Unicode
_________
"ကင်-ဆော့-ဂျင် ဘယ်မှာလဲ"
အနက်ရောင် ကိုယ်ကျပ်ဝတ်ရုံရှည်က ခက်ထန်သော မျက်နှာကို ပိုပြီးကြမ်းတမ်းအောင် အရောင်တင်ပေးထားသည်။အဆီပျံနေသော ကြမ်းတမ်းသည့် မျက်နှာပြင်တွင် စိမ်းညို့သော နဖူးကြောများ ပြိုင်းပြိုင်းထနေသည်။လက်ထဲက အသွားထက်နေသော ဓားရှည်ကြောင့် ဆော့ဂျင်ကို ဘာလုပ်မလဲဆိုတာ မေးနေစရာမလိုတော့။
"မ..မသိပါဘူး...မင်းသား ဆမ်ဂန်း.."
"အ."
အစောင့်ရဲမက်သည် စကားပင်ဆုံးအောင် မပြောလိုက်ရ။လက်ကနဲ ဖြစ်သွားသော ဓားသွားက လည်မျိုပေါ်တွင် ရိပ်ကနဲ ဖြတ်ပြေးသွားကာ တံခါးရွက်တို့တွင် သွေးနီရောင်လွှမ်းသွားသည်။
ဆက်တိုက်ဆိုသလိုပင် ဓားဖြင့်ဝင်ခုတ်ဟန်ပြင်သော အစောင့်ရဲမက်များ၏ လည်ပင်းများပေါ်တွင် ပြတ်ရှဒဏ်ရာများဖြင့် အတုံးအရုန်းလဲကုန်ကြသည်။
ထို့နောက် အနက်ရောင်ဝတ်လူတစ်စုသည် နန်းဆောင်အရှေ့တွင် တစ်မဟုတ်ချင်း ပြည့်သွားကာ အတွင်းမှ မင်းတုန်းချထားသော တံခါးကိုရိုက်ချိုးပစ်လိုက်ကြလေသည်။ထို့နောက် အကုန်လုံးပင် စုပြုံပြီး ဝင်သွားကြသည်။အခန်းထဲတွင်ကား ကုတင်ပေါ်တွင် အိပ်ပျော်နေဟန်တူသော လူတစ်ယောက်ရှိသည်။သားမွှေးဝတ်ရုံရှည်ကို ခေါင်းအထိ ဆွဲခြုံထားကာ ဘေးတစ်စောင်းအနေအထားဖြင့် လှဲနေသည်။
နှုတ်ခမ်းပေါ် လက်ညိုးတင်ကာ တိတ်တိတ်နေကြဖို့ မင်းသား ဆမ်ဂန်းက အမူအရာနှင့် အချက်ပေးသည်။
အသံမထွက်အောင် ဖြည်းဖြည်းချင်း လျှောက်လာသော ခြေလှမ်းများသည် ကုတင်အနားအရောက်တွင် ရပ်တန့်သွားသည်။ထို့နောက် ဓားရှည်ကိုင်ထားသော လက်သည် ရုတ်တရက် အပေါ်သို့ မြောက်တက်သွားပြီး အိပ်ပျော်နေသော ထိုလူ့အပေါ်သို့ အားကုန်စိုက်ချလိုက်သည်။
ဓားဦး စိုက်ဝင်သွားသော အရာသည်လှုပ်ရှားမှုမရှိသလိုမည်သည့်တုံ့ပြန်မှုမှမရှိ။သူထင်သလို သွေးချင်းချင်းနီမသွား။မသက်ာသော စိတ်ဖြင့် သားမွှေးခြုံထည်ကိုဆွဲလှန်လိုက်တော့ အဖြူရောင်အဝတ်ထုပ်ကြီးက မျက်စိရှေ့တွင် အထင်းသား။ဒေါသ တကြီးဖြင့် ထိုအဝတ်ထုပ်ကြီးကို ခြေထောက်ဖြင့် ကန်လိုက်ရင်း အနီးအနားရှိ ပစ္စည်းတွေကို ဓားဖြင့် ခုတ်ကာ ဖျက်ဆီးပစ်သည်။
YOU ARE READING
THE LEGENG OF SHANGRI-LA ✵ရှန်ဂရီလာ ဒဏ္ဍာရီ✵ JINKOOK ✔︎
Fanfic❝ ရှင်သန်နေတဲ့ ကမ္ဘာချင်းမတူခဲ့ရင်တောင် သတိရစိတ်ဟာ လေနုအေးအဖြစ် ကျွန်တော့်ကမ္ဘာ့မှာ ဆက်လက်ရှင်သန်ကျန်ရစ်နေဦးမှာပါ ❞ ~~~~~~~~~~~ ❄︎ .❄︎ .❄︎ ~~~~~~~~~~ ❝ ႐ွင္သန္ေနတဲ့ ကမ႓ာခ်င္းမတူခဲ့ရင္ေတာင္ သတိရစိတ္ဟာ ေလႏုေအးအျဖစ္ ကြၽန္ေတာ္႕ကမ႓ာ့မွာ ဆက္လက္႐ွင္သန္က...
