قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
دخلهم و عاد دخلت لينا كدور عينها ...في دار لي كانت شعبية مية في المية ...مراح و بيوتة سدادر طابلة صغيرة كوزينة ... و شي كيطل على شي داكشي صغير ....و خفيف ضريف ...جاها فحال القفص ...و هي تقفز على صوت ديك للمرا لغليضة لمحيحة تما ...و اشرف كيحاول يهدن فيهاا هو و نهيلة
لمياء دارت عند لينا لي واقفة عند الباب و مبهوضة طلعتها و نزلتها حيت كتبان ماشي ديال هاد سيكتور و ماشي حتى ديال خوها : دخلي اختي جلسي دخلي لينا : ششكرا ...جلست في الحافة تاع السداري ...و هي كتشوف فيهم يمكن مكانش خاصها تهرب و لا تجي لهنا هاهيا دارت ليهم الصداع ...بدات كتفرك في يدها ..يمكن خاصها تنوض تمشي فحالها كفاية المشاكيل لي دارت ليه ...حيت عارفة الحيحة و الهدرة عليها و بلي جاايق دريا معااه بلا كاغط غبر تاعيا و دخلها عليهم..
اشرف شد فتيحة لي محيحة من يدها مخرج فيها عينو : اه اه الوليدة كنموووت عليهاا ( لينا هزت راسها بالصدمة ) كنبغيها و جبتها هنا معايا فينما غنمشي غتمشي معايا ...لينا مطرطقة عينيها كتحس بيه كيهدر بصح و من قلبو ... بدات كتحس بقلبها كيضرب بشوية بشوية و هي كتسمع هدرتو لدرجة انها مكرهتش تكون بصح فتيحة بصدمة : و داااارهم عارفييين ؟ اشرف طلق منها : لا معارف حد و مغيقبلوش بوحد مدوز الحبس بالاخص عائلة هاد خيتيي و هي دابا هاربة معايا ....فتيحة تما طاحت سخفانة صافي كملت ....ماعلينا نوضوها بزز من لرض...و لمياء مشات دخلت تقاد بيت خوها اشرف ...و لينا غا جالسة تما ...شربو فتيحة لماا ...باس ليها اشرف فوق دماغها ...و ناضو من بعدها دارت لمياء عند لينا دارت ليها بيدها تنوض ...ناضت معاهها و مشاات معاهم لبيت اشرف لي كان غير صغير ....فيه ناموسية و ماريو و وحد سداري ....حيد السبرديلا ...و القبية بقا عريان من الفوق و تلاح تكا على كرشو فوق
لمياء كتزيد لينا : دخلي دخلي ا ختي ها بيت خويا ...دخلتها و عطاتها بيجامة ....لينا شداتها و بقات جامعاها عندها و مصدومة ...و حشمانة ...و تسد لباب من وراها بقات غير هي وياه في بيت مسدود و صغير ...شي حاجة كتحشم ...مشات بشوية جلست في طرف دسديديري مجموعة لينا : ام اشرف اشرف مغمض عينو : اممم لينا : علاش قبيلة احم قلتي ليهم بلي هربتي بيا حيت ك ك كتبغيني ...و حشمت اشرف : علاش شنو بغيتي نقوليهم ؟ لينا : امم لحقيقة مثلا ....هو ينوض ليها عريان و العضلات سداسية خلاها مطرطقة عينها اشرف : تي مرضتي و لا ضربت موك شمش نقوليهم راني قاتل بنادم و خاطفك لينا كترمش : ا ا انا غ غ غسولت وو دابا شنو غدير معايا انا اشرف رجع تكا على ضهرو : غنتسنا ديري عقلك في راسو و فاش تبغي ترجعي لداركم غنشد لعشيرة كار لينا : لا مبغيتش نرجع اشرف عطاها بضهرو : خليني نعس دابا منسمعش صوتك لينا بقات تشوف فيه جالسة و بدات تقلب بعينيها على الحمام و لا دريسنغ ...ولو مكين فين تبدل بيجامة ...اضطرت تحيد لكسوة تما من حدو عاطي بوجهو لحيط ...و حاديا معاه و خايفاه يدور ...بقات باونسوبل عاد لبست بيجامة .... كلاسو بفوقاني نص كم ...و حيدت شدة من شعرها خلاتو مطلوق ...و بدات تقلب فين تنعس ...كين غا داك السداري و هي عيانة بزاف و فيها الجوع ...نعست عليه و ليني مرتاحتش حيت مولفة العيش و اكل الوز ...عيات تقلب و تقلب ....والو ...و هي تهز ليزارها و مشات عند اشرف ...حطت غي صبعانها على ضهرو كتململو : اشرف اشرف اشرف بلاما يتحرك : ياااويييل و تكوني منوضانيي على شي بلان خااااويييي لينا : لا غير مقدرتش نعس حيت داك الفوطوي قاصح و فيا جوع ....اشرف هاهو بدا يطلع ليه الخز ....ناض عطاها ناموسية بتخسار الهدرة تاحشمت كاااع ...خلاها تنعس في ناموسيتو و تشم ريحتو فيها ...هو مشا تلاح في سداري تالغدا و يوكلها ....لينا عاد رتاحت شوية في ناموسيتو نعست
لغد ليه في الصباح ...كانو في المراح مجموعين كيفطرو ...لينا جالسة حدا اشرف و كتاكل بوحد الهدوء و ضفرانها مصايبين و مقادين بوحد طريقة انيقة بالمنكير ... و بمنتهى رقي ...كتاكل طرف الخبز مع كاس تاع اتاي ...بالمقابل راكم عارفين اشرف كيف الجدع بخصوص الماكلة الاخضر و اليابس ...و فتيحة و لمياء و نهيلة ...عينيهم على لينا جاتهم درية انيقة بزاف ...يا اما كتمثل قدامهم ...يا هاديك هي حياتها
فتيحة دارت توحلها تاني لاشرف : شنو درتي في الخدمة ؟ اشرف كمل شريب اتاي عادي : مبقات خدمة الوليدة فتيحة كيعصبها بهاد البرود ديال الدم ديالو ... جبدت سندالة سيفطتها ليه ...و لكن هيهات هيهات ...شدها قبل ماتوصل بيد وحدة و لاحها لهيه فتيحة : و باش غتعيش هاد درية لي جاي مهربها من دارهم غتوكلها الحب كون خليتها في دارهم و متعدبهاش اشرف دار فيها نضرة جنب : لي كليناه غادي تاكلوو ياك ولا لا؟ ...دار عند لينا رافع حاجب ...لينا حركت ليه راسها باااه فتيحة : دابا غتقوليك اه حيت يلاه جاية معاك من غدا تحمل ليك بداك الحرام لي تديرو و شوف كيف تفكها ...لينا حشمت ولات مطيشة فهمتها شنو قااالت هبطت راسها للرض اشرف حط عليها كاس بجهد تاقفزو كلهم : دابا اش قربنا لشي حمولية ا الوليدة فتيحة : و انا غادويت علاه مناويش تزوج بدرية اشرف : مصيبة هاد الوحلة تاني (دار عند فتيحة ) فاش غنهز راسي غنتزوج بيها ...و رجع كياكل و لينا غا ساكتة كتشوف فيهم من تحت العين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
