عـــزوة
الحلقـــة الثالثـــة عشـــرا ♥️🔥
والاخيــــرة
_________________________________
( في نفـس اللحظــة وزي كـــل مره في عزوتنا ... قصـة البنـات تبـــداء مع بعض )
..
( عـند جنــى )
..
( و زي مافكـرت وكـل شي خفت منه صــار .. خســارتي لكبيـره هيـــا أمـي ... وصلت لي حوشنا في ســيارة ماكنتش نسمع في شي فيها ولا قادره نتنفس فيها .. نزلت ونشبــح لي حوشنا الي تبعدت عليه كل الفترة الي فاتت .. حوشــنا وزنقتنا الــي كنت نلعب فيها .. بين عيوني شكل اميمتــي جنب الباب تنادي فيا نخش نصلي ونتعشــى .. بين عيوني ضحكتها عليا لما نجيها نجري ونطيح .. خشيت وبابــنا كان مفتوح ع وســعه .. وقفت جنب لبــاب .. كانت خالتـي سميحة وراي وسـاجد من سيـارته مانزلش .. قدمت شوي شوي .. وقفنـي صوت عياط جيرانه في حوشنا .. وقفني منظر نساوين ونظراتهم ليا .. كملت بخطواتتي الي تعلمت نمشيهم بي أيدياات اميمتي وهيا دادش فيا .. خشيت شوي شوي وقابلوني بأسألتهم . كيف هانت عليك اميمتك ماتشوفيهاش .. كيف معاش جتيها .. فرحتي بزواجك ونستيها .. كملت لي دارك ياميمتي . كملت نبي نشم ريحتك فيها ونحس بيك قاعده .. نبي نكذبهم ياميمتي .. دمعتي عليك مانزلتش وكأنه الخبر بالنسبـه ليا مستحيل .. فتحت داركـ وياريتني مافتحتها ياميمـــتي .. كانت باارده . بارده ومافيهاش ريحتك ودفاك وحنيتك .. مافيهاش ضيك ووجودك . غصتيـي عليك كبيرة يااميمتي .. حرقتيني وكسرتي ظهري . ياعزوتي في دنيا مشيتي وخليتي دنيا تنهــش في عظامي .. صكرت باب دارها ووقفت في نصها .. شبحت يميني ويساري . تفكرت هروبي ليك باش راجلك مايضربنيش . تفكرت كيف كنتي تحضني فيا وتقولي بنتي بتكبر وبتداء دكتورة تعالجني وماتخليش الداء يضرنــي .. قربت نتلمــس في سريرك وسادتكـ وغطاك .. كانو ثلجة ياااادفاي .. كانو باردات لانك مش عليهم ياحناني ..
نزلت دمعتي وخانتني ياأمي .. خانتني وصدقت غيابك وفراقك عليا .. نزلت وحرقت قلبي اكتر ماهوا محروق .. نزلت وعيوني مفتوحات في دارك وعبايتك الي معلقه . شاربتك وريحتك المحطوطه ع زيانتك .. خانتني وصدقت انك بعدتـي وشوفتك بدت صعبه ..
حرموني .. حرموني نشوفك لي اخر مره .. حرموني ندير بالي عليك ياالي بالك ديما مشغول بيا .. حرموني نحضنك في وجعك ونهون عليك . يالي وجعي بين يديك شفي .. حرموني ياميمتي نقولك نحبك ونطلب رضااك .. حرموني وحرمتني دنيا نكون جنب اكتر وحده ماتخلتش عليا ..
خونة دمعتي والوقت الي حرموني منك ... سامحيني ياميمتي راني ماتهنيتش ولا يوم وانى بعيده عليك . راني ليل مانرقدش فيه . راهو ولدك دمرني ياميمتي .. انى عشت ايام نصلح في الي دااره والي عيشنا فيه ..
اااه ياااامي لو تعرفي الي عشته بعيده عليك وبنعيشه وانتي بعيده توا ...
ارجعيلي شوية بس بوسيني وقوليلي انك راضيه عليا وتحبيني . راني تحملت وتعبت وبنتحمل ... خلاص يااميمتي طاقة بنتك فضت ومعاش فيها قدرة ...
كسرتي فيا الي بااقي مني ومستحيل نقدر نكمل ياامي ...
( تكلمت جنــى وبكت .. نكسرت والي فاضل منها انتهى .. ناضت بخطوات رزينة فتحت باب الغرفة وطلعت .. مكمله بخطواتها ولعيون تلحق فيها . سميحة كانت لاهيه مع قريبة جنى . وماحدش ركز انها فتحت باب الحوش وطلعت .. )
__________________________________
( عند دُنيــا )
..
( واقفه ع لمرايا .. والابتسأأمة الهادية ع وجهه وتشبح لي نفسيتها الي تحسنت ولي منظرها الي رجع فيه دم .. تفكرت كل همومها الي مرو عليها .. تفكرت انها حاولت تعيش بعيده ع اغلى شي في دنيتها ونتيجة انها عاشت في غيبوبه .. قاطع تفكيرها اتصــال لطالما قلبها يفز فرحة او مايرن تلفونها بيه ...
..
دنيا :: حبيــبي ...
سند :: وانى الي نحساب روحي مش ح نسمعها تاني ..
دنيا :: ( ابتسمت )
سند :: ربي ماعاد يوريني فيك سوو . لو لوجع بيخش بينا تاني ان شاء الله يختارني انى ..
دنيا :: بععيد سوو .. ان شاء الله مايخش بينا اصلا ..
سند :: ( يكلم في صاحب المحل ويكمل معاها ) عندك علم انه اليوم جايكم ؟
دنيا :: خيير ياأفندي بديت احرف من اختك ديما عندنا ..
سند :: جاي بنحدد يوم العرس ..
دنيا :: ( جت واقفه ) تبصر ولا ؟
سند :: صحيت ... شن قلتي ؟
دنيا :: تتبصر ولا ... تي غير اخطب انت وبعدين نحددو
سند :: ( ماشي لي سيارة ) لا ياحبي انى خطبتك ف لمستشفى.. عاد انتي كنتي تشخري مش لاهيه بينا
دنيا :: ههههههههههـ ( ضحكت بصوت يجنن بعدين حطت ايدها ع فمها ) يعطيككك سلامة بس
سند :: ويعطيني انتي ... هيا نوضي رتبيلي روحكك مانبيش نشوف وجهك اصفر ايوه .. مانخدكش بعدين وتعنسي راه
دنيا :: علاش علاش ياروحي . غيرك يحب الوجه الاصفر عادي مش ح نعنس اصلا
سند :: هذا كانه خليت غيري يشوفه الوجه الاصفر اصلا ..
دنيا :: هههه .. غير توا بلا تسهويك .. شن خطبتني ف لمستشفى ؟
سند :: ( وبدي سنــد يحكي لي دنيا )
دنيــا :: ( وبدت دمعت دنيا تنزل ع طريقة كلامه والغصه لي تجي لما يتكلم ع موضوع الغيبوبه )
سند :: فهمتي توا ؟ ( ولف بسيارة )
دنيا :: ( مسحت دموعها ) فهمت
سند :: باه هي حبيبي افتحيلي الباب ...
دنيا :: ياعمي بلاش بصارة عاد ...
سند :: ( بدي يكلكس ) تتتي افتحي لانركب في عيلتكم العار
دنيا :: (سمعت لكلاكس مشت لي روشن ) حي ع امك حي لو اسماعيل يسمعك
سند :: معناها حي عليها مش عليا .. هيااا عاد افتحيلي جيعان وربي وسهير قتلي مدايرين رز مسقي تعرفيني نحبه
دنيا :: ياااهمي شن نفتحلك الباب انى .. كلم سهير ودير روحك جاي بتتغدى عندها
( ع خشت امها )
جمانة :: دنيتي بنتي هي بدلي حوايجك والبسي حجابك وانزلي خطيبك بيتغدى معانا اليوم ...
دنيا :: ( قامت حواجبها ) لا والله ؟
جمانة :: خيرك ؟؟
دنيا :: زي الي عطيتوني وماسألتوش ع راي .. خطيبك وقصة .. هوا الي يخش غيبوبة حياته تخش بعضها ولا شن ؟
سند :: غير نشوفك بس تو نوريك كيف تخش بعضها معناها ...
دنيا :: ( تضحك ع سند وماتبيش تبين لي امها )
جمانة :: والله اوني تكلمي فيه تو يحكيلك .. هي انزلي بسرعة مرت خوك من بكري بروحها ( وطلعت )
دنيا :: ( سكتت شوية بعدين ) .. سند !
سند :: عيونه هههه
دنيا :: العيلة صاعت في غيبوبتي ؟؟؟
سند :: ( ضحكـ ضحكة تجنن ونزل من سيـارة فتح الباب الخلفي ينزل ف باقة الورد )
دنيا :: ( لفت لي روشن ) ههههه هذا شن يااامهند ... ع فكره مش ح تخش بيها
سند :: علاش عندكم حساسية ؟؟
دنيا :: لا عندنا بابا واسماعيل هههه ...
سند :: ااه .. عادي اصلا هيا لي بوك واسماعيل . من قال انها ليك ...
دنيا :: هههههه ( كملت ضحكتها وهيا تلف وماشية لي دولاب طلع في حوايجها والفرحة بطيرــها )
سند :: (صكر تلفون ورتب سوريته وكان طالع يجنن وطق ع لباب )
مصطفى :: ( مشي يفتحله وكان مستنيــه )
_________________________________
( عند سمــرا )
..
( الفكره عند اختلاف المواضيع تكون جميــلة .. علاقة سمرا وعز كانت مختلفه عن اي علاقه ... تعبو في حبهم بس اختارو انهم مايتعبوش اكتر من هكـــي ...
...
سمـرا :: ( تلبـس في جاكيتها ع لمرايا )
عـز :: ( فتح باب دار وخشلها )
سمرا :: كيف كنت طالعه ... ( خدت شنطتها )
عز :: ( قرب شدها من خســرها ) استني نبيك شوية ..
سمرا :: ( قامت ايديها ع كتافه ) شن في ؟
عـز :: ( قام ايده يساويلها في خصلاتها ) عندك علم انه بعد مابنروحو بنخطبك من اميمه ولا ؟
سمـرا :: ههههه .. ااي وشن تاني ؟
عـز :: مانبصرش عليك يااخفيفة دم ..
سمـرا :: ( خدودها بدو حمر بلعت ريقها ) لا تبصر
عز :: ( هز راسه وضحك ) لا ...
سمـرا :: ( دفاته بشوية ) دقيقه بس ..
عز :: ( سحبـها تاني ليه ) لا دقيقه لا عشرة ... وربـي ماعاد متحمل .. واصلا شهر وبنتزجو .. ( قرب وحط جبيــنه بجبينها ) مش ياسرنـا ولا ؟!
سمـرا :: ( غمضت عيونها ومبتسمــه )
عـز :: كبرت ياسمــرتي نبي نشيــب ع ايديك .. ونبي نشوف بنتي وولدي منك وع ايديك ونفرح بيكم ..
سمـرا :: ( ع وضعها خدت نفـس بكل راحة )
عـز :: نبي نرقد كل ليلة وانتي في حضني .. نوض اول حاجة نشوفها عويناتك .. نبي ريحتك ماتفاارقنيش ... ( بعد عليها شوية دوب ) .. نبي نسمعك تقوليلي حبيبي نوض فطورك واتي هههـ
سمـرا :: ( عيونكـ ترقرقــو دمعات وابتسامتها مافارقتهاش )
عـز :: نبي نحبك كل يوم اكتر من يوم وتبدي حرم عز محمد .. نبي نرفعك للعرسات والمناسبات وانتي مرتي ومش خايف تشوفك وحده وتقولك بنت مني انتي ؟ مخطوبة ؟
سمـرا :: ( رفــعت راسها بكيــاته وضحكت )
عـز :: نبي انى نشوفها ضحكتك ليا ومعاي في كل دقيقه . نبييك يافرخة افهمي ...
سمـرا :: ( قامت ايدها لي خده ) وانى ليك يااروح سمرا ...
عـز :: ( شد ايدها وباسها ف كفــها )
سمـرا :: ( غمضت عيونها وفتحتهم وهيا تتنفس بي راحة )
عـز :: معناها خلاص اول مانطمن ع موضوع فرح موضوعي معاك بيتم
سمـرا :: اممم .. ( قامت ايديها لي رقبته ) مش المفروض يسألو لعروسه قبل مالموضوع يتم ؟
عـز :: والعروسة موافقه .. انى سألتها
سمـرا :: ماسمعتهاش انى .. ( وشاده ضحكتها ) مرات ترفض
عـز :: لا من ناحية هادي اطمني .. مداير الاحتياطات لازمه .
سمرا :: ياااسلام .. والي هما
عز :: يابنخطفها .. يابنقتلها ....
سمرا :: لا هيا موافقه انى سمعتها وشفتها وهيا تقول فيها ..
عز :: هههه ايوووه شطورة لعروسه ..
سمرا :: ( حضناته وضحكت .. )
عـز :: ( راحته كانت اكبر من اي وقت تاني )
_________________________
