Unicode
"အစ်မ ငါရူးနေပြီလားမသိဘူး"
မျက်နှာချင်းဆိုင်မှ ညီမဖြစ်သူ၏အပြောကြောင့် ဂျီယွန်းသည် Laptop ကိုကြည့်နေရာမှ မျက်လုံးကိုပင့်ကာသူမထံကြည့်လိုက်သည်။
မီအွန်းသည် စားပွဲပေါ်တွင် နားထင်အားလက်ဖြင့်ထောက်ထားရင်း TVကိုစိုက်ကြည့်နေရင်းဆိုလာသည်။ သူမအာရုံများက TV ထံတွင်နည်းနည်းမှမရှိနေကြောင်း ဂျီယွန်းသိလိုက်သည်။
"ရုတ်တရက်ကြီး ဘာဖြစ်ပြန်တာလဲ?"
"ပိုင်ရှင်ရှိနေတာ သိသိကြီးနဲ့ အဲ့လူကို ပိုင်ဆိုင်ချင်နေတာဆိုတော့ ငါရူးနေတာမဟုတ်ဘူးလား"
မီအွန်းကပြောရင်း စားပွဲပေါ်သို့ လက်နှစ်ဖက်အားယှက်ကာ မျက်နှာအားမှောက်ချလိုက်သည်။
"ဟင့်အင်း၊ ငါတော့မထင်ဘူး။"
"ဟင်?!"
မီအွန်းကအနည်းငယ် အံ့ဩသွားသည့်အမူအရာဖြင့် သူမအားမော့ကြည့်လာသည်။
ဂျီယွန်းက Laptop ပေါ်သို့အာရုံပြန်စိုက်ရင်းဆက်၍ပြောသည်။
"သူတို့ကလက်မထပ်ရသေးဘူးမလား၊ ဒီကြားထဲမှာ သူတို့ကွဲချင်လဲကွဲသွားနိုင်သေးတာပဲ ပြီးတော့ နင့်မှာလဲ ကြိုးစားပိုင်ခွင့်ရှိတယ်လို့ငါထင်တယ်။"
"ငါကြိုးစားခဲ့တယ်၊ ဒါပေမယ့် သူကငါ့ကိုလုံးဝပြန်မချစ်နိုင်ဘူး"
"အဲ့ဒါအရင်ကမလား၊ နင်အခုထပ်ပြီးကြိုးစားမကြည့်ရသေးဘူးလေ၊ ဘယ်သူပြောနိုင်မှာလဲ ရလဒ်ကပြောင်းချင်လဲပြောင်းသွားနိုင်တာပဲ။"
ဂျီယွန်းထိုသို့ပြောလာမယ်မှန်း မီအွန်းမထင်ခဲ့မိတာအမှန်။
အချစ်ရေးကိစ္စမှာတော့ ဂျီယွန်းကမီအွန်းထက်ပိုရဲသည်။ သူမလိုချင်တာဆိုလျှင်မရရအောင် လုပ်တတ်သည်။
မီအွန်းက ကြိုးစားကြည့်ပြီးမှ မရခဲ့ရင်တောင် လက်လျှော့လိုက်မည့်လူမျိုး။
"တော်ပါပြီ၊ ငါဒီရက်ပိုင်းသူနဲ့ ပိုပြီးအနေနီးသွားလို့ ဒီလိုတွေတွေးမိတာနေမှာပါဟာ"
မီအွန်းကစိတ်ပျက်အားလျော့စွာပြောလာသည်။
"ငါကတော့ နင့်ကိုထပ်ကြိုးစားကြည့်စေချင်တယ်။ ငါသာနင့်နေရာမှာဆို ကိုယ်ချစ်တဲ့သူကိုရဖို့ ဘယ်လိုပဲလုပ်ရလုပ်ရ ကြိုးစားကြည့်မိမှာပဲ။ ရတော့လဲအမြတ် မရတော့လဲ အရင်းပေါ့။"
ESTÁS LEYENDO
Only Then
Fanfiction#Jikook ကျွန်တော်တို့လမ်းခွဲလိုက်လို့မဖြစ်ဘူး။ ဟျောင်းက ကျွန်တော်မဟုတ်တဲ့ တခြားတစ်ယောက်ကို ချစ်မိသွားတဲ့အချိန်.... ကျွန်တော်က ဟျောင်းမရှိဘဲ နေသားကျသွားတဲ့အချိန်.... အဲ့ဒီအချိန်ရောက်မှ လမ်းခွဲကြမယ်ဆိုလဲ ဖြစ်ပါတယ်။ Both Unicode and Zawgyi
