جعلت منه مجرما 🔞( قصة قصيرة بدارجة المغربية )

2

🔧جعلت منه مجرما 🔧
👑oumaima mega 👑
💋 2💋
من بعد هاد التهديد ...سمير محبسش بلعكس ولا كيقوم بخياناتو في الخفاء ...و لينا سكتت كيفما سكت كلشي على هادضي...حيت متعلماش انها تعتارض ...حتى في الحفلات الراقية لي كيمشيو ليها ...كتكون هي واقفة مع نساء و كتهز عينها في سمير ...كتلقاه كيغازل لبنات و كيبوس في يدهم و في يدو الثانية كاس شراب و كارو ...كانت دائما كتحس براسها كتفقد الثقة في انوثتها و جمااالها  لدرجة انها معارفاش شناهيا نتي زوينة حيت محتكتش برجال...ولات كتوقف قدام المرايا ... و كتشوف انعكاسها و كتسول راسها شنو هي مقومات المرا زوينة شنو خاصها باش تكون زوينة علاش كتحس باية انثى قدامها راها حسن منها و زين منها

و من بعد هاد اللحظة دازو اعوام و اعوام ...و هي مكبلة بخطبة وهمية ...نهار تشجعت و بغات تهدر مع سمير على الموضوع حيت كيخدش كرامتها ...كان مصيرها الضرب ...ااه ضربها حتى ضهرو كدمات في وجهها ...و مكان حتى حد كيهضر حيت ماشي بنتهم غير بنت خوهم ...حتى لغلبة كانت من جيهة سمير حيت هو راجل و عندو كلمة عليها ...و عاد زيد عليها هو منهم كون كان شي حد على برا يقدر يكون عندهم موقف و لكن سمير حاجة اخرى ....من تما بدات كتعرض منو لبزاف ديال العنف ...مكانتش كتحس براسها مخطوبة حيت مكانو لا قبل لا رومانسية لا والو ....عكس وجودو مع البنات لخرين ... كيتصرف معاهم بلباقة هادشي كيقتلها نهار بعد نهار و كيعيشها في مأساة و هي في عمر الزهور فحال ديك العجووز لي كبرت بلاوقت ... كرهت راسها كرهت  تشوف وجهها في المرايا ...كرهت تحلس في طبلة الامل  .... و تشوف وجه سمير مقابل معاها ... كرهت جدها عمامها  كرها كلشي ...بغات تخرج بغات تهرب و بغات تعييش ...حتى وصلت ل25 عام و هنا تافق جدها مع باقي العائلة فاش تكمل 26 غيعقدو قرانها بهاد سمير كيفما متفق عليه ....خنقها هاد الخبرة لدرجة فكرت تنتاخر كتكرهو و كتكره وجهوو و شكلو مكتطيقوووش عاد تزوج بيه ...شنو دارت لهاد دنيا باش تعيشها في جحيمها بهاد الشكل  ...كانت كيف عوايدها في جناحها الخاص جالسة بفستانها راقي و تصريحت شعرها الانيقة ...و دايرا رجل على رجل و كتشوف في شرجم و يريتها كانت تقدر طيير فحال دوك العصافير و تخرج و تعيش ...ياريتها كانت فحال دوك الازهار النادرة لي في ديك البقعة الخاصة في جردة كيبانو زوينين و كيستنشقو الهوى و ريح ...شكلهم زوين بزاف خلاوها تبتاسم لا إرديا  ...  حتى تبدلو ملامحها و حيدت رجل على رجل مخرجة عينيها ....كيبان ليها وحد العامل بثياب عامل  خضرا و دير كاسكيط بالخضر... دايز على دوك الورد النادر بالالة ديال تاع البستان بوحد الدم بارد مدوزها عليهم ...و كاع كرطهم تا الرملة بانت ....و كيدوز عليهم جوج مرات باش متبقاش شي وحدة من وراه ...شهقت و ناضت بزربة حطت لفنجان لي كان في يديها ...و مشات خرجت من جناااحهااا و من القصر كتجريي ....بطالون ديالها ....حتى خرجت لجردة كتغووووت

ليناا : شنوووو كديييير نتاااا وقف ....داك العامل كان منزل على وجهو الكاسكيط و مكيسمعش حيت دير لكييت في ودنو ..و بارك و يقرع في داك الورد حتى جات وقفت عليه من حيت لا يعلم شدات من دراعوو بيديها رطبين . باش توقفووو ....كان طوييل بزاااف عليها و عاامر عليها ....دور فيها غير عينوو جنب كانت بلون كحل ...كتبان ليه وحدة محيحة عليه منعرف منين نزلت عليه ....سكت داك الموطور لي فيدو  ...و لينا حيدت يدها و كتغوت في وجهوو : شنووو كيحساب ليك راسك كديير ؟ قطعتي كاع الورد شنو هادشي ....العامل حيد الكيت بيد و هز فيها وجهو ...كان من صحاب العضلات و لحية مطراسية ...و زينو عربييي مغربي اصيل ...طلعها و نزلها عمرو شافها من قبل