كيف جـاني ضي 💔🙂
--
عــزوة
الحلقــة العـاشرة 🔥♥️...
_____________________
( طرابــلس )
..
جـاد :: ( يهدرز وعيونه في بتول الي متبصه راسها وفرح مقعمزة جنبها تكلم فيها .. )
سالمة :: وين ماشي وليدي ؟
رضوان :: ( يلبس ف جاكيته ) عندي موضوع بنديره وجاي . تبي حاجــة ؟
سالمـة :: لا سلامتك .. رد بالك ع روحك بس
رضوان :: بعون الله ( وطلع )
جاد :: شوية بس ( قالـــها لـي امه وناض لي بتول )
..
فرح :: بتو نكلم فيك .. والله ماينفع اديري قصة من غير مانتأكدو .. ماتخليهاش ادخلكـ لي نفس دوامه تاني
جاد :: خيير .. ( قالها وجبد كرسي قعمز جنب بتول )
بتول :: ( لفت وجهه لي فرح ) فروحه جيبيلي ميه ..
فرح :: ( شبحت لي جاد بعدين شبحتلها ) توزيعه قديمه ع فكره وكانو يديرو فيها لصغـار .. وبعدين انى كنت نايضه ( ابتسمت وناضت وتشبح لي بتول بمعنى ماديريش مشكله )
جاد :: خيرك ع لبنت . ؟
بتول :: ( مسحت دمعتها وفتحت تلفونها وعطتهوله )
جاد :: شني هذا ؟ ( شد فونها وبدي يقرا🔥 )
_________________________________
( المنطقـــه )
..
( المستشفـى )
..
( بعد فترة طويلـة من الانتظــار .. )
..
سهيـر :: ( واقفـه قدام خوها ) ان شاء الله دكتور بيطلع وبيطمنا .. انت بس اول مايطلع دكتور اسمع شن بيقول وروح مش حلوه قعدتك هنا ..
سند :: ( شبح للعيـــلة وبعدين شبحلها ) من هنا مانبيش نروح .. وصكريه الموضوع هذا لانه لو بنحكــي ع لحاجات الحلوه ولي لا مش ح نخلص لي غدوا ... انى مش هامني شي توا الا دنيتي وبس ♥️..
سهيـر :: ( مش قادره لا تصده ولا تنصحه ساكته وتسمعله .. لا عارفه روحها كيف بتتصرف معاه ولا مع لعيلة ولا مع راجلها . ولا عارفه كيف بتتحمل اي خبر تاني .. )
..
دكتـور :: ( طلع ويتكلم مع لممرضة . ينحي ف كمامته . وجوه العيلة كلها قدامه )
جمانة :: فاقت بنتي يادكتوور ؟؟؟
مصطفى :: ( كـان واقف وراها .. ) شن صار طمنا بالله عليك يادكتور ..
دكتور :: ( تنهــد ) انى اسف .. بنتكم خشت ف نوبه وقدرنا نلحقوها الحمد لله .. بس للاسف تمت ال24 ساعه ومافقتش وهذا يخليني نشك استمرار الغيبوبه لفترة .. انى اسف وكان ودي نعطيكم اخبار تفرحكم ( ومــشي )
سند :: ( نفس سكين الي ينغرس داخل شخص ببطء يحاول يخليه ينزف .. يخليه يتوجع الوجع البطئ ولـي في نفس الوقت يقتل .. كان ماستوعبـش كلمة غيبوبه باش يستوعب كلمة استمرارها .. 💔.)
سهير :: ( خـدت جمانه في حضنها وتصبر فيها .. تصبر فيها ع وجعها وفقدان نصفي لي بنتها . الي بتقعد فترة بين الحيـاه والموت .. وكم من كلمة بتصبر قلب الام ؟ 💔)
اسماعيل :: ( ماتحملش اكتر خدي بعضه وطلع .. اختار بين كل معاني المشاعر الهروب .. هرب بعيد وكأنه معاش يبي يسمع شي ع اخته لين تفيق تاني 💔.. )
مصطفى :: ( رجليــه تراجعو بيه ونزلو لي غرفة صلاة .. خدي زاوية وبدي يصلــي . البداية كان دعاء ف سجود وصوت البكاء خفيف .. وبعدين بدت عيون ناس الموجود تلاحظ وجع الاب ... والله ع وجع الاب لما يكون لي او على او بسبب ضنــاه 💔)
________________________________
( البيــت )
..
عـز :: ( يشبح لي سمرا الي واقفه قدامه ) باه ؟!
مرام :: بس . بصراحه ماعرفتش شن نقوله .. يعني من جيهة معاه الحق ومن جيهة تانيه معاش نبي الموضوع يكبر اكتر
عز :: ( ابتسم لي سمرا وطلع لي جنان )
مرام :: انت عارف انه هذاكـا اليوم كان صعب عليا وعلي عيلتي .. بس الي صاير مع امي اليومين هاذم اكبر .. يعني اكيد مش متأثره بشكل لكبير هذا ع خاطر فض الخطوبه مثلا
عز :: شوفي مرام .. انى نقدر نساعدك ونجي لي خالتي وراجل خالتي ونستسمح منهم برغم انه شايف روحي مش غالط .. اما تبيني نعرف شن قصة امك هذي صعبة شوية .. ( شبح للباب وخدي تركينه ) وبيني وبينك امك ماتحكيش لي اختها اكيد مش ح تحكيلي
مرام :: عارفه وعندك الحق .. يالله المهم كنت مغمومه وجوي مش تمام وماخطرتش الا انت ف بالي قلت نكلمك ...
عز :: ( حط ايده وراء راسه كالعاده لم يحس روحه متفركس )ولا يهمك بنت خالتي تفضلي
مرام :: (ابتسمت ) تمام .. انى ح نجي ف اقرب وقت لي خالتي وعمي محمد لازم نتأسف منهم
عز :: مادوري شي عادي ..
مرام :: لا كيف عيب ...
عز :: ( يشبح للباب ) تمام توا .. ماتبي شي ؟
مرام :: لا سلامتك ... مع سلامة
عز :: ف امان الله ( صكر وقعد ثواني واقف يراقب ويفكر ف سمرا الي بتسأله مليون سؤال .. نفخ وخش )
..
عز :: ( صكر الباب وشبح لقاها مش باينه قدم شوية لقاها ف لمطبخ ) .. شن اديري ؟
سمرا :: ( شبحتله ) مش قتلي تبي حاجة تاكلها ؟ ودواك قريب لازم تاكل .. ( ورجعت تاني تكمل الي في ايدها )
عز :: ( اتكـى ع لباب )
سمـرا :: ( مابتــش تلف وكملت وكأنه مش موجود )
عـز :: ( يجبد ف لكرسي وبيقعمز ) مرام كانت تحكي ع ام(قصت عليه )
سمـرا :: ماسـألتش ... ( وتتحرك ف لمطبخ )
عز :: ومش المفروض تسألي ؟
سمـرا :: ( حطت الي في ايدها خدت نفس ولفتله ) نسأل واحد طلع يتكلم برا باش مانسمعاش 😒؟
عز :: بلا هبال اكيد مش قاصد هكي لما طلعت .. ماعرفتش نتكلم معاها كويس وانتي تشبحيلي ق(قصت عليه )
سمـرا :: وفوقها وجودي كان مضايقك 😳؟؟؟
عز :: لا هكي هلبا ههه .. تي خيرك يافرخه بتنكدي هكي وخلاص .. افهمي قبل بعدين تكلمي
سمـرا :: ( ضحكت بهزوة ) مااشاء الله .. وشايفني نكايديه ؟🙂👏🏻
عـز :: ( اختفت الابتسامة ) يابنتي افهمي قبل خيير دعوتك ؟
سمـرا :: مانبيش نفهم ( ولفت تاني .. )
عـز :: ( شبحلها ثواني بعدين ناضلها )
سمـرا :: ( تشتغل بعصبيــة ومتنرفزة )
عـز :: ( جــي وقف وراهـــا بضبط .. وتكلم بشوية قريب من وذنها🔥 ) لا بتفهمي
سمرا :: ( لفت بخلعه ) هيييه بسم الله 😳
عز :: ( يشبحلها بنظــرات تجنن♥️ ) وبتتعلمي تتكلمي بهدوء لين نكمل دوتي
سمرا :: هيا فكني منها حركاتك هيا وخليني نخدم ع عمري .. (بتلف .. سحبها من خصرها وقربها منه🔥 )
عـز :: ( يشبحلها بنفس نظرات ) خيرهم حركاتي ؟
سمـرا :: ( ريحته كانت اقوة ومش قادره تاخد نفسها بسبب قربـه لكبير ليها 🔥♥️)
عـز :: ( ماسكــها بأيد وحده ومتبـص راسه يشبحلها بحكم فرق طول الي كان محليهم مع بعض ♥️) ارفعيلي راسك ..
سمرا :: ( برغم نفسها الي مكانــش متنظم وريحته الي ملخبطــه كيانها .. قامت عيونها وشبحتله ♥️)
،،
🎶
لمـا تشوفگ عيني ،
انـى بنسى حياتي وبنسى سنيـني 🔥
لما بيكون ويـاگ بلاقينـي مطمنة ♥️
،،
عـز :: ( يشبح لي عيونها وكان المعنى الاصلي لقريب ) لازم تعرفي انه مافيش وحده من جنس حواء تملي عيني وانتي فيها ♥️..
سمـرا :: ( سرحانه في عيونه )
عـز :: يعني لا مرام ولا غيرها .. انى كلمتي كلمة ولما قتلك نبيك معناها نبيك 🔥... ولما نقولك نحبك معناها ليك ♥️.. غير هكي مافيش حاجة تغاري منها وانـى مش شايف غيرك اصلا ..
سمـرا :: ( بلعت ريقها بصعوبه وتكلمت بشوية ياذوب تسمع نفسها 🔥) وو وخ وخر شوي
عـز :: ( زاد نزل راسه اكتر وقرب منها ) شن قلتي♥️ ؟
سمـرا :: ( تلخبطت اكتــر وغمضت عيونها وتتكلم بشوية ) وو وخر وخر شوية لانه م مش قادرة نتنفس 🔥..
عـز :: ( قام راسه يشبحلها♥️ .. )
سمـرا :: ( تشبحله وزادت تلخبطت من عيونه ) وو وا والله نطيح هنا راه 🥺..
عـز :: ( ابتسم ) تو نشدك انى ♥️🔥..
سمـرا :: ( حطت راسها ع كتفـه ومغمضه عيونها تتكلم بكياته ) بالله عليك عز وخر😣♥️ ..
عـز :: ( ضحكـ ضحكه ع جنب تجنن ونزل راسه لي راسها أستنشـــق ريحتها 🔥زي ماكان ديما متعود وكأنه يعدل في انفــاسه المتلخبطه بيها .. وتكلم بشوية وهوا قريب منها ♥️) حاضر ..
سمـرا :: ( بعدت عليه و نزلت عيونها لوطا )
عـز :: ( قاملها راسها♥️ ) قبل مانبعد ... قوليها تاني ♥️
سمـرا :: ( شبحتله )
عـز :: قوليها والله خاطري نسمعها تاني .. ياسرني العمر هذا كله متحمل ..🔥
سمـرا :: ( عيونها تعبو دموع ) م مش ح نقدر هكي .. خليها تجي بروحها ♥️
عـز :: ( ابتسم .. وبنفـس هدوء عز الي مايكونش موجود الا معاها ♥️.. قــرب باسها بين عيونها ووخر🔥 ) زي ماتحب اميرتي حاضر ...
سمـرا :: ( مغمضه عيونها وبتحاول تنظيم تنفسها ♥️.. )
عـز :: ( ضحك ع شكلها وطلع وكأنه بيخليها ترتب المشاعر وشغف الي بعثرها ♥️🔥.. )
سمـرا :: ( فتحت عيونها وقعدت تشبح ثواني لكل زوايا الي حواليها .. تفكــرت كل موقف جمعها بي عــز .. عزوتها الي طالما ماتت فيه وفي شخصيــته وحنيته عليها .. حبه لكبيــر ليها وخوفه من كل شي ومن كل شخص عليها .. ضحكته الي ماتطلعش الا معاها .. هدوء تام في شخصية عز لما تكون في حضنه ♥️..
تفكــرت قداش جمعتهم كل زاويا في هالبيت وكانت سبب في ضحكهم وحزنهم وحبهم ..
لما مكانش ياكل الا من ايديها .. ماكانش يرقد لين يطق باب غرفتها ويشوفها اخر صورة يغمض عيونه عليها .. ♥️
ريحته الي كانت تموت فيها🔥 ..
استغربت من حبها لكبير لي عز خوفها عليه وكل شي حساته في وقتها ♥️..
استغربت انه الي كانت تشوف فيه اخ هوا اهم من كل شي في دنيتها ♥️..
نزلت منها دمعة وكأنها تمنت بين كل هالفرحة الي هيا حاستها يكون هالبيت مليــان زي قبل ..
حناها ومعتز يكونو موجودين .. ترجع ضحكات هالبيت في العالـي زي ماكانت 💔...
تمنت لو تسمع خبـر ع دنيا انها فاقت .. ورجعت تتكلم معاها تاني وتمشي تشوفها وترجع ضحكاتهم نفسها الي كانت تطلع بعد كل غصة ..
تمنت لو مشكلة فرح تنحل ولي سمعاته يطلع كذب وماتتوجعش فرح تاني ..
تمنت لو معتـز ماينحطش في موقف تخليه يختار بين وبين ويخسر حبه الي كسبه بعد تعب ..
تمنت لو بتول وجاد يقربو اكتر والحب بينهم يشتعــل ويبداء دفء ليهم ..
قداش تمنت امنية بين كل الاماني الي تتمناهم .. تمنت فرحة الكل مع فرحتها 💔...
________________________________
( المستشفــى )
..
معتـز :: شد حيلك عاد .. بعون الله مزال في امل وترجع احسن من قبل ...
سند :: ( مقعمز ع سيارته )
معتـز :: سند ماديرش هكي .. زفت وكانه انت هكي صار فيك امالا كيف هيا بتتحمل ؟؟
سند :: ( يشبح لي استيرسو سيارة وساكت )
معتـز :: ( جاه تلفون .. شبح لي سند ونزل بعد عليه شوية ) الو ..
..
فرح :: علاش ماتصلتش طمنتني عليك ؟
معتـز :: ( لف يشبح لي سند ويتكلم ) حالتهم صعبة انشغلت معاهم سامحيني
فرح :: ( جبدت لكرسي وقعمزت ) فيك شي ؟ .. صوتك تاعب
معتـز :: دنيا مافاقتش .. الغيبوبة بتستمر ومش معروف لي امتى ..
فرح :: ( دموعها نزلو أسرع من اكبر سرعة في دنيا حطت ايدها ع فمها )
معتـز :: والعيلة مايعلم بيهم الا ربي ... ( تنفخ مسح ع وجهه ورجع يشبح لي سند ) و ولي يبيها حالته تاعبه وربي ماعارف كيف نصبره
فرح :: ( زادت تبكي ) حرام .. حرام دنيا ياعمري قاعده صغيره .. والله ماتستاهل 💔..
معتـز :: ( تفكر كلام صاحبه ) مافيش حد يستاهل .. مافيش حد يستاهل يصير فيه زيها
فرح :: ( تبكي وساكته )
معتـز :: خلاص معاش تبكي . البنت محتاجة دعاء اكتر ...
فرح :: ( تبكي وغصتها ع لبنت الي شافتها ف مده صغيره وخشت خاطرها اكبر 💔)
معتـز :: ( شبح للارض وبعدين رجع عينه لي سند وتكلم بشوية ) فرح لو غلطت ف حاجة بالله عليك ماترخيش بيا .. صلحيها معاي وعرفيني غلطي المهم ماتوخريش وتتوجعي لانه مرات نطلع مانستاهلش 💔.. ( ودمعته نزلت )
فرح :: ( تمسح ف دموعها ) يالله بلا كلام فاضي .. مش ناقصني الله يرحم والديك
معتز :: نتكلم بجديات .. مرات الواحد تصير معاه حاجات يغلط ومعاش يعرف يتصرف .. انى نبداء ف هذاكا الوقت محتاجك تعلميني .. ف ماترخيش بيا ..
فرح :: ( دموعها ينزلو والخوف ف قلبها كبر ) معتز شن في ؟💔
معتـز :: ( خاف لو عرفت بكل شي يصير فيها زي دنيا ويبداء هوا دنيا دور بيه زي سند )
فرح :: معتتتز ماااتخوفنيييش عليك بالله عليككك مش ح نبداااء مستعده نخسسرك حتى انت .. شن في ؟
معتز :: ( بلع ريقه مع خنقة العبرة ودمعته نزلت ) نحبك .. تعرفي ولا ♥️؟
فرح :: ( ابتسمت ودموعها ) اكيد ياروحي .. نعرف طبعا ..♥️
معتز :: وانتي حبيني .. حبيني بشكل ماتخلنيش في يوم نغلط ف حقك ولا نزعلك 💔..
فرح :: انى ( سكتت شوية ... كان اكتر موقف بالنسبة ليها صعب انها تقول كلمة ماعمرها لي توا قالتها .. )
معتز :: عارفك مش ضروري تقوليها .. المهم خليني معاك ديما .. وخليك معاي ♥️.. ( تنهد ودمعته نزلت تاني ) حيلي مهدود وربي 💔..
فرح :: ( دموعها ينزلو ) نحبك🔥 .. والله وانى .. و و.. وانى نحبك المهم انت ماتوخرش زيهم بس
معتز :: ( قام صبعه مسح دمعته وابتسم ) مستحيل ...
( شبح لي سند نازل من سيارة ) حبيبي .. خليك فاييقه بنتصل بيك .. شوية توا نصكر
فرح :: حاضر .. ردلي بالك ع روحك بالله عليك معتز ماتشغلش بالي ♥️
معتز :: ارتاحي انتي ♥️.. انى كويس
فرح :: ف حفظ الله ( وصكرت )
........
________________________________
( تـــاني يوم )
..
( طرابــلس )
..
خيرية :: ( تكلم ف جمانة وتبكي )
بتول :: ( متبصة راسها وتبكــي بشوية )
فرح :: ( ع حالها ... لا ضحكه ولا كلمة ولا شي .. صدمتها ب دنيا وكلام معتز ملخبطها ومخليها كل شوية تنزل منها دمعه تمسحها بسرعة باش توقف مع خيرية وبتول وتصبرهم 💔)
..
انتصار :: ( وهيا لاهيـــه تقيــد في احوالهم وتشبحلهم وكأنه لا قلب لا احساس .. ناضت اول ماسمعت صوت اختها ف سقيفة الحوش )
_____________________________
انتصـار :: انتي شن جااابك ( ادف فيها للباب ) ناوية تودريني؟
سهام :: م مم ماقدرتش نتحمل .. ماقدرتش مروو عليا اياام سوود انتي ماتندريش عليهم .. نبي نشوفها ( شدت ايدين اختها بترجي ) نبي نشوفها بالله عليك شووويه ..
انتصار :: فيقي لي عممرك ياغبية .. من وراااء مصيبتك بنطلقوو .. اطلعي .. اطلللعي وانسي انك شفتيها ياالله روحي قبل مايشوفوك ..
سهام :: ( تبكي وتترجى في اختها )
...
فرح :: ( رن تلفونها شبحت لي رقم .. نفس الخوف ورعشة تاني .. ترددت شوية بعدين طلعت لي جنان وردت ) انت شن مزال تبي مني ؟
طارق :: مستاحشك .
فرح :: انت واحد مريض برا عااالج .. ومعاش تتصل بيا والا والله تشوف شي تاني مايعجبكش
طارق :: استني استني قبل ماتصكري ...
فرح :: ( رجعت تلفون لي وذنها بتقزز )
طارق :: حبيب قلبك ..
فرح :: شن تخرف ؟
طارق :: حبيبك لحنين .. خيره ماقالكش انه امك تعرف امه وعندهم علاقه قوية مع بعض 🔥..
فرح :: ( قامت عيونها بهدوء ترمش وتبي تستوعب لكلام 😳.. )
طارق :: حتى انها تعرفك كوويس وهلبا ..
فرح :: ( لفت تشبح من المرش لي انتصار الي كانت خاشة وبتقعمز ع لكرسي ) اا ان انت شن ناوي تكذب تاني 💔؟
طارق :: ياستتتي اسأليه ... اسأليه امه منين تعرف ااامك ياقنينه ( وصكر )
فرح :: ( قاعد تلفون ع وذنها وتشبح لي انتصــار ورعشتها . رعشة البنت ليتيمة رجعت تاني💔 )
_________________________
