قصة قصيرة الثالتة 🔞 طبعا ممنوعة من النشر 🔞
🔧جعلت منه مجرما 🔧
🛠️قصة تهيا مبعيداش على واقعنا احداثتها في الاماكن الشعبية .... بطلتنا انسانة لباس عليها و لكن عايشة في عدااب .... مع خطيبها لي تهو من الطبقة الثرية ...و داكشي علاش غتقرر...
تاسلاو ...و ناضت قدامو ...و هو يشد ليها من مؤخرتها لي كان ديما تيحضيها ...حيدت ليه يدو وخرجت فيه عينها ....و خرجو برا ...مشاو كملو نهار مع فتيحة و بناتها ...و لينا غا تعنق فيهم غتوحشهم ...و في ليل ...اشرف دخل هو لول ينعس حيت قدامو طريق ...و لينا جلست معاهم و شداتها البكية على فراقهم ....بزز تا تهزت من حداهم ...و دخلت لبيت لقات اشرف في سابع نومة فوق السداري ...مشات نعست و كتفكر في هادشي ..لي مرون غيتقاد كلشي اكيد هي كثيق بلي غيتقاد كلشي و غتعيش مع اشرف و مغترجعش لديك الدار مرة اخرى مغترجعش ليها هي كثيق في اشرف ....غمضت عينيها على هاد الحلم ...زوين لي مبغاتوش يسالي بغات تعيش هنا ....و مع اشرف ...و لكن خوف كيقطعها من لداخل شي حاجة متخوفة منها معرفتش شنو هي بقات هاكاك تا داها النعاس ....فاقت على يدين كيزعزعوها ...بزربة حلت عينها مفزوعة ....كانت لمياء وجهها صفر
لمياء : لينا نوضي نوضييي قالك خويا يلقاك واجدة دااابااا متعطلييش لينا شدات من يدها : علاااش شنوووو كين ؟ لمياء : لبولييس (لينا قلبها وقف ) جاو خبار لخويا بلي بوليس كيقلبو عليه في درب نوضي لبسي حويجك دغيا ....ناضت لينا مخلوعة و بدات تلبس حويجها لي جات بيهم ...و خرجتها لمياء من البيييت ....و داتها طلعتها للسطح ...كان تما اشرف ...كيهدر مع وحد من ولاد الدرب من السطح التانيي ...و باين في اشرف طالعة ليه ....و فتيحة تتندب مخلوعة هي و نهيلة
اشرف : صافي نعول عليييك اسااط صاحبو لي من لهيه : راه دوخووو دراري لبولييس شوف نتا دار سااابعة غتلقا باب السطح محلول نزل خود موطور ايوب و طيير اشرف : العز بييك خويااااا لينا كتبكيي : اشرف (اشرف دار عندها و مشا عندها شدها من خدودها و هي كتبكي ) صافي لقاونا بسبابي كان علينا نمشيو لبارح اشرف : ششششش ملقانا حد اجيي ....و داها لسور لي فاصل بين سطحهم و سطح جيران
فتيحة : الله يحفظكم اوليداتييي الله يرضي علييكم اشرف : دعي مع ولدك ا الوليدة تهلااااو ....و دار هزها و طلعها لسور و طلع من وراها ....و جرها من يدها كيجريو ...سطح من مور سطح ...و هنا بداو كيسمعوو ...صوت السطافيط لتحت ..اشرف عرف بلي عاقو بيهم كيحاول يدير ..لينا قداموو ...كيجري بيها ...و زعمة ولاد درب معاونين معاهم شدو السطوحة ...مكين غير زييد هرب ... مهيم تروبل درب كولو ...توصلو لدار ايوب نزل في دروج ...لقا الموطور بساروتو ...طلع فيه و لينا من وراه كترعدشدت يه و زيرت عليه ...خت ايوب حلت ليهم الباب ...و خرجو لبوليس من جنب ...و هنا غير شافوهم بداو لعبة المطاردة ... اشرف عاقدهم و مركز في طريق ...و كيكسيرييي ....و هما من موراه خرجووو لشاريييع ... و كيحاولو يلعبو معاه في الطريق ...تهو مولف بسبوييي سورف...كينين غير زلق و زييد ...و فينما زاد مخلي عباد الله تفرج ...و لينا معنقاه مزيرة عليييه و مخشية فيييه .....تا قربووو يوصلووو للموون ....تما خرجوو ليهم طموبيلات اخرين ...لينا غا شافتهم عرفتهم رجال تابعين لجدها ...زادت خااافت و مزيرة على اشرف و غمضت عينها و كتطلب ربي ينجيهم منهم ....اشرف ضرب ليهم الدورة تانيي ... و زاد كيكسيريييي .... كان مخطط يلعب معاهم يتخشا ليهم فشي لعبة ...و لكن هاد طموبيلات نكحو ليه الخطة .... بقا غادي هاد المرة معرفش فين ...هو يحل عينوو فاش لقاا قدامو فحال شكل تلة مقسومة بالحجر و كطل على البحر ...يعني سلات الطريق ....كانت هاديك هي صدمتو مضربش ليها حساب...و وقف موطور على الحافة نيشان... لينا حست بلي وقفو حلت عينيها و طلت من ورا كتفو بان ليها البحر قدامهم ...و هنا جاتها فحال تصرفيقة ....و من وراهم بزاف طموبيلات كحليين وقفووو ...و البوليس حتى همااا ..خرجو و هازين السلاح عليهم
بولييس : حططط لي في يدك سلمناااا رااسك ....اشرف تما عرف راسو حصل ...كلو ولا عرق و عينو ولاو حمرين ...كيفكر مغيقدرش يخلص راسو دابا مستحيل يفلت منها ...على الاقل ماشي دابا ...و غيخدو ليه لينا و قدرو يديرو فيها اية حاجة خاصة لا عرفوها هربت معاه ماشي خطفها ...خاصو يدير شي بلان ...و هي تبان ليه قرعة شراب رخيصة خاوية في لرض ديال الجاج متعطلش نزل من الموطور و هزها بللهف ..جبدها هرسها مع لرض ...و جر لينا قدامووو شدها من خصىها لصقها عندو...و حط الزاجة مهرسة على عنقهاا ...لينا معرفت باش تبلات تدلات في كتفوو و هازا رقبتها و كتنهج و مزير عليها ....حركة زعزع فيها كلشييي
لينا : ا ا اشرف اشرف مال ليها في ودنها هو كيشوف فيهم : غادي تمشي معاهم دابا لينا هنا بدات كتبكي و تتقوليه لا براسها : هيء هيء مبغييتش بغيت نبقا معاك هيء هيء اشرف كيهدر بين سنانو : شش غنجي ندييك مغنتعطلش تسنايني (و بدا كيقرب ليهم بشوية بشوية و هما موجهيين السلاح و كيغوتووو حط ما حط ) لا عرفوك معايا مغنشوفكش مرة اخرى خليهم ليحينها في الاختطاف لينا كتحاول تفراني برجلها باش متزيدش القدام و كتبكي : هيء هيء لا مبغييتش غيقتلوووك غيقتلوووووك هيء هيء اشرف دفن نيفو في شعرها و عينو عليهم و مزال هاز جاجة : غنتوحشك ا تيتيزة ديالي مغنتعطلش (هو يهز راسو و هدر معاهم ) لي حاول يقررررب غنقتل مهااااااا ....خلا الشرطة يتغاوتووو بلااا غيقتلووه لا دارها و ولاو كيسايسوو معاه ....و لينا غمضت عينييها و كتبكييي في يدووو بهستيرية مقدراش تخلا عليييه مقدرااااااش .. و هي تسمع طلقة ناااار دازت على ودنيها .. في جو من الصمت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
