جعلت منه مجرما 🔞( قصة قصيرة بدارجة المغربية )

7

🔧جعلت منه مجرما 🔧
👑oumaima mega 👑
💋7💋
من بعد ساعات قليلة ... في جويه العصر كان قريب يودن المغرب ....وصلو لوحد المدينة كبييرة ..فيها الاحياء الشعبية بزاااف .... و لينا كانت ناعسة فوق حجر اشرف وواخدة راحتها محاساااش...مغطيها بوحد ليزار خفيف واخدو من عند لخدامة لي تما ...و حاط يدو فوق راسها ....كيبان فحالا هارب مع صاحبتو ...ماشي غامهربها هي ... توصلو لوحد السويقة فيها الغوات و الحيحة و الخضارة و صحاب الديسير كيتغاوتو ...نوض لينا من نعاس...لي ناضت كتحك في عينيها و كتسول واش وصلو ...مهيم نوضها من فوق الفيست ديالو ...و لبسو ...و نزل من الرموك و دار هزها من خصرها و هي مزيرة على دراعو ...حتى هزها الفوق كيف ريشة و نزلها لارض قدامو ... و شكر دوك مالين الكاميوات على الجيست و كدا ... و شد ليها من بديها و لاول مرة غيحس بيديها بين يدو ....كانو رطبين ...غير شدها كانت غتزلق ليه من يدو ...تحسسها بين بصبعو ....و لينا غا تدور عينها في هادشي لي عمرها طاحت عينيها عليه مع سويق و الغوات و داكشي ...و صداع بزاف ...مشا جارها بين كلشي ...و هي كتمشا و دايخة بين الناس ...كانت مختالفة على كلشي تما و فينما دازت تيتبعوها بعينيهم حتى كدوز ... توصل لدروبة ...تما دخل لوحد درب مشا عند دار صاحبو هو لول دق عليه تتخل لباب و دخل و دخل معاه لينا لي غا تتشوف بعينيها ديك دار لي قربت تريب بكثرت ما حيوطها راشييبن...كان صاحبو من صحاب سيكتوور كلو مخسر ليه كمارتو ...كان سميتو فريد

فريد شاف في اشرف و طلع شوفة في لينا لي وقفت بكل لباقة ضمات يدها و كتشوف : شكون هادي ا صحبي
اشرف كيحيد في الفيست : صحبتي و دابا دبر ليا في لباس ....لينا دارت عندو بصدمة حيت هي ماشي صحبتو و تا قبيلة قال مالين رموك مرتوو
فريد : اوووو هههه وا راك صياد ا صحبي من سلوى لهادي و شتانا بين تلك و تلك هههه
اشرف : خشي عربيتك في ك*رك و خلينا نمشيو ....كان عند فريد خوه صغير برهوش كيزصل لهدرة غا سمع اش كين ...و دردك مشا خرج
فريد : ختي ريحي دار دارك
لينا بصويت حنين : شكرا ..و جلست في طرف تاع صداري
اشرف : تاقلب عليها ...فريد دار عندو و لصق عندو كيدوي بشوية زعمة: وايلي اصحبي راها توتة فين دبرتي عليها (اشرف حيد لفيست ولبس قبية بزرق و عاقدهم ) من سلوى الخياطة لهادي فين لقيتيها نمشيو نتقداو تحنا
اشرف هز فيه راسو قلب ليه الموضوع : دبر لينا ا صحبي على سروال وايلي
فريد قاليه واخا و مشا و مشا معاه حتى اشرف ...و بقات لينا جالسة كتدور في عينها تنهظت ...كتسول شنو متلا واقع دابا في القصر عندها تخوف كبيير من لي جاي ... غمضت عينها و زيرت على راسها كتقنع راسها بلي هادي هي طريق الصحيحة و اختيار الصحيح ...فتحت عينها في اشرف خارج ..بلباس جديد قبية و سروال دجين ...و خرج من الدار و ناضت لينا حتى هي تابعاه ...غادية معاه خطوة بخطوة ...جرها من يدها باش تجي حداه على حساب الدرب و داكشي باش ميدسر عليها حد ...توصل لحومة ديالهم ...لي كانت مطرطقة ببنادم سيغتوو العيالات العيالات ...العيالات في مل مكان ..غا مستفين تماااا ينمنمو في الغادي و جاي....تدخل عليهم اشرف ...بلينا ...و مع لينا عاطية لعين كتبان فحال شي كاورية ...هو غادخل تما طلق من يدها على حساب شوهة و داك تخربيق ...ايوا كينة غا ديري يدك على فمك و تفرجي ...و دييري شالك و خرجي تشوفي ...دغيا دغيا دارت اشاعة ....قال قال ولد فتيحة ...جايب مرا جايب كاورية جايب الخطيبة مدخلها على مووو ...المهيم دارت دغيا بيناتهم ....و العازبات لي كانو و حاطيين عينو علييه ...غير لي سمعت الهدرة تطييح برياح ...يجيبو ليها السوارت يفيق ها ...لينا غير تتشوف في هاد الناس لكثار لكلشي عايش هنا .... في هاد لبلاصة لي بالنسبة ليها مضيقة ...ايوا مجا فين يوصل اشرف لدارهم لي جات شوكة في القنت ...تالقا وحد سيدة غليضة فتيحة هازا كراطة ...و شادينها جوج بناتها نهيلة و لمياء...و من وراهم خو فريد الصغير ... اشرف كيقرب صغر عينو ... واش هادا استقبال و لا شنو ...كيفاش تعرفوه جاي ...حيت مقشعش البرهوش من وراهم وصل الهدرة ....ايوا مجا فين وصل تاهرست فوق منو كراطة ...مفهم تالعبة و مع صحيح مقرتش فيه ....لينا شهقت و دارت يدها على فمها مصدومة من هادشي ....اشرف حاول غايشد فتيحة يستفسر على هادشي وليني كتعرفو شكون فتيحة ...طرزان بالحجم الضخم ...تطلع فوق منهم كاملين و ميقد عليها حد...و كتغوت على جهدهاااا : هادشييي لييي بقاااا كملتيي كاع المنتفااات في دنيااااا بقااات ليك غا هاديييي
اشرف شاد ليها يديها بجوج متبتها و عاقد الغوباشة كيحساب ليه عارفة بلي هو لي دواو عليه في راديو : الوليدة خلينا نهدرو
نهيلة : بلاتي اميي نسمعووو منوو
لمياء : مييي عافالك خلينا نسمعو ....وليني فتيحة والو قالت ليوم نتحير في زنقة و الغوات و صداع و ناس كيطلوو ...لينا عمرها شافت هاد العجب غا مصدومة
اشرف غمض عينو بقا يصبر يصبر على الغوات و صداع ...تاغوت كيف السبع سكت كلشي : براااااكاااا مالناااا على هاد الصداااع دخلووووو يلاه (تما مجوبوهش فتيحة دارت دخلت غضبانة و تبعوها بناتها وهو دار لعند لينا قفزها ) غتبقاااي تم
لينا : ءءء؟ لااا
اشرف : و كتسناي لعراضة زيدي لبغا تزيدي ...معودتش معاه الهدرة جات تجري عندو ...