قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
ايوا فتيحة افضل حاجة عندها غرامها حبهااا تدوي ليها على اشرف و مغامراتو ....جلست و بدات تعاود ...بلي شي حد كان تحرش بشي وحدة في السوق و تما ...كان اشرف واقف كيتكيف مع الدراري ...و جا حاما عليها ...و ناض لاخر محشمش بغا يطايف معاه ...نوض ا اشرف هز الكيلو من عند الخضار و عطاه بيه الراس ....تما دغيا دغيا اشرف ندم ... يحساب ليه السيد مات ... لينا كتسمع و تتفكر غا البلان لي وقع ليها مع سمير يا سبحان الله ...المهيم دخل الحبس وحد ستة الشهر و خرجو باه ...خدم يبريكولي مع وحد مول تريتور نوض مالقا غا عرس داك خونا لي ضربو مع ديك خيتي نيت لي تحرش بيها ....هما يتعرسو وهو يمشي فيها ...ناض نوض ليهم العافية تما و حرق ليهم الخزانة ....شدوه تاني و خرجو باه بكفالة .... و رجع يقرا ...شد الماستر تاعو و جا باش يخدم لقاو سجل العدلي ديالو ناشط و راهو من قنت القنت يدور ...و مراضيش يخدم مع باه ....لينا يلاه غتحل فمها و تسولها على باع..هو يتحل لباب و دخل سي اشرف عاقدهم ... لينا غير شافتو و هي توسع عينها و حدرت راسها بالخجل ...و تخشات من ورا فتيحة ....اشرف قلب عليها بعينو ...بانت ليه كتطل عليه بعوينة من ورا ضهر فتيحة ...مشا لعندهم باس راس فتيحة ...لي مفكوعة منو زعمة ...و هز لينا من دراعها ...و جرها معاه و داهااا معاه طلعها للسطح ...فتيحة جبدات عينيها طرطقتها فيهم تبعاتهم بتحنزيز ....لينا غادا و قلبها يضرب يضرب كترعد ... فحالا منعرف اش غيقول ليها ....طلعها لسطح ...دور عينو بشكل جنب ...و مشا لصور القصير ديال السطح ....و دورها قدامو و حط يدو بجوج على الصور وهي وسطو مكمشة ...و طلعتها سخونية و الحمورية و قلبها تيضري ...هو ميل راسو كيشوف في زنقة و عاقدهم كن ورا ضهرها ....حاضي المقدم لي كان جاي تابعو و كيسول عليه ...حيت عاارفين المقدمية بركاكة تاع البوليس
لينا تزيرت و هي ضامة يدها و حانية راسها : ش ش شنو بغيتيني اشرف قرب ليها فحالا غيعنقها و كيشم فيها ريحة زوينة بزاف و مشا لودنها كيهدر بشوية : لمياء هنا بغيتك في ليل تكوني لابسة حويجك باش نخرجو لينا جبدت عينها بين كتافو و مالت لعنقو : علااش ؟ اشرف دور فيها غير عينو : علاش ناوية تبقاي هنا ؟ لينا كترمش فيه : ل لا ل لا غ غ غير هو علاش بهاد الزربة اشرف عض فمو بالعصاب و قرب حتى لوجهها رجعت راسها شوية : واش عارفة بلي بمسبتك نتي انا مجرم غيضربوه بعشرين عام ديال الحبس و هارب من داري جاي عند الوليدة مخبي و كتقوليا هاد الزربة لينا نزلت عويناتها باسى : و نتا علاش كدير هادشي ؟ مطلب منك حتى وحد دير هادشي ؟ اشرف رفع فيها حاجب : اياااه ا لالة ؟ لينا هزت فيه عينيها طرطقتهم فيه : الى كنتي كدير هاكا غير حيت بقيت فييك فماقالك حتى وحد دييروو ... خلاتو مخنزر فيها صدماتو و قلبت وجهها دفعاتو شوية و بغات تمشي غدا فحالها ...هو يشدها من دراعها رجعها قدامو اشرف : علاش سيادتك اش باغا ؟ شوفي بلاما تقنبلي علييا لينا خرجت دراعها من يدو مخنزرة فيه : فاش تعرف راسك شنو باغي مني ديك الساعة عاد نمشي معاك انا غنبقا هنا ...و مشات عاطياه بضهرها معصبة ...خلاتو واقف تما كيشوف ...هز يدو دوزها على راسو ها التسطية لي مبغاهاش ...اش غيدير دابا ...دار لداك المقدم شنو تهو يقتلو ...باش يتهنا و لا شنو غيدير
لينا هبطت مقلقة من تماا ...لبارح باسها ليوم كيهدر فحالا دير فيها صدقة ...والله لا زادت معاه حتى يدير شي حاجة معرفتش مهيم يدير شي حاجة ...و مشات دازت على فتيحة و نهيلة جالسين ....و مشات لبيت
نهيلة : مالها ؟ فتيحة : غيكون قلقها داك الصكع لي عندنا لفوق جايب دريا من قاع الكاس و بارك يبهدل فيها نهيلة : كيفاش قاع الكاس فتيحة : و هاد درية لينا باينة لاباس عليها متشوفيهاش فينما جلست تخلي ريحتها زينة تابعاه و الاداب و الحشمة معرت كي دار تا لعب ليها براسها تا هربت معاه نهيلة : ولكن امي تا اشرف يستاهل تهو ولد وحد لباس عليه غير مبغيش يعتارف فتيحة : ايوا ابنتي لي في عرقو الدهب كيقلب غير على الدهب
لينا لداخل مربعة يدها غتفركع شي نص ساعة عاد دخل عليها اشرف ...و هي تعطيه بضهرها و مربعة يدها ...اشرف حيد القبية و كيشوف فيها : وجدي راسك غنمشيو بليل (لينا مجوباتوش هو لبس القبية الثانية كحلة و كيوجد ) واش سمعتيني اش قلت ....مجوباتوش و هي باقا غاعطياه بضهرها....شي ربع ساعة ديال السكات ....هو يشير بكاس لحيط ....ناضت لينا شاهقة و شادة من قلبها ....مجات فين دور ...حتى جبدها و لصقها مع الحيط ....و قرب ليها وهي ميزر على دريعاتها و جامعها بيهم و هي كلها كتناخد في يدو
اشرف : شنو واقع مالنا على هاد قطعة الهدرة لينا تزيرت و عينيها بداو كيعمرو بدموع : واش انا بالنسبة ليك فحال ديك البنت لي تشديتي عليها المرة لولة اشرف عقد الغوباشة : تشديت عليها ؟ (هو ينفر ) الوليدة خاصها تخرج كتاب لينا هزت يدها كيترعدو و حطتهم على صدرو و قربت لعندو : شنو انا بالنسبة ليك ا اشرف ( بلاتي بلاتي فحالا بدا يفهم اش باغا وعرف علاش كترمي هو يبدا يطلقها بشوية بشوية من دريعاتها و هي كتزيد تزير عليه على صدرو ) اشرف ....حيد يدها و دار غير نص دورة ... لينا جبدت عينها بصدمة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
