عِــــــزوة
الحلقــة الســـادســة 🔥♥️
.....
عـز :: شن تقولي انتــي ؟؟ . .من قالكم لكلام هذا ؟
بتول :: امك شن من قال
عز :: ( مسح ع شعرها ويتنفخ ) تي زفت انى مانندريش ع شي .
بتول :: تو بتقنعني انككك عز بجلالة قدره امه بتخطبله وهوا مايعرفش ... مستحيل
عز :: ااااقسم بالله يابتول مانعرف ولا عندي علم .. كلمتني امس قتلي بوك يبيك وتعال صبح لي طرابلس . طلعت تسقدت من الفجر ووصلت كمملت نومتي ومشيت لي بوي ومافي حد فيهم فتحلي الموضوع
بتول :: لازم تعرف انه الي اديره من ورااء ميمه بيزعلها توا امك اتصلت وقالت بوك جاي بيرفعهم لي طرابلس باش تبي حناك تمشي معاها .. خليتهم هنا والعه فيهممم ناار وانت غادي تخطب
عز :: قااااعده تقووولي تتخطب .. تي اقسم بي ربببي مااسامع بيه المووضوع ولا خاطم قدامي
بتول :: والله دير راايك سامع مش سامع . انى الي خلاني نتصل بيك . بنقولك كلمتين . لو تبي تهرب من موضوعك بأنك تخطب وحده تانيه ف صدقني هكي بتخسرها . لانها من لما سمعت وهيا تبكي وحارقتها انك لا راضيتها ولا حتى طقيت باابها وماشي تخطب وفوقها من غير مايكون عندها علم
عز :: قصدك الي حرقها انه ماعندهاش علم مش لانه بنخطب ؟
بتول :: ااكيد ..
عز :: ( سكت شوية بعدين ) حاضر باه . تو نجي نعطيها علم
بتول :: مااااتبداااش غبي .. هيا ماتعرفش كيف تبيها تضايق لانك بتخطب ؟؟ ....... تعالى تكلم معاها خلاص بيختها
عز :: صكري توا مش فاضي . ( صكر )
____________________________________
( جـامعه )
..
دنيا :: ( كــانت واقفه تحت مظلمة لابسـه كبــوط أسود وسروال جينز ووشــأح وردي وبوت اسود .. كانت تفركـ ايديها ف بعض وبتموت من البــرد .. ليــن شفاته نازل من سيــارته وجايها بخطوات سريعه هارب من لمطر ... مشــي لبرد من جسمها وحست بدفء كبيــر كانت لطالما تحس فيه اول ماتشوفه .. وكأنه شاد ايديها وحاضنهم 💔... )
سند :: ( جي بسرعـــه ووقف قدامها تحت المظلــه ) حبيبـي خيرك واقفه هنا صقع جوو
دُنيا :: (بلعت ريقها وتكلمت بصعوبه ) اصلا بنتكلم كلمتين وبنخش
سند :: باه تعالي نتكلمو لداخل
دُنيا :: لا معليش .. هنا افضل ..
سند :: خيرك هكي تتكلمي .. شن في ؟!
دُنيا :: سند
سند :: عيونه♥️
دُنيا :: ( معاش عرفت تتكلم )
سند :: (ساكــت وسرحان فيها )
دُنيا :: انى معاش نقدر .......
( قالتــها بهدوء رهيــب . بملامح بـارده عاديـه .. عيونها مانزلتـش منهم دمعه وحــده
اختـارت تكون انانيـة ف وضوحها .
اختـارت تكون كريهة .. باش يلف ويمشي
أختــارت تكون لخاينه .للوعد وللايد الي نمدتلها ..
اختـارت وتحملت اختيارها
سند :: كيف ؟! ...... انتي تكسدي تكسدي وتجي تقولي معاش نبي ولا شن ؟
دُنيا :: خلاص .. هيا هكي .. حبيتك فترة اووك . بس توا معاش نحس بي شي . مانحسش بي شي شن بالسيف ؟
سند :: ( دقات قلبه كانت واضحه في عروق رقبته ) شن هيا ؟💔
دُنيا :: انى معاش نحبك . معاش نبيك يااخي نبي نكمل حياتي بعيد عليك ..
سند :: ( قرب شدلها ايديها ) دُنيا واعيه للي تقولي فيه ؟ .. حبيبي في حد مضايقك حد مقايلك حاجة . اي شي فهميني .. ام(قصت عليه )
دُنيا :: (نفضت ايديها ) خلاااااص ياااسند افهم معااش نبيك . خلاص يااخي خلي عندي وعندك قدر وامشي
سند :: ( جمد في مكانه ومعاش حس بي جسمه لين صقع من كلامها )
دُنيا :: انساني وانسى العشرة الي بيني وبينك .. انى نبي نعيش ونكمل حياتي وانت لف وخليني امشي وعيش حياتك
سند :: ( قرب ووقف قدامها بضبط ومكانش يفصلهم الا انفاسهم ) دُنيا 💔..
دُنيا :: ( ماسمحتش حتى لرموشها يتحركو )
سند :: لو نلف .. ونمشي ولو خطوة وحده . وربــي .. وربي يادنيا ماح نننرجع نلف ولا نشبحلك حتى بربع عين
دُنيا :: اي لف .. لف وامشي وماتشبحليش . كمل حياتك وكأنه عمرها ماكانت فيها حاجة اسمها دنيا .. وانى اصلا عادي ح ننساك اول ماتلف وتمشي
سند :: ( عروقه زادو برزو بالعصبيه ويتكلم ومعصي ع سنونه ) ادوي باااااهي .. قوليلي قبل مانمشي علاش تغيرتي قولي قبل مانمشي ونخليك
دنيا :: لا امشي ... امشي مافيش شي غير انك وجودك بدي مضايقني ..
سند :: اوك .... ( وخر وقام ايديه ) انى رفعت ايديا .. منك ومن اي مسؤولية كنت نحس فيها اتجاهك .. معاش تهميني . ووعد ووعد مني ح نكمل حياتي ولا كأنك كنتي فيها💔 ( ولف )
دُنيا :: ( رفعت راسها بتنهيـــده كبيــــره .. فتحت فمها وحاولت تاخد نفس بطريقة وكأنها كانت مغمومه .. وملامحــها نقلبت في ثواني .. قعدت تراقب فيه لين ركب سيـارة قعد ثواني وبعدين ولعها وطلع بسرعة كبيـرة ..
في نفس لحظــة نزلو دموع لي دُنيا ماعمرهم نزلو في حياتـــها كلها حطت ايدها ع قلبها وكأنها ادخل فيه وهوا يبي يطلع من مكاننه ...
يبيــ يطلع ويلحق شي الوحيد الي سكنه .. شي الوحيد االــي عاش فيه .. 💔
____________
( المستشفـــى )
..
بتـول :: ( ف مكتبها )
ايمان :: ( طقت وطبست راسها ) دكتورة .. فاضيه ؟
بتول :: ( ابتسمت وصكرت لاب ) تفضلي ايمو تعالي ..
ايمان :: ( خشت وصكرت الباب ) .. عندك مريضه .. بس مابيتش ندخلها .. قلت نحس ف جوك مش تمام .. ناخدها انى
بتول :: ياريت .. بس لو اسمها رحمة صعب . لانها طلبتني ع رقمي لخاص وهذا موعدها
ايمان :: خيره جوك ؟
بتول :: مش عارفه ... جوي ملخبط شوية .. العيلة مش تمام ونخمم في بنت عمي وحاجات مخلطه
ايمان :: لو تبـي تفضفضي عارفه انه انى موجوده صح ؟
بتول :: عــارفه ياروحي .. يالله دخليها خلي نشوفها باش نروح
ايمان :: تمام .. ( ومشت بدخلها ومتفركسه )
.........
رحمـة :: ( طقت ع لباب وخشت ) سلام ..
بتول :: ( تلبس ف بالطوها ) اهلين وعليكم سلام .. تفضلي
رحمة :: ( حطت شنطتها ع لكرسي وقعمزت ع لكرسي الي مقابله )
بتول :: اول شي اعطيني اسمك كامل وعمرك .. ( وبدت تكتب )
رحمة :: رحمة عبد المجيد . 28 سنة ..
بتول :: بطولة عمرك .... ( حطت لقلم والورقة ) احكيلي توا . شن تحسي . يعني شن الي يوجع فيك ..
رحمة :: قلبـي ...
بتول :: ( رفعت حاجبها بأستغراب بعدين أبتسمت ) هه بصراحة يعني . يعني الف سلامه عليك . بس انى مش دكتورة قلبي . صعب تلقي علاجك عندي
رحمة :: لا بالعكس .. علاجي عندك ...
بتول :: ( قرنة حواجبها ) عفوا ؟
رحمة :: معقوله ماعرفتنيش .. يعني ماعمره قال اسمي قدامك
بتول :: قال اسمك ؟؟؟ ع شن تحكي ؟
رحمة :: رحمة .. مايفكركش بي حد ؟
بتول :: انى مافيش حد نعرفه اسمه رحمة من قبل .. وياريت كلام الالغاز نفوتوه ..
رحمة :: انتي ممكن ماتعرفيش . لكن راجلك يعرف
بتول :: ( توسعو عيونها بشوية ) رر راجلي ؟
رحمة :: اي . جاد ( ابتسمت وحطت رجل ع رجل ) شكله مش حكيلك عليا ...
بتول :: ( كيف خدت نفس وبتتكلم . نفتح باب المكتب . رفعت عيونها طول للباب )
جاد :: انتي شن اديري هنا ..
رحمة :: ( تلفتتله ... )
......................................
( نرجعو بالزمن شويه )
..
ايمان :: الو ؟!
جاد :: اووو ايمان كيف لحال
ايمان :: مش تمام بكل .. انت وين توا ؟
جاد :: انى كيف وصلت كنت بايت ف طرابلس .. شن في ؟
ايمان :: رحمة هنا
جاد :: ( شد فرينو ) وين هنا ؟
ايمان :: يعني وين هنا . ف لمستشفى .. اسمع سلم وخيي انى غطيت اكتتر من اي حد ف دنيا .. لكن بصراحه معاش نقدر
جاد :: تي شن دير ال******** غادي زززفت
ايمان :: مانعرفش .. الحيوانه طلعت طالبه بتول بالاسم ..
جاد :: تمام هي ثواني ونجي .. انتي بري حاولي تاخديها انتي ماتخليش بتول تاخدها
ايمان :: نحاول حاضر .
جاد :: منورة ااايمان ..
ايمان :: ولوو جاد انت زي وخيي ... هي برا توا
( ايمان وجاد وبتول وعز كانو دفعه وحده .. بس بتول كملت قرايتها هنا مش ف طرابلس وماكنتش تعرف شكل رحمة نهائي 💗)
____________________________
( حـــوش خيــرية )
..
خيرية :: قلت مانبيش يعني مانبيش
محمد :: لاحولا ولاقوة الا بالله يااام .. تي غير بري غيرو معاي جوكم غادي ..
خيرية :: ماااانيش طالعه ..
محمد :: اسمعي ياام .. قصةةة هكي كبرها صارت هنا وبنت خشت حوشك وقلتي بتقعد معاك وسكتت وماتكلمتش وو(قصت عليه )
خيرية :: لا بالك بتتكلم .. والله حوشي وانى ندير فيه مانبي .حره يابابا بالك بتدخل فيا ؟؟؟؟ .. ياااسر بتخطب لي ولدك وانى ماعنديش حتى عععلم . كله من جرااااير مرتك سوووسه (قالتها ع خشت سمرا )
سمرا :: (عطت لي عمها شاهي ) تفضل عمو
محمد :: سلمها بنتي .. اقنعيها معاي والله ماعاد قدرتها انى
سمرا :: ( شبحت لي حناها )
خيرية :: تتتطلع منك كلمة وحده نسيبلكم الحووش ايوه ..
عز :: ( طق ع خفيف من بابا ) ععيييله
سمرا :: ( سمعت صوته ومعاش طلع منها ولا حرف 🔥)
خيرية :: نوض قول لي ولدك يخخش مافيش حد ...
محمد :: زززززود ياااااعززز مافي حدد ..
خيرية :: قلتلك نوضله مش عيطله انى نعرف نصيييح مش تعلمني 😒
محمد :: ههههه لا حولا ولاقوة الا بالله 😂...
عز :: سلااام عليكم ... ( وشبح لي سمرا ♥️)
ردو كلهم سلام ....
خيرية :: شن جيبك انت هنا .. مش تبي طرابلس قعدت فيها
سمرا :: ( عيونها ع ايديها الي تلعب بيهم )
عز :: ( جي قعمز جنب سمرا بضبط ) انى معقوله يامييمه ؟
سمرا :: ( صوت دقات وريحة الي واصلتها كانت مخليتها ساكته وبس 🔥♥️ )
خيرية :: ااايه اي توا عسل لسااانك ..
محمد :: ليا ساااعة نقنع فيها تمشي معاي لي طرابلس شوية بس . تغير جوها ...
عز :: هيا عاااد حناي شن فيها .. يومين ونروح بيك وعد ...
خيرية :: ( تلوي وماتبيش )
محمد :: كله كله ع خاطر موضوع امك الي قالتهولها ..
عز :: ( ضحك بأستفزاز ) خيرك يااميمه ( وناض قعمز تحت رجليها ) .. ماتبيش تفرحي بيا ؟؟؟
سمرا :: ( قامت عيونها بصدمه لي عز 💔)
خيرية :: ( شبحتله وقلبها خض ) قصدك انت تبي ؟
عز :: ( شبح لي سمرا ) وعلاش لا 🔥..
خيرية :: ( تلكلكت ف لكلام وتشبحله )
سمرا :: ( تشبح لي عز وعيونــها تعبو دموع 💔)
عز :: نبي اي 🔥... ( قالها وهوا يشبح لي سمرا وبعدين شبح لي حناه ) يااسرنا كبرنا رااه ياميمه
خيرية :: ( شدت سمرا من ايدها بدون ماحد يحس 💔) يباركلك الله معناها
سمرا :: ( ابتسمت بغصه ) ربي يتتمم ع خير 💔
عز :: ( شبحلها ) ونفرح بيك ...
سمرا :: ( ابتسمت اكتر ) لا كيف عاد .. نتهنى عليك قبل
عز :: لا ان شاء الله مع بعضنا ... تو ندورلك عريس كويس ( شبح لي حناه ) مش قلتي جاها عريس الفترة الي فاتت ؟💔
سمرا :: لا ... زي ما جبت عروستك بروحك . بنجيبه بروحي ( قالتها وهيا رافعه راسها ماتبيش دموعها ينزلو ومبتسمه )
عز :: ( عصى ع سنونه وهوا يتكلم ) كيف بروحك ؟
خيرية :: ( استغلت لموقف ) والله بنتي بتبدى ع جامعه تو تجيبه مش صعب ..
محمد :: ( ساكت ويشبحلهم )
عز :: ( شبح لي سمرا ) ومن قالك بتبداء فيها جامعه ؟
سمرا :: ( بصدمه ) نن نعم 😳💔؟؟
عز :: ( وقف ) هي بوي نتوكلو ... ؟ هيا ميمه نوضو جهزو روحكم وقت .. ( وطلع )
محمد :: هي نوضي ياام والله جاي من طرابلس ع خاطرك
خيرية :: ( تشبح لي سمرا وقلبها واكلها عليها ) هي نوضي بنتي ..
سمرا :: ( شبحت لي حناها وعيونها يتكلمو )
خيرية :: هيا سلم بنتي .. يومين ونروحو ..
محمد :: ( طلع وراء عز )
سمرا :: بب بي بيخطب 💔؟؟ .. ( قالتها وفمها يرعش )
خيرية :: ( كانت عارف انه سمرا واجعها قلبها لانها تموت في عز .. بس تموت فيه لانه عزوتها وسندها .. بس الحب الي داخلها وتقنع فيها روحها بيه انه حب اخوة .. هوا حب تاني بس سمرا تبي من يوضحلها هاشـــي 💔 )
سمرا :: (ناضت طول لي دارها وقلبها عاصرها من مشية طرابلس )
...........................................................
( المستشفى )
..
بتول :: ( وقفت ) ممكن نفهم شن صاير هنا ؟؟؟
جاد :: نوضي اطلعي برا ..
رحمة :: عصفورتك قاعده ماتغيرتش . تعاودلك ف كل صغيره وكبيره ماشاء الله ( قالتها وقاصده ايمان )
جاد :: ( شدها من مرفقها ) قتلك اااطلعي برا
بتول :: ( جت طول نحت ايد جااد )
جاد :: ( شبح لي بتول وقام حاجبه )
بتول :: من هذي ؟؟؟ ( قالتها وواقفه قدام رحمة )
جاد :: نحكيلك لما تطلع .. ( شبح لي رحمة ) تي شن تراجي انتي
رحمة :: لالا ( قعمزت ) احكيلها وانى موجوده نبي نسمع شن بتقول عليا
جاد :: ان(قصت عليه )
رحمة :: انى حبيبته ..
بتول :: ( سمعتها وقاعده عاطيتها بظهر وتشبح للارض عرفتها انها هيا نفسها الي عاشت بسببها ف جحيم 💔💔)
رحمة :: حبيبته الي وعدها انه يتزوج فترة وياخدها . بس طبعا لما تزوجت قال انه فوته ورخيت بيه .. بس هوا عطل ولكلام بدي عليا ...وانتي تعرفي انه بنت ناس مايخلوهاش ف حالها ...
جاد :: تع(قصت عليه )
رحمة :: بعدين قعدنا نتواصلو . .لكن حسيت انه في فترة ارخي قلت بالك مرته ضايقاته ؟
بتول :: ( فتحت عيونها بصدمة ودموعها نزلو وشبحتله💔 )
جاد :: ( غمض عيونه بعصبية )
بتول :: ( قامت حاجبها ودمعتها تننزل وابتسمت بهزوة💔 )
رحمة :: يعني .. مرات مهانش عليه يكمل خيانته ..
بتول :: ( شبحت للارض بعدين لفت شبحت لي رحمة💔 )
رحمة :: ( وقفت ) جيت نقولك ربييه راجلك لان( قعده ماكملتش كلمتها وضربتها كككف لي رحمةةة صوته نسمع في لمستشفى كامله 🔥)
بتول :: ( قربت وقفت قدامها ) بري تربي انتي الاول .. عارفه لو شفت وجهك في اي مكان رجلي تعتبه .. ورحمة بوي ندفنك تحت ممشاي ...اطلعي 🔥
رحمة :: ( حاطه ايدها مكان لكف وتشبح لي جاد )
بتول :: اطلعي ...
رحمة :: _( جت بتطلع )
بتول :: ااستني .. ( شبحت لي جاد ) نسيتي حاجة تخصك 🔥..
جاد :: ( شبح لي بتول )
بتول :: خوديه معاك .... اطلع معاها 💔...
جاد :: ( قرن حواجبه ) انتي شن تقولي ..
بتول :: انى قاعده ماقلت شي ( نزلو دموعها ) انى لو بنقول مش ح نسكت ... اطلع معاها 💔
جاد :: مش طالع ... ( قالها ويشبحلها كيف تبكي وتتكلم .. )
بتول :: اي معناها خليكم ... نستأذن انى ( قربت منه اكتر ) كل يوم نقول جرحك بس ح يداويك .. لكن كل يوم جرح يكبر اكتر من جرح الي قبله .. مش مسامحتك 💔
جاد :: ( يحرك ف راسه بنفي للي هيا تقول فيه )
بتول :: برا ربي مايعطيك الفرح زي مااوجعتني 💔.. ( وطلعت )
جاد :: ( جي بيتنهد بس الخنقه كانت اقوة )
رحمة :: ( وقفت قدامه ) امالا تحساب لعب بلولايه كويس ؟
جاد :: ( شدها من معصمها ) ووووحيااااااة اغلى حاجة عندي . الا مانعيشك الي عيشتيهولي اضعاااف ( وطلع وراء بتول )
( اما رحمة ... ف كانت اسعد وحده حتى لو رد كان كف . المهم انها كانت شايفه الكف الاكبر الي عطاته لي جاد ... )
( هلبـا نـاس سعادتها ماتجيش الا بعد تعاسة غيرهم )
........................
جاد :: ( نزل من دروج وعيونه يمين ويسار يدور فيها . لين لقاها ماشية في دور تاني ومستنده ع لحيط لين وصلت لي رسبشن ) بتول ..
بتول :: ( شدت شدت وبعدين طاحت .. حست بالدنيا تلف بيها وعيونها معاش يشوفو في شي الا ضباب .. واخر شي حست بيه انه رجليها خانوها وطيحوها ع الارض 💔)
جاد :: ( بدل ماكان يمشي بشوية رجليها سرعوو ومشالها يجري ويصيح لي دكاتره لين وصل فيها ... قعد يضرب ع خدها بشوية يبي ينوضها ويصيح يطلب ف دكتور . قامها ومشي يجري وراء الممرضات لي داار . رقدها ع سرير وبدو الممرضاات يطلعو فيه 💔... )
ايمان :: جاااااد ... ( وجت تجري ) شنن ففففي ؟؟ خيرها بتول ؟
جاد :: ( عيونه حمر وخشمه احمر ) داخت ..
ايمان :: ( شبحتله بعدين شبحت لي دار ومشت تجري لي بتول )
جاد :: شن درت فيك انى زفت💔 ( وحط ايديه ع راسه ) خلاص خسرتك .. خسرتك وربي
....
خسرتكـ .,,,, زعما جاد بس الي خسر ؟؟ 💔
_________________________
( كــرسي ع كرنيــش طريق مُطل ع لبحـــر ... )
،،
دُنيا :: ( كانت مقعمزة .. ولمطر تنزل عليها ... كان عيونها ع لبحر .. سرحانه ومش حاسه بي اي حاجة حواليها ... كانو ايديها الباردات ماسكين بأحكام في اطراف الكُرــسي .. ميله ضهرها وتهز وكانت ملامح بلهاء ع وجهه .. دموعها نزلو اول ماتفكـــرت ...
تفكرت ايامها كيــف بتمشي .. تفكرت انه صوت الي تسمع فيها في بداية يومها ونهايته توا بتسمعه غيرها ...
تفكرت وجع قلبها الي كان يداوي فيه توا بيداوي وجع غيرها
تفكرت دموع الي كانت تنمسح ع ايده توا بيمسح دموع غيرها
نزلو دموعها بقوة . وبصوت لي درجة الي يخطمو يشبحولها ويشبحو لي حالتها كيف مبلوله 💔
...
أما سند ... ف كان مقعمز ف كرسيــه ف سيــارته وراها بضبط ع جيهة تانيه من طريق ... كان يشبحلها وقابض ع ستيرسو سيارة .. كان عارف انه في شي وكان شاك انه كلامها فيه شي وراء افعالها . وشك هذا خلاه يدرس قدام لجامعه وهوا كان متأكد انه ح يشوف سيارتها طالعه .. وطلع وراها .. كان يشبحلها ويزيد ف قوة قبضة ايده . يشبحلها كيف تبكي ولمطر تنزل عليها وهيا مش حاسه بي شي ... كان مستني مكالمه وكان مستني انها ترجع تقول كلام تاني وتبرر ... من كلامها ووخر بس داخله رافض يصدق .. 💔
،،
محلاها لما تلقــي شخص يعرفك . وفاهمك . حتى لما تغلطي يقول هيا مش قاصده واكيد كان في شي خلاها تغلط ... بس الي مش حلو انك ماتقدريش هالقيمه .. والوعد الي عطيتيه في يوم تخلفي بيه ✋...
دُنيا خدت نفس اخير من لبحر .. مسحت دموعها وسمعت صوت تلفونها ف شنطتها لقتها امها داراته صامت .. وناضت لفت ماشيه لي سيــارتها بخطوات متعثرة ... لين لمحت سيارته وقفت تشبحله💔 ..
سند :: ( يشبححلها من روشن .. )
دُنيا :: ( نزلت راسها وفتحت باب سيارة وركبت وولعتها ومشت وهيا تردد في كلمة ) خلااص خليييني بالله عليك خلااص 💔...
سند :: ( قعد يشبح لي سيارتها وهيا ماشيه )
__________________________________
( حوش خيرية )
صكرت خيرية اخر طقه وطلعت هيا وبناتها لي سيارات ..
سمرا :: ( سبقت خطواتها ومشت لي سيارة عمها طول .. وركبت من تالي )
فرح :: ( شبحت لي عز وبعدين لحقت سمرا قعمزت جنبها )
خيرية :: ( ركبت جنب ولدها من قدام )
عز :: ( طق ع روشن بوه ) بناخد سمرا معاي باش نتسايرو في طريق ..
محمد :: ( شبح لي سمرا ) اي بنتي انزلي معاه ..
عز :: ( ومشي لي سيارته )
سمرا :: حح حاضر 💔.. ( مشت وهيا ترعش مع بعضها )
فرح :: ( اطبطب ع ايد سمرا وتهدي فيها بكلام عيونها 💗 )
_________________________________
( ف طريـــق )
..
عز :: ( يمشي وراء بووه ) ماباركتيش ...
سمرا :: ( تشبح لي طريق وساكته )
عز :: ( زاد في سرعة وجتاز بوه وجي قدامه )
سمرا :: ( شدت في ايده ) ممم معاش تتسرع تعرفني مانحبش سواقه هيا 💔
عز :: ( شبح لي ايدها 🔥)
سمرا :: ( نحت ايدها وشبحت لي روشن ) نبي نركب مع عمي
عز :: ( زاد في سرعه )
سمرا :: (غمضت عيونها وشاده ف لباب ) عزززز نزلني نبي عمي 💔
عز :: ( شد يمينه وشد فرينو بالقوة )
..
محمد :: ( جي درس وراه )
عز :: ( نزل ومشي لي بوه ) امشي انت . بنعبي لبنزينه وجاي وراك
محمد :: عندك بانقه ؟
عز :: اي عندي .. توكلو انتم لمطر بتزيد شكلها ..
محمد :: لالا تو نراجيك نمشو مع بعض
عز :: توكل يااابوي اصلا معتز كلمني توا قال لاحقني بنراجيه لين يجي ..
محمد :: ( كيف بيتكلم قاطعاته خيرية )
خيرية :: تتتي هيا مااانتحملش سيااراات انى راه . قالك تو نلحق خلاص ..
محمد :: باهي هي ..
عز :: ( مشي لي سيارته )
..
سمرا :: ( تشوف لي سيارة عمها الي ماشيه )
عز :: ( فتح الباب وركب وصكره )
سمرا :: عع عمي علاش مشي .. احني خيرنا وقفنا ؟
عز :: ( ساكت طلع دخان )
سمرا :: نن نكلم فيك ماتخلنيش هكي ندوي بروحي 💔...
عز :: حتى مع مؤيد هكي درتي .. ( شبحلها ) خفتي لما كنتي معاه بروحك ؟
سمرا :: ( تشبحله ودموعها نزلو ) اا ان انت خيرك هكي تتكلم معاي ؟💔
عز :: ( شبح لي دموعها وقلبه يعصر فيه ) ماقلت شي .. ( شبح قدامه )
سمرا :: نبي نروح ... معاش نبي نقعد معاك .. كلملي عمممي نبي نركب معاه💔 ..
عز :: خلاص بلا معيله .. اسكتي وريحينا شويه ونمشو ...
سمرا :: ( لف وحطت ايديها ع وجهه وتبكي )
عز :: ( فتح باب سيارة ونزل وقربعه وقف ع سيارة )
سمرا :: ( نتفضت من صوت لباب وزادت في بكاها 💔)
عز :: ( حس روحه زودها معاها .. يبيها تحس بس اختار طريقه غلط ... كان قلبه وااالع من تصرفااتها معاه ع انه خوها .. وهوا احساس الاخوة هذا كان يتمنى يعدمه .. لوح دخانه وركبلها💔 )
_________________________________
