساس ديك الشومبر ترونات بالبيان فكونا و كذا جاو البوليس تاهوما تيفكو و بداو طالقينها علينا بديك دواوة ديالهم رجعت لبلاصتي مشات الكانة ديال القراية على الأقل بنادم هنا عرفني مغاديش نسكت على حقي مستقبلا مزيان هادشي لي بغيت مزيان بنادم يعرفك علاياش قاد دايز نهاز من 20 عام ديال ليام العربون باين من النهار اللول..جا وقت الغدا مرة تيخليونا نطيبو الراصنا مرة تيخرجونا لواحد الساحة تنلقاو كلشي واجد قليل فاش تنطيبو الراصنا الأغلبية غداء جماعي مهم خرجونا لديك الساحة خديت البلاطو ديالي عمرتو و ريحت فواحد الطابلة تنقصي شكون ايريح قدامي تيريح داك لي شريت من عندو ديك الرواية هو من دك النوع لي تيدير نضاضر مدويتوش تناكل مع راصي حتا نطق قاليا سميتي مصطفى و نتا قلت ليه زهير مشرفين قاليا من وطهك مبيناش علك دري ديال الحباسات قلت ليه اودي قصة طويلة حسن ماعرفهاش قاليا من هنا القدام غتولي باغي غي دوز الوقت و تقول اي حاجة و قد ما كانت طويلة غتعاودها غتعاودها كيقلقل فيا غي بالفن هذا قلت ليه واش نتا ديما بوحدك كلشي هنا عندو صحابو الا نتا قاليا انا غي شهرين باش دخلت كان محكوم عليا ب 15 عام دارو ليا الدار استئناف تخفف لحكم ل10 السنين و باقي مبان ليا تاشي واحد لللصحبة و التعاويد هنا كلشي استغلالي قلت ليه اوا اش غنقولك هذا هو المكتاب داكشي لي كاين طلع البدر علينا راه معديش مع الصواب و متنعرفش شنو نقول فهاذ المواقف يقوليا شي واحد ربي يخليك فالميساجات نبقى نكتب و نمحي و نعاود نكتب و نزوق من هنا و ملهيه فالخر نمحي الحزاق كلو و نكتب Mrc 😂 ماعلينا بقينا داوين على هادشي تاع الحبس و كذا فالوقت ديال الغدا تنبقاو فديك الساحة شي مريح شي تيتسركل شي تيتريني دايرين تما بارفيكس و تيران و كذا مرة مرة.تنضرب على داك صعصع صافي غنبقا نقوليه غي صعصع لصقات ليا ففمي مرة.مرة تنضرب عليه تيدير فيا شي شوفات ديال الإنتقام قاليا مصطفى مزيان ملي مسكتيش ليه و طايفتي معاه واخا مغاديش يفوتك عارفك نفسك حارة و مغيزعمش علك كيفاش يزعم عليا قاليا كيحكر على بنادم هنا تيخاد ليه الكارو و الفلوس و دكشي لي تيصيفطو ليهم واليديهم و كذا هو و الرباعة ديالو قلت ليه شي الى كملو هاكا غادي ينقص واحد فيهم غي بلاتي مهم رجعنا للشومبر لي غنعسو فيها تكيت تنقرا فديك الرواية تا طاب نعاسي بنادم هنا متينعسش بكري تيبقاو مجمعين مهم فايق على صوت مصطفى الوقيتة ديال الفطور خرجنا لديك الساحة ثاني فطرنا و كذا رجعنا للشومبر الملاال ديال بصح داوي مع مصطفى قلت ليه شنو درتي تا دخلتي للحبس قاليا انا كنت بزناز تندوز هادشي ديال الحشيش الغبرة وكذا تنفرقها فالمغريب كلو تقريبا شحال و هوما تابعيني و كذا حلفات عليا الواليدة نبعد على هادشي حطاتني بين الصخط و الرضى حتا طلعات ليا هاذ الحياة فراصي فلوس د الخرام متدومش دازو ملاين بين ايدي مع فتها فين مشات دغيا تتمشي 10 سنين ديال الحرام قررت نثوب درت بالهضرة د الواليدة بغدت على هادشي وليت تنجيب فلوس بعرق كتافي و حلال رتاحيت نفسيا ولكن هادو لي كنت خدام معاهم دارو ليا صابونة معرت كيفاش بدلو ليا واحد شكارة بشكارة خرا عامرة حشيش و غبرة جاو البوليس داوني تحكمت البقية راك عارفها قلت ليه و قصاا هي عندك الصاط مبيناش علك كنتي بزناز مفك لا سيكاطريس لا والو قاليا كنت غي تنتحشش متنديرش الغبرة و كذا غي البلية ديال الشيشة و الحشيش و البيران قلت ليه حتا انا بحالك دارو ليا الصابونة و لكن بطريقة خرا و قصة خرا مختالفة على ديالك قاليا عاودليا نشدو بك الستون قلت ليه معرفت منين نبدا لك هاذ الحريرة قال غي بدا و لسانك غيتطلق قلت ليهيصافي واخا غتسمع شي حاجة موحال تيقها وريتو ايدي قلت ليه ها أول المشاكل قاليا بديت تناخد فكرة  قلت مهم سمع غنعاود لك.من نهار حلمت واحد الحلمة حلمت راصي تنحفر فواحد الغابة و ...........لبسوني هاذ التهمة لي مدرتش لي عليها تحكمت ب 20 قاليا هادشي عندك فشكااال الصاط بلان مقود واقع لك ولكن شكون داك الشويرف و ديك عشيرتك آية فين مشات مزال قلت ليه الشويرف انا لدابا باقي ضارني راصي و آية صافي علم البه فين داها الواليد ديالها و غي الله يسهل عليها صافي ممكتابينش غي غنضيعها قاليا وا نتا تعرف بقينا داوين غي على البلان ديالي تا جا واحد البوليسي عندي زيارة وايلي ثاني لبارح و ليوم مشيت لقيت الواليد و والواليدة تيتسناو مشيت عدهم عنقتهم بالبكا الواليدة تتقوليا غي واش واكل شارب و كذا و انا من هضرتي تنبين ليها بلي بيخير طوب و الحبس ماشي كيف تنتخايلوه غي باش ميبقاش بالها مشطون عليا منبعد سالات زيارة رجعت قاليا مصطفى بنادم هنا تيحساب ليه نتا غي,شي مكلمن كل نهار زيارة اودي غي يفوتوني يقولو لي بغاو  رطعنا للهضرة على قصتي قاليا و شنو سميت داك الشويرف قلت ليه معرت فكرتيني عمري طرحت هاذ السؤال واقيلا حيت مع كترت الهم و كذا مسولتوش على سميتو مهم دازت 7 يام و انا هنا نفس الروتين وليت تندير لونطريما هنا مع با صطوف وليت تنقوليه غي با صطوف خنا فشكاال من هضرتو باينة مدوز كل نهار بحال هاكا الشويرف مبقاش بان مالين الكنز تاهوما مابانوش و غي تنتفكرهم تيبان واحد فيهم...
..واحد نهار مريح مع با صطوف داويين تعاشرت معاه هاذ المدة هاذ النهار تاع الزيارات عارف بلي جتيني شي زيارة ولا بذة و فغي جا واحد البوليسي داني لقيت والديا تيتسناو توحشتهم تعناق ثاني و دوك الأسئلة ثاني انا راه مضعافيت ما والو لعكس الماكلة و لونطريما ولكن فعين الواليدة ديما ضعافيت و خاصني ناكل مزيان و نتغطى مزيان الله يسمح لنا منهم و يطول فعمرهم <3 مهم هي هاديك اجي علاش مقلتيش آمييين وخا تكون مصخوط اصاحبي قول آمين و لي ميتين ليه الله يرحمهم و لي مراض ربي يشافيهم ماعلينا قاليا الواليد بلي الإستئناف مقبلوهش قلت ليه صافي بلا متعذب راصك هادشي كيما عارفين خادمينو يكون خير لي كتابت مرحبا بيها تسالات الزيارة توادعت معاهم و لكن بواحد الطريقة غريبة خصوصا مع الواليد تعنيقة فشكل وداع فشكل قلبي تقبض عليا و تاهو أول مرة نحس بالحنان من جيتو دمعة نزلات تخربقت غادي راجع و معرت مالي المزاج تخربق مشيت داوي مع مصطفى قاليا مالك تبدلتي فهاذ نص ساعة واش مليتي باغي تخرج ياك قلت لا غي معرت مالي و صافي حاس بشي حاجة غتوقع و فيما تيطرا ليا هاكا تتوقع شي حاجة خيبة قاليا مديرش فراصك لي كتابت مرحبا بيها خاصك تولي تصلي و تقراا القرآن دكشي لي درت وليت تنصلي و كذا دازت شي قل من سيمانة عادي تال دابا واحد نهار تنترينيو فديك البارفيكس بان ليا داك صعصع ديال داك نهار و شي جوج خرين شادين واحد باغين يحيدو ليه داكشي لي عندو و البوليس تيشوف مقادش يتدخل وايلي تيخافو منو لهاذ الدرجة كلشي تيتفرج مقادش يدوي قلت لمصطفى هاذ صعيصعة واش عاجبو كرو ولا مالو قاليا يضبر راصو غي يفوتني انا راك شايفني داخل سوق راصي تا واحد متيزعم عليا من نهار خليتها عليهم هنا بحال الشكل ديالك اول نهار  و بوحد لي فاتح لك الباب ملي جيت قاليا ولكن ماشي بحالك انا الصاط معزيزش عليا نشوف الضلم غنمشي ليهم بغيتي تجي جي غادي قاصدهم وهو بقا بلاصتو واقيلا غي طالقها عليا مكاين لا تبزنينز لا والو حيت هاذ نوع معروف بالقباحة مهم وصلت عندو لقيتو يالاه غيصرفقها معاه شديت ليه ايدو ضربتو لكرشو طاح متصرطاتش ليه جا واحد صاحبو بغاو يطاولوني زعما خرجت فيه براصي هرست ليه نيفو و تنتلافت تيبان داك صعيصعة هاز موص غافلني معدي مندير يالاه غيجبد معايا هو يشد ليه مصطفى ايدو بدا عليه بالكروشيات عحبني الحال على الأقل مافيهش غي دواوة مهم تخلطات القضية دوك الثلاتة كلاو قتلة ترون الحبس شي تيتفرج شي كيفك حتا جاو البوليس علا سلامتكم ليحرق طباسلمكم نتوما و الآمن ديالكم تفرتكات القضية سي صعيصعة ممسروطاش ليه ديك الهيبة لي كانت عندو بدات تتلاشا هي هاديك من داك نهار مبقاش تيحكر على بنادم دخل فسوق راصو شوية العصى لمن عصى قربت نكمل شهر هنا لا الشويرف لا صحاب الخريطة بانو بديت تنشك يكما تخورت فالخريطة يكما الشويرف جا ماللور و خور الثور واحد نهاز معرت اش وقع قلبي تقبض عليا ضرباتني الفيقة مع الفجر طار مني النعاس و مخلوع معرت مالي نضت صليت و رجعت تكيت كلشي ناعس بان شوية ديال الضو قريت القرآن ضربات ديك الوقيتة ديال الفطور معرت علاش تنتسى توقع شي حاجة ولا زيارة ولا شي لعيبة و بالفعل جا بوليسي ماشي وقت الزيارة هاذي  قاليا عدك زيارة مشيت عالله يةونو والديا تجي دقة فاش بغات تجي الا هوما غادي و تنطلب يكونو هوما باش نرتاح وصلت تنضرب على الشويرف تما مشيت عندو ريحت بان ليا فشكل بحالا مخبي شي حاجة بدون مقدمات لا سلام لا كلام قلت ليه شنو واقع الواليد الواليدة لباس عليهم بقا ساكت قلت ليه دوي مالك غتخلعنا على والو قاليا سمع اولدي لي كتبها الله هي لي غتكون راه ماء الله وما قدر فعل وايلي هذا مالو تيثبت فيا على البدية قلت ليه شنو واقع و الدمعة نازلا غي بوحدها قاليا باك الله يرحمو اولدي في دمة الله منيتو داوي هذا يكما مطلعها عليا هادشي ماشي ديال الضحك قلت ليه داوي منيتك قاليا اه اولدي ليوم غيدفنوه مديرش فبالك و دعي ليه بالرحمة دية اللحضة شداتني التبوريشة من راصي صافي بغيت تشق لارض و تبلعني ميمكنش يموت غي داك نهار كان صحيح فصيح بديت تنبكي كنت حاس بشي حاجة غتوقع بدا تيسكت فيا و يصبر فيا ضربت ايدي مع الحيد بواحد الجهد الدم سال و الشويرف تيصبر فيا قلت ليه كيفاش تا مات و ايمتا قاليا غي لبارح بالليل مات مقتول صدمني فديك اللحضة شنقت عليه قلت ليه متقولش ليا قتلوه دوك ولاد الطحاب متقولش ليا مات على ود ديك الجلدة قاليا للأسف اولدي هوما لي قتلوه كانو تيقلبو عليها و بغرابة تسدات القضية فأقل من 24 ساعة حيت مكاين تا دليل ضدهم فديك لحضة مبقيت تنسمع والو الواليد مات بسبابي انا السباب بديت تنبكي قاليا راه مكتاب عليكم هادشي ماشي نتا سباب بدا طالقها عليا و تيصبرني بالدين قلت ليه كي بقات الواليدة قاليا كون هاني من جيهتها راه العائلة كيواسيوها هو داوي و انا تنبكي سالات الزيارة راجع نيشان للشونبر تنتنخصص و نبكي قاليا مصطفى مالك اش واقع اصاحبي بنادم ضاير بيا وليت عزيز عندهم هاذ الشهر قلت ليه الواليد مات بدا تيصبر فيا ( تفكرت واحد عشيري ملي مات ليه الواليد ديالو 😢 الله يرحمو و يرحم جميع الأموات ) عنقني بدا تيصبر فيا نفس الهضرة ديال الشويرف بنادم تما تاهو تيصبر فيا و يقوليا البراكة فراصة دازت ساعتين خلاوني بوحدي تنفكر فهادشي عمري نسمح لراصي الواليد مات بسبابي قتلوه تنفكر فهادشي تنجعر واحد اللحضة فالوقت لي كان كلشي مريح نضت تنضرب فالحيط على جهدي و نغوت ايدي هرستهم شدوني دراري و انا غي تنبكي جا داك لي تنقوليه صعصع داير فبالي غيجي يبدا داوي ثاني ولا يتشفا فيا غنقتلو منظلقو تيموت جا وقف قدامي متلافتش ليه تحنى عندي سلم عليا السيد جا غي يواسيني بدا تيقوليا ديك الهضرة تاهو  عمري تخايلتو غيتعاطف معايا...يتبع
"دير كمنتير باش نعرف واش عجبتك قصص انا بغت نسلي هد قص بزرب باش نحط قصص لي هي بعنوان (ولد فشوش) غدي تكون قصص زوين بزززاف 😂 ديرو كمنتر باش سربي على هدي"