عــزوة
الحلقـــــــة الرابعه 🔥♥️ ......
____________________
( خشــت سمرا تجـــري .. لقت حناها واقفه جنب باب داارها )
خيريــة :: بنيتي فرح . افتحيلي ...
سمرا :: شننن صار ؟؟
خيريـة :: امها كانت هنا .. لساااانها مهنهاش حتى بعد ماحكينالها وفهمنها . ماوقفتش مع بنتها صكرت راسها تبي ترفعها .
( ع خشت عز شبحتله وكملت كلامها ) وفرح ماتبيــش من الخوف . وانى لزيتتها
عـز :: شن درتي ؟؟ ..
سمـرا :: ( شبحتله ) ووشويه فيها 😒.. يعني بعد مايحكولها شن صار مع بنتها مزال مش مصدقتها
عـز :: ( شبح لي سمرا ) تمشي تلززها ..؟ مهما يكون احنى مش اقارب البنت وماليناش علاقه .. والمفروض لو تبي تحلي الموضوع مش هكي
سمرا :: ( تلفتتله ) مافييش موضوع اصلا باش ينحل . طول مافرح مااتبيش ترجعلهم مش ح تطلع من حوشنا ..
عـز :: ( شبحلها فترة بعدين ) انتـــي قاعده صغيـره والمواضيع هذي مش ليك ..
سمـرا :: الكُبـر بالعقل .. ( ولفت لي باب دارها تخبط بشوية ) فروحه افتحيلي حبيبتي ... افتحيلي شووية
عـز :: ( خـدي بعضه ومشي للجنان )
خيريــة :: ( قعدت واقفه جنب سمرا )
سمـرا :: فرح ياعمري افتحيلي ...
فرح :: ( فتحت وهيا ذاابله .. من كلام امها ومن الوضع الي هيا فيه ومن سم الهاري الي كانت تاخد فيه والفتره هيا ماخدتاش .. )
سمرا :: ( حست بيها مش قادره تسند طولها .. شدتها من مرفقها ) خشي معاي ارتاحي شووية .. يالله
خيرية :: ( تشبحلها بكسرة نفس كله الي تحملاته ف طرابلس باش ماتشوفش الي شفاته توا )
..
سمرا :: ( ساندتها لين حطت ع سرير )
فرح :: ( شبحتلها ) انى بنروح ..
سمرا :: ( قعمزت جنبها ) لي حوشكم ؟ عادي !
فرح :: مانعرفش .. ع الاقل اكتر من انه نقعد معاكم ونجيبلكم دوة ولكلام
سمرا :: قعمزي وهني روحك مافيش مرواح لين تتأكدي من سلامة عقلها امك .. ( تمدلها في رجليها وتغطي فيها ) وتوا ارقدي لانه اليوم انى فرحانه غدوا اخر يوم في امتحااناتي وبيجو احلا بنات في دنيا بيباتو عندنا . وحده منهم دنيا بنت خالتي جمانه تزبطيها ..
فرح :: ( مبتسمتلها ) اي ... سمرا !
سمرا :: نعم !
فرح :: نبي نطلب منك طلب ...
سمرا :: اكيد .. تفضلي
فرح :: انى ليا فترة م( سكتت بعدين كملت بالسيف ) ماخديتش سم الي كنت ناخد فيه .. عندي مضاعفات ولازم من دكتور
سمرا :: ( مسحت ع جبهتها الي كانت حمرا ) ولا يهمك ثواني ودكتورة تكون عندك . قاريبتنا دكتورة ماتخافيش
فرح :: تم تمام ..
سمرا :: ( ناضت للحمام حشاكم . بدلت حوايجها وصلت وطلعت للحوش برا مالقتش حد وسمعت صوتهم ف جنان )
....
( في مكــــــــــان تاني )
(القهــــــــــــــــوه )
معتــز :: ( مقعمز ويتصــفح في تلفونه )
همـام :: طيـــري .. ( وحط تلفونه وسلم عليه .. جبد كرسي وقعمز ) شن الحال ؟
معتز :: الحمد لله ... خيرك سااعه باش وصلت ؟
همام :: طلعت مووخر ... ( شبح لي شباب القهوة ) اطلبلنـــــا قهيوه )
معتـز :: ( شبح ااشــر لي شاب )
شــاب :: تفضل ..
معتز :: زوز كريمة ...
شاب :: تمممام.. ( ومشي )
معتز :: هيا لخـــــص
همام :: ت غير ناخد نفس خيرك ...
معتز :: لخخص خير مانقطعهولك نفسك الي بتاخده مره وحده ..
همام :: ( رتب تقعميزته ) شوف ياصحيبي . انت غالي وتعز عليا . ف جيبهالي من الاخير . عيينك منها البنت ؟ .. قبل مانقولك اي حرف قولي شن ناويللها ..؟
معتز :: الي تدووي عليها ماشفتش وجهي الا ثوااني تقريباا .. والي انى كلفتك بيه اعتبره خدمة انسانية وللخصلي ..
همام :: معناها عينك منها ... طالما فوتت اسألتي ودرت اجابات لي اسئلة ماقلتهاش . عينك منها ونص ...
معتز :: ادوي
همام :: ولي بنحكيه . بتحكيهولها ؟
معتز :: شن قصدكك ؟
همام :: قصدي بالعربي الي هيا فيه توا ااريحلللها من ماضيها . يكفي الي عاشاااته
معتز :: شن قصة عيلتها الحقانيـــه ؟
همام :: ( بلع ريقه )
معتز :: تتتكلم ****** ياهماااام
همام :: تمام ... بالنسبــة للام ..........................
_______________________________
( في جنـان )
..
عـز :: ( شدها من ايدها ) لما نتكلم معاك توقفي وتردي .. جو صغار تعرفيني مانحباش
سمرا :: ( نفضت ايدهها منه ) انى ماقلت شي ونطيت فيا . تبيني نووقف نسمعلك فوقها
عـز :: سمممرا لساااانك مولي اطول ممننك ..
سمرا :: انى ماطولتش الساني .. انى قلت لي ميمه تكلم بتول لانه البنت لازمها دكتتتور ... شن في دوتي تطويلت اللسان ..
عز :: وعلاش يجيها دكتور نرفعوها نعاينوها . مش احسن ؟
سمرا :: ماااتتسهوكش يااعز لانه البنت عارف شن داااء متعها . نرفعها للمستشفى باش نخشو في سين وجيم .
عز :: ووواهو تعرفي تفكري . علاش مافكرتيش في سين وجيم الي بيصيرو لما بتجيبي دكتورة هنا .. .شارع وناس شن تبيهم يتكلمو ؟
سمرا :: ( رفعت حواجبها وشبحت لي حناها بعدين شبحتله ) ههه بجديات ؟؟؟؟ حتى انت هكي تفكككر ؟؟ ... يااااخسااارة الاختلاف الي كنت نشوفه فيك .. طلعت ماتفرقش شي ع تفكككير العنصري لقققديم ...
عـز :: ( عصب وشد ع سنونه ) سمممرا ادوي باهي احسنلك .
سمرا :: ( قربت تشبحله في عيونه ) اصلا مالياااش دووة مع واحد تفكيره ززيك .. شيبااني ف ثمانينات شن نتوقع منه .. تو انى نحله مووضووع البنت . واسفه انه عبيت عليك .. ( وخشت متعفلقه )
عـز :: ( شبح لي حناه .. متعصب ) انى تقولي عنصري شيباني ؟
خيريــة :: ( نفلتت منها ضحكتها ) هههههههه😂 سامحها وليدي تعرفها لسانها لطش لكن قليبها ذهب
عـز :: كان مزال جي بيني وبينها كلمه اصلا ... انى ماااشي ..
خيرية :: غغير تعالى .. توا نازل للبلاد ؟
عـز :: ااااي ..
خيريـة :: تي شن تتتبي امك لاش متصله بيك
عز :: ماااه انى مانيش عارف بنلقاها من امااااا داهيه هنا ولا غادي (وطلع وخبط الباب )
_________________________
( مكــان تــــــاني )
..
( حوش جُمانه )
سهير :: ماااانيش مكلمه حد اخطيني ..
دنيا :: سهيرررتي وحياتك عندي . ماليش غيرك . هيا عاد
سهير :: امك لو تحس لما تجر عليااا .. وانى قاعده صغيره ونبي نفرح بي وليييدي ولا هيا بنيتي الي ماعرفتش شن هوا ومافهمتش امتى ناوي يجي ..
دنيا :: يااابنتي والله ماح يصير شي غير هيا .. انتي ح تكوني معاي اصلا
سهير :: ( تنفخت ... ) توووو نشوف .. بري وسوسي بعيد علياااا اعوذ بالله منك و منننه
دنيا :: ( باستها ) اااااحلا سوووسه في دنيا ههههه ( ومشت لي دارها )
سهير :: اااااخ ع ايامي انى واسماعيل طلعنا وهيجنا طبونا جوزونا . ان شاء الله يطبووكم ويجوزوكم ونفتك منكم زوز ( وناضت بشوية عليها للمطبخ )
________________________
( لعشيــــات )
..
( زي ماكُــل حـوش ليه تقاليــد معينه لعشيـــات . شارع روايتنا عزوة .. ليه تقاليـــده .💗💗.
