Only Then

Part-15

ဂျီမင်နိုးနိုးချင်းမြင်လိုက်ရသည်က မရင်းနှီးသောအိပ်ခန်းတစ်ခု။
တဆစ်ဆစ်ထိုးကိုက်နေသောခေါင်းကြောင့် စိတ်ကသိပ်မကြည်ချင်။
အပေါ်ပိုင်းဗလာဖြစ်နေတာကြောင့် ဘေးနားကရှပ်အင်္ကျီအဖြူကို ကောက်ဝတ်လိုက်သည်။
ဘေးနားကဖုန်းကိုယူကြည့်တော့ နံနက် ၉နာရီခွဲရှိနေပြီ။
Check out လုပ်ရန် reception ကိုသာထွက်ခဲ့တော့သည်။

"ညီလေး အစ်ကို့အခန်း check out လုပ်ချင်လို့"

"မနေ့ကအစ်ကိုနဲ့တူတူလာတဲ့တစ်ယောက်ကရှင်းပေးသွားပြီဗျ။"

မနေ့ကသူမူးပြဲနေအောင်သောက်ခဲ့တာပဲမှတ်မိသည်။
ဒီကိုဘယ်သူလာပို့မှန်းလဲသူမမှတ်မိ။
တိုက်ခန်းကိုရောက်တော့ အရင်ဆုံးရေမိုးချိုးလိုက်သည်။
ဖုန်း Screen ပွင့်နေတာကြောင့် ယူကာကြည့်လိုက်မိတော့ ဆရာမဂိုဂျီယွန်းဆီက message ဖြစ်လို့နေသည်။

"အိမ်ကိုကောင်းကောင်းပြန်ရောက်ရဲ့လား။ မနေ့ကအရမ်းသောက်ခဲ့တာဆိုတော့ အမူးပြေအောင် ပျားရည်လေးဖျော်သောက်လိုက်ဦးနော်။" ဟူသည့်စာကိုဖတ်ပြီးနောက် ဂျီမင်ရဲ့အတွေးတို့မှာ ရှုပ်ထွေးသွားရသည်။
သူ့ကိုဟိုတယ်လိုက်ပို့တာ ဆရာမဂိုဂျီယွန်းလား။
သူထင်ထားသည်က ဂျောင်ဂုဆီကိုသူဖုန်းဆက်လိုက်လို့ ဂျောင်ဂုလိုက်ပို့ပေးတာဟုပင်။
Call log တွေကိုပြန်စစ်ကြည့်တော့ ဆရာမဂိုဂျီယွန်းဆီကဝင်ထားသော ဖုန်းနံပါတ်သာရှိနေသည်။
ဟိုတယ်လိုက်ပို့သည့်အတွက် ကျေးဇူးတင်ကြောင်းစာတစ်စောင်ပြန်လိုက်သည်။

ဂျောင်ဂုတို့ ဂျုံးဂျူကိုရောက်တော့ နံနက်၁၀နာရီခွဲရှိပြီဖြစ်သည်။
တည်းခိုရမည့်နေရာသို့ရောက်တော့ ဂျောင်ဂုကအခန်းများကခွဲပေးရသည်။
အခန်းများခွဲပေးပြီးနောက် ဂျောင်ဂုသည်လည်း သူတည်းရမယ့်အခန်းဆီသို့ဝင်လာခဲ့လိုက်သည်။
လေးလံနေသောစိတ်ကြောင့် ကုတင်ပေါ်လှဲချလိုက်ကာ မျက်စိတို့ကိုအသာမှိတ်ထားလိုက်မိသည်။
ဂျီမင်ဆီက message များရောက်လာမလားဟူသည့်စိတ်ကြောင့် ဖုန်းကိုဖွင့်ကြည့်မိတော့ မည်သည့်စာမှဝင်မထား။

Contact name ပြောင်းထားသည့်ကိစ္စကို သူတကယ်မသိခြင်းဖြစ်သည်။
​ဂျီမင်ပြောပုံအရဆို တစ်စုံတစ်ယောက်က သူ့ဖုန်း contact ကိုပြောင်းထားတာလို့ ဂျီမင်ကိုပြောလိုက်ပုံရသည်။
ဒါပေမယ့်သူ့ဖုန်းကို ကိုင်မယ့်သူမှမရှိတာ။ ပြီးတော့ သူနဲ့မီအွန်းနမ်းလိုက်မိတဲ့ကိစ္စက ဂျီမင့်ကိုပိုပြီးအထင်လွဲသွားစေခဲ့သည်။ ဂျောင်ဂုစဉ်းစားရင်းခေါင်းရှုပ်လာရသည်။ ခရီးကပြန်ရောက်သည်နှင့် ဂျီမင်နဲ့မျက်နှာချင်းဆိုင် ဖြေရှင်းရမည်ဟု သူတွေးထားလိုက်သည်။