عِــــزوة
الحلقــة التــانية 🔥♥️
_______________________
( حـوش جمـانه )
سهير :: ( تاكل في سبـول وتتكلم ) صار داروه كامل مكمل 🙂
سند :: اي ماشاء الله ... وين انتي ؟!
سهيـر :: في داري كيف بنرقد . قلت نشوفك ونقصقصك .
سند :: ( ضحكـ ضحكة خفيفه .. ينزل في بضاعه من سيـاره ) تعرفي نبي اسبوع نوم انى لما نروح ...
سهيـر :: مابعدك ياوخي قايم العرس كله ع دماغك . انت امتى مروح ( وشبحت لي دنيا )
دنيا :: ( تشبح لي تلفون وتستنى في سند يتكلم )
سند :: والله ماعارف . نحساب غدوا . لكن مرت عمي سالمة بتطلع تجيب بضاعة لمحضر .. تبيني انى نرفعها ف شك نروح الاسبوع هذا معناها
سهيـر :: ( شبحت لي دنيا بحركات عبيطة ) كلهم بيطلعو ؟ قصدي حتى لبنات ؟! .
سند :: ( صكر باب سيـارة ) اي كلهم . ااسمعي ردي بالك تجيبي سيرة قدام دنيا . انى تو نقوللها هيا من ربي نار شايطة فيها ف جراير مروة ..
سهيـر :: ( تلكمست ومعاش عرفت تتكلم وتشبح لي دنيا الي عيونها شرار )
دنيا :: ( قايمة حاجبها )
سند :: وانى بيني وبينك طايرتلي منها
سهيـر :: من هيا نهار احرف 🙄.. ( وتشبح لي دنيا )
سند :: تي مروة مني يعني .. شادتها ف جرتي اقسم بالله تخنق .. وانى عيت من تبريرات ودوة ..
دنيا :: ( رفعت حواجبها وتأشـر لي سهيـر بـاش تنهي وتصكر💔 )
سهيـر :: تي انت ماديرلهاش اهمية تو بروحها بروحها تتتحشم ع عمرها ومعاش تكلمك ..
سند :: ( تنفــخ )
سهيـر :: هي بسلامة توا . وكلمني مره مره قولي امتى تروح 💗
سند :: تم باه .. مع سلامة💗 ( وصكـر )
..
دنيـا :: يعني ماكانـش شكي مش في محله !!
سهير :: لا هوا من ناحية محله فامحله ودكانه وهلبا حاجات . بس مرات سند مايحكيلكش لانه مايبيكش تضايقي😅 ..
دنيا :: احتمال ( وناضت ) تصبحي ع خير ...
,,
( ديما يكـون ماعندنـاش رد لكلام ناس في موضوع يخصنـا وبذات لو موضوع احنـى بروحنـا صايرلنا فيه ستكـ ..
يعنـي ديما نختارو انه نسكتو او نحطو مصطلحات الاحتمالية والممكن ومرات ..
سبب رئيسي لي حالة زي هذي . ديما يكون طرف تاني في العلاقة ...
بضبط زي ماصار مع دنيـا .. دنيـا لو كانت تعرف من الاول انه مروه حاطه عينها ع سند وتحاول تتقرب وتتصرف بطريقة خبيثـة كان شـي ح يختلف في رد ...
دنيا تعرف . بس تعرف بي احساس الانثى الي داخل كل بنت ..
بطبيعة البنت اساساً تحس بي الوجع والجرح وتعرف الخصم قبل حتى ماتتعامل معاه . تعرف من ضدها ومن معاها بدون ماحد يقوللها ... الاحساس الامومة المحبة وثقة وشعـور الخوف . شعور الخوف هذا ماحـدش يقدر يتحدى اي بنت فيه .. شعور تحسـه قبل كل شي بي سنين حتى ...
..
لهــذا لو سند خـتار صح في وقتها وقـال كل شي لي دنيـا بهدوء وصراحة وشاركها كل شي .. بغض نظر عن غيرتها او خوفها او ردة فعلها . المهم انها تكون تعرف كل شي .. كانت تصرفها قدام سهيـر ح يكون اوضح ...
..
قداش موقف بايخ ح يكون لما حد يسألك ع تصرف شخص ع اساس انك تعرفيه وتطلعي ماتعرفيشي بمجرد ماتحسـي انك تلكمـستي في رد وكان ردكـ ( احتمــال ! )
..🖤🖤
___________________________________
( بعد مـــرور أسبــوع متكررة الاحداث فيــه )
..
خيـرية :: مش ح تطلعــي لين تاكلي حاجة قعمزي ♥️..
سمرا :: ميمة والله كليت . خلاص وقت ( وقفت ) تو نروح وناكل ع راحتي اصلا بالي ف الامتحاان ...
عـز :: هي واتية ( خش ويلبس في ساعته )
سمرا :: ( تلفتت بترد .... وو الله ع رد الي يوقف فجأة بس لانه لفت انتباهكـ شي يفوق القمــر جمال .. يخليكـ تسرحي وتنسي شن سؤال باش شن يكون رد♥️ .. سمرا وقفت جامـده في مكانـها طلعت منها ابتسامة بسيطة وفي ايدها شكلاطة وع كتفها شنطتها . كانت زي طفلة الي شافت شي جميل في فترين المحل ولفتت انتباه خلت العـالم الي حواليها يوقف وماتهتمش لي ولا صوت ... الا لي شخص الي قدامها🔥 .. )
عـز :: ( كان لابـــس تيشرت ابيـض وجاكيت اسود وسـروال جينــز بلون هادي وسبيدرو ابيــض .. ويلبـس في ساعته . قام رأسه صبح ع حنـاه وابتسم وشبح لي سمرا كمل كلامه بس مش ملاحظ انها مش مركزة على شي ♥️... )
سمـرا :: ( بـدون مانحـس لقيت عيونـي تعلقو فيه .. وعقلـي سرح بعيد . حسيـت بي كل جسمي متجمد .. وحسيت !.. الله على مليون زاوية ماكنتـش مركزة فيها ف عــز . عزوتي .. سندي . ونفسـي .. نفسي الي مش ح نقدر نعيـش من غيره . حسيـــت بي قشعريرة قويـــة اول ماقرب مني ومـدّ ايده لي حاجة ع طاولـة خداها . قعد واقف يتكلم مع ميمة جنبي ..
ريحتـــه !! .. عرفـتو شعور لما توصلكــم ريحة حاجة حلوة وتغمضو عيـونكم وتاخدو شهيق طويــــل والاستنشااق يكون متغلغل داااخلك . شعور انكـ تبي ريحـة هــذي تاخد مكان الي في عقلك كله ... ابسـط شي ممكن نوصف بيه .
انه نسيت الي قريته في لحظـــة ! ....... شن هـذا ؟ 🔥♥️
__________________________________
( في سيـارة )
