( تأخرت عليكم لانه درتها طويلة وتغطيه هربت 🥺💔 )
( كومنتااات نبي كومنتات نقراهم مش بس ملصقات رايكم في لحلقه يهمني 🥺🧡 )
—-
عِــــزوة
الحلقـــــــة الثامنـة 🔥♥️...........
____________________
انتصــار :: ( فتحت روشنها لي محمد الي كان جايها ) وين مشي ولدك ؟ سبقنا ولا شن ؟
محمد :: ( يمسح ع وجهه ) انزلي انزلي . هذي اخر عمايلك لي وين توصل فينا . عاجبك توا الموقف الي حطني فيه ولدك
انتصــار :: موقف شششني نهار احرف ؟
محمد :: مايبيـش ماصــارلاش .. مشي وقال الغووها انى ماقلتش بنخطب .. والله الا ديما محشمتيني وديما تحطي فيااا ف وجه المدفع .. كيف مزال بنحط عيني ف عين راجل اختك الي يراجي فينا بس ( وتنهـد ومشي لي خوه )
انتصار :: ياااوالله نهااارف احرف عليا ياااوالله نهاري اسوود من ولددي البنت تراجي فيه ( وبدت تخبط وتعاود .. )
_______
( في صالـــة )
..
خيريـة :: ( تنقرش في لفواكه ) اهدي ماصارش شي . هذا كلامي ورجعتوله . قلتلكم مش ح تكون قده تاخدو قرارات عليه 🙂
( ع نزلت لبنات )
انتصـار :: بالله عليك يااااعمتي راني مش ناقصه ..
فوزية :: ( تصبلها في شاهي ) تفضلي مدام
انتصـار :: هاتي هاتي بالك يههدي الهم الي انى فيه ..
فرح :: ( جت جنب خيريه )
خيرية :: تعالو يابنات كولو .. زي لعسل هالعنيبات 😉.. ( ومبتسمه بأستفزاز )
سمرا :: ( جت جنب مرت عمها سالمه وتتكلم بشوية ) شن صاير ؟ خيركم مامشيتوش ؟
سالمة :: ( ترد عليها بنفس هدوء صوت ) عزز ماصارلاش وفركش الموضوع كله
بتول :: ( متبصه عليهم وتكلمت بفرحة ) قووولي والله 😍
سالمة :: ( بنفس ضحكه ) هههه والله
بتول :: ( غمزت لي سمرا )
سمرا :: ( بلعت ريقها وشبحت لي انتصار الي كانت تغلي وتفكر كيف بتتصرف )
فرح :: ( متبصه ع خيرية ) بجديات ؟
خيرية :: وحياتك .. اصلا عز ونعرفه مايمشيش معاه الامر في لقرارات . تربيتي 😌( وتشبح لي انتصار )
انتصار :: ( تنفخت وناضت )
نجلاء :: ( خشت بعبايتها ) ت شن صاار .. خيره عز فركش ؟
بتول :: ( قعمزت جنب خيرية ) والله يااخسااارة ماغنينه ولعروسه طلعت شيننة 🙂
خيرية :: نوضي جيبي صونية لووح جايه نيه بندير سهرية ..
سمرا :: ميمه .. تبصري صح 😳؟؟
بتول :: وعلاش .. شن مش متعودين نهيجو ونغنوو .. توو لما نوض نجيبها 😌.. ( ومشت للمطبخ )
سمرا :: ميمه مرت عمي مضايقه مايجيش منه هكي توا
فرح :: بالله عليك انتي اسكتي . راسك وراس نكد .. خلي ناس تفرح وبري شدي داارك وكانه مش عاجبك 😒( قالتها وتلفتت لقتهم يشبحولها كلهم )
سمرا :: ( رفعت حواجبها وابتسمت )
خيرية :: ( فرحانه لانه فرح تهدرز طبيعي ومطلوقه معاهم 💗)
فرح :: ( بلعت ريقها ) ااس اسفه بس دمي نحرق شوية 😅
سالمة :: وحياتك عندي تاخدي راحتك هههههه😂
( ضحكو كلهم )
_____________________
( المطبــخ )
..
بتول :: ( تفتح ف دواليب ) فووزية .. فووزية تعالي شوية وين صحوون لوح ... ( لفت وجت طالعه ) فووووز ( وسكتت )
جاد :: خيره صوتك عالي ؟!
بتول :: ( وقفت ف مكانها )
جاد :: ( تكى ع لباب ) اه .. خيرك تصيحي ؟
بتول :: حاجة ماتخصكش ( وجت طالعه )
جاد :: ( شدلها ايدها ويشبحلها ) مدامه حاجة متعلقه بيك معناها تخصني ..
بتول :: ( دفت ايده ووخرت ) من اممتى تتكلم معاي هكي ؟ .. تفاهمنا ف لمستشفى انه اول مانوصل هنا بتوصلني ورقتي ف مافيش داعي للفزلك ودوة لكذب
جاد :: (سرحان فيها ويتكلم بهدوء وقرب منها ) والله جايه نيه نتفزلك . 🔥
بتول :: خللليك ف مكانك وتكلم .. ( وتوخر لين شدها الحيط )
جاد :: مرات صوتي ماتسمعيشي ( وقدم وصكر باب المطبخ برجله )
بتول :: ( شبحت للباب وبلعت ريقها ) ااف اافت افتتح الباب وفكني مننك مش وقته جو هذا 🥺
جاد :: ( يتكلم ويشبح لي ملامحها بعيون ذبلانه ) اما جو ؟!🔥
بتول :: ( ضرباته ع بطنه لين وخر ) تحححشم رااك مش مراهق .. برا ديرها حركاتك هيا مع رحمممتك مش معاي 🧡( وجت طالعه )
جاد :: ( ضحك وشدها من خصرها لفها ليه ) موليااا متوحشه يابنت ... وبعدين انى نتكلم مادرت شي خيره دماغك شمال هكي ( وضربها بشوية ع راسها )
بتول :: (متلخبطه من ريحته🔥♥️ )
جاد :: ( حط يده ع خدها ) وبعدين انى مانبيش لا رحمة ولا غيرها ♥️..
بتول :: ( مغمضه عيونها ونفسها تاخد فيه بصعوبه 🔥)
جاد :: نبي نسألك سؤال وجاوبيني بصراحه ( يتكلم بهدوء ومتمســكـ فيها ♥️)
بتول :: ( فتحت عيونها ولمعــة فيهم واضحه )
جـاد :: ( يمســح بي اصابع ايده ع خدها🔥 ) نقصي توتر باش نعرف كيف ندوي معاكـ ..
بتول :: ( دمعتها نزلت بهدوء وتكلمت بصوت واطي ) ني ننب نبي نطلع 🥺
جـاد :: مافيـش طلوع لين تجاوبيني .. ( يشبح لي عيونها بعمق كبيـر ) بجديات معاش تبينــي ♥️؟!
بتول :: ( من نظرــته تفركسـو دقاتها ودموعها ينزلو )
جاد :: ( يتمعـــن في بــاقي ملامح وجهه ويرجــع يــذوب في عيونها من جديد ) معاش تبي تكونــي معاي ؟♥️
بتول :: ( دموعهــا ينزلو وعلى وضعهــا ولا كلمة )
جـاد :: تعرفي انه بديت نســتاحش فيكـ ♥️؟؟ .. ( مسح ع شعرها ومركــز في خصلاته ناعمه لبنيــه لي اول مره🔥 ) من يوم مشيتي لي حوش حناي وانى مابتـش فيه لحوش بكل ...
بتول :: ( غمضت عيونــها وجسمـها تقشعر من قربــه ليها 🔥)
جـاد :: ( يمسح ع جفونها دمعــات ويتكلم وانفــاسه قريبه من عيونها 🔥) ريحتكـ الي من اول مانخش لي حوشي نشمها مش مستوعب انكـ تبي تحرميني منها ♥️..
بتول :: ( مغمضه عيونها ودمعاتها ماجفوش )
جـاد :: ( قرب من وذنها ويتكلم ) بنموت .. بنموت ونســمع اسمي منك زي زمــان ♥️...
بتول :: ( تلبكـــت من انفاسه وصوته الهادي وماسكه في كتفه )
جـاد :: ( نفس طريقة كلامه ) قولي بتول .. قولي انك تبي تقعدي معاي وبتعطيني فرصه .. قولي انه حبك ليا ماتغيرش وقاعد زي ماهوا 🔥♥️..
بتول :: ( تبكــي بدون صوت )
جاد :: ( زاد قـرب من وذنها اكتر ) نبيك وربــي مانبي غيركـ .. عارف ممكن نكون حسيت بيك متأخر وحبيتتك متأخر . بسس الي نحس فيه توا وانتي بعيده حرقني ♥️..
بتول :: ( تتكلم بهدوء ) وهي !
جاد :: من هيا ؟! ..
بتول :: رحم(قص عليها )
جاد :: مافيش حاجة اسمها هيا .. في حاجة اسمها انتي .. وانى توا همي انتي .. هونــي عليا همي بالله عليك .. ساعديني مانبيش نكون بروحي بعد خليتي مكانتك في حياتي اهم من حياتي نفسها ♥️
بتول :: ( ساكته ودموعها ينزلو بهدوء .. )
جاد :: ( بـاسها ع خدها وبتكلم بهدوء ) مسامحــه ؟ ♥️..
_
( هيــا المساحة .. المســاحة الي ممكن انت بي ايدكـ تعطيها لي شخص مُعين ..
وتبنيها ليــه بكامــل إرادتكـ ..
فيها تعطيـه الحُريـة بأنها يكبرها أو يصغــرها ...
الفكــره انه المسـاحة الي تعطي فيها انت . تعطي فيها على أساس ثقة ..
يعني لما تكون ثقة فيه كبيــرة تعطيه اكبر مساحة انه يديــر معاك شن يبي .. يتصرف كيف مايبــي ..
تكون مستسلم ليه ولي كيــانه ولي محبته ولي عداوته وكرهه .. تكون مستسلم لي افعاله وكلامه وتصرفاته
بس يوم الي الكســـرة تجيــه منه .. تبداء متلخبط انت والمســاحة ..
تستمــرو معاه وتسامحــو زي مافي كُل مره علمتوه وفهمتوه وتخطيتو الف فعل منه
ولا توقف وتقصرو وتوقفو في الحد الي بيخليكم تتحملو كُل البعد والفراق وشوق ❌...
