البارت تاني من الحلقـة الاخيـره ♥️🔥
——
وفم وقلب ورجلين وحضــن تلمــو فيه بعد غيـاب
..
أكبـر وجع فقدان صاحب الحقيقي .. الي حبه ليك يووزن ذهب .. الي خوفه عليك وااضح . الي يضحي بي نفسه ع خاطركـ
مش صاحب الي وجوده زي عدمه والي تحساب في يوم بيخلـي بصمة .. وفجأة تلقاه مش موجود حواليك لا هوا ولا أثره
..
اختارو صااحب صح لانه صاحب طريقك وخطواتك . صح متعك والغلط متعك . تصحيحك ونجاحك .. صاحب أخ وسند ..
الحمد لله ع نعمة الصحبــة الي في حيااتي ..
..
__________________________________________
( البــارت الاهم في جزئيــة الحلقة )
..
( الفكـرة انه بعد ماطمنت سمـرا والبنات ع جنـى . روحو للحوش يرتاحو بي شرط يرجعولها تاني صبح .. طبعا ماحدش كان عارف شن يستنى صبح ..
..
شباب كل واحد رجع لي حوشه
..
جاد .. خدي بتول وروح لي حوشه .. طول ليل بتول راقــده زي طفلة بكل هدوء .. متغطية بي بطانيتها وايدها ع بطنها وخوفها ع طفلها كبير ..
اما جـاد . ف اختار انه يحط كُرسي جنب رااسها ويقعمز ويحط ايده ع خده ويتفـرج عليها .. وكأنه ناوي يحفظ ملللامحها .. قرب بكل هدوء باسها ع رأسها وهوا مغمض عيونه براحة .. بعد من عليها ويمسح ع شعرها ويتفكر في كل الي صار معاه
..
اما عز ومعتز .. ف اختارو انهم يمشو لي طرابــلس . واجهــو امهم وصـار نقاش كبـير . غلط معتز بلكلام مع امه وعز مادافعش وكأنه قلوبهم تحجرت بسبب افعالها . تسببت المشكله بمرض محمد بوهم ونقلوه للمستشفى ..
..
صارت شوشرة والكل تواجد بعد الحادثة ب نص ساعه ف لمستشفى ... حالتهـم صعبة ماكانتش قد الوصف .. الممر الي كان جامع عيلة عزوة بكبرها .. كان جامع ضعفهم وخوفهم .. وكأنه محمد ساس العيلة الي لو طاح ح يتعرو من غيره
..
ف نفس المستشفى ف جيهة تانيه كانت مرام تصارع ف الموت وتتوجع وكل شوية تخش للحمام حشاكم وتستفرغ . رضوان ماسيبهاش لحظة . ام رضوان وام مرام كانو ف لممر .. سهام ماكنتش لا قادره تتكلم ولا قادره تسمع حد ..
..
جيهة تانيه كانو يستنو ف خبر واحد بس يطمنهم ..
عز ماتحملش الوقفه الي حس بيها وكأنه بيخسر بوه انسحب وطلع من جنبهم .. اول مالاحظت سمرا شـي هذا مشت ورااه
اما فرح ف كانت بتموت من خوفها ع شخص الي ماترددش لحظة انه يحطها زي بنته .. تشبح لي معتز ومضايقه بتموت .. بدون اي وعي قربت منه وتكلمت ف لبداية بهدوء .. بس اول ماتعلى صوتها الكل كان مجبور يركز
..
فـرح :: أرتحـــت ؟! ( قالتها بشوية لي معتـز )
معتـز :: ( راسها ف الارض شبحلها ورد عليها بشوية ) مش وقته فرح
فرح :: ششششن هوا الي مش وقته ؟؟؟
( هنـا الكل ركـز وشبحلهم )
فرح :: ترا قولي شن هوا الي مش وقته ياامعتز ؟
ترا قولي شن هوا ؟؟
معتز :: فرح نقصي صووتك .. واهدي لانه مش وقته الي صا(قصت عليه )
فرح :: اللي صااااار غلط من الاول ااانه يصيير .. مليوون مره .. ملييون مره ياامعتز قتلك مانبيش ولا واحد فيكم يددخل .. شفت ( وتأشر ع غرفة العمليات ) شفتت لي وين وصلناا ؟؟ .. شفتت نتيجة اعماالك ؟؟ شفت نتيجة تعصب ونتيجة الاستتتعجال ؟؟ .. فهمني بس شن استفدت ؟
( الكل مركزيــن في كل حرف وكل كلمة )
فرح :: شن استفدت رد عليا ؟؟ .. ردديتلي حيااتي ( نزلو دموعها ) .. خليت امي تحبني وماتبيعنيش ؟ .. خليت امي تاخدني بدل ماتاخد حقي فلوس .؟؟ خليت اامك ماتعبيش رااس امي الي المفروووض انى توا جنبها ؟؟ .. شن الي استفدت بيه ؟؟ ..
معتز :: ( بيتكلم بس قصت عليه )
فرح :: ااانت خللليت اااحن شخص ع لكـرة الارضيه يرقد ف الغرفةة الحقيييرة الي انت شايفها ( زادو دموعها ينزلو )
معتز :: ( طبس راسه . عض شاربه ودمعته نزلت )
فرح :: ام اام امممك يااامعتز . هذي امك . لا انــي ولا غيري نسوو حاجة قدامها .. حتى لو هيا دارت هكي .. كنت عرفها غلطها . كنت فهمها . كنت قوللها . كنت حاسبها بس مش هككي .. مش بي أنك تخليها وااقفه ززي وقفتها توا ( وأشرت ع انتصار ) مش قااادره تتترفع عين وحده تتسأل بيها ع راجلها
كككله الا قدر الام يامعتز ..
اي صح .. انى ممكن مانعرفاش باش نتكلم عليه . بس حسيت بيه ( بدت تتحرك وتبكي ) حسيت بييه دااخلي وكأنه كان عندي ام
( هنا العيون بدت تدرف وقلوبهم تنعصر )
فرح :: كنت في كل مره نحاول نحافظ ع قدر ووحده مانعرفهاش ... ( بلعت ريقها ودموعها ينزلو ) امك اهم مني .. قلتها مره ونعاودها تاني .. وقتلك . قتلك .. لو رااجل طيب الي لداخل يصيرله شي .. لا انت . ولا عز .. ح نسامحكم .
( لفت ومشت تتخبط ف دنيا يمين ويساار وتبكي .. )
بتول :: ( تمسح ف دموعها ولحقتها طول )
جاد :: ( وقف جنب معتز وحط أيده ع كتفه )
العيلة :: ( الي مش عارف شي انصدم . ولي كان عارف يبكي وساكت . والكل توجعو ع فرح وحياتها )
____________________________________
( ف جنينة لمستشفــى )
..
عز :: ( يلود ويتكلم ) هذاا بوووي ياسمرا .. بووي رااه الي انت جايه تلومي فيا ع الي صار فيه
سمرا :: نلووم فيك ؟؟ .. ننلوم فيك ع شني يااعز . انى مانلومش فيك .. لا
عز :: ( يشبحلها )
سمـرا :: انى نحااسب فيك .. وااي من حقي .. زي ما انت كنت شاايف انه من حقك تحاسب اامك بطريقة الي وصلت بووك للمستشفياات ..
عـز :: ( ساكت )
سمـرا :: انتم شنو ؟؟ .. انتم علاش مش مقدريين نعمة الي انتم فيها .. انتم علاش مش حاااسين بي قيمة الاب والام ... ( قامت راسها لي سمي وتتتكلم ودموعها ينزلو ) ياااااربي ياريتني عنددي ام . حتى مش كووويسه المهم امي جنبببي .. غلطت نصلحلها . نلعمها . نفهمها . نحاسبها بالعقل .. (شبحت لي عز وتبكي ) .. ياااريت عندي ااب حتى يضربني ويرفع ايده عليا رااضيه المهم مانشوفااش لحظة ملووح ع سرير العيادات والمستشفياات
عز :: ( لف يسااره ودمعته نزلت )
سمـرا :: ( تشبحله وتبكي ) .. انى من عندي ف دننيا يااعز غيره .. من عندي غيير عمو محممد .. ( قربت شداته من سوريته ) ااقسم بالله يااعز . ااقسم بالله لو تصيررله حاجة مااا ح نخليكك تتشو(قص عليها .. سحبها ف حضنه )
عز :: بالله عليك ماتزيدننيش ياااسمرا مش ناقص
سمرا :: ( حضنااته وتبكي بصوت )
______________________________________________
( بعد مافــاق العم محمد وعرفو انه صآآباته جلطة خفيفه .. الكل كانو عنده بعدين بدو بشوية بشوية ينسحبو باش يمشو للحوش ويبدو يبدلو ع بعض ..
..
الي صـار انه محمد مش راضي يشبح لي انتصار في وجهه وكـان طالب انها ماتخشلاااش للغرفة نهائي ..
.
انتصار قعدت ف مكانها ف الممر دموعها ماجفوش بس ماقدرتش تتحرك . يمينها ولادها الي مش معبرينها بكل ويساارها راجلها الي ف الغرفه ورافض يشوفها وراها اختها الي لاهيه ف بنتها وقطعت علاقتها بيها وقدامها العيللة الي نظراتهم كلها استحقاار
..
______________________________________________
( البــارت الواقعي ... والاخيــر )
..
( أختلف المـكـان .. واختلفــت الحــاله ..
بعد مافـاق العـم محمد ...
تغير مكان البعض .. في الي روح وفي الي قعد مرافق
..
امـا فرح ف ختــارت انها تمشي للمكان صح .. واختارت انها أتبــع قلبها لي مره وحده
__________
.
فـرح :: ( مشت بخطوات بطيـئة ليـن وصلت فوق راسـها ) .. نقدر نشوف أختـي ؟
