عِــزوة
الحلقـــة الاولـــه 🔥♥️
.................
______________
فـي كُل مره كانت توقف فيــا البدايـــه تخليني عيني في عيــن لاب حــايرة شن بتكون .. وشن بنوصل من ملخـص بسيط لي روايـة كـ بدايـــه ..
المـره هيا اخترت العفـوية تكون المسؤول الاول للبدايــه .. بس قبـل مانبــداء ح نفهمكـ شي ..
جُـزء من الروايـة مستوحـاه من قصـة حقيقيــة . الي يعرفها مافيـش داعي يحط ألاسم او اي شي يخـص شخص صاحب القصـة ...
( من سترا مُسلمــاً ستره الله فـي الدنيــا والاخــرة ) 💗
والبــعض ركـزو على كلمة #مستوحــاه يعني جـزء بسيـط منها حقيقي والبـاقي خيــال ...............
وزي ماديــما نقول انه ::
القارئ يلجأ الي روايات والكُتب هُروباً من واقع مُــر الى خيـال يلتمس العقل ويتمناه القلب 💗........
#البــــــــــدايه 💗
..................
احـداث قادمـة ...📸
( تبدا روايتنـــا أو القصــة بمكــان مختلف .. مكان هادي نوعاً ما . فيه أصوات خفيفه من ضجة سيــارات . وصوت خفيف لي ريح مع سرعة سيـارة .. وكان في مبنــى عالي . مخـيف مُريب ومُلفت لي نظر . جُزء منـه مطلي والجزء تانــي بارد عادي ..
كانت واقفــه قدامه بنت . ماكــانتش متوقعه تلف بيها دنيــا لي درجة توصل للمرحلـة الي تخـليها تحسب توتر خطواتها وهيا خاشه او طالعه من المبنــى ..
كانت هيــا .. بي أيدين ترجف . ورموش من رهبة الخوف مش ثـــابته .. بي رجلين الرعشــة واضحه فيهم . بي لبــاس غريب . عبــاية سوداء عليها أثار غُبار ارض . وكأنها كانت راقدة ع أرضيـة وسخــه .. بي شعر مطلـوق الي نهايـة ظهــرها . بي وجه شاحب أبيــض وعيــون واسعـه وفم جاف من عطــش . بعيون جفت من دــموع ...💔
كـان جمالها في كل لحظاتها رهيــب . كانت مُلفته لي نظر بشكل مستمر .. البعض من البنات أتمنى يكون زيها في جمالها وطولها ولون شعرها ورقتها . والبعـض من شباب تمنى اشيـاء في دينــه محرمه وفي مجتمعه محلله . 💔
بكل ثـقة قدمت خطوات وقامت عيونها تقرا في اسم المبنــى . كانت مؤسسة كبيـــرة .. بداية جملة كان اسم المؤسسة ونهايتة كانو كلمتيـــن الي خلــو رجفة جسدها ترجع من جديد
( مؤسسة ******* للأمرا ض العقليــــة )
____________________________________
...
( المنـزل الاول )
( في مكان خارج منطقة طرابلس . أختارو شن تحبو باش تتخايلو . مش ح نحط اسم منطقة معينه ....)
( البيــت الـ1 )
..
جمانة :: دُنيـااااا .. دُنيــا .. !
دُنيـا :: ( من دارها ) نننعم ماماااا ؟!
جمانـة :: ( واقفة جنب باب المطبـخ ) تعااااالي الباب يططق
دُنيا :: هيييا هييي .. ( حطت لاب وناضت طول )
...............
دُنيـا :: يامرحب ( تسلم وتاخد في شناطي ) من جابك ؟
سُهير :: من بيجيبني يعني . اكيد خووك 🤦🏼♀️( عطتها لكيـاس ) وشدي هااذم ظهري تكسر
دُنيا :: حي عليك من امي . قتلك معاش تقيمي حاجة رزيننة .. وينه اسماعيل ؟ طلع ؟!
سًهير :: اي حطني ومشي . ( باستها ) استحشتك يافرخه . 💗والله الا مانوريهالك يوم لخميس تحسابيني نسييتتها . خيرك ماجيتيش ؟😒
دُنيا :: غير خشششي وتو نهدرزو .. 😂
( خشت ولحقتها سهير للمطبخ )
..
جمانة :: اهلا اهلا .. ( تسلم عليها ) نور حوشناا ..
سهير :: منور بي ناسه عميمه .. كيف حالك ؟
جمانه :: كويسه الحمد لله .. انتي شن حالك ؟
سهير :: اهوو ( وأشرت ع بطنها ) نستنى امتى يشرف الباشا تعبني ..
جمانه :: معليش كله بخير ربي ان شاء الله ... قعمزي ..( ولفت لي طنجرتها )
دنيا :: ( سمعت تلفونها ف دار ) شوية ونجي ..( ومشت)
سهير :: عمي مهناش اماالا ؟
جمانة :: اي من صبح طالع . قال بالك ينزل للبلاد اليوم ,,
سهير :: علاش . شن عنده غادي ؟
جمانة :: والله ماعارفة .. قال خدمة . خليه يتونس بي خوته قداش ليه مارهمش
سهير :: اي والله عندك الحق .. من عرس فاتن بنت خوه ولا ؟
جمانة :: اي .. تبي قههيوة ؟
سهير :: مانقولش لا .. استني تو نوض نديرها
جمانة :: قعمزي وريحينا . يجينا سمعو توا يقربعها علينا ههههه😂
سهير :: لا وراسك انت مانخليك اديريها ولاهيه ف غداك فوقها ( وناضت خدتها منها )
..
( لتوضيــح .. العيلة متكونه من ام ( جمانه ) وأب ( مصطفى ) والابن ( اسماعيل ) ومرت الابن ( سهير ) والبنت (دنيا )..)💗💗
__________________________
( دار . دنيـا )
.
دنيا :: جبته لي عمرك شن بنديرلك ..
سند :: ماتزيدنيش حتى انتي عاد ( ويصكر ف سيـارة من قدام ) تبي مووضوع هيا باش تتصلح والله ماوقتها .
دنيا :: ( مقعمزة وتلف بالكرسي ) ارفعها لي صاحبك الي ديما تصلح عنده وخود سيـارة بوك محلوله ماتصعبهاش ..
سند :: خليك استني .. ( حط تلفون ع رخامة وفتح شيشمة جنان يغسل ف ايده )
..
مروة :: سنيددده ..
دنيا :: ( وقفت الكرسـي لما سمعت صوتها ورفعت حاجبها )
سند :: ( تلفتلها وينفض في ايديه )
مروة :: اسمع بنركب معاك باهي . مانيش راكبه مع هشام . بارد زي هوا زي اغانيه .. بنهيج معاك ومع سهير .. بتمشي تاخدها انت ؟
سند :: سهير مش ح تمشي تاعبه .. وانى مش رافع حد سيـارتي فسدت
مروة :: خود سيارة عمي ..
سند :: تو نشوف باه .. خوشي وصكري الباب دخلاني .. ونادي هيثم نبيه ..( وطلع)
مروة :: ( شبحتلــه نظرة خبيثة ومبتسمة وخشت 😈)
...
( سند يكون أخ سُهيـر .. يعني خوه مرت خوها لي دنيا .. مروة تكون بنت عمه .. وباقي الاسماء ماتركزوش عليهم .. )
...
سند :: ايوه .. ( رجع تلفون لي وذنه )
دنيا :: سنيددده ؟؟؟ 🙄
سند :: ( ضحك ع جنب ) عيونه ♥️
دنيا :: مااااندلعش فيك انى .. .شن قصتها الباش مهندسه مروة ؟
سند :: ( قعمز ع كرسي سيارة وينفض ف سرواله ) هي فكينا عااد . بنت عمي وتسهوكت مش موضوع
دنيا :: لا والله ؟؟ ادلعك وتبي تركب تهيج معاك . وتقولي مش موضوع ؟😒
سند :: دنيتي شن قلنا ع لغيرة زايده ؟
دنيا :: طلعت زايده صار ؟؟ ... 🥺
سند :: ياحبي مش قصة زايده . وحياتك عندي مااانشوف لا في مروه ولا في غيرها.. عندي انتي ويكفيني ... دوتها كلها فاضيه والباقي بنت عمي ودلعتني مادوريهاش ..
دنيا :: يعني لو فيصل ولد خالتي دلعني . تفوتها ؟
سند :: ماتقارنيش هذا ب هذا ....
دنيا :: مافيش فرق عادي .. ولد خالتي ودلعني شن المووضوع ؟؟
سند :: تردي فيها انتي ولا شن قصتك ؟
دنيا :: مانردش فيها .. نقولك لو صارت معناها ماتركزش عادي
سند :: تي اماااا ولد خالتك يدلعك هيا ؟ ( دخل رجليه لي سيارة وقربع الباب ) تي خيرنا ال***** يادنيااا صبح زفت ريحينا 🔥
دنيا :: ( عيونها تعبو ولمعة واضحه ) معاش تسب 🥺😭..
سند :: ( حط ايده ع دومان ) استغفر الله وخلاص .. تو علاش لبكي زايد .. ياسرنا من تحسس يادنيتي .. ورحمةةة الغالين ماعندي اغلا منك .. افهمي .. زي مروة زي غيرها مااااندورش فيهم اقسم بالله ♥️🔥
دنيا :: تمشي لي طرابلس وماتقوليش باش تعول ع عرس اختها ست مروه.. ومخليني نراجي فيك اليوم تجيب سهير .. وتزيدها توا تكشخ ؟
سند :: عيوني♥️ .. ماتزعليـش مني انا اسف . وهذا عرس بنت عمي بنحضره سوا نبي ولا لا .. نكمله ومروحلك وحياتك عندي احلا رضا تاخديه ♥️..
دنيا :: ( تـرشف في خشمها وساكته )
سند :: خلاص فكيها حبيبي هيا .. وهدرزيلي عليك فوتي امها مروه .. شن مدايرين اليوم ؟♥️
دنيا :: ( قعمزت ع سرير) شي .. جت سهير وبعدين اسماعيل بيجي بنتغدو ومرات نمشو للارض نباتو غادي
سند :: سهير بايته معاكم ؟؟
دنيا :: اي ان شاء الله
سند :: ماشاء الله سوسو مش مخليتكم ف حالكم بكل هههه 😂..
دنيا :: ع اقل اختك احسن منك عمري ماستحشتها الا ولقيتها قدامي . ماتمشيش لي طرابلس ومانلقهاش😒 ...
سند :: ( تكى راسه ع كرسي ) هذا الي مخليني نحسدها .. تشوف في نور عيني طول الوقت وانى لا ♥️..
دنيا :: ( بصوت حزن ) ااااستحشتك سنودي روحلي بالله عليك نبي نشوفك ♥️..
سند :: غددوا في ليل نكون عندك وعد ... خوك امتى نازل للبلاد ؟
دنيا :: ( تلوي في شعرها ومتكيه ع روشن ) مش عارفه . بابا نزل اليوم لي عمامي . بالك يلحقه غدوا صبح ,,
سند :: باه .. هي بري توا . تو نكلمك بعدين ...
هيثم :: ( فتح باب سيارة وركب ) خير سنوود ..
سند :: ( سلم عليه ) خير معلم . استنى شوية ... هي امالا نتكالمو ف وقت تاني
دنيا :: (تلوحت ع سرير ) قولي نحبك 🙂♥️....
سند :: احمم . ان شاء الله ف اقرب وقت فوتهالي توا ...
دنيا :: ااااننننلاء قولي توا ... هيا راه وحق ربي نعطيك اسبوع نكد اضافي🙂 ...
سند :: عاد فكنا . مش هكي اتفاقنا .. .
دنيا :: تو معقوله هيثم بتتحشم منه .. ؟؟ مش ع اساس ولد اللعم 🙄
سند :: باه استنى هي .. ( شبح لي هيثم ) هوينا شوية 😒
هيثم :: ( شاد ضحكته ) تم ياباشا كمل وصفر هههه (ونزل )
دنيا :: ههههههههـ 😂نبيها قدامه
سند :: ماتبيش تعقلي انتي ؟ ...
دنيا :: لما ناخدك تو نعقل🥺♥️ ..
سند :: ونهبل انى بعدين ...
دنيا :: بعيد سو عليه الغالي من لهبال ههههه😂..
سند :: نحبـك♥️ ...
دنيا :: ( غمضت عيونها وتنفست برااحه ) وانى لا هههه😂 ( وصكرت )
سند :: ههههه😂 هبله .. ( فتح يبعتلها ف مسج ومطلع راسه من روشن ) تتتتتعالى يافضيحه
هيثم :: ههههه هي جاي 😂...
..
دنيا :: ( تقرا ف المسج وتضحك ..)
#المســج ( نروحلك ونوريك ال لا كيف شكلها ♥️)
( قراته وحطت فونها في شحن ونزلت )
_________________________________
( مكــاني تاني في نفس المنطقـة ونفـس شـارع .. الحوش الي مقابلهم .. جيران جمـانه )
______________
مُعتــز :: ورأس حنـاي تفوتيه الموضوع بالله عليك .. يوم الي نبي ورايد تو نكلمك
خيريـة :: لي امتى بتقعد هكـي ترا فهمنــي .؟ خلاص عاد والله لسااني نشل وانى غير نقنع فيك انت وخوك ..
مُعتـز :: معاش تقنعينا . غدوا يوم الي يكون ونبو نتزوجو ماليناش غيرك باش نكلموك
خيـرية :: هذاا كان مزال قعدت لي يوم غدوا ...( وشبحت لي تلفزيون )
مُعتـز :: ايح عاد . هذا لكلام الي مانحباش .. ( ناض باساها ع راسها ) والله ياميمه الا ح نتزوج و ح تشوفي صغاري . لكن خليها بالنصيب . شوفي امي وبوي بايعين القضيــة ومعاش يدورو فينا بكل ..
خيريـة :: عطيهم طراابلس وناسها ينسوووك امالا شن . 😒
مُعتـز :: ( شد تلفونه ووقف ) خليهم تو تنفعهم طرابلس ههه .. هي ميمه ماتبي شي ؟
خيريـة :: وين . ؟ ماتبيـش تتغدو معاي حتى اليوم ؟ .. خوك ماشفتاش من صبح
مُعتز :: اكيـد في المستشفى امس مناوب .. تو شوية ويروحلك . انى مزرد نروح غدوا العصر ان شاء الله ( بــاسها ع راسها ) هي ف حفظ الله
خيريـة :: رد باللك ع روحك وراس وليدي ماتعبنيش معاك .. مش عام زرادي رااه تلفونك جنبك ورد عليا ...
مُعتـز :: ( يلبس في سبيدروه جنب الباب ويرد بصوت عالي ) ماااشي ميمه حااضر .. لما تووصل دريــة قولها تتصل بيا 💞
خيريـة :: حااضر باه ...ف حفظ الله ( وشدت تلفونه وتتصل )
مُعتـز :: ( فتح باب الحوش وطلع )
,,,
عِــز :: ( درس سيــارته نزل وصكرها وكيف جاي بيخش )
مُعتـز :: او جيت .. كيف بنتصل بيك .. وين لي توا ؟
عِـز :: ( سلم عليه ) كيف كنت طالع جت حاله ردني مصعب تاني .. وين بيها ؟
مُعتـز :: مزرد مع جماعه . تبي حاجة ؟
عـِز :: لا لا غير ف الاول نبيك تمشي تجيب سمرا من المدرسة ..
مُعتـز :: لا وين . كيف بنطلع انى
عِـز :: باهي مش موضوع تو نمشي انى ...( ورجع لي سيـارته )
مُعتز :: تي غير خش سلم ع حناك تسأل عليك ...
عِـز :: تو نكلمها بتلفون . كان نخــش نرقد .. ( ركب سيـارته وحط ايده وراء راسه يتوجع بعدين تنهــد ووولعها وطلع ♥️)
مُعتـز :: ( ركب سيـارته وولعها وقعد مقعمز فيها شوية .. وكالعـــاده عينه كانت تمشي لي اخر حوش في شارعهم . كبيـــر وسـاسه عالي وناسه أعلى . يسـرح فيــه ويستغرب كيف عندهم كل شي وهكي حيـــاتهم . تجي في باله ويفتح نت ع تويتر طول وخش اكونت اسمــه توليب ومالقــاش تغريدات منذ 4 ايام ورجع الخوف بينه وبين نفسه .. مسح ع جبهته وطلع بسيـاره 💔)
______________________
( مــدرســة ثانويـــة بنـــات )
..
جنـى :: باهي روحي معاي .. والله كساد اليوم خميس وماعنديش شي نديره في الحوش مليت
فاطمة :: قعمزي اقري عندنا امتحانين الاحد
جـنى :: انى جدول ماعجبنيش . كيف انجليزي ورياضيات . ماعرفتش نقققسم الحق
سمرا :: تعاليلي غدوا نقرو رياضيات وسبت اقري انجليزي . لانك انتي تحفظي فيه حفظ الانجليزي ..
فاطمة :: ( شبحت خوها ) هي امالا عيسى جي انى ماشية ( باستهم ) نتتلاقو الاحد ... ( وطلعت )
سمرا :: ماشي باي ... ( وجت قعمزت وحطت شنطتها ف حجرها )
جنـى :: هي شنو .. تروحي معاي ؟
سمرا :: تي خيرك انتي . تقولي ماتعرفيش عز ومعتز . والله يشرحوني . خلاص تعالي انتي فكيني منهم مانحبش وجيج راس
جنـى :: هاذم لي امتى بيقعدو هكي .. والله هذاكا اليوم مؤيد خوي شافك عجبتيه وقالي يبي يكلمك ماقدرتش حتى نحكيلك . منها فاطمة مقعمزة معانا كانت . ومنها ولاد عمك الي مدايرينلك رعب
سمرا :: مش مدايرين رعب . هما يخافو عليا ومش متحملين فيا شي . وموضوع كلمي ولاد انى اصلا مانحباش . مش غير هما ( لمحت سيـارة عِــز ) .. اهو عــز جي انى ماشية ( وباستها ) شوفي غدوا وتعالي♥️
جنـى :: ( طرمت ) يصير خيــر ...
سمرا :: ( ومشت تجــري زي طفلــة بخدودها الحــمر وضحكة )
جـنى :: ( تتكلم مع نفسها ) انـى كيف نفتح معاها موضوع مؤيد ؟ .. مستحيل . مستحيل نخليه يكلمها ولا حتى يجرب 💔( وسرحت في خوها وتفككير )
_________________
سمرا :: ( فتحت باب سيارة من تالي حطت شنطتها وركبت من قدام ) ... اننننا جيت 😍..
عـز :: ( متكــي رأسه ع لكرسـي شبحلها مـع ضحكة خفيفة يـا دوب بييين غمازاته وتكلم بـهدوء ) يامرحــب ♥️..
سمرا :: ( اختفت الابتسامة ) خيره جوك 🥺؟
عـز :: ( مسح ع وجهه ) شيي يـاسمـرتي الخدمة وضغط كالعاده ( وولع سيارة )
سمرا :: باه علاش انت جيتني .. خيره معتز ؟
عـز :: مزرد الباشا .. ( شبحلها وغمزلـها ) خيره ماتبنيش انى ؟😉
سمرا :: لا بالعكس .. غير انت تاعب واضح عليك وسواقه مش كويسه ليك هكي ♥️
عـز :: ( طبطب ع ايــدها ويشبحلها ومبتسم بملامح رايقـه ) ننجيهالي لحنونه .. مافياا شي ياباهيه مادوريش ♥️...
سمرا :: ( ابتسمت وسرحــت فيه ) احكيلي شن جو المستشـفى 😍
عـز :: انتي الي احكيلي شن جو المدرسـة . عطوكم جدول الامتحانات ؟؟؟
( وبدي الغــوص في مشاكل بعضهم . واحاديث بعضهم . واسرارهم الحلوة . وسرد كل شي صار في يوم هذا لي تاني وتاني لي هذا ♥️.......... )
( عِــز ومُعــتز . خوت بينهم سنة . معتز مواليد 90 و عـز 89 . شكل لا يوحي بي مواليدهم . كــل واحد فيهم ليه جماله الخـاص .. وصفهم صعب .. بس معتز ع الاسمــر ولحية سوده عيونهم زي بعض رموش ماشاء الله والكُـبر الله يبـارك فنجان . عِـز قمحي و لحيـة سوداء . طول وعــرض . والاثنين في صالة ... معتــز يخدم في شركة اتصالات . طبعه بصايري ودمه خفيف . عـز دكتور وشخصيــته هيبه الكـل يسرح فيه ويتمنو كلمة منه .. عايشين مع حناهم وكبرو جنبها لي درجة كل واحد اختار خدمة قريبه منها باش يتحجج بيها ومايروحوش لي طرابلس ..
اما سمـــرا فيها بنت صغيـرة طالبة ثالثة ثانوي . وحلمــها انها تكبـر ويكون ليها مركز زي عــز . عـز هوا هيبتها وسندها وعزوتها ومثل اعلى ليها .. سمرا ماتت امها وبوها في حادث سيـارة وهيا كانت عند حناها . عندها خالة وحده وعايشه برا . خدتها حناها أم بوها وكبرتها . معتز وعز ولاد عمها يعتبرو فيها اللؤلؤة الي لازم يحافظو عليها ومايخلوش اي حد يتعرضلها ...........
هل هيا هــذه العِــــزوة ؟؟؟؟؟🔥♥️
_________________________
( وجــي ليل . وجت معاهــا الافكــار وجي معــاها لكلام . وجت المخــاوف .. ومع هذا روعتــه وريحتــه وهدوئه لا يـقاوم💙🌪 )
..
( حـوش جمانه 💗)
..
( كلـــهم مقعمزين في صاله ويتفرجو )
سهير :: دندون . عطيــني سامينــسه
دنيا :: ( تعطي فيها وعيونها في تلفزيون ) خودي
جمانه :: كلمتي بوك ؟
دنيا :: مبكري . وتوا عاطني مقفل قالي بالك شحني يتم وماحد عنده سامسونج غادي
جمانه :: ااضرب اشييـه كلهم ايفونات !!
دنيا :: ( شبحتلها ) وانتي صادقه بيـله ههههه😂
سهيـر :: ( حدفتها بمخده ) تتتحشمي ههههـ😂
جمانة :: دنيا ولحشم اااييييه غير اعبي ههههه😂
دنيا :: اااااييييه وبتغنيها فوقها 😂... ( شبحت لي تلفونها مارنش وماجاش مسج )
جمـانه :: انى خلاص عيوني بيتصكرو بنخش نرقد ..
دنيـا :: ماما بالله عليك اطفي ضي .. ( وتكت ع صالون ) قاعده سوسو ولا ؟!
سهير :: ااايه ( وشدت تلفونها )
جمانة :: ( طفت ضي صاله ) هي تصبحو تربحو .. ( وركبت )
دنيا :: ( راقبت امها لين ركبت وجت مقعمزة ) اسممعي
سهير :: نعم ( وعيونها ف تلفون )
دنيا :: ( نقزت جت جنبها ) اتصلي بخوك ..
سهير :: ( قامت عيونها ) لواااه !
دنيا :: تي غير اتصلي قوليله وينك وشن اديرو وعلى اساس تسألي ع لعرس ..
سهير :: ووووه ماتقوليش تعاركتو .. ووه يامرارتي
دنيا :: تي لا يادعوه . ماتعاركناش .. غير اتصلي مانبيشي يقول عشاشه ..
سهير :: ( قامت حواجبها بضحكه ) لالا ؟!.. هذا ع اساس هوا مايعرفش ههه.. يابنتي ليكم 5 سنين مع بعض راه
دنيا :: ( شبحتلها شبحة ) باه ترا اتصلي .. هيا
سهير :: اااصبري . خلي نشوف اخرتها معاك ( واتصلت )
دنيا :: وافتحي المااايك ...
سهير :: تي باهي ........( لقت رقم واتصــلت )
________________________________
( حـوش خيــرية )
