M A R I P O S A { Completed }

ep 7

#Unicode

ထိုနေ့ရက်တွေမှ စ၍ ကျွန်တော်နဲ့
ကျွန်တော့်လိပ်ပြာငယ်တို့
ဝေးသထက် ဝေးခဲ့ဖူးကြသည်။

သူ့အတိတ်တွေမှာ ပါဝင်ခဲ့ခြင်း
မရှိဖူးတဲ့ ကျွန်တော်ဟာ၊ အနာဂတ်
ကို တစ်ခါတစ်ခါ စိတ်ကူးနဲ့ဆွဲဆန့်
ကြည့်ဖူးသော်လည်း၊အမှန်ဆို
သူ့မှတ်ညဏ်တွေထဲမှာ
ကျွန်တော်ဆိုတာ ၊ဆုံဖူးခဲ့တဲ့
သူစိမ်းအနေနဲ့တောင် ရှိမနေခြင်း
ဖြစ်ခဲ့သည် ။

" ပတ်ဂျီမင် က လွန်ခဲ့တဲ့ ၅နှစ်က
ကိစ္စတွေ အကုန်မေ့သွားပြီ ..
သူ့ဘဝက အခုမှအသစ်စမှာ "။
ဂင်ဒိုဂျင်း ရဲ့ ထိုစကားက
ကျွန်တော့်ကို နေ့ပေါင်းညပေါင်း
များစွာ ခေါင်းစားစေနိုင်ခဲ့သည်။

" မင်းရဲ့ချစ်သူမိန်းကလေးက
ပတ်ဂျီမင် ကို အရမ်းမုန်းနေတာ
မဟုတ်ဘူးလား ..။ပတ်ဂျီမင် ကို
မင်း ခွင့်လွှတ်တိုင်း သူကပါ ခွင့်လွှတ်
ပေးတယ်တဲ့လား "

ထိုသို့ မေးကြည့်သည့်အချိန်က
ဂင်ဒိုဂျင်းသည် နားထင်ကြောကို
လက်ညှိုးလေးနဲ့ ထောက်ပြီး၊
ခပ်ဟဟ ရယ်နေသေးသည်။

" ကျွန်တော်နဲ့ ဟန်နီနဲ့က
ချစ်သူတွေဆိုပေမယ့် ၊
အပေးအယူတစ်ခုတော့
လုပ်ခဲ့ကြတယ်ဗျ ၊ဂျီမင် နဲ့
ပတ်သတ်ပြီးတော့လေ ..."

" ငါ သိခွင့်ရှိမလား "

ကျွန်တော် ထိုသို့ပြတ်ပြတ်ပဲ
မေးခွန်းထုတ်တော့ ၊ဒိုဂျင်း က
ကျွန်တော့်ကို တစ်ချက်လှမ်းပြီး
အကဲခက်သည်။

" အင်း ၊ကျွန်တော် .. ဒီလကုန်ရင်
လက်ထပ်တော့မယ်ဗျာ ...၊
ဟန်နီနဲ့လုပ်ခဲ့ရတဲ့အပေးအယူက
လက်ထပ်ပွဲပဲ ။သူက ကျွန်တော့်
ကို blackbox ပေးရမယ် ။
ကျွန်တော်ကတော့ သူ့ကို မြန်မြန်
လက်ထပ်ယူရမယ် ..ပြီးတော့ "

ဆက်ပြောမည့်စကားတွေကျန်
နေသေးလို့လားမသိ ။ခပ်ဆွဲဆွဲနဲ့
လေးလေးပင်ပင် ဖြစ်သွားတဲ့
နောက်ဆုံးစကားမှာ ဒိုဂျင်း
မျက်နှာက အနည်းငယ်တော့
ညှိုးငယ်ကျသွားသည်။

" ကျွန်တော် နဲ့ ဂျီမင် ဘယ်တော့မှ
ထပ်မဆုံပါစေနဲ့တဲ့ ..ဂျီမင် နဲ့
ကျွန်တော်ဟာ သူစိမ်းလုံးလုံး
ဖြစ်သွားရမယ် တဲ့ " ။