جعلت منه مجرما 🔞( قصة قصيرة بدارجة المغربية )

5

🔧جعلت منه مجرما 🔧
👑oumaima mega 👑
💋 5💋
لينا بصدمة : فييين ؟
اشرف بالغوااات : نزليييييي
لينا قفزت ميمكنش فين غيخليها : و لكن ه ه هادي طموبيلتييي
اشراف دار عندها : اناااا سارقهااا  شافرهااا يلاه نزليي
لينا تما لصقت ليه معندها فين تمشي : انا مغنمشييي لحتى بلاصة ب ب بسبابك مات سمير و انا متورطة معاااك و فينما مشيتي غنمشيي
اشرف عض شفايفو و ضرب الفلون تاقفزت مغيبقاش معاها شد قطع خاصو يخوي المدينة .... و كسيرا تانييي ....غادي طاير ...و لينا دارت حزام الامان و تكمدت تماا....اشرف حاس بالخطر ديال بصح موقفش بمرة تاخرج في وحد طريق طوييلة ...جوج سويع كان خارج المدينة و شاد طريق العادية لمدينة اخرة و كان ديك الساع يلاه كيطلع الفجر ...لينا حطت يدها على خدها و  بدات كتشوف في شرجم ... كتشوف في حياتها دابا معرفة لا فين غتمشي لا والو مستقبل مجهووول كتفكر  كيف كان غيتعدا عليها سمير بدم بارد و في قاع دار ديالهم ...لي خاصها تكون هي الامان بالنسبة ليها طلعت هي الخطر عليها ...  شفتي الهروب و بلامأوى حسن ليها من الف قصر لي تعيش فيه مسجونة ...واخا راكبها الخوف ...دارت عند اشرف لقاتو عاقد الغوباشة و شعرو تافزك بالعرق .... ورطاتو معاها في قضيتها كتاسف عليه بزاااف بغات غير تنحي شوية احساس بالخوف ودارت و شعلت راديو باش تنسا  ...اشرف قلب وجهو لهيه هما حاصلين في مصيبة قدها قد السخط ..بقا ليهم غا راديو ....الله يعطينا برود هاد ختناا .... المهيم بقاو غادييين الطريق طويلة ...و بدا يطلع النهار ...اشرف بدا يعيا شوية بسوكان وقفو عند وحد الكافي شعبية تاع اتاي و الحرشة و الملوي

اشرف مدواها مكلمها مهدرها بلاصا طموبيل في جنب و سكتها و نزل و سد فباب  ...لينا غا حاضياه فينما مشا مكتحيدش عينيها عليه حيت عمرها جات لهنا و مكتعرف والو تقريبا في دنيا ..حلت لباب و هبطت برجليها فيهم بانطوفة تاع الدار و كتشوف هاد البلاصة لي شعبية بزاف عمرها وصلت ليها ... اشرف وجهو قااصح داخل كيتبودر عليهم قاتل روح و جاي يفطر .... مجا فين يحط رجلوو تماا حتى حس بشي حد مداحس معاه من اللور في المشيا ...دار غا نص دورة بانت ليه هي لاصقة فيه كيف المشا دور في عويناتها تما و شادة من قميجتو بيدها و مزيرة عليه ...تنهد مكتابة عليه معندو ميدير ... و كانو شي رجال كيسوقو كيران و رموكات جالسين و كيفطروو هزو عينيهم...شافو بنت كتبان شي حاجة غير من لباسها و شكلها ماشي ديال هاد لبلايص ...و تابعة اشرف لي كيبان بديك لبسة ديال العمال مع خضر فحال شي عامل نضافة ....و لكن طولتو و تبوكيصتو مغطية على الوضع و الكبية فوق راسو ديماا....ماعلينا مشا ريح و هي جات ريحت قدامو في داك الكرسي العجيب لي نصو عوج و غير تتشوف هادشي الحيوط مقشرة العشوائية في طياب ...النحل كيدور على الحلوة مكشوفة جا عندهم سرباي  ....اشرف دموندا على براد تاع اتاي و طبسيل ملوي هو يقفزها : شنو بغا ملوي ولا حرشة ...كينهض فيها ماشي كيهدر معاها
لينا دارت مجبدة فيه عويناتها : ءءءء؟ ب بغيت بغيت بانك كيك ولا تشيز كيك مع كاس ديال الحليب ....سرباي لي واقف حل فمو و دار عند اشرف : سيدي معندناش هادشي

اشرف مشبك يدو و قاني عليها بعينو : كضحكيي على الوقت نتي اشمن تشيز و لا خرا  عندك جوج حويج يا ملوي يا حرشة الفشوش خاوي معندي مندير بيه هنا تانوصلك لمدينة و غنعطيك قزديرتك و تغبري
لينا مصدومة فيه معارفة فين تمشي كتفرك يدها : ع ع عافاك خ خود طموبيل و خليني معاك
اشرف : تي واش ضرب جدك شي حمار و لا مالك (طلع عينو في صرباي ) سير جيب ليها الملوي و دير فيه شوية شكلاط زبدة (مشا سرباي و رجع دار ليها كيدوي بشوية ) ا الخوديرية انا معندي فين نخبيك انا ناوي نغبر عند لوليدة شي يامات بينما هدات القضية و نطلع لصحرا نتخبا تما و لا غا نحرك
لينا : د د يني معاك ؟
اشرف خرج فيها عينو : واش غتسطي ديال ميي ولا مالك منين كتفهمي منين نتي راك شوهة
لينا بدات تدمع عليه تما و تبكي : هيء هيء معندي فيين نمشيي معندييش فيين هيء ...بدات تبكي و تنحط و مع اصلا لقهوة حاضياها ...كيشوفو هاد البنت لي باينة فيها ملعقة و تبوكيصة و زين و طايحة مع عامل نظافة كيبكي فيها ....اشرف كيدور عينو لونتوراج و تيسكتها : واش مرضتي نتي جمعي عليا دموعك نطلعو لوطو و ندويو نشوف عندمن نخليك ... لينا بزز تا قدرت تسكت ليه عاد جابو الفطور .... و بدا اشرف تايحل...و حتى لينا كلات عجبها لمسمن فايت ليها ديقاه ...و لكن هادا مكينش فحالو مع اتاي منعنع ...اما اشرف فتبرك الله ضرب جوج ملويات مع براد اتاي ...مع دخامة لي عندو كيكونصومي بزااف ....ايوا كانو جالسين خير و سلام ....و مول قهوة طالق الراديو ...و داارو اعلان عاجل في راديو ....و هنا غيبدا اللعب ديال الصح ...بداو كيدويو على شي خاطف و قتال و سراق ...سميتو اشرف ليازيدي و كيعطيو مواصفاتو و اش لابس و طموبيل لي خرج بيها كيديرا ...و بلي خطف الانسة  لينا بنت عائلة الرشدي... ووصفينها كيديرا ... تخيلوووو اشرف كان تياااكل بربي توحلت ليه الماكلة في الحلق ...ناري على تهم تحطو فيه مشا فيها كفتة مصهدة نيييت  ...و لينا شدت من قلبها و صدرها كترعد ...دارت عندو لقات شهيتو تقفلت و حجبانو تكرنووو ...بزاااف على الزهر عند هاد السيد واايليي ...بعدا تاحد في القهوة ممسوق لراديو كلشي ملهي مع القس و كيخشي في وجهو ....اشرف اول حاجة ناض دارها بعدااا معبرهاااش حيت القضية حماضت هبط الكبية على وجهو و  مشا خلص ...و لينا ناضت من وراه  مشات تابعاه