# unicode
" ကျွန်တော့်မှာ အစ်ကိုတစ်ယောက်
ရှိတယ်သိလား "
ခရမ်းရောင်ဆံနွယ်ပျော့လေးက
လေတိုက်နှုန်းအတိုင်း လွင့်ဝဲနေ၏။
နဖူးပြင်ငယ်လေး လစ်ဟာ၍ပေါ်လာ
လေသည့်အခါတိုင်း၊
ကျွန်တော့် နှုတ်ခမ်းတွေက
တစ်ခုခုလိုအပ်လာသလို
ခံစားရသည်။ထို့အပြင်
ဘေးတဇောင်းအနေအထားနဲ့
ငေးကြည့်နေရတာမို့
မြင်နေရတဲ့ပါးပြင်တစ်ဖက်ကို
ကျွန်တော်ရဲ့လက်တစ်ဖက်နဲ့
ဖြည်းဖြည်းလှမ်းကိုင်ချင်
မိသေးသည် ။
" ကျွန်တော့်အစ်ကိုက
ကျွန်တော်နဲ့အရမ်းတူတာသိလား၊
ကျွန်တော်နဲ့အမြွှာတွေမို့
ရပ်ကွက်ထဲက အဒေါ်ကြီးတွေ
ခနခနလူမှားတတ်သေးတာ "
ကောင်လေးပြောနေတဲ့အတိတ်အကြောင်းအရာတွေကို
စကားထောက်ပေးခြင်းမရှိဘဲ၊
ထိုစကားပြောရင် သဘာဝအတိုင်း
ဆူထွက်လာတတ်သည့်
နှုတ်ခမ်းလုံးကိုသာ
အလွတ်ရမတတ်
စိုက်ကြည့်မိပြန်သည်။
" ကျွန်တော့်အစ်ကိုကိုလွမ်းတယ် ၊
သူနဲ့မတွေ့ရတာ တော်တော်ကြာပြီဗျ"
ကောင်လေးသည် ဒီတစ်ခါတော့
နှုတ်ခမ်းလေးကိုဆူပြီး၊
ကြေကွဲစရာစကားကို
ချစ်ဖို့ကောင်းအောင်ပြောထွက်သည်။
" ခင်ဗျားလည်း ကျွန်တော့်အစ်ကိုနဲ့
ကျွန်တော့်ကို တူတူတွေ့ရင်
ခွဲတတ်မှာမဟုတ်ဘူး ၊သေချာတယ် "
အတော်ကြာတိတ်ဆိတ်နေတဲ့
ကျွန်တော့်ဘက်လှည့်ပြီး၊
ထိုလိပ်ပြာလှလှလေးက
ပြုံးရယ်ရင်း စကားပြောသည်။
" ဟွန့် ! ခင်ဗျားက စကားလည်း
မပြောပြန်ဘူး ။တကယ်ပဲ
ဘယ်လိုလူမှန်းကို မသိဘူး"
နှာခေါင်းရှုံ့ပြီး ဟွန့်ခနဲပြော
တဲ့ထိုလိပ်ပြာလေးရဲ့ပုံစံကို
နှစ်သက်လွန်းလှပြီး၊
ထိန်းထားတဲ့စိတ်က
မထိန်းနိုင်ဖြစ်ပြန်တော့ ။
ဒါကြောင့် စက္ကန့်လေးအတွင်းမှာပဲ
ထိုလိပ်ပြာလေးရဲ့မျက်နှာနှစ်ဖက်ကို
ကျွန်တော့်လက်တွေနဲ့
ကိုင်အုပ်လိုက်သည်။
ဖြူစင်စွာမော့ကြည့်နေတဲ့
မျက်လုံးလေးက လဲ့ပြာ၍နေသည်။အနည်းငယ်ကျယ်လောင်နေတဲ့
နှလုံးခုန်သံတွေက
လူကို ရူးစေအောင်ပြုစားသည်။
KAMU SEDANG MEMBACA
M A R I P O S A { Completed }
Fiksi Penggemarသူသည် ကျွန်တော့်ဘဝထဲဝင်ရောက်လာသည့် လှပသော လိပ်ပြာငယ် .. ။
