قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
🔧جعلت منه مجرما 🔧 👑oumaima mega 👑 💋16💋 لينا حلت عينيها و دنيها ولا كيصفرو من بعد ديك الطلقة ديال النار ...و تلاحت من رقبت ديك الجاجة تاطحت حدا رجلها و تهرست ...و يد اشرف ترخات من خصرها ...و تزادت طلقة الثانية ...كانو جوج رصاصات في ضهرو خلاتو يتنفض و طلق منها ....و يرجع بلوور يطح على ضهروو ...لينا دارت من وراها و هي في حالة صدمة كتشوف اشرف طايح قدامها ...و فحالا كيلفظ انفاسو الاخيرة ... كانت طلقات من داك سمير فحال رجع بثاروو منوو ... لينا قدرة الاستعاب كتفقدها مبقات كتسمع والو و مكتشوف والو غير اشرف طايح قدامها و عينو مفتوحة شوية ...نزلت عندو تاجلست على ركابيها و هي كتنزل دموع ...و نسيم البحر كيضرب فيها : ا ا شرف اشرف (شدت من يدو ) ا اش ششرف ....و هي تبدااا تبكي بهستيرية و تململ فييه اشرف كتزير و و كيهدر بين سنانو لشدة الالم لي كيحس بيه : ت ت ت تسناينييي غنجيي ... مجا فين يشد في يدها ....حتى جاو شرطة غطاوها بملاية و هزوها غادييين بيها بعييد عليه و هي شادة ليه من يدووو و كتبكييي و تغوت بسميتووو ...و تركل فيهم ... و كتشوفهم غطاو عليه و كتضرب دوك لي هازينها من خسرهااا و كتغوت علييه بسمتوو....و تبكيي ...و دخلت في حالة هستيرية ...تادوها لطموبيل ...بقات لاصقة عند البتب و هما كيحاولوو يدخلووها ...و كتشوف في اشرف لي مبقاش تيبان ليها حيت دارووو بييه ...من غير يدوو لي وسط رجليهم مبقاش كتحرك ....بزز تادخلوووهاااا كتبكيي بزاااف مقدرش تستحمل بدات كتخنق ليهم فحالا غتفقد الوعي و هي كتهدر غير بسميتو ....داوها لمستشفى ... دخلوها للمستعجلات ...اضطرو يدكو ليها برا مهدئة ...و يعلقو ليها السيرووم ...جا جدها تما بعكازو و عمامها و وحدة من عيالات عماماها لي قريبة ليها ... غير باش يشوفوها ..واش بخير ...و سمير مكينش حسووو تمااا... بقاو حداها بالاخص جدها لي اول مرة كيتشاف على وجهو بلي بصح مقلق على حفيدتوو ...و خايف عليها ... داز نهار ناضت لينا ...كتغوت و تبكي بسمية اشرف فحال فمرحلة عصبية باغا تمشي لي قرب ليها كضربوووو ...عاودو دكو ليها برا باااش تهدن ....وجدها شاد العكاز و عاقدهم ....كتبقا حفيدتو من لحمو و دمووو جالس حداها في لوبطال ...و كلشي مضطر يجيي لتمتت ...حتى جاه المندجر الخاص بالجد كيتمشا بزربة و هدر معاه في ودنو ...الجد وسع عينو و دار عندو : شكون ؟ المندجر : ولد سي عبد العزيز ليازيدي بابات سمير لي كان تما جاه اتصال و حط تليفون على ودنو و دار عند الجد : سمييير في الحبس الجد : اش هاد المصيبة تبعتنا ....و دار كيتمشى بالعكاز و دار معاه المندجر و بابات سمير ...و باقي عمامها تهما تفرتكو ...بقات جالسة حداها غير مرت عمها نورا ...حيت خاص وحد يبقا معاها ...و لينا في غيبوبة مخدرينها و عينيها نازل منهم دموع و شفرانها فازكيين
دازت اسبوع تقريبا و لينا في السبيطار ...مكتهدر ماتكلم منين سلات من الهستريا ...دخلت في صمت ولات غير ساكتة و كتشوف في الشرجم ...و دموعها نازلين ...كتفكر غير اشرف و شنو وقع ليه قدامها ...خرجتها مرت عمها من السبيطار و داتها للقصر منين بدات ...هزت عينها كتشوف هاد الحبس لي رجعت ليه تاني ....و طلعوها لبيتها ...جاو عندها عيلات عمامها بولادهم يسولو فيها الا مت سمير لي مبانتش و مسولتش فيها
الجد في المكتب ديالو العريق هاز العكاز و كيمشي و يجي ...و بات سمير شاد من راسووو : شنو غنديرو دابا مبغاش يخرجوه الجد معصب : داك سمير مبغاش يدير عقلو اش داااه يضرب حاولتي تواصل مع سي اليازيدي بات سمير هز راسو : رفض اية هدرة معانا من غير انو كيهدد فينا الجد لاح لعكاااز : هادشي لي بقااا لينا خاصنا نديرو معاه تسوية على هادشي بات سمير : كلشي بسباب ديك البرهوشة الجد هز عليه صبعو : متدويش على لينا ولدك لي مدارش عقلو عطيتووو بنت ولدي العزيز باش يتجمع و يدير عقلو و عطيتو املاك ولدي في يدو و مصانهاش و دابا جاب مشكل قد راسو متحملش بنتي مسؤولية بات سمير نزل راسو : سمحيليا الجد دار عطاه بضهرو وداير يدو من وراه : ضروري نلقاو حل مع هاد اليازيدي ضروري
لينا جالسة فوق ناموسيتها و مجموعة على ركابيها و رجليها و غير كتشوف قدامها ...و كتبكي و ديرين بيها عيالات القصر كيهدرو معاها ...و هي محساش بوجودهم ...فحالا مكينينش بقاو تاعياو و خرجا بقات غا الممرضة ديالها تما كدور ....و هي رجعت تكات دارت لحيط و في يدها ملصقين السيروم ... تفكرت فاش قاليها تسناه ... غيجي ...و هي خاصها تسناه ...هزت عينها في الشرجم غتسناه ...حتى لو مجاش هي غتمشي عندوو ....و بدات كتمر عليها ايامها بهاد الشكل مكتدوي مع حتى حد مكتهدر مع حتى حد جتى الماكلة كتاكلها بلامداق ... حاديا غير داك الشرجم ....كتسناه يجي ....حتى دازت شهر و هي على داك الحال ....رجعت كتوقف باقدامها حافية في البالكو ...و تسناه وخا الحال بدا كيبرد شوية ..هي محساش ببرودتو ... هبطت لتحت ولات كتسناه في الباب ...كتهز راسها لسما و كتسول واش وصل لوقت لي خاصها تمشي عندو و لا تسنا مزال ....حتى دازت شهرين اخرى و بدات كتطيح الشتا ....واقفة كيف العادة في البالكو ....حتى بان ليها طموبيلات دخلو صغرت عينها ....خرج بات سمير و معنق سمير و فرحان بيه ....كان سمير في وضع مزري بزاف و حالتو حااالة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
