وهـذي الحلقه الي تعبت وانى نحاول ع خاطركم انزلها 🥺 فرحوني بكومنتات هي ♥️🔥
—-
عـــزوة
الحلقـــة التــــاسعة 🔥♥️........
______________________________
( غًرفـــة عــز )
..
عز :: ( كان مقعمــز ع صالون .. وكانت سمرا في حضنه ومغمضه عيونها ♥️.... يمسح ع شعرها ومطبـس راسه مغمض عيونه يستنشق في ريحتتها بوجع .. وكل مايحــس انها بعيده مش زي قبل يزيد يضغط ع حضنها . وهيا كانت تبادل فيه نفس قوة الحضن ... )
...
( غرفة معتز )
..
معتز :: ( يقرب ويتكلم ) علاش شن الي درته
فرح :: ( توخر ) خليك ف مكانك نسمع فيك مش طرشه 😒...
معتز :: ( يقرب ومبتسم بطريقة تجلط ) لكن انى مانسمعش فيك 🔥..
فرح :: لاااا انت مايتكلمش معاك الواحد بكل .. ( جت بتطلع بس في ايد سحبتها من خصرها وقربها منه ♥️)
معتز :: هككي نسمع كويس 🔥...
فرح :: ( دقات قلبها مافيش شك انه سمعهم معتز ♥️)
معتز :: هديلي قلبك ياروحـــي انى قاعد مادرتش شي ♥️..( ومبتسم )
فرح :: ( ضربااته برجلها ع بططنه لين توجع ووخر ) عشم ابليس ف جنننة اننك ادير اصلا 😒..
معتز :: ( يضحك ومتبص شاد بطنه ) شن يااوردتي معقوله كلمة مني خلاتك وااعره هكي 😂
فرح :: ( قربت وتشبحله وعيونها حادة ) العبها مع غيري يامعتز .. مش انى الي تخليني نغغغار
معتز :: ( وقف ويشبحلها ) غرتي معناها ..
فرح :: ( قربت شداته من سوريته ) انى مش سمرا .. رد بالك ادير فيا الي يدير فيه عزز . لانه وربي نحرقك ونحرقها قبل ماتوصل عندك ✋🔥
معتز :: ( سحبها ويتكلم ويشبحلها بنظرات تقتل ) معقوله تحرقي روحك وانى قاعد ماشبعتش منك♥️
فرح :: ( حطت ايدها ع خده وتتكلم بهدوء ) لازم تعرف انه لما نكون نبي حاجة مانخليش حد يااخدها مني .. ولو حبيتها .. مستحيل نخليها لي غيري ♥️... ( دفاته بقوة ) لكلام الي قلته لوطا انك مستعد تخطب اي وحده تختارها امك ... انساهه ياروحي لانك قاعد ماتعرفنيش 🔥
معتز :: نعتبر هذا اعتراف بالحب ولا تهزيبه ♥️🙄...
فرح :: ( قربت وعيونها ف عيونه ) ليا .. انت ليا انى ♥️.. ومش لو ماقلتهاش معناها مانحسش فيها ... ماتخليش وجعي يزيد صدقني ننقلب لي وحده تانيه عمرك ماريتها 🔥
( وجت بتطلع وعيونها دمعو )
معتز :: تتتعالي تعالي ( شدها من ايدها ولفها ليه ) خيرك تبكي والله نبصر كنت ( يمسحلها ف دموعها ) يااافرختي اقسم بربي ماحبيت غيرك واصلا مانتخيلش في مجنونه تانيه غيرك فيها حياتي ♥️
فرح :: ( تشبحله ودموعها ينزلو ) انى مانعرفش نقولها يامعتز . لكن ماتفكرش انه مش عايشه الي عايشه ♥️
معتز :: ( قرب من وجهه ويتكلم ومبتسم ) نعلمهالك انى ياعمري 🤤♥️
فرح :: ( ضربااته تاني ووخرت وهيا شاده ضحكتها ) تموت في قلة الادب .. ( وطلعت )
..
( اول مافرح صكرت الباب .. لف لقت سمرا طالعه من غرفة عز وصكرت الباب )
سمرا :: ( تشبح لي فرح )
فرح :: شن العيلة سخيفة هــذي 😒؟؟
سمرا :: ( ضحكت وحطت ايدها ع فمها )
فرح :: ( شدتها من ايدها ورفعت لي دارهم ) تعالي يااسخيفة تانيه احكيلي شن اديري في دار روميوك ..
سمرا :: ( خاشه وتضحك مع فرح .. وناسيه كل الي سمعاته )
___________________________________
( ف جنان )
..
جاد :: ماااتهبلش امي .. هيا كلمة
رضوان :: خلاص ااااستتتهدو بالله ماكمش صغاار راه
سعيد :: ماتسمعش فيههه شن يقول ...في حد بعقله يشكك ف بتول اصلا
جاد :: ( مد ايده دففه بالقوة ) شننن قصدددك
رضوان :: تتتي ارززززن خيرك يااعيل ( ويدف في جاد )
سعيد :: ااعرف كيف تتصون مرتك مش جااي تتعارك مع الي ماشي والي جاي
رضوان :: تتتتي ضم فمك انت تاني
جاد :: من هوا الي ماعرفش يصون مرته .. ( دف رضوان وهجم علي سعيد )
( وبدي صوت صيااح يطلع🔥 )
..
عز :: ( نازل من دروج )
انتصار :: ( طالعه من صاله لي سقيفه ووراها العيلة ) شنننن فففي شن هااصوت
عز :: خخخووشو لدااخل ( وطلع وقربع الباب )
معتز :: ( طلع وراء عز بسرعه )
____________________________________
( بعد مــرور ساعه )
( منطقة عزوة )
..
( المستشفـــى كانت شبه فاضية ومش موجود فيها الا الممرضات ودكاتره لمناوبين وشوية من المرضــه .. بس في ممر كان مليان ... كانت فيه مجموعه يستنو في رد يخفف وجع قلبهم
..
الام كانت تتفكر فيها بنتها الي قبلها ساعات مقعمزة تفطر جنبها ومافيهاش شي 💔
..
الاب يتفكر في بنته الي ضحكتها ماعمرها فارقتها وديما تناشب فيه وتدلع عليه ويحضن فيها في كل نهاية يوم وتخفف في تعبه 💔
..
الاخ كان حاط ايده ع راسه ويتفكر في كل الاسرار والاحاديث الي كانت تجمع فيه بأخته . اخته الي كانت بالنسبة ليه صديقه وام وحبيبة .. الي كان ديما يسمعلها وتسمعله كيف توا موجوده ف غرفة العمليات ومش قادر يسمعلها حس 💔
..
مرت الاخ كان قلبها محروق ع عيلتها تانيه الي عمرهم ماقصرو عليها بي شي .. محروقه وحاسه بذنب سبب .. برغم من ايد اسماعيل الي ماسيبتهاش لحظة وكأنه يخفف في وجعه بوجود مرته جنبه .. دمعتها ماجفتش ع صاحبتها واختها الي ماجابتها امها 💔..
اما في نهاية الممر فــا كان في شي رجليها مش حاملينا ومخلينا يقعمز ع الارض رافع راسه فوق ومغمض عيونه ويتفكــر في حبيبته الي مفروض تنزف جنبه وتكون حلاله كيف توا يراجي في خبر بس يطمن انها بخير ... فتح عيونه اول ماسمع صوت باب الغرفة وناض يجري 💔..
..
اسماعيل :: طمني ؟؟
علاء :: ..............
...
(طرابــلس )
..
( في غرفة وحده مجتمعين فيها لبنات )
..
بتول :: ماااشاء الله اشيه اشيه .. هذا كله صااير وانى مانعرفش
فرح :: هوا اااييه الي اشيه اشيه .. ع فكره انى نحكيلك ف صياعه صايره المفروض تنوضي تهزبي😒 .. ( شبحت لي سمرا ) شن العيلة الي ماتربتش هيا
بتول :: ساد انتي تربيتي 🙂
فرح :: مش هلبا لكن ماشي حالي ههههـ😂 ( شبحت لي سمرا )
سمرا :: ( سرحانه في فرح وتفكر )
فرح :: وين غـزالي وصل .. وين سرحتي ؟
بتول :: سمرتي شن في ؟؟
سمرا :: ( فاقت ع روحها ) ولا حاجة .. ( شبحت لي فرح )
فرح :: خيرك هكي تشبحيلي ... شن في سمرا .؟ ف حد ضايقك . انتصاار شمطاء شن دارتلك . والله ننزل نفطسها تووو😒
سمرا :: ( ضحكت ) لا والله ماحد دارلي حاجة .. شوي بس هكي سرحت 😅
بتول :: ( تلوحت ع فرح وتتكلم بضحكه ) اااخ سرحت .. سرحت ف احظااان الولهان هههههـ😂
فرح :: هههه والله البنت دي هاتموت سخيفه 😂
بتول :: ( قعمزت باهي وشبحتلهم ) اليوم صارت حاجة
سمرا :: ( شبحت لي فرح بمعنى زعما عرفت انه جاد ضرب سعيد .. بحكم بعد حوش بوها بتول ع حوش بو عز الي صارت قدام العركه ماسمعتش شي .. وجتهم بعد ماشباب طلعو بسيــارات وعز قاللهم ماتحكولهاش .. )
فرح :: ( بلعت ريقها وشبحتلها ) شن الي صار ؟
بتول :: جاد شافني واقفه ع سعيد لما هوا مروح .. وانى وسعيد كنا نهدرزو ونضحكو زي زمان سمرا تعرف قداش كنا صحاب صح خطبني فترة وفسخت بس سعيد زي خويا رضوان .. لكن هذا كله وجاد غاار منه ( مبتسمه )
فرح :: ( قامت حاجبها) وفرحاانه .. فرحانه انه جاد غار
سمرا :: ( شاده ضحكتها ) وشن تاني ؟
بتول :: قالي كلام زي وجهه صح .. ودخلني للحوش ومخلا مقال لكن سكته ... ( شبحتلهم )
فرح وسمرا :: ( متكين ع بعض ويشبحولها )
بتول :: اي تمام .. صح غلط مني بس هوا غلط منه يشك فيا بالك يحساابني زيه الباشا 🙄..
فرح :: انى نبي نفهم .. وحده راجلها شافها واقفه ع خاطبها سابق وقرقرررر معاه . وشدها ودخلها الحوش وهزبها . هيا علاش متفشخره وتحكي وهيا مبتسمه . . (تشبح لي بتول ) هبله ؟؟ .. هل انتي هبله ؟؟؟ 🙂
سمرا :: ( تضحك ) صح علاش مبتسمه ؟
بتول :: بصراحة لانه .. ( تبسط راسها وشبحتلهم ) ف نص لكلام صار شي 🤭
فرح :: ( ناضت بخضه وقعمزت ع ركااابها ) اااااستني
سمرا :: خلللعتيني الله يخلغ فراايسك خير دعوتك ...
فرح :: دقيقه ... زي الي خدود رمان هاذم ورااااهم شي تاني انى فهمته ..
سمرا :: شن فهمتي😒 ( وشبحت لي بتول )
بتول :: ( تضحك ومتحشمه )
فرح :: انــهُ قَبَلَـــها🥺 ( قالتها وتلوحت ع سرير ) اااااخ رومنصيــه بتبداااء
سمرا و بتول :: ( ضحكو بصووت عالي😂 )
سمرا :: ( خبطتها ) ووورربي ماافي سخيف غيرك اهني😂
فرح :: ( رقدت ع بطنها وحطت ايديها ع خدودها ) حبيبتي من عاشر قوما 🙂..
بتول :: (تضحك )
سمرا :: صح بتو .. قصدك صارت حاجة ؟
بتول :: ( هزت راسها وابتسمت ) فرحانه ي سمرتي .. كانت اول مره . وكأنه جاد قرب مني اكتر .. لي اول مره نحس بالقرب هكي 🤭♥️
فرح :: اكيد بتحسي واضحه🙄 .. ( وتشقلب في عيونها )
سمرا :: ( خبطتها بالمخده ) ععععيشي لحظة من غير قلة ادب لو سمحتي ..
فرح :: ااه صح نسيت في صغيويرة معانا😉 ( وغمزت لي سمرا )
بتول :: ( ضحكت )
سمرا :: ( تضحك وتضرب فيها ) وااالله ماتتحشمي
فرح :: ( تضحك )
________________-
( عند شباب )
.
عز :: ( لفلهم ) عيل انت وياه ؟؟؟ تي زفت بنبدو نربو في صغااار احنني بنربوكم حتى انتم ؟
جاد :: ( يحط ف ثلج ع فمه )
سعيد :: ( واقف ع روشن ويمسح ف وجهه ) شووفه هوا شن يخرف
جاد :: ( شبح لي معتز ) تنوض تسكت ولا نوض نبكشهولكم ؟
معتز :: ( شاد ضحكته ) والله ماليكم حل
رضوان :: راكم ولاد عم .. تي خيركم معقوله هكي ؟ واحد يشك في تاني وتاني لساانه متبري منه
عز :: انى بنقولها كلمة ومانيش معاودها الي صار اليوم بوك وبوه مش حا نقولولهم .. لكن وربي تتكرر ماتباااتو الا ف قبوركم . .جو المعععيله مش ليكم اكبرو ..
رضوان :: ( جي جنب معتز ) قول كلمة ف هاتقعميزه اربح فيها اجر
معتز :: تي فكني لا نقول كلمة نربح بيها بوكس يدخلني في غيبوبة ..
( ضحكو زوز ع تفاهتهم )
عز :: مش ناقصة دوتكم انتم زوز ( شبحلهم بنظرة بايخه )
جاد :: ( وقف )
عز :: وين ماشي ؟
جاد :: بنروح .. ولا معاقب ؟
عز :: تو انى نروح بيك .. (وشبح للولاد اشرلهم ع سعيد )
معتز :: ( فهم وناض لي سعيد )
____________________________________
( ف سيـارة )
..
عز :: من امتى ليك دوة هيا انت ؟
جاد :: ( يشبح لي روشن وماردش عليه )
عز :: ندوي انى
جاد :: بالله عليك متبداش في ارشااداتك .. ممروح زفت ماعنديش نية في شي الا شوفتتها .. وف الاخير نشوفها معاه وتهدرزز علليه تتقولي اياماتها معاه رجعتت .. تضحك وتبصر كيف تبيني ننتصرف مثلا .كان خطيبها راااه شن ناسي
عز :: انى مش ناااسي يااحمار .. لكن انت الي مفروض تنسى مدام تفكيرك ززي وجهك هكي .. الي درته انت مع رحمة هيا مش ح ديره مع سعيد . كانك بتتعيش ف دواامة شك مش ح تترتاح
جاد :: بالله ؟؟؟ تنصح فيا وانت مدااير احرف مني
عز :: ( دمه يغلي ) شن هوا اللي شفتني مداايره
جاد :: بالله ريحيلي روحكك عيونك بيطلعو فيها لو شفتها مقعمزه مع رضوان ولا تضحك معااه طول تقوللها راكبي ..بالك تحسابني مافطنتلكش ؟
عز :: ( زاد ف سرعة وماقالش حرف 🔥)
___________________________________
( تــاني يوم ... مع أجواء الضهريــة ) ...
( مكــان تاني .. بعدنــا عليه فتــرة )
..
جنــى :: ( طلعت من حمام دارهـا حشاكم .. تجفف في شعرها . وقفت قدام لمرايا . الوجه شاحب والعيون ذبلانه .. خطرت ع بالها صاحبتها ورفيقة عمرها الي ليها ايام طويله ماكلمتهاش .. قامت تلفونها واتصلت ..)
..
( طرابـــلس )
( الكُل ع مائدة الافطـــار .. )
..
بتول :: ( متعفلقه وعيونها بيطلعو في جاد .. وبذات بعد ماعرفت كل شي منه ف ليل )
..
فرح :: ( لاهيه ف لفطور وتهدرز ع خيرية وتضحك مره مره ع كلامـــها )
..
معتز :: ( مركز ع فرح ويتفكر في كلام صاحبه ومش عارف كيف يتصرف . ومره مره يشبح لي امــه ومليون سؤال ف بالــه ومش لاقي له اجابة )
..
عـز :: ( يتفكر ف كلام جاد . غيرته من رضوان ع سمــرا . يفكر انه يخلـي الموضوع رسمـي ومعاش يبي يسـتنى لين سمرا تحبه . بعدين يتغير تفكيره ويخاف انها ترفضه ويخش في دوامه تانيه )
..
رضوان :: ( كل شوية يشبح لي تلفونه . الخوف الي عمره ماحس بيه بدي يتغلغل فيه شوي شوي . سفرته ماكانتش طبيعيه . مشكلته لازم تنحل والفكرة الي كان جاي بيها ماقدرش ينفدها )
..
( لكنــاين وازواجهم كل واحد لاهي في قصة يحكي فيها ... )
..
سمـرا :: ( مختلفه عن اي يــوم فات . تشبح لي فرح ومش عارفه لو كانت الي سمعاته صح او تتخايل . رفعت عينها لي معتز وبدت افكارها ترفع وتجيب .. لين جاها اتصال قطع تفكيرها ..
..
سمــرا :: ( شبحت لي فونها وقامت راسها .. بعدين استـأذنت وناضت )
انتصـار :: ( نزلت راسها لي ولدها ) شني شكلكم فاقشينها مع بعض
عز :: ( شبحلها تنفخ وقام عينه لي سمرا )
انتصار :: تقدر تتكلم جنبنا علاش نايضه . ولا مكالمه خاصه ( وبدت تاكل )
فرح :: ( مقعمزة قدام انتصار وتشبحلها بأستحقار كيف توسوس لي ولدها زي شيطان بضبط )
عز :: ( يشبح لي سمــرا وللأسف كان يسمع في كل كلمة من امه ومخلياته دمه يغلي )
فرح :: سوسه . .( قالتها بشوية )
بتول :: ( جنبها ) من هيا ؟
