عِــــزوة
الحلقـــة الســابعه 🔥♥️ ....
____________________________
صبـــاح ليــوم مُختلف .....
_____
( حــوش جُمـــانه )
..
دُنيا :: ماما خلاص بالله عليك .. معاش نبي
جُمانه :: ( تفطر فيها ) لا زيدي ماما واخده دواء راك . تو تصيرلك قرحه
دُنيا :: ياماما والله خلاص معاش عندي نيه .. مش بالسيف
مُصطفى :: خايفين عليك يابنتي تنتكســي تاني .. زيدي من اميمتك الفم الاخير هذا ووعد معاش نغصبو عليك ..
دُنيا :: ( بدت تــاكل )
سُهير :: ( فتحت الباب بقوة وخشت وجهه مايتفسرش )
جُمانه :: اهلين سهير .. خشي بنتي ( تلم ف صفرة ) خلي ننزل انى مدامه جيتي خليك معاها
سهير :: ( تتكلم وتشبح لي دنيا ) تمام مرت عمي
مصطفى :: هاتــي خلي نساعدك ( ونزل الحاجات مع جُمانه )
سهير :: ( استنتهــــم لين طلعو وصكرت الباب .. ) تقدري تفهميني يااادكتووورة شن الي صاير ؟
دُنيا :: ( غمضت عيونها ولفت لي روشن دارها وفتحتهم ) بالله عليك سهير اهدي راسي مصدع وماعنــديش نيه نتكلم 💔
سهـير :: شن لكلام الي سمعته من سند ؟؟
دُنيا :: ( قالت اسمه وقلبها فز ... شبحتلها ) شش شفتيه ؟🥺
سهيـر :: كنت في حوش اماليا ... نبي نفهم شن الي صاير . علاش هكي قلتي وعلاش هكي كانت تصرفاتك معاه ؟
دُنيا :: ( تنهـــدت ) لانه هذا صح سهير .. وماتضغطيش عليا ماعنديش نيه في لكلام ..
سهير :: امي ولا ؟؟؟
دُنيا :: ( تشبح لي روشن وساكته )
سهير :: هيا امممي .. اقسم بالله الا قلبي كان حاسس . كلماتك ولا ؟
دُنيا :: ( دموعها نزلو ) سهير بالله عليك خليني والله تعبااانه وتعبت من سمع لكلام ولكلامممم نفسه .. خلاص خليني 💔( وغمت راسها )
سهير :: ااانتي عندك نية تتفرجي ع حبيبك يتزوج غيرك انتي حره . لكن انى ماعنديش نيه خوي يخرب حياته مع وحده مايحبهاش بسبببك وبسبب امي .. وربي الا مانقعد وراء المووضوع لين نجيبه وقولي سهير ماقالتش ... ( وفتحت الباب وطلعت )
دُنيا :: ( دفنت وجهها في مخدتها وزادت تبكي 💔)
___________________________________
( طــرابـلس )
..
انتصار :: ( واقفه في لمطبـــخ وتفركـ في ايديها بتوتر )
خيرية :: ( خشتلها ) خير ان شاء الله علاش قلتي تعالي نبيك ؟
انتصـار :: البنت شن اديررر عندككك ؟؟
خيرية :: ( بأستفزاز ) ع اما بنت تحكي ؟؟
انتصـار :: ياعمتي فاهمه شن نقصددد .. فرح كيف وصلتلك وشن ادير عندك ؟
خيريـة :: انى قتلك . قتتلك لما طلعت من حوشي من هنا ومشيت لي طراابلس شن ناويه ولا ماقلتش ؟؟
انتصــار :: انتي علاش حاطه المووضوع ف راسك . علاش تبي تردي الوقت وعلاش ناوية تخربي عليا علاش ؟
خيريـة :: نخرب عليك ؟؟؟ ... علاش بنخرب عليك . مش قلتي كله صار وبيعلم من اختك ومعاك في كل شي ... علاش بنخرب عليك امالا ...
انتصـار :: ( بلعت ريقها ) اسم( قصت عليها )
خيريـة :: اسمعيني كويس .. انى كلها كلها يومين وبنرجع لي طرابلس وحويشي وبناتي معاي .. من هنا لين نروح لا انتي ولا غيرك يتعرض لي فرح واقسم بالله الي سكتهولك ف سنين الي فاتو نطلعه ع جثك ... ( وطلعت )
انتصار :: ( خبطت برجلها وخبطت ع راسها ) الله رزيني فيك ياعزوزة شر
_______________________________
خيرية :: ( طالعه من المطبخ ) .. سمورة صباح الوردات 💗
سمرا :: ( نازله من دروج وتقيم في شعرها ) صباح نور ميمه . فرح ناضت ؟
خيرية :: لالا . امس مارقدتش لانه لمكان تغير عليها . خليها تو نوضها بعد شوية . تعالي هي يحطو ف لفطور
سمرا :: ( حضنت خيرية وطلعت هيا وياها لي جنان 💗)
___________________________
( جنينــــة كبيــرة تجمــع اكتر من بيـتين ♥️..
البيت الاول هوا عيلة محمد أب عز
البيت تاني هوا بيت عيلة جاد امه وبوه
البيت ثالث هوا بيت عيلة بتول بوها متوفي وقاعدين امها وخوها مسافر
البيت رابع هوا بيت عمهم صالح عنده ولد واحد ومرته متوفيه
_______________
محمد :: ( ناض وخله لمكان لي امه وقعمز جنبها ) كيف نوضتي اليوم ياام ؟
خيرية :: خير من حالك 😒 ( وتراقب في عز وسمرا )
محمد :: ( بلعها وسكت 😂 )
عـز :: ( كان مقعمز في اخر طاولة ع ليمين .. ويشبح لي سمرا ♥️)
سمرا :: ( مشت جنبه وجبدت كُرسـي وقعمزت وشبحتله بي ابتسامة خفيفه وبريئة ) صباح خير 💗..
عز :: ( شبحلها وعيونــه تلمعه بعدين نزل عيونه لي تلفونه ورد عليها ببرود ) صباح الخير
سمرا :: ( اختفت ابتسامتها 💔.. )
نجلاء :: سموورتي .. ( قالتها وهيا جايه مبتسمه وعيونها قلوب قلوب )
سمرا :: ( شبحتلها ) خوويلتي 🥺( وناضتلها تحضن فيها )
نجلاء :: نجيلي سميررتي محلاها وكيف كبرتي ياغاليتي ♥️( وتبوس فيها )
سمرا :: ( مبتسمه وفرحانه ) والله استحشتك خويله نجوله هلبا ♥️
( نجلاء أُم جاد )
نجلاء :: والله وانى ... ( ومشت تسلم ع لباقي )
سمرا :: ( قعدت واقفه لما شافت مرت عمها تانيه )
سالمة :: سمرا بنيتي ( ومشتلها تسلم عليها )
( سالمة ام بتول )
( الكل كان فرحان بي جيت خيرية وسمرا .. كانو عارفين من لكلام انه في ضيفه مع خيرية وسألو عليها وقعمزو في اماكنهم ♥️)
..
معتز :: صباح خير ( قالها وجي جنب امه )
الكُل ردو عليه 💚..
معتز :: ( شبح لي سمرا ) سمرتي بالله عليك قهوة ..
سمرا :: ( شبحت لي عز ) البكرج بحداك .. تعطيهولي ؟
عز :: ( قعد يشبح لي تلفونه وماباش يرد عليها )
سمرا :: ( تحشمت وتشبح للعيلة مركزين في تهدريز💔 ) عع عز نكلم فيك
عز :: ( ماباش حتى يرفع عينه فيها )
معتز :: ( مركز فيهم ومش عاجبه تصرفات خوه )
سمرا :: ( ناضت من كرسيها ومدت ايدها بتجيبه .. قماته وحست بيه سخون بترده تاني طاح ع ايدها ) ااااحححيه 💔
عز :: ينعن ( وحط تلفونه وشدلها ايدها ) تتتي وين مفااقيصك ززفت ..
سالمة :: صار خير صار خير .. بري اغسليها بنتي بري
عز :: ( شبح لي عيونها وشد ايدها ) توجع فيك 🔥؟
سمرا :: (جبدت ايدها وتنفخ فيها ) مافيا شي 💔
انتصار :: عاد ماصار شي كله كله قهوة .. ( قالتها وناضت تمسح ف طاولة ) هوا غير عمتي الله يسامحها مدلعاتك
سمرا :: ( قامت حواجبها وشبحت لي عز 💔)
عز :: ( غمض عيونه بنفاذ صبر ونفخ وناض )
سالمة :: العفووو . .قهوة سخونه شن فيها من دلع ( وناضت لي سمرا ) شن بنتي تحرق فيك .. نديرلك مرهم ؟💗
سمرا :: لا خويله عادي . تو نغسلها عادي تمشي مع حاجة مثلجة
خيرية :: ( تاكل وتتكلم ) والله بنتي تحس عندها قليب رهيف 💗( شبحت لي انتصار ) ماتفهميش فيه لكلام هذا ماه 😒( قالتها وهيا تلقح )
نجلاء :: (شاده ضحكتها ) بري سمورتي اغسلي ايدك اهو صبيتله انى معتز 💗( ومدتله )
معتز :: منورة ... ( ومشي جنب سمرا ويتكلم بدون ماحد يحس ) سمرتي توجع فيك ؟
سمرا :: ( ابتسمتله ) لا ياغالي مافيا شي .. تو نغسلها وتمشي . اصلا من توا وبردت 💗
خيرية :: ( تشبح لي سمرا وقلبها عاصرها )
جمال :: من لقردةةة الي جتني هذي مني ( وجي لي سمرا )
سمرا :: ( ضحكتها ماليا وجهه ) عمممي 🥺( ومشتله )
معتز :: اهو جي . تو مايخليهاش لين تضحك 😅( وقعمز )
محمد :: اووو بنغار راه 😒( ويشبح لي سمرا )
سمرا :: ( حاضنه جمالل ) لا عاد انتم اغلا عماام والله ان(قاعده ماكملتش كلمتها )
رضوان :: ماااشاء الله قاااعدين نفس اللمة ؟؟؟ ( قالها ويكر في شنطه♥️ )
سمرا :: ( تبصت وعيطت بصوت عاالي ) رضوووووووان 😳♥️♥️( ومشتله تجري )
( وناضو العيله كلها فرحانين )
رضوان :: قريدتتتي ( وحضنها ) مااااشااء الله عليها كيف كبرتتتي يافرختي 😍
سمرا :: ( حاضناته وتضحك )
سالمة :: وووليدي ( ومشتله تحضن فيه وتبوس فيه وتشم في ريحته ) الله يااااربي استجبت دعااائي 😍♥️...
عز :: ( طلع من حوشهم ويشبح من بعيد )
معتز :: ااااه ياااكلب ( ويحضن فيه ) هكي نهدرز عليك ليل كله ماااتقوليش ياااخامر 😂
رضوان :: هههههه مفاجأة يااجاهل😂 ( ويحضن فيه )
( سلم عليهم كلهم ولف لي سمرا )
رضوان :: تتتعالي قريدتي تعالي والله مامصدق موليا عروسه ♥️( وحضنها بأيده ومشو كلهم للطاوله )
انتصار :: ( تتكلم مع سالمه ) هذي خيرها حااضنه ولدك هكي العفو العفو .. لاعيب لا حشمه
سالمه :: ( شبحتلها وتمسح في دموعها ) والله رضوان مربيها من وهيا في لفه . زي عزز بضبط .. يعني سمرا ورضوان وعز معروفين علاقتهم ببعض .. وانى راضيه ونبيه يحضنها😒🔥 ( ومشت وراه ولدها )
عز :: ( يشبح لي رضوان وكيف حاضن سمرا ويغلي ) اوووه رضوان
رضوان :: ( مشاله ) غاااالي♥️ ( وحضنه )
عز :: ( يحضن فيه ويشبح لي سمرا وعيونه شرار )
رضوان :: والله ليك وحشه ياامعفن . معتز يسأل انت زي قلتك عندي ف لفيس 😒
سمرا :: ( سرحت في نظرات عز وقلبها يرعش مع بعضه )
عز :: ( نحى عيونه وشبحله ) والله مانفضى ياغالي . لكن عارف غلاوتتك ولا ؟
سمرا :: ( مبتسمه لي رضوان )
رضوان :: اي والله عارف ... ( جبد كرسي وقعمز )
تااعب والله تبهدلت فيها هاااسفره ( شبح لي سمرا ) تعالي جنبي تعالي والله ليك وحشه يانقناقه ... ( شبح لي عز ) تتفكر فيها بعياطها هيا الي ماتخليش حد يرقد . كبرت ههه😂♥️
عز :: ( يغلي ومقعمز يشبحلهم 🔥)
سمرا :: ( جت بتجبد كرسي بتقعمز جنب رضوان )
عز :: امشي داوي ايدك ... ( ويشبحلها )
سمرا :: خلاص معاش فيها شي هيااص(قص عليها )
عز :: ( دف لكرسي بشوية وناض ) شوية ونجيك رضوان ... تعالي معاي 🔥( ومشي )
سمرا :: ( مشت وراء عز وقلبها بيطيح 💔)
رضوان :: ( لف للعيلة ويهدرز وفرحان بشوفتهم )
معتز :: ( لاحظ غياب فرح ناض خش للحوش )
___________________________________
( ف لمطبخ )
..
عز :: اطلعي فوزيه (قالها لي شغاله متعهم ومشي للدرج الي فيه الادوية )
فوزية :: ( ابتسمت لي سمرا الي خاشه وايديها شاده بيهم اطراف بلوزتها وطلعت )
سمرا :: ( وقفت جنب الباب 💔)
عز :: ( بدون مايلف ) قربي
سمرا :: ( قربت بخطوات هاديه )
_______________________________
