[ ဒီရှစ်ဇွင်းကမင်းကိုထားခဲ့ရမယ် ]
ရိပေါ် ရှစ်ဇွင်းဖြစ်သူအားတောင်းပန်နေရင်းနဲ့မှ ပြန်မေးလိုက်သောစကားကြောင့် ရယ်ရခက် တောင်းပန်ရခက်ဖြစ်သွားလေသည်။
"ရှစ်ကျဲ ချင်ချူဂိုဏ်းကိုအရင်ပြန်ပြီး ဂိုဏ်းချုပ်ကိုသတင်းပို့ပေးပါ"
"ဟုတ်ပြီ ရှစ်ကျဲဒီတပည့်လေးရောခေါ်သွားပေးရမလား"
"မင်းလိုက်သွားမလား "
"ရှစ်ဇွင်းနဲ့နေခဲ့မယ် "
ဝတ်ရုံလက်ကိုဆွဲလို့ ကျန်နေချင်ခဲ့ကြောင်းအမူအရာပြလေသည်။
"ရှစ်ကျဲတို့ သွားနှင့်ပါ ဟွမ်မြောင်ကိုပါထည့်ပေးလိုက်ရမလား "
"အို မလိုပါဘူး ကိုယ့်ကိုကာကွယ်နိုင်ပါသေးတယ်"
ကျုးကျီးတို့ထွက်သွားသည်ကိုမမြင်ရသည်အထိ ကြည့်နေပြီးမှ ညီလာခံသို့ရိပေါ်ကိုခေါ်ကာရောက်လာခဲ့သည်။
စိတ်စွမ်းအင်များစွာပါသောပိုးကြိုးမျှင်များဖြင့် ချည်နှောင်ထားခံရသောအငြိုးအတေးမိစ္ဆာများစွာ။
ရိပေါ်ကြောက်ရွံခြင်းမရှိသော်လည်း။
"ကြောက်နေလား"
ရှစ်ဇွင်းရဲ့အမေးတစ်ခွန်းကိုရတော့။
"တပည့်ကြောက်တယ်"
မုသားအနည်းငယ်သုံးကာဖြင့် ကျုံရှစ် နားကပ်လာပါသောရိပေါ်။
ကျုံရှစ်စိတ်ထဲတွင်တော့ သူတပည့်ကို
ကလေးတစ်ယောက်လိုပဲမြင်သည်ဖြစ်သောကြောင့်
ရွံဖွယ်ရာမိစ္ဆာတွေကိုကြောက်ရွံနေမည်လို့ ထင်ကာမေးခြင်းဖြစ်သည်။
"ငါ့နောက်ကနေ တစ်ဖဝါးမှမခွာနဲ့"
ကျုံရှစ်နောက်သို့ကပ်ပါလာသော ရိပေါ်အား စုန့်ယိနှင့်နန်ခဲ့မှာတစ်စက်ကလေးမှကြည့်မရပေ။
"တောင်သခင်ကျုံ ယိဂိုဏ်းချုပ်ကိုဘယ်လိုစီရင်မလဲ"
စကားစလာသောစုန့်ယိအားပြန်မဖြေဘဲ နန်ခဲ့ကိုပြန်မေးသည်။
"ရှစ်ရှုန်း ဘယ်လိုစီရင်မလဲ "
"ယိဂိုဏ်းချုပ်ကအစောကတည်းကသေပြီးသားဖြစ်နေနှင့်ပြီ အခုယိဂိုဏ်းချုပ်ယောင်ဆောင်ထားတာက မြေခွေးမိစ္ဆာပဲ ဘယ်သူကဒီလိုစေခိုင်းတာလဲ မေးလည်းလုံးဝဖြေမယ့်ပုံမပေါ်ဘူး"
YOU ARE READING
Please Shizun , Don't Eat Mud !
Random⚠NOT TRANSLATION⚠ Type : Xianxia Novel. Pairing : Wang YiBo, Xiao Zhan. [ YIZHAN ] Starting Date : October 14 2020 Chinese Name - 请师尊，不要吃泥。 English Name - Please Shizun, Don't Eat Mud! Other Name - I'm His Master. Author - PlumWhite_Blossom . Story...
